śrīmadvālmīkīya rāmāyaṇē yuddhakāṇḍam ।
atha chatuśchatvāriṃśassargaḥ ।
yudhyatāmēnatēṣāntutadāvānararākṣasām ।
ravirastaṅgatōrātriḥpravṛttāprāṇahāriṇī ॥ 1 ॥
anyōnyambaddhavairāṇāṅghōrāṇāñjayamichChatām ।
sampravṛttanniśāyuddhantadāvānararakṣasām ॥ 2 ॥
rākṣasō'sītiharayōhariśchā'sītirākṣasāḥ ।
anyōnyaṃsamarējaghnustasmiṃstamasidāruṇē ॥ 3 ॥
jahidārayachaihītikathaṃvidravasīticha ।
ēvaṃsutumulaśśabdastasmiṃstamasiśuśruvē ॥ 4 ॥
kālāḥkāñchanasannāhāstasmiṃstamasirākṣasāḥ ।
sampradṛśyantaśailēndrādīptauṣadhivanāiva ॥ 5 ॥
tasmiṃstamasiduṣpārērākṣasāḥkrōdhamūrChitāḥ ।
paripēturmahāvēgābhakṣayantaḥplavaṅgamān ॥ 6 ॥
tēhayān kāñchanāpīḍān dhvajāṃśchāśīviṣōpamān ।
āplutyadaśanaistīkṣṇairbhīmakōpāvyadārayan ॥ 7 ॥
vānarābalinōyuddhē'kṣōbhayan rākṣasīñchamūm ।
kuñjarān kuñjarārōhān patākādhvajinōrathān ॥ 8 ॥
karṣuśchadadaṃśuśchadaśanaiḥkrōdhamūrChitāḥ ।
lakṣmaṇaśchāpirāmaśchaśarairāśīviṣōpamaiḥ ॥ 9 ॥
dṛśyādṛśyānirakṣāṃsipravarāṇinijaghnatuḥ ।
turaṅgakhuravidhvastaṃrathanēmisamutthitam ॥ 10 ॥
rurōdhakarṇanētrāṇiyudhyatāndharaṇīrajaḥ ।
vartamānētathāghōrēsaṅgrāmērōmaharṣaṇē ॥ 11 ॥
rudhirōdhāmahāghōrānadyastatraprasusruvuḥ ।
tatōbhērīmṛdaṅgānāmpaṇavānāñchanissvanaḥ ॥ 12 ॥
śaṅkhavēṇusvanōnmiśrassambhūvādbhutōpamaḥ ।
hatānāṃstanamānānāṃrākṣasānāñchaniḥsvanaḥ ॥ 13 ॥
śastānāṃvānarāṇāñchasambabhūvātidāruṇaḥ ।
hatairvānaravīraiśchaśaktiśūlaparaśvadhaiḥ ॥ 14 ॥
nihataiḥparvatākārairākṣasaiḥkāmarūpibhiḥ ।
śastrapuṣpōpahārāchatatrāsīdyuddhamēdinī ॥ 15 ॥
dur jñēyādurnivēśāchaśōṇitāsrāvakardamā ।
sābabhūvaniśāghōrāharirākṣasahāriṇī ॥ 16 ॥
kālarātrīvabhūtānāṃsarvēṣānduratikramā ।
tatastērākṣasāstatratasmiṃstamasidāruṇē ॥ 17 ॥
rāmamēvābhyavartantasamhṛṣṭāśśaravṛṣṭibhiḥ ।
tēṣāmāpatatāṃśabdaḥkruddhānāmapigarjatām ॥ 18 ॥
udvarta;iva saptānāṃ samudrāṇāṃ abhūt svanaḥ ।
tēṣāṃ rāmah śāraih ṣaḍbhih ṣaḍ jaghāna niśāa charān ॥ 19 ॥
nimēṣāntaramātrēṇaśitairagniśikhōpamaiḥ ।
yamaśatruśchadurdharṣōmahāpārśvamahōdarau ॥ 20 ॥
vajradaṃṣṭrōmahākāyastauchōbhauśukasāraṇau ।
tēturāmēṇabāṇaughaissarvēmarmasutāḍitāḥ ॥ 21 ॥
yuddhādapasṛtāstatrasāvaśēṣāyuṣō'bhavan ।
tatrakāñchanachitrāṅgaiśśarairagniśikhōpamaiḥ ॥ 22 ॥
diśaśchakāravimalāḥpradiśaśchamahārathaḥ ।
yētvanyērākṣasābhīmārāmasyābhimukhēsthitāḥ ॥ 23 ॥
tē'pinaṣṭāḥsamāsādyapataṅgāivapāvakam ।
suvarṇapuṅkhairviśikhaissapatadbhissahasraśaḥ ॥ 24 ॥
babhūvarajanīchitrākhadyōtairivaśāradī ।
rākṣasānāñchaninadairharīṇāñchāpinissvanaiḥ ॥ 25 ॥
sābabhūvaniśāghōrābhūyōghōratarātadā ।
tēnaśabdēnamahatāpravṛddhēnasamantataḥ ॥ 26 ॥
trikūṭaḥkandarākīrṇaḥpravyāharadivāchalaḥ ।
gōlāṅgūlāmahākāyāstamasātulyavarchasaḥ ॥ 27 ॥
sampariṣvajyabāhubhyāmbhakṣayanrajanīcharān ।
aṅgadasturaṇēśatrūnanihantuṃsamupasthitaḥ ॥ 28 ॥
rāvaṇinnijaghānāśusārathiñchahayānapi ।
vartamānētadāghōrēsaṅgrāmēbhṛśadāruṇē ॥ 29 ॥
indrajitturathantyaktvāhatāśvōhatasārathiḥ ।
aṅgadēnamahāmāyastatraivāntaradhīyata ॥ 30 ॥
tatkarmavāliputrasyasarvēdēvāssaharṣibhiḥ ।
tuṣṭuvuḥpūjanārhasyatauchōbhaurāmalakṣmaṇau ॥ 31 ॥
prabhāvaṃsarvabhūtānividurindrajitōyudhi ।
tēnatētammahātmānantuṣṭāḥdṛṣṭavāpradharṣitam ॥ 32 ॥
tataḥprahṛṣṭāḥkapayassasugrīvavibhīṣaṇāḥ ।
sādhusādhvitinēduśchadṛṣṭavāśatrumpradharṣitam ॥ 33 ॥
indrajittutadātēnanirjitōbhīmakarmaṇā ।
saṃyugēvāliputrēṇakrōdhañchakrēsudāruṇam ॥ 34 ॥
sō'ntardhānagataḥpāpōrāvaṇīraṇakarkaśaḥ ।
adṛśyōniśitānbāṇānmumōchāśanivarchasaḥ ॥ 35 ॥
sarāmaṃlakṣmaṇañchaivaghōrairnāgamayaiśśaraiḥ ।
bibhēdasamarēkruddhaḥsarvagātrēṣurākṣasaḥ ॥ 36 ॥
māyayāsamvṛtastatramōhayanrāghavauyudhi ।
adṛśyassarvabhūtānāṅkūṭayōdhīniśācharaḥ ॥ 37 ॥
babandhaśarabandhēnabhrātaraurāmalakṣmaṇau ।
tēnataupuruṣavyāghraukruddhēnāśīviṣaiśśaraiḥ ॥ 38 ॥
sahasānihatauvīrautadāpraikṣantavānarāḥ ।
prakāśarūpastutadānaśaktastaubādhituṃrākṣasarājaputraḥ ।
māyāmprayōktuṃsamupājagāmababandhataurājasutaudurātmā ॥ 39 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē chatuśchatvāriṃśassargaḥ ॥
