ශ්රීමද්වාල්මීකීය රාමායණේ යුද්ධකාංඩම් ।
අථ ඒකෝනත්රිංශදධිකශතතමස්සර්ගඃ ।
බහූනිනාමවර්ෂාණිගතස්යසුමහද්වනම් ।
ශෘණෝම්යහංප්රීතිකරංමමනාථස්යකීර්තනම් ॥ 1 ॥
කල්යාණීබතගාථේයංලෞකිකීප්රතිභාතිමේ ।
ඒතිජීවංතමානංදෝනරංවර්ෂශතාදපි ॥ 2 ॥
රාඝවස්යහරීණාං ච කථමාසීත්සමාගමඃ ।
කස්මින් දේශේකිමාශ්රිත්යතත්ත්වමාඛ්යාහිපෘච්ඡතඃ ॥ 3 ॥
ස පෘෂ්ටෝරාජපුත්රේණබෘශ්යාංසමුපවේශිතඃ ।
ආචචක්ෂේතතස්සර්වංරාමස්යචරිතංවනේ ॥ 4 ॥
යථාප්රව්රාජිතෝරාමෝමාතුර්දත්තෞවරෞතව ।
යථාපුත්රශෝකේනරාජාදශරථෝමෘතඃ ॥ 5 ॥
යථාදූතෛස්ත්වමානීතස්තූර්ණංරාජගෘහාත්ප්රභෝ ।
ත්වයායෝධ්යාංප්රවිෂ්ටේනයථාරාජ්යං න චේප්සිතම් ॥ 6 ॥
චිත්රකූටගිරිංගත්වාරාජ්යේනාමිත්රකර්ශනඃ ।
නිමංත්රිතස්ත්වයාභ්රාතාධර්මමාචරතාසතාම් ॥ 7 ॥
ස්ථිතේනරාජ්ඤෝවචනේයථාරාජ්යංවිසර්ජිතම් ।
ආර්යස්යමාදුකේගෘහ්යයථාසිපුනරාගතඃ ।
ය ॥ 8 ॥
සර්වමේතන්මහාබාහෝයථාවද්විදිතංතව ।
ත්වයිප්රතිප්රයාතේතුයද්වෘත්තංතන්නිබෝධමේ ॥ 9 ॥
අපයාතේත්වයිතදාසමුද්භ්රාංතමෘගද්විජම් ।
පරිධ්යුඊනමිවාත්යර්ථංතද්වනංසමපද්යත ॥ 10 ॥
තදථස්තිමෘදිතංඝෝරංසිංහව්යාඝ්රමෘගාකුලම් ।
ප්රවිවේශාථවිජනං ස මහද්දංඩකාවනම් ॥ 11 ॥
තේෂාංපුරස්තාද්භලවාන් ගච්ඡතාංගහනේවනේ ।
විනදන් සුමහානාදංවිරාධඃප්රත්යදෘශ්යත ॥ 12 ॥
තමුත්ක්ෂිප්යමහානාදමූර්ධ්වබාහුමධෝමුඛම් ।
නිඛාතේප්රක්ෂිපංතිස්මවදංතමිවකුංජරම් ॥ 13 ॥
තත්කෘත්වාදුෂ්කරංකර්මභ්රාතරෞරාමලක්ෂ්මණෞ ।
සායාහ්නේශරභංගස්යරම්යමාශ්රමමීයතුඃ ॥ 14 ॥
ශරභංගේදිවංප්රාප්තේරාමස්සත්යපරාක්රමඃ ।
අභිවාද්යමුනීන්සර්වාන්ජනස්ථානමුපාගමත් ॥ 15 ॥
තතඃපශ්චාච්ඡූර්පණඛානාමරාමපාර්ශමුපාගතා ।
තතෝරාමේණසංදිෂ්ටෝලක්ෂ්මණස්සහසෝත්ථිතඃ ॥ 16 ॥
ප්රගෘහ්යඛංගංචිච්ඡේදකර්ණනාසේමහාබලඃ ।
චතුර්දශසහස්රාණිජනස්තාන්නිවාසිනාම් ॥ 17 ॥
හතානිවසතාතත්රරාඝවේණමහාත්මනා ।
ඒකේනසහසංගම්යරාමේණරණමූර්ධනි ॥ 18 ॥
අහ්නශ්චතුර්ථභාගේනනිඃශේෂාරාක්ෂසාඃකෘතාඃ ।
මබලාමහාවීර්යාස්තපසෝවිඝ්නකාරිණඃ ॥ 19 ॥
නිහතාරාඝවේණාජෞදංඩකාරණ්යවාසිනඃ ।
රාක්ෂසාශ්චවිනිෂ්පිෂ්ටාඃඛරශ්චනිහතෝරණේ ॥ 20 ॥
දූෂණංචාග්රතෝහත්වාත්රිශිරාස්තදනංතම් ।
තස්තේනාර්දිතාබාලාරාවණංසමුපාගතා ॥ 21 ॥
රාවණානුචරෝඝෝරෝමාරීචෝනාමරාක්ෂසඃ ।
ලෝභයාමාසවෛදේහීංභූත්වාරත්නමයෝමෘගඃ ॥ 22 ॥
සාරාමමබ්රවීදෘෂ්ටවාවෛදේසීගෘහ්යතාමිති ।
අයංමනෝහරඃකාංතආශ්රමෝනෝභවිෂ්යති ॥ 23 ॥
තතෝරාමෝධනුෂ්පාණිර්මෘගංතමනුධාවති ।
ස තංජඝානධාවංතංශරේණානතපර්වණා ॥ 24 ॥
අථසෞම්ය දශග්රීවෝමෘගංයාතේතුරාඝවේ ।
ලක්ෂ්මණේචාපිනිෂ්ක්රාංතේප්රවිවේශාශ්රමංතදා ॥ 25 ॥
ජග්රාහතරසාසීතාංග්රහඃඛේරෝහිණීමිව ।
ත්රාතුකාමංතතෝයුද්ධේහත්වාගෘධ්රංජටායුෂම් ॥ 26 ॥
ප්රගෘහ්යසහසාසීතාංජගාමාශු ස රාක්ෂසඃ ।
තස්ත්වද්භුතසංකාශාස්ස්ථිතාඃපර්වතමූර්ධනි ॥ 27 ॥
සීතාංගෘහීත්වාගච්ඡංතංවානරාඃපර්වතෝපමාඃ ।
දදෘශුර්මිස්මිතාකාරාරාවණංරාක්ෂසාධිපම් ॥ 28 ॥
තතශීඝ්රතරංගත්වාතද්විමානංමනෝජවම් ।
ආරුහ්යසහවෛදේහ්යාපුෂ්පකං ස මහාබලඃ ॥ 29 ॥
ප්රවිවේශතදාලංකාංරාවණෝරාක්ෂසේශ්වරඃ ।
තාංසුවර්ණපරිෂ්කාරේශුභේමහතිවේශ්මනි ॥ 30 ॥
ප්රවේශ්යමෛථිලීංවාක්යෛස්සාංත්වයාමාසරාවණඃ ।
තෘණවද්භාෂිතංතස්යතං ච නෛරෘතපුංගවම් ॥ 31 ॥
අචිංතයංතීවෛදේහීහ්යශෝකවනිකාංගතා ।
න්යවර්තතතදාරාමෝමෘගංහත්වාතදාවනේ ॥ 32 ॥
නිවර්තමානඃකාකුත්ස්ථෝදෘෂ්ටවාගෘධ්රං ස විව්යථේ ।
ගෘධ්රංහතංතදාදෘෂ්ටවාරාමඃප්රියතරංපිතුඃ ॥ 33 ॥
මාර්ගමාණස්තුවෛදේහීංරාඝවංසහලක්ෂ්මණඃ ।
ගෝදාවරීමන්වචරද්වනෝද්ධේශාංශ්චපුෂ්පිතාන් ॥ 34 ॥
ආසේදතුර්මහාරණ්යේකබංධංනාමරාක්ෂසම් ।
තතඃකබංදවචනාද්රාමස්සත්යපරාක්රමඃ ॥ 35 ॥
ඍෂ්යමූකගිරිංගත්වාසුග්රීවේණසමාගතඃ ।
තයෝස්සමාගමඃපූර්වංප්රීත්යහාර්දෝව්යජායත ॥ 36 ॥
භ්රාත්රානිරස්තඃක්රුද්ධේනසුග්රීවෝවාලිනාපුරා ।
ඉතරේතරසංවාදාත්ප්රගාඪඃප්රණයස්තයෝඃ ॥ 37 ॥
රාමස්ස්වබාහුවීර්යේණස්වරාජ්යංප්රත්යපාදයත් ।
වාලිනංසමරේහත්වාමහාකායංමහාබලම් ॥ 38 ॥
සුග්රීවස්ස්ථාපිතෝරාජ්යේසහිතස්සර්වවානරෛඃ ।
රාමායප්රතිජානීතේරාජපුත්ය්රාස්තුමාර්ගණම් ॥ 39 ॥
අදිෂ්ටාවානරේංද්රේණසුග්රීවේණමහාත්මනා ।
දශකෝට්යඃප්ලවංගානාංසර්වාඃප්රස්ථාපිතාඃදිශඃ ॥ 40 ॥
තේෂාංනෝවිප්රනෂ්ටානාංවිංධ්යේපර්වතසත්තමෝ ।
භෘශංශෝකානිතප්තානාංමහාන්කාලෝ ත්යවර්තත ॥ 41 ॥
භ්රාතාතුගෘධ්රරාජස්යසංපාතිර්නාමවීර්යවාන් ।
සමාඛ්යාතිස්මවසතීංසීතාංරාවණමංදිරේ ॥ 42 ॥
සෝහංදුඃඛපරීතානාංදුඃඛංතද් ජ්ඤාතීනාංනුදන් ।
ආත්මවීර්යංසමාස්ථායයෝජනානාංශතංප්ලුතඃ ॥ 43 ॥
තත්රාහමේකාමද්රාක්ෂමශෝකවනිකාංගතාම් ।
කෞශේයවස්ත්රාංමලිනාංනිරනංදාංදෘඪව්රතාම් ॥ 44 ॥
තයාසමේත්යවිධිවත් පෘෂ්ටවාසර්වමනිංදිතාම් ।
අභිජ්ඤානංමයාදත්තංරාමනාමාංගුලීයකම් ॥ 45 ॥
අභිජ්ඤානංමණිංලබ්ද්වාචරිතාර්ධෝ හමාගතඃ ।
මයා ච පුනරාගම්යරාමස්යාක්ලිෂ්ටකර්මණඃ ॥ 46 ॥
අභිජ්ඤානංමයාදත්තමර්චිෂ්මාන් ස මහාමණිඃ ।
ශ්රුත්වාතාංමෛථිලීංරාමස්ත්වාශශංසේ ච ජීවිතම් ॥ 47 ॥
ජීවිතාංතමනුප්රාප්තඃපීත්වාමෘතමිවාතුරඃ ।
උද්යෝජයිෂ්යන්නුද්යෝගංදධ්රේකාමංවධේමනඃ ॥ 48 ॥
ජිඝාංසුරිවලෝකාංතේසර්වාන්ලෝකාන්විභාවසුඃ ।
තතස්සමුද්රමාසාද්යනලංසේතුමකාරයත් ॥ 49 ॥
අතරත්කපිවීරාණාං වාහිනී තේන සේතුනා ।
ප්රහස්තම්වධීන්නීලඃකුංභකර්ණංතුරාඝවඃ ॥ 50 ॥
ලක්ෂ්මණෝරාවණසුතංස්වයංරාමස්තුරාවණම් ।
සශක්රේණසමාගම්යයමේනවරුණේන ච ॥ 51 ॥
මහේශ්වරස්වයංභූභ්යාං තථා දශරථේන ච ।
තෛශ්චදත්තවර්ශ්රීමානෘෂිභිශ්චසමාගතෛඃ ॥ 52 ॥
සුරර්ෂිභිශ්චකාකුත්ස්ථෝවරාන්ලේභේපරංතපඃ ।
සතුදත්තවරඃප්රීත්යාවානරෛශ්චසමාගතඃ ॥ 53 ॥
පුෂ්පකේනවිමානේනකිෂ්කිනෂ්ධාමභ්යුපාගමත් ।
තංගංගාංපුනාරාසාද්යවසංතංමුනිසන්නිධෞ ॥ 54 ॥
අවිඝ්නංපුෂ්යයෝගේනශ්වෝරාමංද්රෂ්ටුමර්හසි ।
තතස්සවාක්යෛර්මධුරෛර්හනුමතෝනිශම්යහෘෂ්ටෝභරතඃකෘතාංජලිඃ ।
උවාචවාණීංමනසඃප්රහර්ෂණීංචිරස්යපූර්ණඃඛලුමේමනෝරථඃ ॥ 55 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ඒකෝනත්රිංශදධිකශතතමස්සර්ගඃ ॥
