শ্রীমদ্বাল্মীকীয রামাযণে যুদ্ধকাংডম্ ।
অথ দ্বাদশস্সর্গঃ ।
সতাংপরিষদংকৃত্স্নাংসমীক্ষ্যসমিতিংজযঃ ।
প্রচোদযামাসতদাপ্রহস্তংবাহিনীপতিম্ ॥ 1 ॥
সেনাপতেযথাতেস্যুঃকৃতবিদ্যাশ্চতুর্বিধাঃ ।
যোধানগররক্ষাযাংতথাব্যাদেষ্টুমর্হসি ॥ 2 ॥
সপ্রহস্তঃপ্রণীতাত্মাচিকীর্ষন্ রাজশাসনম্ ।
বিনিক্ষিপদ্বলংসর্বংবহিরংতশ্চমংদিরে ॥ 3 ॥
ততোবিনিক্ষিপ্যবলংসর্বনগরগুপ্তযে ।
প্রহস্তঃপ্রমুখেরাজ্ঞোনিষসাদজগাদচ ॥ 4 ॥
বিহিতংবহিরংতশ্চবলংবলবতস্তব ।
কুরুষ্যাবিমনাঃক্ষিপ্রংযদভিপ্রেতমস্তুতে ॥ 5 ॥
প্রহস্তস্যবচশ্শ্রুত্বারাজারাজ্যহিতৈষিণঃ ।
সুখেপ্সুস্সুহৃদাংমধ্যেব্যাজহারসরাবণঃ ॥ 6 ॥
প্রিযাপ্রিযেসুখংদুঃখংলাভালাভেহিতাহিতে ।
ধর্মকামার্থকৃচ্ছ্রেষুযূযমর্হথবেদিতুম্ ॥ 7 ॥
সর্বকৃত্যানিযুষ্মাভিস্সমারব্ধানিসর্বথা ।
মংত্রকর্মনিযুক্তানিনজাতুবিফলানিমে ॥ 8 ॥
সসোমগ্রহনক্ষত্রৈর্মরুদ্ভিরিববাসবঃ ।
ভবদ্ভিরহমত্যর্থংবৃতশ্রিযমবাপ্নুযাম্ ॥ 9 ॥
অহংতুখলুসর্বান্বস্সমর্থযিতুমুদ্যতঃ ।
কুংভকর্ণস্যতুস্বপ্নান্নেমমর্থমচোদযম্ ॥ 10 ॥
ইযং চ দংডকারণ্যাদ্রামস্য মহিষী প্রিযা ।
রক্ষোভিশ্চরিতোদ্দেশাদানীতা জনকাত্মজা ॥ 11 ॥
ইযংচদংডকারণ্যাদ্রামস্যমহিষীমযা ।
রক্ষোভিশ্চরিতোদ্দেশাদানীতাজনকাত্মজা ॥ 12 ॥
সামেবশয্যামারোঢুমিচ্ছত্যলসগামিনী ।
ত্রিষুলোকেষুচান্যামেনসীতাসদৃশীমতা ॥ 13 ॥
তনুমধ্যাপৃথুশ্রোণীশরদিংদুনিভাননা ।
হেমবিংবনিভাসৌম্যামাযেবমযনির্মিতা ॥ 14 ॥
সুলোহিততলৌশ্লক্ষ্ ণৌচরণৌসুপ্রতিষ্ঠিতৌ ।
দৃষ্ট্বাতাম্রনখৌতস্যাদীপ্যতেমেশরীরজঃ ॥ 15 ॥
হুতাগ্নিরর্চিস্সংকাশামেনাংসৌরীমিবপ্রভাম্ ।
উন্নসংবিমলংবল্গুবিপুলাংচারুলোচনম্ ॥ 16 ॥
পশ্যংস্তদবশস্তস্যাঃকামস্যবশমেযিবান্ ।
ক্রোধহর্ষসমানেনদুর্বর্ণকরণেনচ ॥ 17 ॥
শোকসংতাপনিত্যেনকামেনকলুষীকৃতঃ ।
সাতুসংবত্সরংকালংমামযাচতভামিনী ॥ 18 ॥
প্রতীক্ষমাণাভর্তারংরামমাযতলোচনা ।
তন্মযাচারুনেত্রাযঃপ্রতিজ্ঞাতংবচশ্শুভম্ ॥ 19 ॥
বহুসত্ত্বসমাকীর্ণং তৌ বা দশরথাত্মজৌ ।
অথবা কপিনৈকেন কৃতং নঃ কদনং মহত্ ॥ 20 ॥
বহুসত্ত্বসমাকীর্ণংতৌবাদশরথাত্মজৌ ।
অথবাকপিনৈকেনকৃতংনঃকদনংমহত্ ॥ 21 ॥
দুর্ জ্ঞেযাঃকার্যগতযোব্রূতযস্যযথামতি ।
মানুষ্যান্নোভযংনাস্তিতথাপিতুবিমৃশ্যতাম্ ॥ 22 ॥
তদাদেবাসুরেযুদ্ধেযুষ্মাভিস্সহিতোঽজযম্ ।
তেমেভবংতশ্চতথাসুগ্রীবপ্রমুখান্হরীন্ ॥ 23 ॥
পরেপারেসমুদ্রস্যপুরস্কৃত্যনৃপাত্মজৌ ।
সীতাযাঃপদবীংপ্রাপ্যসংপ্রাপ্তৌবরুণালযাম্ ॥ 24 ॥
অদেযাচযথাসীতাবধ্যৌদশরথাত্মজৌ ।
ভবদ্ভির্মংত্র্যতাংমংত্রস্সুনীতংচাভিধীযতাম্ ॥ 25 ॥
নহিশক্তিংপ্রপশ্যামিজগত্যন্যস্যকস্যচিত্ ।
সাগরংবানরৈস্তীর্বানিশ্চযেনজযোমম ॥ 26 ॥
তস্যকামপরীতস্যনিশম্যপরিদেবিতম্ ।
কুংভকর্ণঃপ্রচুক্রোধবচনংচেদমব্রবীত্ ॥ 27 ॥
যদাতুরামস্যসলক্ষ্মণস্যপ্রসহ্যসীতাখলুসাইহাঽহৃতা ।
সকৃত্সমীক্ষ্যৈবসুনিশ্চিতংতদাভজেতচিত্তংযমুনেবযামুনম্ ॥ 28 ॥
সর্বমেতন্মহারাজকৃতমপ্রতিমংতব ।
বিধীযেতসহাস্মাভিরাদাবেবাস্যকর্মণঃ ॥ 29 ॥
ন্যাযেনরাজকার্যাণিযঃকরোতিদশাননঃ ।
নসসংতপ্যতেপশ্চান্নিশ্চিতার্থমতির্নৃপঃ ॥ 30 ॥
অনুপাযেনকর্মাণিবিপরীতানিযানিচ ।
ক্রিযমাণানিদুষ্যংতিহবীংষ্যপ্রযতেষ্বিব ॥ 31 ॥
যঃপশ্চাত্পূর্বকার্যাণিকর্মাণ্যভিচিকীর্ষতি ।
পূর্বংচাপরকার্যাণিনসবেদনযানযৌ ॥ 32 ॥
চপলস্যতুকৃত্যেষুপ্রসমীক্ষ্যাধিকংবলম্ ।
ক্ষিপ্রমন্যেপ্রপদ্যংতেক্রৌংচস্যখমিবদ্বিজাঃ ॥ 33 ॥
ত্বযেদংমহাদারব্ধংকার্যমপ্রতিচিংতিতম্ ।
দিষ্ট্যাত্বাংনাবধীদ্রামোবিষমিশ্রমিবামিষম্ ॥ 34 ॥
তস্মাত্ত্বযাসমারব্ধংকর্মহ্যপ্রতিমংপরৈঃ ।
অহংসমীকরিষ্যামিহত্বাশত্রূংস্তবানঘ ॥ 35 ॥
অহমুত্সাদযিষ্যামিশত্রূংস্তবনিশাচর ।
যদিশক্রবিবস্বংতৌযদিপাবকমারুতৌ ॥ 36 ॥
তাবহংযোধযিষ্যামিকুবেরবরুণাবপি ।
গিরিমাত্রশরীরস্যমহাপরিঘযোধিনঃ ।
নর্দতস্তীক্ষ্ণদংষ্ট্রস্যবিভীযাদ্বৈপুরংদরঃ ॥ 37 ॥
পুনর্মাংসদ্বিতীযেনশরেণনিহনিষ্যতি ।
ততোঽহংতস্যপাস্যামিরুধিরংকামমাশ্বস ॥ 38 ॥
বধেনবৈদাশরথেস্সুখাবহংজযংতবাহর্তুমহংযতিষ্যে ।
হত্বাচরামংসহলক্ষ্মণেনখাদামিসর্বান্হরিযূথমুখ্যান্ ॥ 39 ॥
রমস্বকামং পিবচাগ্য্রবারুণীংকুরষ্বকার্যাণিহিতানিবিজ্বরঃ ।
মযাতুরামেগমিতেযমক্ষযংচিরাযসীতাবশগাভবিষ্যতি ॥ 40 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে দ্বাদশস্সর্গঃ ॥
