ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ದ್ವಾದಶಸ್ಸರ್ಗಃ ।
ಸತಾಮ್ಪರಿಷದಙ್ಕೃತ್ಸ್ನಾಂಸಮೀಕ್ಷ್ಯಸಮಿತಿಞ್ಜಯಃ ।
ಪ್ರಚೋದಯಾಮಾಸತದಾಪ್ರಹಸ್ತಂವಾಹಿನೀಪತಿಮ್ ॥ 1 ॥
ಸೇನಾಪತೇಯಥಾತೇಸ್ಯುಃಕೃತವಿದ್ಯಾಶ್ಚತುರ್ವಿಧಾಃ ।
ಯೋಧಾನಗರರಕ್ಷಾಯಾನ್ತಥಾವ್ಯಾದೇಷ್ಟುಮರ್ಹಸಿ ॥ 2 ॥
ಸಪ್ರಹಸ್ತಃಪ್ರಣೀತಾತ್ಮಾಚಿಕೀರ್ಷನ್ ರಾಜಶಾಸನಮ್ ।
ವಿನಿಕ್ಷಿಪದ್ಬಲಂಸರ್ವಮ್ಬಹಿರನ್ತಶ್ಚಮನ್ದಿರೇ ॥ 3 ॥
ತತೋವಿನಿಕ್ಷಿಪ್ಯಬಲಂಸರ್ವನಗರಗುಪ್ತಯೇ ।
ಪ್ರಹಸ್ತಃಪ್ರಮುಖೇರಾಜ್ಞೋನಿಷಸಾದಜಗಾದಚ ॥ 4 ॥
ವಿಹಿತಮ್ಬಹಿರನ್ತಶ್ಚಬಲಮ್ಬಲವತಸ್ತವ ।
ಕುರುಷ್ಯಾವಿಮನಾಃಕ್ಷಿಪ್ರಂಯದಭಿಪ್ರೇತಮಸ್ತುತೇ ॥ 5 ॥
ಪ್ರಹಸ್ತಸ್ಯವಚಶ್ಶ್ರುತ್ವಾರಾಜಾರಾಜ್ಯಹಿತೈಷಿಣಃ ।
ಸುಖೇಪ್ಸುಸ್ಸುಹೃದಾಮ್ಮಧ್ಯೇವ್ಯಾಜಹಾರಸರಾವಣಃ ॥ 6 ॥
ಪ್ರಿಯಾಪ್ರಿಯೇಸುಖನ್ದುಃಖಂಲಾಭಾಲಾಭೇಹಿತಾಹಿತೇ ।
ಧರ್ಮಕಾಮಾರ್ಥಕೃಚ್ಛ್ರೇಷುಯೂಯಮರ್ಹಥವೇದಿತುಮ್ ॥ 7 ॥
ಸರ್ವಕೃತ್ಯಾನಿಯುಷ್ಮಾಭಿಸ್ಸಮಾರಬ್ಧಾನಿಸರ್ವಥಾ ।
ಮನ್ತ್ರಕರ್ಮನಿಯುಕ್ತಾನಿನಜಾತುವಿಫಲಾನಿಮೇ ॥ 8 ॥
ಸಸೋಮಗ್ರಹನಕ್ಷತ್ರೈರ್ಮರುದ್ಭಿರಿವವಾಸವಃ ।
ಭವದ್ಭಿರಹಮತ್ಯರ್ಥಂವೃತಶ್ರಿಯಮವಾಪ್ನುಯಾಮ್ ॥ 9 ॥
ಅಹನ್ತುಖಲುಸರ್ವಾನ್ವಸ್ಸಮರ್ಥಯಿತುಮುದ್ಯತಃ ।
ಕುಮ್ಭಕರ್ಣಸ್ಯತುಸ್ವಪ್ನಾನ್ನೇಮಮರ್ಥಮಚೋದಯಮ್ ॥ 10 ॥
ಇಯಂ ಚ ದಣ್ಡಕಾರಣ್ಯಾದ್ರಾಮಸ್ಯ ಮಹಿಷೀ ಪ್ರಿಯಾ ।
ರಕ್ಷೋಭಿಶ್ಚರಿತೋದ್ದೇಶಾದಾನೀತಾ ಜನಕಾತ್ಮಜಾ ॥ 11 ॥
ಇಯಞ್ಚದಣ್ಡಕಾರಣ್ಯಾದ್ರಾಮಸ್ಯಮಹಿಷೀಮಯಾ ।
ರಕ್ಷೋಭಿಶ್ಚರಿತೋದ್ದೇಶಾದಾನೀತಾಜನಕಾತ್ಮಜಾ ॥ 12 ॥
ಸಾಮೇವಶಯ್ಯಾಮಾರೋಢುಮಿಚ್ಛತ್ಯಲಸಗಾಮಿನೀ ।
ತ್ರಿಷುಲೋಕೇಷುಚಾನ್ಯಾಮೇನಸೀತಾಸದೃಶೀಮತಾ ॥ 13 ॥
ತನುಮಧ್ಯಾಪೃಥುಶ್ರೋಣೀಶರದಿನ್ದುನಿಭಾನನಾ ।
ಹೇಮಬಿಮ್ಬನಿಭಾಸೌಮ್ಯಾಮಾಯೇವಮಯನಿರ್ಮಿತಾ ॥ 14 ॥
ಸುಲೋಹಿತತಲೌಶ್ಲಕ್ಷ್ ಣೌಚರಣೌಸುಪ್ರತಿಷ್ಠಿತೌ ।
ದೃಷ್ಟ್ವಾತಾಮ್ರನಖೌತಸ್ಯಾದೀಪ್ಯತೇಮೇಶರೀರಜಃ ॥ 15 ॥
ಹುತಾಗ್ನಿರರ್ಚಿಸ್ಸಙ್ಕಾಶಾಮೇನಾಂಸೌರೀಮಿವಪ್ರಭಾಮ್ ।
ಉನ್ನಸಂವಿಮಲಂವಲ್ಗುವಿಪುಲಾಞ್ಚಾರುಲೋಚನಮ್ ॥ 16 ॥
ಪಶ್ಯಂಸ್ತದವಶಸ್ತಸ್ಯಾಃಕಾಮಸ್ಯವಶಮೇಯಿವಾನ್ ।
ಕ್ರೋಧಹರ್ಷಸಮಾನೇನದುರ್ವರ್ಣಕರಣೇನಚ ॥ 17 ॥
ಶೋಕಸನ್ತಾಪನಿತ್ಯೇನಕಾಮೇನಕಲುಷೀಕೃತಃ ।
ಸಾತುಸಂವತ್ಸರಙ್ಕಾಲಮ್ಮಾಮಯಾಚತಭಾಮಿನೀ ॥ 18 ॥
ಪ್ರತೀಕ್ಷಮಾಣಾಭರ್ತಾರಂರಾಮಮಾಯತಲೋಚನಾ ।
ತನ್ಮಯಾಚಾರುನೇತ್ರಾಯಃಪ್ರತಿಜ್ಞಾತಂವಚಶ್ಶುಭಮ್ ॥ 19 ॥
ಬಹುಸತ್ತ್ವಸಮಾಕೀರ್ಣಂ ತೌ ವಾ ದಶರಥಾತ್ಮಜೌ ।
ಅಥವಾ ಕಪಿನೈಕೇನ ಕೃತಂ ನಃ ಕದನಂ ಮಹತ್ ॥ 20 ॥
ಬಹುಸತ್ತ್ವಸಮಾಕೀರ್ಣನ್ತೌವಾದಶರಥಾತ್ಮಜೌ ।
ಅಥವಾಕಪಿನೈಕೇನಕೃತನ್ನಃಕದನಮ್ಮಹತ್ ॥ 21 ॥
ದುರ್ ಜ್ಞೇಯಾಃಕಾರ್ಯಗತಯೋಬ್ರೂತಯಸ್ಯಯಥಾಮತಿ ।
ಮಾನುಷ್ಯಾನ್ನೋಭಯನ್ನಾಸ್ತಿತಥಾಪಿತುವಿಮೃಶ್ಯತಾಮ್ ॥ 22 ॥
ತದಾದೇವಾಸುರೇಯುದ್ಧೇಯುಷ್ಮಾಭಿಸ್ಸಹಿತೋಽಜಯಮ್ ।
ತೇಮೇಭವನ್ತಶ್ಚತಥಾಸುಗ್ರೀವಪ್ರಮುಖಾನ್ಹರೀನ್ ॥ 23 ॥
ಪರೇಪಾರೇಸಮುದ್ರಸ್ಯಪುರಸ್ಕೃತ್ಯನೃಪಾತ್ಮಜೌ ।
ಸೀತಾಯಾಃಪದವೀಮ್ಪ್ರಾಪ್ಯಸಮ್ಪ್ರಾಪ್ತೌವರುಣಾಲಯಾಮ್ ॥ 24 ॥
ಅದೇಯಾಚಯಥಾಸೀತಾವಧ್ಯೌದಶರಥಾತ್ಮಜೌ ।
ಭವದ್ಭಿರ್ಮನ್ತ್ರ್ಯತಾಮ್ಮನ್ತ್ರಸ್ಸುನೀತಞ್ಚಾಭಿಧೀಯತಾಮ್ ॥ 25 ॥
ನಹಿಶಕ್ತಿಮ್ಪ್ರಪಶ್ಯಾಮಿಜಗತ್ಯನ್ಯಸ್ಯಕಸ್ಯಚಿತ್ ।
ಸಾಗರಂವಾನರೈಸ್ತೀರ್ವಾನಿಶ್ಚಯೇನಜಯೋಮಮ ॥ 26 ॥
ತಸ್ಯಕಾಮಪರೀತಸ್ಯನಿಶಮ್ಯಪರಿದೇವಿತಮ್ ।
ಕುಮ್ಭಕರ್ಣಃಪ್ರಚುಕ್ರೋಧವಚನಞ್ಚೇದಮಬ್ರವೀತ್ ॥ 27 ॥
ಯದಾತುರಾಮಸ್ಯಸಲಕ್ಷ್ಮಣಸ್ಯಪ್ರಸಹ್ಯಸೀತಾಖಲುಸಾಇಹಾಽಹೃತಾ ।
ಸಕೃತ್ಸಮೀಕ್ಷ್ಯೈವಸುನಿಶ್ಚಿತನ್ತದಾಭಜೇತಚಿತ್ತಂಯಮುನೇವಯಾಮುನಮ್ ॥ 28 ॥
ಸರ್ವಮೇತನ್ಮಹಾರಾಜಕೃತಮಪ್ರತಿಮನ್ತವ ।
ವಿಧೀಯೇತಸಹಾಸ್ಮಾಭಿರಾದಾವೇವಾಸ್ಯಕರ್ಮಣಃ ॥ 29 ॥
ನ್ಯಾಯೇನರಾಜಕಾರ್ಯಾಣಿಯಃಕರೋತಿದಶಾನನಃ ।
ನಸಸನ್ತಪ್ಯತೇಪಶ್ಚಾನ್ನಿಶ್ಚಿತಾರ್ಥಮತಿರ್ನೃಪಃ ॥ 30 ॥
ಅನುಪಾಯೇನಕರ್ಮಾಣಿವಿಪರೀತಾನಿಯಾನಿಚ ।
ಕ್ರಿಯಮಾಣಾನಿದುಷ್ಯನ್ತಿಹವೀಂಷ್ಯಪ್ರಯತೇಷ್ವಿವ ॥ 31 ॥
ಯಃಪಶ್ಚಾತ್ಪೂರ್ವಕಾರ್ಯಾಣಿಕರ್ಮಾಣ್ಯಭಿಚಿಕೀರ್ಷತಿ ।
ಪೂರ್ವಞ್ಚಾಪರಕಾರ್ಯಾಣಿನಸವೇದನಯಾನಯೌ ॥ 32 ॥
ಚಪಲಸ್ಯತುಕೃತ್ಯೇಷುಪ್ರಸಮೀಕ್ಷ್ಯಾಧಿಕಮ್ಬಲಮ್ ।
ಕ್ಷಿಪ್ರಮನ್ಯೇಪ್ರಪದ್ಯನ್ತೇಕ್ರೌಞ್ಚಸ್ಯಖಮಿವದ್ವಿಜಾಃ ॥ 33 ॥
ತ್ವಯೇದಮ್ಮಹಾದಾರಬ್ಧಙ್ಕಾರ್ಯಮಪ್ರತಿಚಿನ್ತಿತಮ್ ।
ದಿಷ್ಟ್ಯಾತ್ವಾನ್ನಾವಧೀದ್ರಾಮೋವಿಷಮಿಶ್ರಮಿವಾಮಿಷಮ್ ॥ 34 ॥
ತಸ್ಮಾತ್ತ್ವಯಾಸಮಾರಬ್ಧಙ್ಕರ್ಮಹ್ಯಪ್ರತಿಮಮ್ಪರೈಃ ।
ಅಹಂಸಮೀಕರಿಷ್ಯಾಮಿಹತ್ವಾಶತ್ರೂಂಸ್ತವಾನಘ ॥ 35 ॥
ಅಹಮುತ್ಸಾದಯಿಷ್ಯಾಮಿಶತ್ರೂಂಸ್ತವನಿಶಾಚರ ।
ಯದಿಶಕ್ರವಿವಸ್ವನ್ತೌಯದಿಪಾವಕಮಾರುತೌ ॥ 36 ॥
ತಾವಹಂಯೋಧಯಿಷ್ಯಾಮಿಕುಬೇರವರುಣಾವಪಿ ।
ಗಿರಿಮಾತ್ರಶರೀರಸ್ಯಮಹಾಪರಿಘಯೋಧಿನಃ ।
ನರ್ದತಸ್ತೀಕ್ಷ್ಣದಂಷ್ಟ್ರಸ್ಯಬಿಭೀಯಾದ್ವೈಪುರನ್ದರಃ ॥ 37 ॥
ಪುನರ್ಮಾಂಸದ್ವಿತೀಯೇನಶರೇಣನಿಹನಿಷ್ಯತಿ ।
ತತೋಽಹನ್ತಸ್ಯಪಾಸ್ಯಾಮಿರುಧಿರಙ್ಕಾಮಮಾಶ್ವಸ ॥ 38 ॥
ವಧೇನವೈದಾಶರಥೇಸ್ಸುಖಾವಹಞ್ಜಯನ್ತವಾಹರ್ತುಮಹಂಯತಿಷ್ಯೇ ।
ಹತ್ವಾಚರಾಮಂಸಹಲಕ್ಷ್ಮಣೇನಖಾದಾಮಿಸರ್ವಾನ್ಹರಿಯೂಥಮುಖ್ಯಾನ್ ॥ 39 ॥
ರಮಸ್ವಕಾಮಂ ಪಿಬಚಾಗ್ಯ್ರವಾರುಣೀಙ್ಕುರಷ್ವಕಾರ್ಯಾಣಿಹಿತಾನಿವಿಜ್ವರಃ ।
ಮಯಾತುರಾಮೇಗಮಿತೇಯಮಕ್ಷಯಞ್ಚಿರಾಯಸೀತಾವಶಗಾಭವಿಷ್ಯತಿ ॥ 40 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ದ್ವಾದಶಸ್ಸರ್ಗಃ ॥
