শ্রীমদ্বাল্মীকীয় রামাযণে যুদ্ধকাংডম্ ।
অথ চতুশ্চত্বারিংশস্সর্গঃ ।
যুধ্যতামেনতেষাংতুতদাবানররাক্ষসাম্ ।
রবিরস্তংগতোরাত্রিঃপ্রবৃত্তাপ্রাণহারিণী ॥ 1 ॥
অন্য়োন্য়ংবদ্ধবৈরাণাংঘোরাণাংজযমিচ্ছতাম্ ।
সংপ্রবৃত্তংনিশায়ুদ্ধংতদাবানররক্ষসাম্ ॥ 2 ॥
রাক্ষসোঽসীতিহরয়োহরিশ্চাঽসীতিরাক্ষসাঃ ।
অন্য়োন্য়ংসমরেজঘ্নুস্তস্মিংস্তমসিদারুণে ॥ 3 ॥
জহিদারযচৈহীতিকথংবিদ্রবসীতিচ ।
এবংসুতুমুলশ্শব্দস্তস্মিংস্তমসিশুশ্রুবে ॥ 4 ॥
কালাঃকাংচনসন্নাহাস্তস্মিংস্তমসিরাক্ষসাঃ ।
সংপ্রদৃশ্য়ংতশৈলেংদ্রাদীপ্তৌষধিবনাইব ॥ 5 ॥
তস্মিংস্তমসিদুষ্পারেরাক্ষসাঃক্রোধমূর্ছিতাঃ ।
পরিপেতুর্মহাবেগাভক্ষয়ংতঃপ্লবংগমান্ ॥ 6 ॥
তেহয়ান্ কাংচনাপীডান্ ধ্বজাংশ্চাশীবিষোপমান্ ।
আপ্লুত্যদশনৈস্তীক্ষ্ণৈর্ভীমকোপাব্যদারযন্ ॥ 7 ॥
বানরাবলিনোয়ুদ্ধেঽক্ষোভযন্ রাক্ষসীংচমূম্ ।
কুংজরান্ কুংজরারোহান্ পতাকাধ্বজিনোরথান্ ॥ 8 ॥
কর্ষুশ্চদদংশুশ্চদশনৈঃক্রোধমূর্ছিতাঃ ।
লক্ষ্মণশ্চাপিরামশ্চশরৈরাশীবিষোপমৈঃ ॥ 9 ॥
দৃশ্য়াদৃশ্য়ানিরক্ষাংসিপ্রবরাণিনিজঘ্নতুঃ ।
তুরংগখুরবিধ্বস্তংরথনেমিসমুত্থিতম্ ॥ 10 ॥
রুরোধকর্ণনেত্রাণিয়ুধ্যতাংধরণীরজঃ ।
বর্তমানেতথাঘোরেসংগ্রামেরোমহর্ষণে ॥ 11 ॥
রুধিরোধামহাঘোরানদ্যস্তত্রপ্রসুস্রুবুঃ ।
ততোভেরীমৃদংগানাংপণবানাংচনিস্স্বনঃ ॥ 12 ॥
শংখবেণুস্বনোন্মিশ্রস্সংভূবাদ্ভুতোপমঃ ।
হতানাংস্তনমানানাংরাক্ষসানাংচনিঃস্বনঃ ॥ 13 ॥
শস্তানাংবানরাণাংচসংবভূবাতিদারুণঃ ।
হতৈর্বানরবীরৈশ্চশক্তিশূলপরশ্বধৈঃ ॥ 14 ॥
নিহতৈঃপর্বতাকারৈরাক্ষসৈঃকামরূপিভিঃ ।
শস্ত্রপুষ্পোপহারাচতত্রাসীদ্য়ুদ্ধমেদিনী ॥ 15 ॥
দুর্ জ্ঞেয়াদুর্নিবেশাচশোণিতাস্রাবকর্দমা ।
সাবভূবনিশাঘোরাহরিরাক্ষসহারিণী ॥ 16 ॥
কালরাত্রীবভূতানাংসর্বেষাংদুরতিক্রমা ।
ততস্তেরাক্ষসাস্তত্রতস্মিংস্তমসিদারুণে ॥ 17 ॥
রামমেবাভ্যবর্তংতসম্হৃষ্টাশ্শরবৃষ্টিভিঃ ।
তেষামাপততাংশব্দঃক্রুদ্ধানামপিগর্জতাম্ ॥ 18 ॥
উদ্বর্ত;ইব সপ্তানাং সমুদ্রাণাং অভূত্ স্বনঃ ।
তেষাং রামহ্ শারৈহ্ ষড্ভিহ্ ষড্ জঘান নিশাঅ চরান্ ॥ 19 ॥
নিমেষাংতরমাত্রেণশিতৈরগ্নিশিখোপমৈঃ ।
যমশত্রুশ্চদুর্ধর্ষোমহাপার্শ্বমহোদরৌ ॥ 20 ॥
বজ্রদংষ্ট্রোমহাকাযস্তৌচোভৌশুকসারণৌ ।
তেতুরামেণবাণৌঘৈস্সর্বেমর্মসুতাডিতাঃ ॥ 21 ॥
যুদ্ধাদপসৃতাস্তত্রসাবশেষায়ুষোঽভবন্ ।
তত্রকাংচনচিত্রাংগৈশ্শরৈরগ্নিশিখোপমৈঃ ॥ 22 ॥
দিশশ্চকারবিমলাঃপ্রদিশশ্চমহারথঃ ।
যেত্বন্য়েরাক্ষসাভীমারামস্য়াভিমুখেস্থিতাঃ ॥ 23 ॥
তেঽপিনষ্টাঃসমাসাদ্যপতংগাইবপাবকম্ ।
সুবর্ণপুংখৈর্বিশিখৈস্সপতদ্ভিস্সহস্রশঃ ॥ 24 ॥
বভূবরজনীচিত্রাখদ্য়োতৈরিবশারদী ।
রাক্ষসানাংচনিনদৈর্হরীণাংচাপিনিস্স্বনৈঃ ॥ 25 ॥
সাবভূবনিশাঘোরাভূয়োঘোরতরাতদা ।
তেনশব্দেনমহতাপ্রবৃদ্ধেনসমংততঃ ॥ 26 ॥
ত্রিকূটঃকংদরাকীর্ণঃপ্রব্য়াহরদিবাচলঃ ।
গোলাংগূলামহাকায়াস্তমসাতুল্যবর্চসঃ ॥ 27 ॥
সংপরিষ্বজ্যবাহুভ্য়াংভক্ষযন্রজনীচরান্ ।
অংগদস্তুরণেশত্রূননিহংতুংসমুপস্থিতঃ ॥ 28 ॥
রাবণিংনিজঘানাশুসারথিংচহয়ানপি ।
বর্তমানেতদাঘোরেসংগ্রামেভৃশদারুণে ॥ 29 ॥
ইংদ্রজিত্তুরথংত্যক্ত্বাহতাশ্বোহতসারথিঃ ।
অংগদেনমহামাযস্তত্রৈবাংতরধীযত ॥ 30 ॥
তত্কর্মবালিপুত্রস্যসর্বেদেবাস্সহর্ষিভিঃ ।
তুষ্টুবুঃপূজনার্হস্যতৌচোভৌরামলক্ষ্মণৌ ॥ 31 ॥
প্রভাবংসর্বভূতানিবিদুরিংদ্রজিতোয়ুধি ।
তেনতেতংমহাত্মানংতুষ্টাঃদৃষ্টবাপ্রধর্ষিতম্ ॥ 32 ॥
ততঃপ্রহৃষ্টাঃকপযস্সসুগ্রীববিভীষণাঃ ।
সাধুসাধ্বিতিনেদুশ্চদৃষ্টবাশত্রুংপ্রধর্ষিতম্ ॥ 33 ॥
ইংদ্রজিত্তুতদাতেননির্জিতোভীমকর্মণা ।
সংয়ুগেবালিপুত্রেণক্রোধংচক্রেসুদারুণম্ ॥ 34 ॥
সোঽংতর্ধানগতঃপাপোরাবণীরণকর্কশঃ ।
অদৃশ্য়োনিশিতান্বাণান্মুমোচাশনিবর্চসঃ ॥ 35 ॥
সরামংলক্ষ্মণংচৈবঘোরৈর্নাগময়ৈশ্শরৈঃ ।
বিভেদসমরেক্রুদ্ধঃসর্বগাত্রেষুরাক্ষসঃ ॥ 36 ॥
মাযয়াসম্বৃতস্তত্রমোহযন্রাঘবৌয়ুধি ।
অদৃশ্যস্সর্বভূতানাংকূটয়োধীনিশাচরঃ ॥ 37 ॥
ববংধশরবংধেনভ্রাতরৌরামলক্ষ্মণৌ ।
তেনতৌপুরুষব্য়াঘ্রৌক্রুদ্ধেনাশীবিষৈশ্শরৈঃ ॥ 38 ॥
সহসানিহতৌবীরৌতদাপ্রৈক্ষংতবানরাঃ ।
প্রকাশরূপস্তুতদানশক্তস্তৌবাধিতুংরাক্ষসরাজপুত্রঃ ।
মায়াংপ্রয়োক্তুংসমুপাজগামববংধতৌরাজসুতৌদুরাত্মা ॥ 39 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে যুদ্ধকাংডে চতুশ্চত্বারিংশস্সর্গঃ ॥
