ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଦ୍ଵାଵିଂଶତ୍ୟଧିକଶତତମସ୍ସର୍ଗଃ ।
ଏତଚ୍ଛ୍ରୁତ୍ଵାଶୁଭଂଵାକ୍ୟଂରାଘଵେଣାନୁଭାଷିତମ୍ ।
ତତଶ୍ଶୁଭତରଂଵାକ୍ୟଂଵ୍ୟାଜହାରମହେଶ୍ଵରଃ ॥ 1 ॥
ପୁଷ୍କରାକ୍ଷ ମହାବାହୋ ମହାଵକ୍ଷ ପରଂତପ ।
ଦିଷ୍ଟ୍ୟାକୃତମିଦଂକର୍ମତ୍ଵୟାଧର୍ମଭୃତାଂଵର ॥ 2 ॥
ଦିଷ୍ଟ୍ୟାସର୍ଵସ୍ୟଲୋକସ୍ୟପ୍ରଵୃଦ୍ଧଂଦାରୁଣଂତମଃ ।
ଅପାଵୃତ୍ତଂତ୍ଵୟାସଂଖ୍ୟେରାମରାଵଣଜଂଭୟମ୍ ॥ 3 ॥
ଆଶ୍ଵାସ୍ୟଭରତଂଦୀନଂକୌସଲ୍ୟାଂ ଚ ୟଶସ୍ଵିନୀମ୍ ।
କୈକେୟୀଂ ଚ ସୁମିତ୍ରାଂ ଚ ଦୃଷ୍ଟଵାଲକ୍ଷ୍ମଣମାତରମ୍ ॥ 4 ॥
ପ୍ରାପ୍ୟରାଜ୍ୟମୟୋଧ୍ୟାୟାଂନଂଦୟିତ୍ଵାସୁହୃଜ୍ଜନମ୍ ।
ଇକ୍ଷ୍ଵାକୂଣାଂକୁଲେଵଂଶଂସ୍ଥାପୟିତ୍ଵାମହାବଲ ॥ 5 ॥
ଇଷ୍ଟଵାତୁରଗମେଧେନପ୍ରାପ୍ୟଚାନୁତ୍ତମଂୟଶଃ ।
ବ୍ରାହ୍ମଣେଭ୍ୟୋଧନଂଦତ୍ତ୍ଵାତ୍ରିଦିଵଂଗଂତୁମର୍ହସି ॥ 6 ॥
ଏଷରାଜାଦଶରଥୋଵିମାନସ୍ଥଃପିତାତଵ ।
କାକୁତ୍ସ୍ଥମାନୁଷେଲୋକେଗୁରୁସ୍ତଵମହାୟଶାଃ ॥ 7 ॥
ଇଂଦ୍ରଲୋକଂଗତଃଶ୍ରୀମାଂସ୍ତ୍ଵୟାପୁତ୍ରେଣତାରିତଃ ।
ଲକ୍ଷ୍ମଣେନସହଭ୍ରାତ୍ରାତ୍ଵମେମମଭିଵାଦୟ ॥ 8 ॥
ମହଦେଵଵଚ୍ଶ୍ରୁତ୍ଵାରାଘଵଃସହଲକ୍ଷ୍ମଣଃ ।
ଲକ୍ଷ୍ମଣେନସହଭ୍ରାତ୍ରାଦଦର୍ଶପିତରଂପ୍ରଭୁଃ ॥ 9 ॥
ଦୀପ୍ୟମାନଂସ୍ଵୟାଲକ୍ଷ୍ମଵିରଜୋଽଂଭରଧାରିଣମ୍ ।
ଲକ୍ଷ୍ମଣେନସହଭ୍ରାତ୍ରାଦଦର୍ଶପିତରଂପ୍ରଭୁଃ ॥ 10 ॥
ହର୍ଷେଣମହତାଵିଷ୍ଟୋଵିମନସ୍ଥୋମହୀପତିଃ ।
ପ୍ରାଣୈଃପ୍ରିୟତରଂଦୃଷ୍ଟଵାପୁତ୍ରଂଦଶରଥସ୍ତଦା ॥ 11 ॥
ଆରୋପ୍ୟାଂକେମହବାହୁର୍ଵରାସନଗତଃପ୍ରଭୁଃ ।
ବାହୁଭ୍ୟାଂସଂପରିଷ୍ଵଜ୍ୟତତୋଵାକ୍ୟଂସମାଦଦେ ॥ 12 ॥
ନ ମେସ୍ଵର୍ଗୋବହୁମତସ୍ସମ୍ମାନଶ୍ଚସୁରର୍ଷଭୈଃ ।
ତ୍ଵୟାରାମଵିହୀନସ୍ୟସତ୍ୟଂପ୍ରତିଶୃଣୋମିତେ ॥ 13 ॥
ଅଦ୍ୟତ୍ଵାଂନିହତାମିତ୍ରଂଦୃଷ୍ଟଵାସଂପୂର୍ଣମାନସମ୍ ।
ନିସ୍ତୀର୍ଣଵନଵାସଂ ଚ ପ୍ରୀତିରାସୀତ୍ପରାମମ ॥ 14 ॥
କୈକେୟ୍ୟାୟାନିଚୋକ୍ତାନିଵାକ୍ୟାନିଵଦତାଂଵର ।
ତଵପ୍ରଵ୍ରାଜନାର୍ଥାନିସ୍ଥିତାନିହୃଦୟେମମ ॥ 15 ॥
ତ୍ଵାଂତୁଦୃଷ୍ଟଵାକୁଶଲିନଂପରିଷ୍ଵଜ୍ୟସଲକ୍ଷ୍ମଣମ୍ ।
ଅଦ୍ୟଦୁଃଖାଦ୍ଵିମୁକ୍ତୋଽସ୍ମିନୀହାରାଦିଵଭାସ୍କରଃ ॥ 16 ॥
ତାରିତୋଽହଂତ୍ଵୟାପୁତ୍ର ସୁପୁତ୍ରେଣମହାତ୍ମନା ।
ଅଷ୍ଟାଵକ୍ରେଣଧର୍ମାତ୍ମାକହୋଲୋବ୍ରାହ୍ମଣୋୟଥା ॥ 17 ॥
ଇଦାନୀଂ ଚ ଵିଜାନାମିୟଥାସୌମ୍ୟ ସୁରେଶ୍ଵରୈଃ ।
ଵଧାର୍ଥଂରାଵଣସ୍ୟେହଵିହିତଂପୁରୁଷୋତ୍ତମ ॥ 18 ॥
ସିଦ୍ଧାର୍ଥାଖଲୁକୌସଲ୍ୟାୟାତ୍ଵାଂରାମ ଗୃହଂଗତମ୍ ।
ଵନାନ୍ନିଵୃତ୍ତଂସଂହୃଷ୍ଟାଦ୍ରକ୍ଷ୍ୟତେଶତ୍ରୁସୂଦନମ୍ ॥ 19 ॥
ସିଦ୍ଧାର୍ଥାଃଖଲୁତେରାମ ନରାୟେତ୍ଵାଂପୁରୀଂଗତମ୍ ।
ରାଜ୍ୟେଚାଵାଭିଷିକ୍ତଂ ଚ ଦ୍ରକ୍ଷ୍ୟଂତେଵସୁଧାଧିପମ୍ ॥ 20 ॥
ଅନୁରକ୍ତେନବଲିନାଶୁଚିନାଧର୍ମଚାରିଣା ।
ଇଚ୍ଛେୟଂତ୍ଵାମହଂଦ୍ରଷ୍ଟୁଂଭରତେନସମାଗତମ୍ ॥ 21 ॥
ଚତୁର୍ଦଶସମାସ୍ସୌମ୍ୟଵନେନିର୍ୟାତିତାସ୍ତ୍ଵୟା ।
ଵସତାସୀତୟାସାର୍ଧଂଲକ୍ଷ୍ମଣେନ ଚ ଧୀମତା ॥ 22 ॥
ନିଵୃତ୍ତଵନଵାସୋଽସିପ୍ରତିଜ୍ଞାପୂରିତାତ୍ଵୟା ।
ରାଵଣଂ ଚ ରଣେହତ୍ଵାଦେଵତାଃପରିତୋଷିତାଃ ॥ 23 ॥
କୃତଂକର୍ମୟଶଶ୍ଶ୍ଲାଘ୍ୟଂପ୍ରାପ୍ତଂତେଶତ୍ରୁସୂଦନ ।
ଭ୍ରାତୃଭିଃସହରାଜ୍ୟସ୍ଥୋଦୀର୍ଘମାୟୁରଵାପ୍ନୁହି ॥ 24 ॥
ଇତିବ୍ରୁଵାଣଂରାଜାନଂରାମଃପ୍ରାଂଜଲିରବ୍ରଵୀତ୍ ।
କୁରୁପ୍ରସାଦଂଧର୍ମଜ୍ଞକୈକେୟ୍ୟାଭରତସ୍ୟ ଚ ॥ 25 ॥
ସପୁତ୍ରାଂତ୍ଵାଂତ୍ୟଜାମୀତିୟଦୁକ୍ତାକେକୟୀତ୍ଵୟା ।
ସ ଶାପଃକେକୟୀଂଘୋରସ୍ସପୁତ୍ରାଂ ନ ସ୍ପୃଶେତ୍ପ୍ରଭୋ ॥ 26 ॥
ତଥେତି ସ ମହାରାଜୋରାମମୁକ୍ତ୍ଵାକୃତାଂଜଲିମ୍ ।
ଲକ୍ଷ୍ମଣଂ ଚ ପରିଷ୍ଵଜ୍ୟପୁନର୍ଵାକ୍ୟମୁଵାଚ ହ ॥ 27 ॥
ରାମଂଶୁଶ୍ରୂଷତାଭକ୍ତ୍ୟାଵୈଦେହ୍ୟାସହସୀତୟା ।
କୃତମମମହାପ୍ରୀତିଃପ୍ରାପ୍ତଂଧର୍ମଫଲଂ ଚ ତେ ॥ 28 ॥
ଧର୍ମଂପ୍ରାପ୍ସ୍ୟସିଧର୍ମଜ୍ଞ ୟଶଶ୍ଚଵିପୁଲଂଭୁଵି ।
ରାମେପ୍ରସନ୍ନେସ୍ଵର୍ଗଂ ଚ ମହିମାନଂତଥୋତ୍ତମାମ୍ ॥ 29 ॥
ରାମଂଶୁଶ୍ରୂଷଭଦ୍ରଂତେସୁମିତ୍ରାନଂଦଵର୍ଧନ ।
ରାମସ୍ସର୍ଵସ୍ୟଲୋକସ୍ୟସୁଭେଷ୍ଵଭିରତଃସଦା ॥ 30 ॥
ଏତେସେଂଦ୍ରାସ୍ତ୍ରୟୋଲୋକାସ୍ସିଦ୍ଧାଶ୍ଚପରମର୍ଷୟଃ ।
ଅଭିଗମ୍ୟମହାତ୍ମାନମର୍ଚଂତିପୁରୁଷୋତ୍ତମମ୍ ॥ 31 ॥
ଏତତ୍ତଦୁକ୍ତମଵ୍ୟକ୍ତମକ୍ଷରଂବ୍ରହ୍ମନିର୍ମିତମ୍ ।
ଦେଵାନାଂହୃଦୟଂସୌମ୍ୟ ଗୁହ୍ୟଂରାମଃପରଂତପ ॥ 32 ॥
ଅଵାପ୍ତଂଧର୍ମଚରଣଂୟଶଶ୍ଚଵିପୁଲଂତ୍ଵୟା ।
ଏନଂଶୁଶ୍ରୂଷତାଭକ୍ତ୍ୟାଵୈଦେହ୍ୟାସହସୀତୟା ॥ 33 ॥
ଇତ୍ୟୁକ୍ତ୍ଵାଲକ୍ଷ୍ମଣଂରାଜାସ୍ନୁଷାଂବଦ୍ଧାଂଜଲିଂସ୍ଥିତାମ୍ ।
ପୁତ୍ରୀତ୍ୟାଭାଷ୍ୟମଧୁରଂଶନୈରେନାମୁଵାଚ ହ ॥ 34 ॥
କର୍ତଵ୍ୟୋ ନ ତୁଵୈଦେହୀମନ୍ୟୁସ୍ତ୍ୟାଗମିମଂପ୍ରତି ।
ରାମେଣେତ୍ଵଦ୍ଵିଶୁଧ୍ୟର୍ଥଂକୃତମେତଦ୍ଧିତୈଷିଣା ॥ 35 ॥
ସୁଦୁଷ୍କରମିଦଂପୁତ୍ରିତଵଚାରିତ୍ରଲକ୍ଷଣମ୍ ।
କୃତଂୟତ୍ତେଽନ୍ୟନାରୀଣାଂୟଶୋହ୍ୟଭିଭଵିଷ୍ୟତି ॥ 36 ॥
ନ ତ୍ଵଂକାମଂସମାଧେୟାଭର୍ତୃଶୁଶ୍ରୂଷଣଂପ୍ରତି ।
ଅଵଶ୍ୟଂତୁମୟାଵାଚ୍ୟମେଷତେଦୈଵତଂପରମ୍ ॥ 37 ॥
ଇତିପ୍ରତିସମାଦିଶ୍ୟପୁତ୍ରୌସୀତାଂ ଚ ରାଘଵଃ ।
ଇଂଦ୍ରଲୋକଂଵିମାନେନୟୟୌଦଶରଥୋଜ୍ଵଲନ୍ ॥ 38 ॥
ଵିମାନମାସ୍ଥାୟମହାନୁଭାଵଃଶ୍ରିୟା ଚ ସମ୍ହୃଷ୍ଟତନ୍ନୁର୍ନୃପୋତ୍ତମଃ ।
ଆମଂତ୍ୟପୁତ୍ରୌସହସୀତୟା ଚ ଜଗାମଦେଵପ୍ରଵରସ୍ୟଲୋକମ୍ ॥ 39 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଦ୍ଵାଵିଂଶତ୍ୟଧିକଶତତମସ୍ସର୍ଗଃ ॥
