ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಏಕೋನತ್ರಿಂಶದಧಿಕಶತತಮಸ್ಸರ್ಗಃ ।
ಬಹೂನಿನಾಮವರ್ಷಾಣಿಗತಸ್ಯಸುಮಹದ್ವನಮ್ ।
ಶೃಣೋಮ್ಯಹಮ್ಪ್ರೀತಿಕರಮ್ಮಮನಾಥಸ್ಯಕೀರ್ತನಮ್ ॥ 1 ॥
ಕಲ್ಯಾಣೀಬತಗಾಥೇಯಂಲೌಕಿಕೀಪ್ರತಿಭಾತಿಮೇ ।
ಏತಿಜೀವನ್ತಮಾನನ್ದೋನರಂವರ್ಷಶತಾದಪಿ ॥ 2 ॥
ರಾಘವಸ್ಯಹರೀಣಾಂ ಚ ಕಥಮಾಸೀತ್ಸಮಾಗಮಃ ।
ಕಸ್ಮಿನ್ ದೇಶೇಕಿಮಾಶ್ರಿತ್ಯತತ್ತ್ವಮಾಖ್ಯಾಹಿಪೃಚ್ಛತಃ ॥ 3 ॥
ಸ ಪೃಷ್ಟೋರಾಜಪುತ್ರೇಣಬೃಶ್ಯಾಂಸಮುಪವೇಶಿತಃ ।
ಆಚಚಕ್ಷೇತತಸ್ಸರ್ವಂರಾಮಸ್ಯಚರಿತಂವನೇ ॥ 4 ॥
ಯಥಾಪ್ರವ್ರಾಜಿತೋರಾಮೋಮಾತುರ್ದತ್ತೌವರೌತವ ।
ಯಥಾಪುತ್ರಶೋಕೇನರಾಜಾದಶರಥೋಮೃತಃ ॥ 5 ॥
ಯಥಾದೂತೈಸ್ತ್ವಮಾನೀತಸ್ತೂರ್ಣಂರಾಜಗೃಹಾತ್ಪ್ರಭೋ ।
ತ್ವಯಾಯೋಧ್ಯಾಮ್ಪ್ರವಿಷ್ಟೇನಯಥಾರಾಜ್ಯಂ ನ ಚೇಪ್ಸಿತಮ್ ॥ 6 ॥
ಚಿತ್ರಕೂಟಗಿರಿಙ್ಗತ್ವಾರಾಜ್ಯೇನಾಮಿತ್ರಕರ್ಶನಃ ।
ನಿಮನ್ತ್ರಿತಸ್ತ್ವಯಾಭ್ರಾತಾಧರ್ಮಮಾಚರತಾಸತಾಮ್ ॥ 7 ॥
ಸ್ಥಿತೇನರಾಜ್ಞೋವಚನೇಯಥಾರಾಜ್ಯಂವಿಸರ್ಜಿತಮ್ ।
ಆರ್ಯಸ್ಯಮಾದುಕೇಗೃಹ್ಯಯಥಾಸಿಪುನರಾಗತಃ ।
ಯ ॥ 8 ॥
ಸರ್ವಮೇತನ್ಮಹಾಬಾಹೋಯಥಾವದ್ವಿದಿತನ್ತವ ।
ತ್ವಯಿಪ್ರತಿಪ್ರಯಾತೇತುಯದ್ವೃತ್ತನ್ತನ್ನಿಬೋಧಮೇ ॥ 9 ॥
ಅಪಯಾತೇತ್ವಯಿತದಾಸಮುದ್ಭ್ರಾನ್ತಮೃಗದ್ವಿಜಮ್ ।
ಪರಿಧ್ಯುಈನಮಿವಾತ್ಯರ್ಥನ್ತದ್ವನಂಸಮಪದ್ಯತ ॥ 10 ॥
ತದಥಸ್ತಿಮೃದಿತಙ್ಘೋರಂಸಿಂಹವ್ಯಾಘ್ರಮೃಗಾಕುಲಮ್ ।
ಪ್ರವಿವೇಶಾಥವಿಜನಂ ಸ ಮಹದ್ದಣ್ಡಕಾವನಮ್ ॥ 11 ॥
ತೇಷಾಮ್ಪುರಸ್ತಾದ್ಭಲವಾನ್ ಗಚ್ಛತಾಙ್ಗಹನೇವನೇ ।
ವಿನದನ್ ಸುಮಹಾನಾದಂವಿರಾಧಃಪ್ರತ್ಯದೃಶ್ಯತ ॥ 12 ॥
ತಮುತ್ಕ್ಷಿಪ್ಯಮಹಾನಾದಮೂರ್ಧ್ವಬಾಹುಮಧೋಮುಖಮ್ ।
ನಿಖಾತೇಪ್ರಕ್ಷಿಪನ್ತಿಸ್ಮವದನ್ತಮಿವಕುಞ್ಜರಮ್ ॥ 13 ॥
ತತ್ಕೃತ್ವಾದುಷ್ಕರಙ್ಕರ್ಮಭ್ರಾತರೌರಾಮಲಕ್ಷ್ಮಣೌ ।
ಸಾಯಾಹ್ನೇಶರಭಙ್ಗಸ್ಯರಮ್ಯಮಾಶ್ರಮಮೀಯತುಃ ॥ 14 ॥
ಶರಭಙ್ಗೇದಿವಮ್ಪ್ರಾಪ್ತೇರಾಮಸ್ಸತ್ಯಪರಾಕ್ರಮಃ ।
ಅಭಿವಾದ್ಯಮುನೀನ್ಸರ್ವಾನ್ಜನಸ್ಥಾನಮುಪಾಗಮತ್ ॥ 15 ॥
ತತಃಪಶ್ಚಾಚ್ಛೂರ್ಪಣಖಾನಾಮರಾಮಪಾರ್ಶಮುಪಾಗತಾ ।
ತತೋರಾಮೇಣಸನ್ದಿಷ್ಟೋಲಕ್ಷ್ಮಣಸ್ಸಹಸೋತ್ಥಿತಃ ॥ 16 ॥
ಪ್ರಗೃಹ್ಯಖಙ್ಗಞ್ಚಿಚ್ಛೇದಕರ್ಣನಾಸೇಮಹಾಬಲಃ ।
ಚತುರ್ದಶಸಹಸ್ರಾಣಿಜನಸ್ತಾನ್ನಿವಾಸಿನಾಮ್ ॥ 17 ॥
ಹತಾನಿವಸತಾತತ್ರರಾಘವೇಣಮಹಾತ್ಮನಾ ।
ಏಕೇನಸಹಸಙ್ಗಮ್ಯರಾಮೇಣರಣಮೂರ್ಧನಿ ॥ 18 ॥
ಅಹ್ನಶ್ಚತುರ್ಥಭಾಗೇನನಿಃಶೇಷಾರಾಕ್ಷಸಾಃಕೃತಾಃ ।
ಮಬಲಾಮಹಾವೀರ್ಯಾಸ್ತಪಸೋವಿಘ್ನಕಾರಿಣಃ ॥ 19 ॥
ನಿಹತಾರಾಘವೇಣಾಜೌದಣ್ಡಕಾರಣ್ಯವಾಸಿನಃ ।
ರಾಕ್ಷಸಾಶ್ಚವಿನಿಷ್ಪಿಷ್ಟಾಃಖರಶ್ಚನಿಹತೋರಣೇ ॥ 20 ॥
ದೂಷಣಞ್ಚಾಗ್ರತೋಹತ್ವಾತ್ರಿಶಿರಾಸ್ತದನನ್ತಮ್ ।
ತಸ್ತೇನಾರ್ದಿತಾಬಾಲಾರಾವಣಂಸಮುಪಾಗತಾ ॥ 21 ॥
ರಾವಣಾನುಚರೋಘೋರೋಮಾರೀಚೋನಾಮರಾಕ್ಷಸಃ ।
ಲೋಭಯಾಮಾಸವೈದೇಹೀಮ್ಭೂತ್ವಾರತ್ನಮಯೋಮೃಗಃ ॥ 22 ॥
ಸಾರಾಮಮಬ್ರವೀದೃಷ್ಟವಾವೈದೇಸೀಗೃಹ್ಯತಾಮಿತಿ ।
ಅಯಮ್ಮನೋಹರಃಕಾನ್ತಆಶ್ರಮೋನೋಭವಿಷ್ಯತಿ ॥ 23 ॥
ತತೋರಾಮೋಧನುಷ್ಪಾಣಿರ್ಮೃಗನ್ತಮನುಧಾವತಿ ।
ಸ ತಞ್ಜಘಾನಧಾವನ್ತಂಶರೇಣಾನತಪರ್ವಣಾ ॥ 24 ॥
ಅಥಸೌಮ್ಯ ದಶಗ್ರೀವೋಮೃಗಂಯಾತೇತುರಾಘವೇ ।
ಲಕ್ಷ್ಮಣೇಚಾಪಿನಿಷ್ಕ್ರಾನ್ತೇಪ್ರವಿವೇಶಾಶ್ರಮನ್ತದಾ ॥ 25 ॥
ಜಗ್ರಾಹತರಸಾಸೀತಾಙ್ಗ್ರಹಃಖೇರೋಹಿಣೀಮಿವ ।
ತ್ರಾತುಕಾಮನ್ತತೋಯುದ್ಧೇಹತ್ವಾಗೃಧ್ರಞ್ಜಟಾಯುಷಮ್ ॥ 26 ॥
ಪ್ರಗೃಹ್ಯಸಹಸಾಸೀತಾಞ್ಜಗಾಮಾಶು ಸ ರಾಕ್ಷಸಃ ।
ತಸ್ತ್ವದ್ಭುತಸಙ್ಕಾಶಾಸ್ಸ್ಥಿತಾಃಪರ್ವತಮೂರ್ಧನಿ ॥ 27 ॥
ಸೀತಾಙ್ಗೃಹೀತ್ವಾಗಚ್ಛನ್ತಂವಾನರಾಃಪರ್ವತೋಪಮಾಃ ।
ದದೃಶುರ್ಮಿಸ್ಮಿತಾಕಾರಾರಾವಣಂರಾಕ್ಷಸಾಧಿಪಮ್ ॥ 28 ॥
ತತಶೀಘ್ರತರಙ್ಗತ್ವಾತದ್ವಿಮಾನಮ್ಮನೋಜವಮ್ ।
ಆರುಹ್ಯಸಹವೈದೇಹ್ಯಾಪುಷ್ಪಕಂ ಸ ಮಹಾಬಲಃ ॥ 29 ॥
ಪ್ರವಿವೇಶತದಾಲಙ್ಕಾಂರಾವಣೋರಾಕ್ಷಸೇಶ್ವರಃ ।
ತಾಂಸುವರ್ಣಪರಿಷ್ಕಾರೇಶುಭೇಮಹತಿವೇಶ್ಮನಿ ॥ 30 ॥
ಪ್ರವೇಶ್ಯಮೈಥಿಲೀಂವಾಕ್ಯೈಸ್ಸಾನ್ತ್ವಯಾಮಾಸರಾವಣಃ ।
ತೃಣವದ್ಭಾಷಿತನ್ತಸ್ಯತಂ ಚ ನೈರೃತಪುಙ್ಗವಮ್ ॥ 31 ॥
ಅಚಿನ್ತಯನ್ತೀವೈದೇಹೀಹ್ಯಶೋಕವನಿಕಾಙ್ಗತಾ ।
ನ್ಯವರ್ತತತದಾರಾಮೋಮೃಗಂಹತ್ವಾತದಾವನೇ ॥ 32 ॥
ನಿವರ್ತಮಾನಃಕಾಕುತ್ಸ್ಥೋದೃಷ್ಟವಾಗೃಧ್ರಂ ಸ ವಿವ್ಯಥೇ ।
ಗೃಧ್ರಂಹತನ್ತದಾದೃಷ್ಟವಾರಾಮಃಪ್ರಿಯತರಮ್ಪಿತುಃ ॥ 33 ॥
ಮಾರ್ಗಮಾಣಸ್ತುವೈದೇಹೀಂರಾಘವಂಸಹಲಕ್ಷ್ಮಣಃ ।
ಗೋದಾವರೀಮನ್ವಚರದ್ವನೋದ್ಧೇಶಾಂಶ್ಚಪುಷ್ಪಿತಾನ್ ॥ 34 ॥
ಆಸೇದತುರ್ಮಹಾರಣ್ಯೇಕಬನ್ಧನ್ನಾಮರಾಕ್ಷಸಮ್ ।
ತತಃಕಬನ್ದವಚನಾದ್ರಾಮಸ್ಸತ್ಯಪರಾಕ್ರಮಃ ॥ 35 ॥
ಋಷ್ಯಮೂಕಗಿರಿಙ್ಗತ್ವಾಸುಗ್ರೀವೇಣಸಮಾಗತಃ ।
ತಯೋಸ್ಸಮಾಗಮಃಪೂರ್ವಮ್ಪ್ರೀತ್ಯಹಾರ್ದೋವ್ಯಜಾಯತ ॥ 36 ॥
ಭ್ರಾತ್ರಾನಿರಸ್ತಃಕ್ರುದ್ಧೇನಸುಗ್ರೀವೋವಾಲಿನಾಪುರಾ ।
ಇತರೇತರಸಂವಾದಾತ್ಪ್ರಗಾಢಃಪ್ರಣಯಸ್ತಯೋಃ ॥ 37 ॥
ರಾಮಸ್ಸ್ವಬಾಹುವೀರ್ಯೇಣಸ್ವರಾಜ್ಯಮ್ಪ್ರತ್ಯಪಾದಯತ್ ।
ವಾಲಿನಂಸಮರೇಹತ್ವಾಮಹಾಕಾಯಮ್ಮಹಾಬಲಮ್ ॥ 38 ॥
ಸುಗ್ರೀವಸ್ಸ್ಥಾಪಿತೋರಾಜ್ಯೇಸಹಿತಸ್ಸರ್ವವಾನರೈಃ ।
ರಾಮಾಯಪ್ರತಿಜಾನೀತೇರಾಜಪುತ್ಯ್ರಾಸ್ತುಮಾರ್ಗಣಮ್ ॥ 39 ॥
ಅದಿಷ್ಟಾವಾನರೇನ್ದ್ರೇಣಸುಗ್ರೀವೇಣಮಹಾತ್ಮನಾ ।
ದಶಕೋಟ್ಯಃಪ್ಲವಙ್ಗಾನಾಂಸರ್ವಾಃಪ್ರಸ್ಥಾಪಿತಾಃದಿಶಃ ॥ 40 ॥
ತೇಷಾನ್ನೋವಿಪ್ರನಷ್ಟಾನಾಂವಿನ್ಧ್ಯೇಪರ್ವತಸತ್ತಮೋ ।
ಭೃಶಂಶೋಕಾನಿತಪ್ತಾನಾಮ್ಮಹಾನ್ಕಾಲೋ ತ್ಯವರ್ತತ ॥ 41 ॥
ಭ್ರಾತಾತುಗೃಧ್ರರಾಜಸ್ಯಸಮ್ಪಾತಿರ್ನಾಮವೀರ್ಯವಾನ್ ।
ಸಮಾಖ್ಯಾತಿಸ್ಮವಸತೀಂಸೀತಾಂರಾವಣಮನ್ದಿರೇ ॥ 42 ॥
ಸೋಹನ್ದುಃಖಪರೀತಾನಾನ್ದುಃಖನ್ತದ್ ಜ್ಞಾತೀನಾನ್ನುದನ್ ।
ಆತ್ಮವೀರ್ಯಂಸಮಾಸ್ಥಾಯಯೋಜನಾನಾಂಶತಮ್ಪ್ಲುತಃ ॥ 43 ॥
ತತ್ರಾಹಮೇಕಾಮದ್ರಾಕ್ಷಮಶೋಕವನಿಕಾಙ್ಗತಾಮ್ ।
ಕೌಶೇಯವಸ್ತ್ರಾಮ್ಮಲಿನಾನ್ನಿರನನ್ದಾನ್ದೃಢವ್ರತಾಮ್ ॥ 44 ॥
ತಯಾಸಮೇತ್ಯವಿಧಿವತ್ ಪೃಷ್ಟವಾಸರ್ವಮನಿನ್ದಿತಾಮ್ ।
ಅಭಿಜ್ಞಾನಮ್ಮಯಾದತ್ತಂರಾಮನಾಮಾಙ್ಗುಲೀಯಕಮ್ ॥ 45 ॥
ಅಭಿಜ್ಞಾನಮ್ಮಣಿಂಲಬ್ದ್ವಾಚರಿತಾರ್ಧೋ ಹಮಾಗತಃ ।
ಮಯಾ ಚ ಪುನರಾಗಮ್ಯರಾಮಸ್ಯಾಕ್ಲಿಷ್ಟಕರ್ಮಣಃ ॥ 46 ॥
ಅಭಿಜ್ಞಾನಮ್ಮಯಾದತ್ತಮರ್ಚಿಷ್ಮಾನ್ ಸ ಮಹಾಮಣಿಃ ।
ಶ್ರುತ್ವಾತಾಮ್ಮೈಥಿಲೀಂರಾಮಸ್ತ್ವಾಶಶಂಸೇ ಚ ಜೀವಿತಮ್ ॥ 47 ॥
ಜೀವಿತಾನ್ತಮನುಪ್ರಾಪ್ತಃಪೀತ್ವಾಮೃತಮಿವಾತುರಃ ।
ಉದ್ಯೋಜಯಿಷ್ಯನ್ನುದ್ಯೋಗನ್ದಧ್ರೇಕಾಮಂವಧೇಮನಃ ॥ 48 ॥
ಜಿಘಾಂಸುರಿವಲೋಕಾನ್ತೇಸರ್ವಾನ್ಲೋಕಾನ್ವಿಭಾವಸುಃ ।
ತತಸ್ಸಮುದ್ರಮಾಸಾದ್ಯನಲಂಸೇತುಮಕಾರಯತ್ ॥ 49 ॥
ಅತರತ್ಕಪಿವೀರಾಣಾಂ ವಾಹಿನೀ ತೇನ ಸೇತುನಾ ।
ಪ್ರಹಸ್ತಮ್ವಧೀನ್ನೀಲಃಕುಮ್ಭಕರ್ಣನ್ತುರಾಘವಃ ॥ 50 ॥
ಲಕ್ಷ್ಮಣೋರಾವಣಸುತಂಸ್ವಯಂರಾಮಸ್ತುರಾವಣಮ್ ।
ಸಶಕ್ರೇಣಸಮಾಗಮ್ಯಯಮೇನವರುಣೇನ ಚ ॥ 51 ॥
ಮಹೇಶ್ವರಸ್ವಯಮ್ಭೂಭ್ಯಾಂ ತಥಾ ದಶರಥೇನ ಚ ।
ತೈಶ್ಚದತ್ತವರ್ಶ್ರೀಮಾನೃಷಿಭಿಶ್ಚಸಮಾಗತೈಃ ॥ 52 ॥
ಸುರರ್ಷಿಭಿಶ್ಚಕಾಕುತ್ಸ್ಥೋವರಾನ್ಲೇಭೇಪರನ್ತಪಃ ।
ಸತುದತ್ತವರಃಪ್ರೀತ್ಯಾವಾನರೈಶ್ಚಸಮಾಗತಃ ॥ 53 ॥
ಪುಷ್ಪಕೇನವಿಮಾನೇನಕಿಷ್ಕಿನಷ್ಧಾಮಭ್ಯುಪಾಗಮತ್ ।
ತಙ್ಗಙ್ಗಾಮ್ಪುನಾರಾಸಾದ್ಯವಸನ್ತಮ್ಮುನಿಸನ್ನಿಧೌ ॥ 54 ॥
ಅವಿಘ್ನಮ್ಪುಷ್ಯಯೋಗೇನಶ್ವೋರಾಮನ್ದ್ರಷ್ಟುಮರ್ಹಸಿ ।
ತತಸ್ಸವಾಕ್ಯೈರ್ಮಧುರೈರ್ಹನುಮತೋನಿಶಮ್ಯಹೃಷ್ಟೋಭರತಃಕೃತಾಞ್ಜಲಿಃ ।
ಉವಾಚವಾಣೀಮ್ಮನಸಃಪ್ರಹರ್ಷಣೀಞ್ಚಿರಸ್ಯಪೂರ್ಣಃಖಲುಮೇಮನೋರಥಃ ॥ 55 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಏಕೋನತ್ರಿಂಶದಧಿಕಶತತಮಸ್ಸರ್ಗಃ ॥
