ශ්රීමද්වාල්මීකීය රාමායණේ යුද්ධකාංඩම් ।
අථ ද්වාවිංශත්යධිකශතතමස්සර්ගඃ ।
ඒතච්ඡ්රුත්වාශුභංවාක්යංරාඝවේණානුභාෂිතම් ।
තතශ්ශුභතරංවාක්යංව්යාජහාරමහේශ්වරඃ ॥ 1 ॥
පුෂ්කරාක්ෂ මහාබාහෝ මහාවක්ෂ පරංතප ।
දිෂ්ට්යාකෘතමිදංකර්මත්වයාධර්මභෘතාංවර ॥ 2 ॥
දිෂ්ට්යාසර්වස්යලෝකස්යප්රවෘද්ධංදාරුණංතමඃ ।
අපාවෘත්තංත්වයාසංඛ්යේරාමරාවණජංභයම් ॥ 3 ॥
ආශ්වාස්යභරතංදීනංකෞසල්යාං ච යශස්විනීම් ।
කෛකේයීං ච සුමිත්රාං ච දෘෂ්ටවාලක්ෂ්මණමාතරම් ॥ 4 ॥
ප්රාප්යරාජ්යමයෝධ්යායාංනංදයිත්වාසුහෘජ්ජනම් ।
ඉක්ෂ්වාකූණාංකුලේවංශංස්ථාපයිත්වාමහාබල ॥ 5 ॥
ඉෂ්ටවාතුරගමේධේනප්රාප්යචානුත්තමංයශඃ ।
බ්රාහ්මණේභ්යෝධනංදත්ත්වාත්රිදිවංගංතුමර්හසි ॥ 6 ॥
ඒෂරාජාදශරථෝවිමානස්ථඃපිතාතව ।
කාකුත්ස්ථමානුෂේලෝකේගුරුස්තවමහායශාඃ ॥ 7 ॥
ඉංද්රලෝකංගතඃශ්රීමාංස්ත්වයාපුත්රේණතාරිතඃ ।
ලක්ෂ්මණේනසහභ්රාත්රාත්වමේමමභිවාදය ॥ 8 ॥
මහදේවවච්ශ්රුත්වාරාඝවඃසහලක්ෂ්මණඃ ।
ලක්ෂ්මණේනසහභ්රාත්රාදදර්ශපිතරංප්රභුඃ ॥ 9 ॥
දීප්යමානංස්වයාලක්ෂ්මවිරජෝऽංභරධාරිණම් ।
ලක්ෂ්මණේනසහභ්රාත්රාදදර්ශපිතරංප්රභුඃ ॥ 10 ॥
හර්ෂේණමහතාවිෂ්ටෝවිමනස්ථෝමහීපතිඃ ।
ප්රාණෛඃප්රියතරංදෘෂ්ටවාපුත්රංදශරථස්තදා ॥ 11 ॥
ආරෝප්යාංකේමහබාහුර්වරාසනගතඃප්රභුඃ ।
බාහුභ්යාංසංපරිෂ්වජ්යතතෝවාක්යංසමාදදේ ॥ 12 ॥
න මේස්වර්ගෝබහුමතස්සම්මානශ්චසුරර්ෂභෛඃ ।
ත්වයාරාමවිහීනස්යසත්යංප්රතිශෘණෝමිතේ ॥ 13 ॥
අද්යත්වාංනිහතාමිත්රංදෘෂ්ටවාසංපූර්ණමානසම් ।
නිස්තීර්ණවනවාසං ච ප්රීතිරාසීත්පරාමම ॥ 14 ॥
කෛකේය්යායානිචෝක්තානිවාක්යානිවදතාංවර ।
තවප්රව්රාජනාර්ථානිස්ථිතානිහෘදයේමම ॥ 15 ॥
ත්වාංතුදෘෂ්ටවාකුශලිනංපරිෂ්වජ්යසලක්ෂ්මණම් ।
අද්යදුඃඛාද්විමුක්තෝऽස්මිනීහාරාදිවභාස්කරඃ ॥ 16 ॥
තාරිතෝऽහංත්වයාපුත්ර සුපුත්රේණමහාත්මනා ।
අෂ්ටාවක්රේණධර්මාත්මාකහෝලෝබ්රාහ්මණෝයථා ॥ 17 ॥
ඉදානීං ච විජානාමියථාසෞම්ය සුරේශ්වරෛඃ ।
වධාර්ථංරාවණස්යේහවිහිතංපුරුෂෝත්තම ॥ 18 ॥
සිද්ධාර්ථාඛලුකෞසල්යායාත්වාංරාම ගෘහංගතම් ।
වනාන්නිවෘත්තංසංහෘෂ්ටාද්රක්ෂ්යතේශත්රුසූදනම් ॥ 19 ॥
සිද්ධාර්ථාඃඛලුතේරාම නරායේත්වාංපුරීංගතම් ।
රාජ්යේචාවාභිෂික්තං ච ද්රක්ෂ්යංතේවසුධාධිපම් ॥ 20 ॥
අනුරක්තේනබලිනාශුචිනාධර්මචාරිණා ।
ඉච්ඡේයංත්වාමහංද්රෂ්ටුංභරතේනසමාගතම් ॥ 21 ॥
චතුර්දශසමාස්සෞම්යවනේනිර්යාතිතාස්ත්වයා ।
වසතාසීතයාසාර්ධංලක්ෂ්මණේන ච ධීමතා ॥ 22 ॥
නිවෘත්තවනවාසෝऽසිප්රතිජ්ඤාපූරිතාත්වයා ।
රාවණං ච රණේහත්වාදේවතාඃපරිතෝෂිතාඃ ॥ 23 ॥
කෘතංකර්මයශශ්ශ්ලාඝ්යංප්රාප්තංතේශත්රුසූදන ।
භ්රාතෘභිඃසහරාජ්යස්ථෝදීර්ඝමායුරවාප්නුහි ॥ 24 ॥
ඉතිබ්රුවාණංරාජානංරාමඃප්රාංජලිරබ්රවීත් ।
කුරුප්රසාදංධර්මජ්ඤකෛකේය්යාභරතස්ය ච ॥ 25 ॥
සපුත්රාංත්වාංත්යජාමීතියදුක්තාකේකයීත්වයා ।
ස ශාපඃකේකයීංඝෝරස්සපුත්රාං න ස්පෘශේත්ප්රභෝ ॥ 26 ॥
තථේති ස මහාරාජෝරාමමුක්ත්වාකෘතාංජලිම් ।
ලක්ෂ්මණං ච පරිෂ්වජ්යපුනර්වාක්යමුවාච හ ॥ 27 ॥
රාමංශුශ්රූෂතාභක්ත්යාවෛදේහ්යාසහසීතයා ।
කෘතමමමහාප්රීතිඃප්රාප්තංධර්මඵලං ච තේ ॥ 28 ॥
ධර්මංප්රාප්ස්යසිධර්මජ්ඤ යශශ්චවිපුලංභුවි ।
රාමේප්රසන්නේස්වර්ගං ච මහිමානංතථෝත්තමාම් ॥ 29 ॥
රාමංශුශ්රූෂභද්රංතේසුමිත්රානංදවර්ධන ।
රාමස්සර්වස්යලෝකස්යසුභේෂ්වභිරතඃසදා ॥ 30 ॥
ඒතේසේංද්රාස්ත්රයෝලෝකාස්සිද්ධාශ්චපරමර්ෂයඃ ।
අභිගම්යමහාත්මානමර්චංතිපුරුෂෝත්තමම් ॥ 31 ॥
ඒතත්තදුක්තමව්යක්තමක්ෂරංබ්රහ්මනිර්මිතම් ।
දේවානාංහෘදයංසෞම්ය ගුහ්යංරාමඃපරංතප ॥ 32 ॥
අවාප්තංධර්මචරණංයශශ්චවිපුලංත්වයා ।
ඒනංශුශ්රූෂතාභක්ත්යාවෛදේහ්යාසහසීතයා ॥ 33 ॥
ඉත්යුක්ත්වාලක්ෂ්මණංරාජාස්නුෂාංබද්ධාංජලිංස්ථිතාම් ।
පුත්රීත්යාභාෂ්යමධුරංශනෛරේනාමුවාච හ ॥ 34 ॥
කර්තව්යෝ න තුවෛදේහීමන්යුස්ත්යාගමිමංප්රති ।
රාමේණේත්වද්විශුධ්යර්ථංකෘතමේතද්ධිතෛෂිණා ॥ 35 ॥
සුදුෂ්කරමිදංපුත්රිතවචාරිත්රලක්ෂණම් ।
කෘතංයත්තේऽන්යනාරීණාංයශෝහ්යභිභවිෂ්යති ॥ 36 ॥
න ත්වංකාමංසමාධේයාභර්තෘශුශ්රූෂණංප්රති ।
අවශ්යංතුමයාවාච්යමේෂතේදෛවතංපරම් ॥ 37 ॥
ඉතිප්රතිසමාදිශ්යපුත්රෞසීතාං ච රාඝවඃ ।
ඉංද්රලෝකංවිමානේනයයෞදශරථෝජ්වලන් ॥ 38 ॥
විමානමාස්ථායමහානුභාවඃශ්රියා ච සම්හෘෂ්ටතන්නුර්නෘපෝත්තමඃ ।
ආමංත්යපුත්රෞසහසීතයා ච ජගාමදේවප්රවරස්යලෝකම් ॥ 39 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ද්වාවිංශත්යධිකශතතමස්සර්ගඃ ॥
