ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಏಕಚತ್ವಾರಿಂಶಸ್ಸರ್ಗಃ ।
ಅಥತಸ್ಮಿನ್ನಿಮಿತ್ತಾನಿದೃಷ್ಟವಾಲಕ್ಷ್ಮಣಪೂರ್ವಜಃ ।
ಸುಗ್ರೀವಂಸಮ್ಪರಿಷ್ವಜ್ಯತಥಾವಚನಮಬ್ರವೀತ್ ॥ 1 ॥
ಅಸನ್ತ್ಱ್ಯಮಯಾಸಾರ್ಥನ್ತದಿದಂಸಾಹಸಙ್ಕೃತಮ್ ।
ಏವಂಸಾಹಸುಕ್ತಾನಿನಕುರ್ವನ್ತಿಜನೇಶ್ವರಾಃ ॥ 2 ॥
ಸಂಶಯೇಸ್ಥಾಪ್ಯಮಾಞ್ಚೇದಮ್ಬಲಞ್ಚಸವಿಭೀಷಣಮ್ ।
ಕಷ್ಟಙ್ಕೃತಮಿದಂವೀರ ಸಾಹಸಂಸಾಹಸಪ್ರಿಯ ॥ 3 ॥
ಇದಾನೀಮ್ಮಾಕೃಥಾವೀರ ಏವಂವಿಧಮಚಿನ್ತಿತಮ್ ।
ತ್ವಯಿಕಿಞ್ಚಿತ್ಸಮಾಪನ್ನೇಕಿಙ್ಕಾರ್ಯಂಸೀತಯಾಮಮ ॥ 4 ॥
ಭರತೇನಮಹಾಬಾಹೋ ಲಕ್ಷ್ಮಣೇನಯವೀಯಸಾ ।
ಶತ್ರುಘ್ನೇನಚಶತ್ರುಘ್ನಸ್ವಶರೀರೇಣವಾಪುನಃ ॥ 5 ॥
ತ್ವಯಿಚಾನಾಗತೇಪೂರ್ವಮಿತಿಮೇನಿಶ್ಚಿತಾಮತಿಃ ।
ಜಾನತಶ್ಚಾಪಿತೇವೀರ್ಯಮ್ಮಹೇನ್ದ್ರವರುಣೋಸಮ ॥ 6 ॥
ಹತ್ವಾಽಹಂರಾವಣಂಯುದ್ಧೇಸಪುತ್ರಬಲವಾಹನಮ್ ।
ಅಭಿಷಿಚ್ಯಚಲಙ್ಕಾಯಾಂವಿಭೀಷಣಮಥಾಪಿಚ ॥ 7 ॥
ಭರತೇರಾಜ್ಯಮಾವೇಶ್ಯತ್ಯಕ್ಷ್ಯೇದೇಹಮ್ಮಹಾಬಲ ।
ತಮೇವಂವಾದಿನಂರಾಮಂಸುಗ್ರೀವಃಪ್ರತ್ಯಭಾಷತ ॥ 8 ॥
ತವಭಾರ್ಯಾಪಹರ್ತಾರನ್ದೃಷ್ಟವಾರಾಘವ ರಾವಣಮ್ ।
ಮರ್ಷಯಾಮಿಕಥಂವೀರಜಾನಪೌರುಷಮಾತ್ಮನಃ ॥ 9 ॥
ಇತ್ಯೇವಂವಾದಿನಂವೀರಮಭಿನನ್ದ್ಯಚರಾಘವಃ ।
ಲಕ್ಷ್ಮಣಂಲಕ್ಷೀಸಮ್ಪನ್ನಮಿದಂವಚನಮಬ್ರವೀತ್ ॥ 10 ॥
ಪರಿಗೃಹ್ಯೋದಕಂಶೀತಂವನಾನಿಫಲವನ್ತಿಚ ।
ಬಲೌಘಂಸಂವಿಭಜ್ಯೇಮಂವ್ಯೂಹ್ಯತಿಷ್ಠೇಮಲಕ್ಷ್ಮಣ ॥ 11 ॥
ಲೋಕಕ್ಷಯಕರಮ್ಭೀಮಮ್ಭಯಮ್ಪಶ್ಯಾಮ್ಯುಪಸ್ಥಿತಮ್ ।
ನಿಬರ್ಹಣಮ್ಪ್ರವೀರಾಣಾಮೃಕ್ಷವಾನರರಕ್ಷಸಾಮ್ ॥ 12 ॥
ವಾತಾಶ್ಚಹಿಪರುಷಾಂವಾನ್ತಿಕಮ್ಪತೇಚವಸುನ್ಧರಾ ।
ಪರ್ವತಾಗ್ರಾಣಿವೇಪನ್ತೇಪತನ್ತಿಧರಣೀಧರಾಃ ॥ 13 ॥
ಮೇಘಾಃಕ್ರವಾದಸಙ್ಕಾಶಾಃಪರುಷಾಃಪರುಷಸ್ವನಾಃ ।
ಕ್ರೂರಾಃಕ್ರೂರಮ್ಪ್ರವರ್ಷನ್ತಿಮಿಶ್ರಂಶೋಣಿತಬಿನ್ದುಭಿಃ ॥ 14 ॥
ರಕ್ತಚನ್ದನಸಙ್ಕಾಶಾಸನ್ಧ್ಯಾಪರಮದಾರುಣಾ ।
ಜ್ವಲಚ್ಚನಿಪತತ್ಯೇತದಾದಿತ್ಯಾದಗ್ನಿಮಣ್ಡಲಮ್ ॥ 15 ॥
ಆದಿತ್ಯಮಭಿವಾಶ್ಯನ್ತಿಜನಯನ್ತೋಮಹದ್ಭಯಮ್ ।
ದೀನಾದೀನಸ್ವರಾಃಘೋರಾನಪ್ರಶಸ್ತಾಮೃಗದ್ವಿಜಾಃ ॥ 16 ॥
ರಜನ್ಯಾಮಪ್ರಕಾಶಶ್ಚಸನ್ತಾಪಯತಿಚನ್ದ್ರಮಾಃ ।
ಕೃಷ್ಣರಕ್ತಾಂಶುಪರ್ಯನ್ತೋಯಥಾಲೋಕಸ್ಯಸಙ್ಕ್ಷ್ಯೇ ॥ 17 ॥
ಹ್ರಸ್ವೋರೂಕ್ಷೋಽಪ್ರಶಸ್ತಶ್ಚಪರಿವೇಷಸ್ಸುಲೋಹಿತಃ ।
ಆದಿತ್ಯಮಣ್ಡಲೇನೀಲಂಲಕ್ಷ್ಮಲಕ್ಷ್ಮಣ ದೃಶ್ಯತೇ ॥ 18 ॥
ದೃಶ್ಯನ್ತೇನಯಥಾವಚ್ಛನಕ್ಷತ್ರಾಣ್ಯಭಿವರ್ತತೇ ।
ಯುಗಾನ್ತಮಿವಲೋಕಸ್ಯಪಶ್ಯಲಕ್ಷ್ಮಣ ಶಂಸತಿ ॥ 19 ॥
ಕಾಕಾಶ್ಯೇನಾಸ್ತಥಾಗೃಧ್ರಾನೀಚೈಃಪರಿಪತನ್ತಿಚ ।
ಶಿವಾಶ್ಚಾಪ್ಯಶಿವಾವಾಚಃಪ್ರವದನ್ತಿಮಹಾಸ್ವನಾಃ ॥ 20 ॥
ಕ್ಷಿಪ್ರಮದ್ಯದುರಾಧರ್ಷಾಂಲಙ್ಕಾಂರಾವಣಪಾಲಿತಾಮ್ ।
ಅಭಿಯಾಮಜವೇನೈವಸರ್ವತೋಹರಿಭಿರ್ವೃತಾಃ ॥ 21 ॥
ಶೈಲೈಃಶೂಲೈಶ್ಚಖಡಗೈಶ್ಚವಿಮುಕ್ಸ್ಸೈಃಕಪಿರಾಕ್ಷಸೈಃ ।
ಭವಿಷ್ಯತ್ಯಾವೃತಾಭೂಮಿರ್ಮಾಂಸಶೋಣಿತಕರ್ದಮಾ ॥ 22 ॥
ಇತ್ಯೇವನ್ತುವದವನೀರ್ವೋಲಕ್ಷ್ಮಣಂಲಕ್ಷ್ಮಣಾಗ್ರಜಃ ।
ತಸ್ಮಾದವಾತರಚ್ಛೀಘ್ರಮ್ಪರ್ವತಾಗ್ರಾನ್ಮಹಾಬಲಃ ॥ 23 ॥
ಅವತೀರ್ಯಚಧರ್ಮಾತ್ಮಾತಸ್ಮಾಚ್ಛೈಲಾತ್ಸರಾಘವಃ ।
ಪರೈಃಪರಮದುರ್ಧರ್ಷನ್ದದರ್ಶಬಲಮಾತ್ಮನಃ ॥ 24 ॥
ಸನ್ನಹ್ಯತುಸಸುಗ್ರೀವಃಕಪಿರಾಜಬಲಮ್ಮಹತ್ ।
ಕಾಲಜ್ಞೋರಾಘವಃಕಾಲೇಸಂಯುಗಾಯಾಭ್ಯಚೋದಯತ್ ॥ 25 ॥
ತತಃಕಾಲೇಮಹಾಬಾಹುರ್ಬಲೇನಮಹತಾವೃತಃ ।
ಪ್ರಸ್ಥಿತಃಪುರತೋಧವನೀಲಙ್ಕಾಮಭಿಮುಖಃಪುರೀಮ್ ॥ 26 ॥
ತಂ ವಿಭೀಷಣ ಸುಗ್ರೀವೌ ಹನೂಮಾನ್ ಜಾಮ್ಬವಾನ್ ನಲಃ ।
ಋಕ್ಷ ರಾಜಸ್ ತಥಾ ನೀಲೋ ಲಕ್ಷ್ಮಣಶ್ ಚ ಅನ್ಯಯುಸ್ ತದಾ ॥ 27 ॥
ತತಃಪಶಚಾತ್ಸುಮಹತೀಪೃತನರ್ ಕ್ಷವನೌಕಸಾಮ್ ।
ಪ್ರಚ್ಛಾದ್ಯಮಹತೀಮ್ಭೂಮಿಮನುಯಾತಿಸ್ಮರಾಘವಮ್ ॥ 28 ॥
ಶೈಲಶೃಙ್ಗಾಣಿಶತಶಃಪ್ರವೃದ್ಧಾಂಶ್ಚಮಹೀರುಹಾನ್ ।
ಜಗೃಹುಃಕುಞ್ಜರಪ್ರಖ್ಯಾವಾನರಾಃಪರವಾರಣಾಃ ॥ 29 ॥
ತೌತ್ವದೀರ್ಘೇಣಕಾಲೇನಭ್ರಾತರೌರಾಮಲಕ್ಷ್ಮಣೌ ।
ರಾವಣಸ್ಯಪುರೀಂಲಙ್ಕಾಮಸೇದತುರರಿನ್ದಮೌ ॥ 30 ॥
ಪತಾಕಾಮಾಲಿನೀಂರಮ್ಯಾಮುದ್ಯಾನವನಶೋಭಿತಾಮ್ ।
ಚಿತ್ರವಪ್ರಾಸುದುಷ್ಪ್ರಾಪಮುಚ್ಚೈಃಪ್ರಾಕಾರತೋರಣಾಮ್ ॥ 31 ॥
ತಾಂಸುರೈರಪಿದುರ್ಧರ್ಷಾಂರಾಮವಾಕ್ಯಪ್ರಚೋದಿತಾಃ ।
ಯಥಾನಿದೇಶಂಸಮ್ಪೀಡ್ಯನ್ಯವಿಶನ್ತವನೌಕಸಃ ॥ 32 ॥
ಲಙ್ಕಾಯಾಸ್ತೂತ್ತರನ್ದ್ವಾರಂಶೈಲಶೃಙ್ಗಮಿವೋನ್ನತಮ್ ।
ರಾಮಃಸಹಾನುಜೋಧನ್ವೀಜುಗೋಪಚರುರೋಧಚ ॥ 33 ॥
ಲಙ್ಕಾಮುಪನಿವಿಷ್ಟಸ್ತುರಾಮೋದಶರಥಾತ್ಮಜಃ ।
ಲಕ್ಷ್ಮಣಾನುಚರೋವೀರಃಪುರೀಂರಾವಣಪಾಲಿತಾಮ್ ॥ 34 ॥
ಉತ್ತರದ್ವಾರಮಾಸಾದ್ಯಯತ್ರತಿಷ್ಠತಿರಾವಣಃ ।
ನಾನ್ಯೋರಾಮಾದ್ಧಿತದ್ ದ್ವಾರಂಸಮರ್ಥಃಪರಿರಕ್ಷಿತುಮ್ ॥ 35 ॥
ರಾವಣ ಅಧಿಷ್ಠಿತಂ ಭೀಮಂ ವರುಣೇನ ಇವ ಸಾಗರಮ್ ।
ಸಾಯುಧೌ ರಾಕ್ಷಸೈರ್ ಭೀಮೈರ್ ಅಭಿಗುಪ್ತಂ ಸಮನ್ತತಃ ॥ 36 ॥
ವಿನ್ಯಸ್ತಾನಿಚಯೋಧಾನಾಮ್ಬಹೂನಿವಿವಿಧಾನಿಚ ।
ದದರ್ಶಾಽಯುಧಜಾಲಾನಿತತ್ರೈವಕವಚಾನಿಚ ॥ 37 ॥
ಪೂರ್ವನ್ತುದ್ವಾರಮಾಸಾದ್ಯನೀಲೋಹರಿಚಮೂಪತಿಃ ।
ಅತಿಷ್ಠತ್ಸಹಮೈನ್ದೇನದ್ವಿವಿದೇನಚವೀರ್ಯವಾನ್ ॥ 38 ॥
ಅಙ್ಗದೋದಕ್ಷಿಣದ್ವಾರಞ್ಜಗ್ರಾಹಸುಮಹಾಬಲಃ ।
ಋಷಭೇಣಗವಾಕ್ಷೇಣಗಜೇನಗವಯೇನಚ ॥ 39 ॥
ಹನುಮಾನ್ ಪಶ್ಚಿಮದ್ವಾರಂರರಕ್ಷಬಲವಾನ್ಕಪಿಃ ।
ಪ್ರಮಾಥಿಪ್ರಷುಭ್ಯಾಞ್ಚವೀರೈರನ್ಯೈಶ್ಚಸಙ್ಗತಃ ॥ 40 ॥
ಮಧ್ಯಮೇಚಸ್ವಯಙ್ಗುಲ್ಮೇಸುಗ್ರೀವಸ್ಸಮತಿಷ್ಠತ ।
ಸಹಸರ್ವೈರ್ಹರಿಶ್ರೇಷ್ಠೈಸ್ಸುಪರ್ಣಶ್ವಸನೋಪಮೈಃ ॥ 41 ॥
ವಾನರಾಣಾನ್ತುಷಟಿತ್ರಂಶತ್ಕೋಟ್ಯಃಪ್ರಖ್ಯಾತಯೂಥಪಾಃ ।
ನಿಪೀಡ್ಯೋಪನಿವಿಷ್ಟಾಶ್ಚಸುಗ್ರೀವೋಯತ್ರವಾನರಃ ॥ 42 ॥
ಶಾಸನೇನತುರಾಮಸ್ಯಲಕ್ಷ್ಮಣಸ್ಸವಿಭೀಷಣಃ ।
ದ್ವಾರೇದ್ವಾರೇಹರೀಣಾನ್ತುಕೋಟಿಙ್ಕೋಟಿನ್ನ್ಯವೇಶಯೇತ್ ॥ 43 ॥
ಪಶ್ಚಿಮೇನತುರಾಮಸ್ಯಸುಷೇಣಃಸಹಜಾಮ್ಬವಾನ್ ॥ 44 ॥
ಆದೂರಾನ್ಮಧ್ಯಮೇಗುಲ್ಮೇತಸ್ಥೌಬಹುಬಲಾನುಗಃ ।
ತೇತುವಾನರಶಾರ್ಧೂಲಾಃಶಾರ್ದೂಲಾಇವದಂಷ್ಟ್ರಿಣಃ ॥ 45 ॥
ಗೃಹೀತ್ವಾದ್ರುಮಶೈಲಾಗ್ರಾನ್ಹೃಷ್ಟಾಯುದ್ಧಾಯತಸ್ಥಿರೇ ।
ಸರ್ವೇವಿಕೃತಲಾಙ್ಗೂಲಾಸ್ಸರ್ವೇದಂಷ್ಟ್ರಾನಖಾಯುಧಾಃ ॥ 46 ॥
ಸರ್ವೇವಿಕೃತಚಿತ್ರಾಙ್ಗಾಸ್ಸರ್ವೇಚವಿಕೃತಾನನಾಃ ।
ದಶನಾಗಬಲಾಃಕೇಚಿತ್ಕೇಚಿದ್ಧಶಗುಣೋತ್ತರಾಃ ॥ 47 ॥
ಕೇಚಿನ್ನಾಗಸಹಸ್ರಸ್ಯಬಭೂವುಸ್ತುಲ್ಯವಿಕ್ರಮಾಃ ।
ಸನ್ತಿಚೌಘಬಲಾಃಕೇಚಿತ್ಕೇಚಿಚ್ಛತಗುಣೋತ್ತರಾಃ ॥ 48 ॥
ಅಪ್ರಮೇಯಬಲಾಶ್ಚಾನ್ಯೇತತ್ರಾಸನ್ಹರಿಯೂಥಪಾಃ ಅದ್ಭುತಶ್ಚವಿಚಿತ್ರಶ್ಚತೇಷಾಮಾಸೀತ್ಸಮಾಗಮಃ ॥ 49 ॥
ತತ್ರವಾನರಸೈನ್ಯಾನಾಂಶಲಭಾನಾಮಿವೋದ್ಯಮಃ ।
ಪ್ರತಿಪೂರ್ಣಮಿವಾಕಾಶಂಸಞ್ಛನ್ನೇವಚಮೇದಿನೀ ॥ 50 ॥
ಲಙ್ಕಾಪುಮನಿವಿಷ್ಟೈಶ್ಚಸಮ್ಪತದ್ಭಿಶ್ಚವಾನರೈಃ ।
ಶತಂಶತಸಹಸ್ರಾಣಾಮ್ಪೃಥಗೃಕ್ಷವನೌಕಸಾಮ್ ॥ 51 ॥
ಲಙ್ಕಾದ್ವಾರಾಙಯುಪಾಜಗ್ಮುರನ್ಯೇಯೋದ್ಧುಂಸಮನ್ತತಃ ।
ಆವೃತಸ್ಸಗಿರಿಸ್ಸರ್ವೈಸ್ಸೈಸ್ಸಮನ್ತಾತ್ ಪ್ಲವಙ್ಗಮೈಃ ॥ 52 ॥
ಅಯುತಾನಾಂಸಹಸ್ರಞ್ಚಪುರೀನ್ತಾಮಭ್ಯವರ್ತತ ।
ವಾನರೈರ್ಬಲವದ್ಭಿಶ್ಚಬಭೂವದ್ರುಮಪಾಣಿಭಿಃ ॥ 53 ॥
ಸಮ್ವೃತಾಸರ್ವತೋಲಙ್ಕಾದುಷ್ಪ್ರವೇಶಾಽಪಿವಾಯುನಾ ।
ರಾಕ್ಷಸಾವಿಸ್ಮಯಞ್ಜಗ್ಮುಃಸಹಸಾಽಭಿನಿಪೀಡಿತಾಃ ॥ 54 ॥
ವಾನರೈರ್ಮೇಘಸಙ್ಕಾಶೈಶ್ಶಕ್ರತುಲ್ಯಪರಾಕ್ರಮೈಃ ।
ಮಹಾನ್ ಶಬ್ದೋಽಭವತ್ತತ್ರಬಲೌಘಸ್ಯಾಭಿವರ್ತತಃ ॥ 55 ॥
ಸಾಗರಸ್ಯೇವಭಿನ್ನಸ್ಯಯಥಾಸ್ಯಾತ್ಸಲಿಲಸ್ವನಃ ।
ತೇನಶಬ್ದೇನಮಹತಾಸಪ್ರಾಕಾರಾಸತೋರಣಾ ॥ 56 ॥
ಲಙ್ಕಾಪ್ರಚಲಿತಾಸರ್ವಾಸಶೈಲವನಕಾನನಾ ।
ರಾಮಲಕ್ಷ್ಮಣಗುಪ್ತಾಸಾಸುಗ್ರೀವೇಣಚವಾಹಿನೀ ॥ 57 ॥
ಬಭೂವದುರ್ಧರ್ಷತರಾಸರ್ವೈರಪಿಸುರಾಸುರೈಃ ।
ರಾಘವಃಸನ್ನಿವೇಶ್ಯೈವಂಸ್ವಸೈನ್ಯಂರಕ್ಷಸಾಂವಧೇ ॥ 58 ॥
ಸಮ್ಮನ್ತ್ಱ್ಯಮನ್ತ್ರಿಭಿಸ್ಸಾರ್ಥನ್ನಿಶ್ಚಿತ್ಯಚಪುನಃಪುನಃ ।
ಆನನ್ತರ್ಯಮಭಿಪ್ರೇಪ್ಸುಃಕ್ರಮಯೋಗಾರ್ಥತತ್ತ್ವವಿತ್ ॥ 59 ॥
ವಿಭೀಷಣಸ್ಯಾನುಮತೇರಾಜಧರ್ಮಮನುಸ್ಮರನ್ ।
ಅಙ್ಗದಂವಾಲಿತನಯಂಸಮಾಹೂಯೇದಮಬ್ರವೀತ್ ॥ 60 ॥
ಗತ್ವಾಸೌಮ್ಯ ದಶಗ್ರೀವಮ್ಬ್ರೂಹಿಮದ್ವಚನಾತ್ಕಪೇ ।
ಲಙ್ಘಯಿತ್ವಾಪುರೀಂಲಙ್ಕಾಮ್ಭಯನ್ತ್ಯಕ್ತ್ವಾಗತವ್ಯಧಃ ॥ 61 ॥
ಭ್ರಷ್ಟಶ್ರೀಕ ಗತೈಶ್ವರ್ಯ ಮುಮೂರ್ಷೋ ನಷ್ಟಚೇತನಃ ।
ಋಷೀಣಾನ್ದೇವತಾನಾಞ್ಚಗನ್ಧರ್ವಾಪ್ಸರಸಾನ್ತಥಾ ॥ 62 ॥
ನಾಗಾನಾಮಥಯಕ್ಷಾಣಾಂರಾಜ್ಞಾಞ್ಚರಜನೀಚರ ।
ಯಚ್ಚಪಾಪಙ್ಕೃತಮ್ಮೋಹಾದವಲಿಪ್ತೇನರಾಕ್ಷಸ ॥ 63 ॥
ನೂನನ್ತೇವಿಗತೋದರ್ಪಃಸ್ವಯಮ್ಭುವರದಾನಜಃ ।
ತಸ್ಯಪಾಪಸ್ಯಸಮ್ಪ್ರಾಪ್ತಾವ್ಯುಷ್ಟಿರದ್ಯದುರಸದಾ ॥ 64 ॥
ತಸ್ಯದಣ್ಡಧರಸ್ತೇಽಹನ್ದಾರಾಹರಕರ್ಶಿತಃ ।
ದಣ್ಡನ್ಧಾರಯಮಾಣಸ್ತುಲಙ್ಕಾದ್ವಾರೇವ್ಯವಸ್ಥಿತಃ ॥ 65 ॥
ಪದವೀನ್ದೇವತಾನಾಞ್ಚಮಹರ್ಷೀಣಾಞ್ಚರಾಕ್ಷಸ ।
ರಾಜರ್ಷೀಣಾಞ್ಚಸರ್ವೇಷಾಙ್ಗಮಿಷ್ಯಸಿಮಯಾಹತಃ ॥ 66 ॥
ಬಲೇನಯೇನವೈಸೀತಾಮ್ಮಾಯಯಾರಾಕ್ಷಸಾಧಮ ।
ಯಾಮತಿಕ್ರಾಮಯಿತ್ವಾತ್ವಂಹೃತವಾಂಸ್ತದ್ವಿದರ್ಶಯ ॥ 67 ॥
ಅರಾಕ್ಷಸಮಿಮಂಲೋಕಙ್ಕರ್ತಾಸ್ಮಿನಿಶಿತೈಃಶರೈಃ ।
ನಚೇಚ್ಛರಣಮಭ್ಯೇಷಿತಾಮಾದಾಯತುಮೈಥಿಲೀಮ್ ॥ 68 ॥
ಧರ್ಮಾತ್ಮಾರಾಕ್ಷಸಶ್ರೇಷ್ಠಃಸಮ್ಪ್ರಾಪ್ತೋಽಯಂವಿಭೀಷಣಃ ।
ಲಙ್ಕೈಶ್ವರ್ಯನ್ಧೃವಂಶ್ರೀಮಾನಯಮ್ಪ್ರಾಪ್ನೋತ್ಯಕಣ್ಡಕಮ್ ॥ 69 ॥
ನಹಿರಾಜ್ಯಮಧರ್ಮೇಣಭೋಕ್ತುಙ್ಕ್ಷಣಮಪಿತ್ವಯಾ ।
ಶಕ್ಯಮ್ಮೂರ್ಖಸಹಾಯೇನಪಾಪೇನಾವಿದಿತಾತ್ಮನಾ ॥ 70 ॥
ಯುಧ್ಯಸ್ವವಾಧೃತಿಙ್ಕೃತ್ವಾಶೌರ್ಯಮಾಲಮ್ಬ್ಯರಾಕ್ಷಸ ।
ಮಚ್ಛರೈಸ್ತ್ವಂರಣೇಶಾನ್ತಸ್ತತಃಶಾನ್ತೋಭವಿಷ್ಯಸಿ ॥ 71 ॥
ಯದ್ವಾವಿಶಸಿಲೋಕಾಂಸ್ತ್ರೀನ್ಪಕ್ಷೀಭೂತೋಮನೋಜವಃ ।
ಮಮಚಕ್ಷುಷ್ಪಥಮ್ಪ್ರಾಪ್ಯನಜೀವನ್ಪ್ರತಿಯಾಸ್ಯಸಿ ॥ 72 ॥
ಬ್ರವೀಮಿತ್ವಾಂಹಿತಂವಾಕ್ಯಙ್ಕ್ರಿಯತಾಮೌರ್ಧ್ವದೈಹಿಕಮ್ ।
ಸುದೃಷ್ಟಾಕ್ರಿಯತಾಂಲಙ್ಕಾಜೀವಿತನ್ತೇಮಯಿಸ್ಥಿತಮ್ ॥ 73 ॥
ಇತ್ಯುಕ್ತಃಸತುತಾರೇಯೋರಾಮೇಣಾಕ್ಲಿಷ್ಟಕರ್ಮಣಾ ।
ಜಗಾಮಾಕಾಶಾಮಾವಿಶ್ಯಮೂರ್ತಿಮಾನಿವಹವ್ಯವಾಟ್ ॥ 74 ॥
ಸೋಽತಿಪತ್ಯಮುಹೂರ್ತೇನಶ್ರೀಮಾನ್ರಾವಣಮನ್ದಿರಮ್ ।
ದದರ್ಶಾಸೀನಮವ್ಯಗ್ರಂರಾವಣಂಸಚಿವೈಃಸಹ ॥ 75 ॥
ತತಸ್ ತಸ್ಯ ಅವಿದೂರೇಣ ನಿಪತ್ಯ ಹರಿ ಪುಮ್ಗವಃ ।
ದೀಪ್ತ ಅಗ್ನಿ ಸದೃಶಸ್ ತಸ್ಥಾವ್ ಅನ್ಗದಹ್ ಕನಕ ಅನ್ಗದಃ ॥ 76 ॥
ತದ್ರಾಮವಚನಂಸರ್ವಮನ್ಯೂನಾಧಿಕಮುತ್ತಮಮ್ ।
ಸಾಮಾತ್ಯಂಶ್ರಾವಯಾಮಾಸನಿವೇದ್ಯಾತ್ಮಾನಮಾತ್ಮನಾ ॥ 77 ॥
ದೂತೋಽಹಙ್ಕೋಶಲೇನ್ದ್ರಸ್ಯರಾಮಸ್ಯಾಕ್ಲಿಷ್ಟಕರ್ಮಣಃ ।
ವಾಲಿಪುತ್ರೋಽಙ್ಗದೋನಾಮಯದಿತೇಶ್ರೋತ್ರಮಾಗತಃ ॥ 78 ॥
ಅಹತ್ವಾಂರಾಘವೋರಾಮಃಕೌಸಲ್ಯಾನನ್ದವರ್ಧನಃ ।
ನಿಷ್ಪತ್ಯಪ್ರತಿಯುಧ್ಯಸ್ವನೃಶಂಸ ಪುರುಷೋಭವ ॥ 79 ॥
ಹನ್ತಾಸ್ಮಿತ್ವಾಂಸಹಾಮಾತ್ಯಂಸಪುತ್ರಜ್ಞಾತಿಬಾನ್ಧವಮ್ ।
ನಿರುದ್ವಿಗ್ನಾಸ್ತ್ರಯೋಲೋಕಾಭವಿಷ್ಯನ್ತಿಹತೇತ್ವಯಿ ॥ 80 ॥
ದೇವದಾನವಯಕ್ಷಾಣಾಙ್ಗನ್ಧರ್ವೋರಗರಕ್ಷಸಾಮ್ ।
ಶತ್ರುಮದ್ಯೋದ್ಧರಿಷ್ಯಾಮಿತ್ವಾಮೃಷೀಣಾಞ್ಚಕಣ್ಟಕಮ್ ॥ 81 ॥
ವಿಭೀಷಣಸ್ಯಚೈಶ್ವರ್ಯಮ್ಭವಿಷ್ಯತಿಹತೇತ್ವಯಿ ।
ನಚೇತ್ಸತ್ಕೃತ್ಯವೈದೇಹೀಮ್ಪ್ರಣಿಪತ್ಯಪ್ರದಾಸ್ಯಸಿ ॥ 82 ॥
ಇತ್ಯೇವಮ್ಪರುಷಂವಾಕ್ಯಮ್ಬ್ರುವಾಣೇಹರಿಪುಙ್ಗವೇ ।
ಅಮರ್ಷವಶಮಾಪನ್ನೋನಿಶಾಚರಗಣೇಶ್ವರಃ ॥ 83 ॥
ತತಸ್ಸರೋಷತಾಮ್ರಾಕ್ಷಶ್ಶಶಾಪಸಚಿವಾನ್ನ್ನೋಸ್ತದಾ ।
ಗೃಹ್ಯತಾಮೇಷದುರ್ಮೇಧಾವಧ್ಯತಾಮಿತಿಚಾಸಕೃತ್ ॥ 84 ॥
ರಾವಣಸ್ಯವಚ್ಶುತ್ವಾದೀಪ್ತಾಗ್ನಿಸಮತೇಜಸಾ ।
ಜಗೃಹುಸ್ತನ್ತತೋಘೋರಾಶ್ಚತ್ವಾರೋರಜನೀಚರಾಃ ॥ 85 ॥
ಗ್ರಾಹಯಾಮಾಸತಾರೇಯಸ್ಸ್ವಯಮಾತ್ಮನಮಾತ್ಮವಾನ್ ।
ಬಲನ್ದರ್ಶಯಿತುಂವೀರೋಯಾತುಧಾನಗಣೇತದಾ ॥ 86 ॥
ಸತಾನ್ಬಾಹುದ್ವಯಾಸಕ್ತಾನಾದಾಯಪತಗಾನಿವ ।
ಪ್ರಾಸಾದಂಶೈಲಸಙ್ಕಾಮುತ್ಪಪಾತಾಙ್ಗದಸ್ತದಾ ॥ 87 ॥
ತೇನ್ತರಿಕ್ಷಾದ್ವಿನಿರ್ಧೂತಾಸ್ತಸ್ಯವೇಗೇನರಾಕ್ಷಸಾಃ ।
ಭೂಮೌನಿಪತಿತಾಃಸರ್ವೇರಾಕ್ಷಸೇನ್ದ್ರಸ್ಯಪಶ್ಯತಃ ॥ 88 ॥
ತತಃಪ್ರಾಸಾದಶಿಖರಂಶೈಲಶೃಙ್ಗಮಿವೋನ್ನತಮ್ ।
ದದರ್ಶರಾಕ್ಷಸೇನ್ದ್ರಸ್ಯವಾಲಿಪುತ್ರಃಪ್ರತಾಪವಾನ್ ॥ 89 ॥
ತತ್ಪಫಾಲಪದಾಕ್ರಾನ್ತನ್ದಶಗ್ರೀವಸ್ಯಪಶ್ಯತಃ ।
ಪುರಾಹಿಮವತಶ್ಶೃಙ್ಗಂವಜ್ರಿಣೇವವಿದಾರಿತಮ್ ॥ 90 ॥
ಭಙ್ ಕ್ತ್ವಾಪ್ರಾಸಾದಶಿಖರನ್ನಾಮವಿಶ್ರಾವ್ಯಚಾತ್ಮನಃ ।
ವಿನದ್ಯಸುಮಹಾನಾದಮುತ್ಪಪಾತವಿಹಾಯಸಮ್ ॥ 91 ॥
ವ್ಯಥಯನ್ರಾಕ್ಷಸಾನ್ಸರ್ವಾನ್ಹರ್ಷಯಂಶ್ಚಾಪಿವಾನರಾನ್ ।
ಸವಾನರಾಣಾಮ್ಮಧ್ಯೇತುರಾಮಪಾರ್ಶ್ವಮುಪಾಗತಃ ॥ 92 ॥
ರಾವಣಸ್ತುಪರಞ್ಚಕ್ರೇಕ್ರೋಧಮ್ಪ್ರಾಸಾದಧರ್ಷಣಾತ್ ।
ವಿನಾಶಞ್ಚಾತ್ಮನಃಪಶ್ಯನ್ನಿಶ್ಶ್ವಾಸಪರಮೋಽಭವತ್ ॥ 93 ॥
ರಾಮಸ್ತುಬಹುಭಿರ್ಹೃಷ್ಟರ್ನಿನದದ್ಭಿಃಪ್ಲವಙ್ಗಮೈಃ ।
ವೃತೋರಿಪುವಧಾಕಾಙ್ಕ್ಷೀಯುದ್ಧಾಯೈವಾಭ್ಯವರ್ತತ ॥ 94 ॥
ಸುಷೇಣಸ್ತುಮಹಾವೀರ್ಯೋಗಿರಿಕೂಟೋಪಮೋಹರಿಃ ।
ಬಹುಭಿಃಸಮ್ವೃತಸ್ತತ್ರವಾನರೈಃಕಾಮರೂಪಿಭಿಃ ॥ 95 ॥
ಸಚತುರ್ದ್ವಾರಾಣಿಸರ್ವಾಣಿಸುಗ್ರೀವವಚನಾತ್ಕಪಿಃ ।
ಪರ್ಯಕ್ರಾಮತದುರ್ಧರ್ಷೋನಕ್ಷತ್ರಾಣೀವಚನ್ದ್ರಮಾಃ ॥ 96 ॥
ತೇಷಾಮಕ್ಷೌಹಿಣಿಶತಂಸಮವೇಕ್ಷ್ಯವನೌಕಸಾಮ್ ।
ಲಙ್ಕಾಮುಪನಿವಿಷ್ಟಾನಾಂಸಾಗರಞ್ಚಾನಿವರ್ತತಾಮ್ ॥ 97 ॥
ರಾಕ್ಷಸಾವಿಸ್ಮಯಞ್ಜಗ್ಮುಸ್ತ್ರಾಸಞ್ಜಗ್ಮುಸ್ತಥಾಪರೇ ।
ಅಪರೇಸಮರೋಧ್ಧರ್ಷಾದ್ಧರ್ಷಮೇವಪ್ರಪೇದಿರೇ ॥ 98 ॥
ಕೃತ್ಸ್ನಂಹಿಕಪಿಭಿರ್ವ್ಯಾಪ್ತಮ್ಪ್ರಾಕಾರಪರಿಖಾನ್ತರಮ್ ।
ದದೃಶೂರಾಕ್ಷಸಾದೀನಾಃಪ್ರಾಕಾರನ್ನಾನರೀಕೃತಮ್ ॥ 99 ॥
ಹಾಹಾಕಾರಮ್ಪ್ರಕುರ್ವನ್ತಿರಾಕ್ಷಸಾಭಯಮೋಹಿತಾಃ ।
ತಸ್ಮಿನ್ ಮಹಾಭೀಷಣಕೇಪ್ರವೃತ್ತೇಕೋಲಾಹಲೇರಾಕ್ಷಸರಾಜಧಾನ್ಯಾಮ್ ।
ಪ್ರಗೃಹ್ಯರಕ್ಷಾಂಸಿಮಹಾಯುಧಾನಿಯುಗಾನ್ತವಾತಾಇವಸಂವಿಚೇರುಃ ॥ 100 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಏಕಚತ್ವಾರಿಂಶಸ್ಸರ್ಗಃ ॥
