శ్రీమద్వాల్మీకీయ రామాయణే యుద్ధకాండమ్ ।
అథ ద్వాదశస్సర్గః ।
సతాంపరిషదంకృత్స్నాంసమీక్ష్యసమితింజయః ।
ప్రచోదయామాసతదాప్రహస్తంవాహినీపతిమ్ ॥ 1 ॥
సేనాపతేయథాతేస్యుఃకృతవిద్యాశ్చతుర్విధాః ।
యోధానగరరక్షాయాంతథావ్యాదేష్టుమర్హసి ॥ 2 ॥
సప్రహస్తఃప్రణీతాత్మాచికీర్షన్ రాజశాసనమ్ ।
వినిక్షిపద్బలంసర్వంబహిరంతశ్చమందిరే ॥ 3 ॥
తతోవినిక్షిప్యబలంసర్వనగరగుప్తయే ।
ప్రహస్తఃప్రముఖేరాజ్ఞోనిషసాదజగాదచ ॥ 4 ॥
విహితంబహిరంతశ్చబలంబలవతస్తవ ।
కురుష్యావిమనాఃక్షిప్రంయదభిప్రేతమస్తుతే ॥ 5 ॥
ప్రహస్తస్యవచశ్శ్రుత్వారాజారాజ్యహితైషిణః ।
సుఖేప్సుస్సుహృదాంమధ్యేవ్యాజహారసరావణః ॥ 6 ॥
ప్రియాప్రియేసుఖందుఃఖంలాభాలాభేహితాహితే ।
ధర్మకామార్థకృచ్ఛ్రేషుయూయమర్హథవేదితుమ్ ॥ 7 ॥
సర్వకృత్యానియుష్మాభిస్సమారబ్ధానిసర్వథా ।
మంత్రకర్మనియుక్తానినజాతువిఫలానిమే ॥ 8 ॥
ససోమగ్రహనక్షత్రైర్మరుద్భిరివవాసవః ।
భవద్భిరహమత్యర్థంవృతశ్రియమవాప్నుయామ్ ॥ 9 ॥
అహంతుఖలుసర్వాన్వస్సమర్థయితుముద్యతః ।
కుంభకర్ణస్యతుస్వప్నాన్నేమమర్థమచోదయమ్ ॥ 10 ॥
ఇయం చ దండకారణ్యాద్రామస్య మహిషీ ప్రియా ।
రక్షోభిశ్చరితోద్దేశాదానీతా జనకాత్మజా ॥ 11 ॥
ఇయంచదండకారణ్యాద్రామస్యమహిషీమయా ।
రక్షోభిశ్చరితోద్దేశాదానీతాజనకాత్మజా ॥ 12 ॥
సామేవశయ్యామారోఢుమిచ్ఛత్యలసగామినీ ।
త్రిషులోకేషుచాన్యామేనసీతాసదృశీమతా ॥ 13 ॥
తనుమధ్యాపృథుశ్రోణీశరదిందునిభాననా ।
హేమబింబనిభాసౌమ్యామాయేవమయనిర్మితా ॥ 14 ॥
సులోహితతలౌశ్లక్ష్ ణౌచరణౌసుప్రతిష్ఠితౌ ।
దృష్ట్వాతామ్రనఖౌతస్యాదీప్యతేమేశరీరజః ॥ 15 ॥
హుతాగ్నిరర్చిస్సంకాశామేనాంసౌరీమివప్రభామ్ ।
ఉన్నసంవిమలంవల్గువిపులాంచారులోచనమ్ ॥ 16 ॥
పశ్యంస్తదవశస్తస్యాఃకామస్యవశమేయివాన్ ।
క్రోధహర్షసమానేనదుర్వర్ణకరణేనచ ॥ 17 ॥
శోకసంతాపనిత్యేనకామేనకలుషీకృతః ।
సాతుసంవత్సరంకాలంమామయాచతభామినీ ॥ 18 ॥
ప్రతీక్షమాణాభర్తారంరామమాయతలోచనా ।
తన్మయాచారునేత్రాయఃప్రతిజ్ఞాతంవచశ్శుభమ్ ॥ 19 ॥
బహుసత్త్వసమాకీర్ణం తౌ వా దశరథాత్మజౌ ।
అథవా కపినైకేన కృతం నః కదనం మహత్ ॥ 20 ॥
బహుసత్త్వసమాకీర్ణంతౌవాదశరథాత్మజౌ ।
అథవాకపినైకేనకృతంనఃకదనంమహత్ ॥ 21 ॥
దుర్ జ్ఞేయాఃకార్యగతయోబ్రూతయస్యయథామతి ।
మానుష్యాన్నోభయంనాస్తితథాపితువిమృశ్యతామ్ ॥ 22 ॥
తదాదేవాసురేయుద్ధేయుష్మాభిస్సహితోఽజయమ్ ।
తేమేభవంతశ్చతథాసుగ్రీవప్రముఖాన్హరీన్ ॥ 23 ॥
పరేపారేసముద్రస్యపురస్కృత్యనృపాత్మజౌ ।
సీతాయాఃపదవీంప్రాప్యసంప్రాప్తౌవరుణాలయామ్ ॥ 24 ॥
అదేయాచయథాసీతావధ్యౌదశరథాత్మజౌ ।
భవద్భిర్మంత్ర్యతాంమంత్రస్సునీతంచాభిధీయతామ్ ॥ 25 ॥
నహిశక్తింప్రపశ్యామిజగత్యన్యస్యకస్యచిత్ ।
సాగరంవానరైస్తీర్వానిశ్చయేనజయోమమ ॥ 26 ॥
తస్యకామపరీతస్యనిశమ్యపరిదేవితమ్ ।
కుంభకర్ణఃప్రచుక్రోధవచనంచేదమబ్రవీత్ ॥ 27 ॥
యదాతురామస్యసలక్ష్మణస్యప్రసహ్యసీతాఖలుసాఇహాఽహృతా ।
సకృత్సమీక్ష్యైవసునిశ్చితంతదాభజేతచిత్తంయమునేవయామునమ్ ॥ 28 ॥
సర్వమేతన్మహారాజకృతమప్రతిమంతవ ।
విధీయేతసహాస్మాభిరాదావేవాస్యకర్మణః ॥ 29 ॥
న్యాయేనరాజకార్యాణియఃకరోతిదశాననః ।
నససంతప్యతేపశ్చాన్నిశ్చితార్థమతిర్నృపః ॥ 30 ॥
అనుపాయేనకర్మాణివిపరీతానియానిచ ।
క్రియమాణానిదుష్యంతిహవీంష్యప్రయతేష్వివ ॥ 31 ॥
యఃపశ్చాత్పూర్వకార్యాణికర్మాణ్యభిచికీర్షతి ।
పూర్వంచాపరకార్యాణినసవేదనయానయౌ ॥ 32 ॥
చపలస్యతుకృత్యేషుప్రసమీక్ష్యాధికంబలమ్ ।
క్షిప్రమన్యేప్రపద్యంతేక్రౌంచస్యఖమివద్విజాః ॥ 33 ॥
త్వయేదంమహాదారబ్ధంకార్యమప్రతిచింతితమ్ ।
దిష్ట్యాత్వాంనావధీద్రామోవిషమిశ్రమివామిషమ్ ॥ 34 ॥
తస్మాత్త్వయాసమారబ్ధంకర్మహ్యప్రతిమంపరైః ।
అహంసమీకరిష్యామిహత్వాశత్రూంస్తవానఘ ॥ 35 ॥
అహముత్సాదయిష్యామిశత్రూంస్తవనిశాచర ।
యదిశక్రవివస్వంతౌయదిపావకమారుతౌ ॥ 36 ॥
తావహంయోధయిష్యామికుబేరవరుణావపి ।
గిరిమాత్రశరీరస్యమహాపరిఘయోధినః ।
నర్దతస్తీక్ష్ణదంష్ట్రస్యబిభీయాద్వైపురందరః ॥ 37 ॥
పునర్మాంసద్వితీయేనశరేణనిహనిష్యతి ।
తతోఽహంతస్యపాస్యామిరుధిరంకామమాశ్వస ॥ 38 ॥
వధేనవైదాశరథేస్సుఖావహంజయంతవాహర్తుమహంయతిష్యే ।
హత్వాచరామంసహలక్ష్మణేనఖాదామిసర్వాన్హరియూథముఖ్యాన్ ॥ 39 ॥
రమస్వకామం పిబచాగ్య్రవారుణీంకురష్వకార్యాణిహితానివిజ్వరః ।
మయాతురామేగమితేయమక్షయంచిరాయసీతావశగాభవిష్యతి ॥ 40 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే ద్వాదశస్సర్గః ॥
