śrīmadvālmīkīya rāmāyaṇē yuddhakāṇḍam ।
atha dvādaśassargaḥ ।
satāmpariṣadaṅkṛtsnāṃsamīkṣyasamitiñjayaḥ ।
prachōdayāmāsatadāprahastaṃvāhinīpatim ॥ 1 ॥
sēnāpatēyathātēsyuḥkṛtavidyāśchaturvidhāḥ ।
yōdhānagararakṣāyāntathāvyādēṣṭumarhasi ॥ 2 ॥
saprahastaḥpraṇītātmāchikīrṣan rājaśāsanam ।
vinikṣipadbalaṃsarvambahirantaśchamandirē ॥ 3 ॥
tatōvinikṣipyabalaṃsarvanagaraguptayē ।
prahastaḥpramukhērājñōniṣasādajagādacha ॥ 4 ॥
vihitambahirantaśchabalambalavatastava ।
kuruṣyāvimanāḥkṣipraṃyadabhiprētamastutē ॥ 5 ॥
prahastasyavachaśśrutvārājārājyahitaiṣiṇaḥ ।
sukhēpsussuhṛdāmmadhyēvyājahārasarāvaṇaḥ ॥ 6 ॥
priyāpriyēsukhanduḥkhaṃlābhālābhēhitāhitē ।
dharmakāmārthakṛchChrēṣuyūyamarhathavēditum ॥ 7 ॥
sarvakṛtyāniyuṣmābhissamārabdhānisarvathā ।
mantrakarmaniyuktāninajātuviphalānimē ॥ 8 ॥
sasōmagrahanakṣatrairmarudbhirivavāsavaḥ ।
bhavadbhirahamatyarthaṃvṛtaśriyamavāpnuyām ॥ 9 ॥
ahantukhalusarvānvassamarthayitumudyataḥ ।
kumbhakarṇasyatusvapnānnēmamarthamachōdayam ॥ 10 ॥
iyaṃ cha daṇḍakāraṇyādrāmasya mahiṣī priyā ।
rakṣōbhiścharitōddēśādānītā janakātmajā ॥ 11 ॥
iyañchadaṇḍakāraṇyādrāmasyamahiṣīmayā ।
rakṣōbhiścharitōddēśādānītājanakātmajā ॥ 12 ॥
sāmēvaśayyāmārōḍhumichChatyalasagāminī ।
triṣulōkēṣuchānyāmēnasītāsadṛśīmatā ॥ 13 ॥
tanumadhyāpṛthuśrōṇīśaradindunibhānanā ।
hēmabimbanibhāsaumyāmāyēvamayanirmitā ॥ 14 ॥
sulōhitatalauślakṣ ṇaucharaṇausupratiṣṭhitau ।
dṛṣṭvātāmranakhautasyādīpyatēmēśarīrajaḥ ॥ 15 ॥
hutāgnirarchissaṅkāśāmēnāṃsaurīmivaprabhām ।
unnasaṃvimalaṃvalguvipulāñchārulōchanam ॥ 16 ॥
paśyaṃstadavaśastasyāḥkāmasyavaśamēyivān ।
krōdhaharṣasamānēnadurvarṇakaraṇēnacha ॥ 17 ॥
śōkasantāpanityēnakāmēnakaluṣīkṛtaḥ ।
sātusaṃvatsaraṅkālammāmayāchatabhāminī ॥ 18 ॥
pratīkṣamāṇābhartāraṃrāmamāyatalōchanā ।
tanmayāchārunētrāyaḥpratijñātaṃvachaśśubham ॥ 19 ॥
bahusattvasamākīrṇaṃ tau vā daśarathātmajau ।
athavā kapinaikēna kṛtaṃ naḥ kadanaṃ mahat ॥ 20 ॥
bahusattvasamākīrṇantauvādaśarathātmajau ।
athavākapinaikēnakṛtannaḥkadanammahat ॥ 21 ॥
dur jñēyāḥkāryagatayōbrūtayasyayathāmati ।
mānuṣyānnōbhayannāstitathāpituvimṛśyatām ॥ 22 ॥
tadādēvāsurēyuddhēyuṣmābhissahitō'jayam ।
tēmēbhavantaśchatathāsugrīvapramukhānharīn ॥ 23 ॥
parēpārēsamudrasyapuraskṛtyanṛpātmajau ।
sītāyāḥpadavīmprāpyasamprāptauvaruṇālayām ॥ 24 ॥
adēyāchayathāsītāvadhyaudaśarathātmajau ।
bhavadbhirmantryatāmmantrassunītañchābhidhīyatām ॥ 25 ॥
nahiśaktimprapaśyāmijagatyanyasyakasyachit ।
sāgaraṃvānaraistīrvāniśchayēnajayōmama ॥ 26 ॥
tasyakāmaparītasyaniśamyaparidēvitam ।
kumbhakarṇaḥprachukrōdhavachanañchēdamabravīt ॥ 27 ॥
yadāturāmasyasalakṣmaṇasyaprasahyasītākhalusāihā'hṛtā ।
sakṛtsamīkṣyaivasuniśchitantadābhajētachittaṃyamunēvayāmunam ॥ 28 ॥
sarvamētanmahārājakṛtamapratimantava ।
vidhīyētasahāsmābhirādāvēvāsyakarmaṇaḥ ॥ 29 ॥
nyāyēnarājakāryāṇiyaḥkarōtidaśānanaḥ ।
nasasantapyatēpaśchānniśchitārthamatirnṛpaḥ ॥ 30 ॥
anupāyēnakarmāṇiviparītāniyānicha ।
kriyamāṇāniduṣyantihavīṃṣyaprayatēṣviva ॥ 31 ॥
yaḥpaśchātpūrvakāryāṇikarmāṇyabhichikīrṣati ।
pūrvañchāparakāryāṇinasavēdanayānayau ॥ 32 ॥
chapalasyatukṛtyēṣuprasamīkṣyādhikambalam ।
kṣipramanyēprapadyantēkrauñchasyakhamivadvijāḥ ॥ 33 ॥
tvayēdammahādārabdhaṅkāryamapratichintitam ।
diṣṭyātvānnāvadhīdrāmōviṣamiśramivāmiṣam ॥ 34 ॥
tasmāttvayāsamārabdhaṅkarmahyapratimamparaiḥ ।
ahaṃsamīkariṣyāmihatvāśatrūṃstavānagha ॥ 35 ॥
ahamutsādayiṣyāmiśatrūṃstavaniśāchara ।
yadiśakravivasvantauyadipāvakamārutau ॥ 36 ॥
tāvahaṃyōdhayiṣyāmikubēravaruṇāvapi ।
girimātraśarīrasyamahāparighayōdhinaḥ ।
nardatastīkṣṇadaṃṣṭrasyabibhīyādvaipurandaraḥ ॥ 37 ॥
punarmāṃsadvitīyēnaśarēṇanihaniṣyati ।
tatō'hantasyapāsyāmirudhiraṅkāmamāśvasa ॥ 38 ॥
vadhēnavaidāśarathēssukhāvahañjayantavāhartumahaṃyatiṣyē ।
hatvācharāmaṃsahalakṣmaṇēnakhādāmisarvānhariyūthamukhyān ॥ 39 ॥
ramasvakāmaṃ pibachāgyravāruṇīṅkuraṣvakāryāṇihitānivijvaraḥ ।
mayāturāmēgamitēyamakṣayañchirāyasītāvaśagābhaviṣyati ॥ 40 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē dvādaśassargaḥ ॥
