ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಚತುಶ್ಚತ್ವಾರಿಂಶಸ್ಸರ್ಗಃ ।
ಯುಧ್ಯತಾಮೇನತೇಷಾನ್ತುತದಾವಾನರರಾಕ್ಷಸಾಮ್ ।
ರವಿರಸ್ತಙ್ಗತೋರಾತ್ರಿಃಪ್ರವೃತ್ತಾಪ್ರಾಣಹಾರಿಣೀ ॥ 1 ॥
ಅನ್ಯೋನ್ಯಮ್ಬದ್ಧವೈರಾಣಾಙ್ಘೋರಾಣಾಞ್ಜಯಮಿಚ್ಛತಾಮ್ ।
ಸಮ್ಪ್ರವೃತ್ತನ್ನಿಶಾಯುದ್ಧನ್ತದಾವಾನರರಕ್ಷಸಾಮ್ ॥ 2 ॥
ರಾಕ್ಷಸೋಽಸೀತಿಹರಯೋಹರಿಶ್ಚಾಽಸೀತಿರಾಕ್ಷಸಾಃ ।
ಅನ್ಯೋನ್ಯಂಸಮರೇಜಘ್ನುಸ್ತಸ್ಮಿಂಸ್ತಮಸಿದಾರುಣೇ ॥ 3 ॥
ಜಹಿದಾರಯಚೈಹೀತಿಕಥಂವಿದ್ರವಸೀತಿಚ ।
ಏವಂಸುತುಮುಲಶ್ಶಬ್ದಸ್ತಸ್ಮಿಂಸ್ತಮಸಿಶುಶ್ರುವೇ ॥ 4 ॥
ಕಾಲಾಃಕಾಞ್ಚನಸನ್ನಾಹಾಸ್ತಸ್ಮಿಂಸ್ತಮಸಿರಾಕ್ಷಸಾಃ ।
ಸಮ್ಪ್ರದೃಶ್ಯನ್ತಶೈಲೇನ್ದ್ರಾದೀಪ್ತೌಷಧಿವನಾಇವ ॥ 5 ॥
ತಸ್ಮಿಂಸ್ತಮಸಿದುಷ್ಪಾರೇರಾಕ್ಷಸಾಃಕ್ರೋಧಮೂರ್ಛಿತಾಃ ।
ಪರಿಪೇತುರ್ಮಹಾವೇಗಾಭಕ್ಷಯನ್ತಃಪ್ಲವಙ್ಗಮಾನ್ ॥ 6 ॥
ತೇಹಯಾನ್ ಕಾಞ್ಚನಾಪೀಡಾನ್ ಧ್ವಜಾಂಶ್ಚಾಶೀವಿಷೋಪಮಾನ್ ।
ಆಪ್ಲುತ್ಯದಶನೈಸ್ತೀಕ್ಷ್ಣೈರ್ಭೀಮಕೋಪಾವ್ಯದಾರಯನ್ ॥ 7 ॥
ವಾನರಾಬಲಿನೋಯುದ್ಧೇಽಕ್ಷೋಭಯನ್ ರಾಕ್ಷಸೀಞ್ಚಮೂಮ್ ।
ಕುಞ್ಜರಾನ್ ಕುಞ್ಜರಾರೋಹಾನ್ ಪತಾಕಾಧ್ವಜಿನೋರಥಾನ್ ॥ 8 ॥
ಕರ್ಷುಶ್ಚದದಂಶುಶ್ಚದಶನೈಃಕ್ರೋಧಮೂರ್ಛಿತಾಃ ।
ಲಕ್ಷ್ಮಣಶ್ಚಾಪಿರಾಮಶ್ಚಶರೈರಾಶೀವಿಷೋಪಮೈಃ ॥ 9 ॥
ದೃಶ್ಯಾದೃಶ್ಯಾನಿರಕ್ಷಾಂಸಿಪ್ರವರಾಣಿನಿಜಘ್ನತುಃ ।
ತುರಙ್ಗಖುರವಿಧ್ವಸ್ತಂರಥನೇಮಿಸಮುತ್ಥಿತಮ್ ॥ 10 ॥
ರುರೋಧಕರ್ಣನೇತ್ರಾಣಿಯುಧ್ಯತಾನ್ಧರಣೀರಜಃ ।
ವರ್ತಮಾನೇತಥಾಘೋರೇಸಙ್ಗ್ರಾಮೇರೋಮಹರ್ಷಣೇ ॥ 11 ॥
ರುಧಿರೋಧಾಮಹಾಘೋರಾನದ್ಯಸ್ತತ್ರಪ್ರಸುಸ್ರುವುಃ ।
ತತೋಭೇರೀಮೃದಙ್ಗಾನಾಮ್ಪಣವಾನಾಞ್ಚನಿಸ್ಸ್ವನಃ ॥ 12 ॥
ಶಙ್ಖವೇಣುಸ್ವನೋನ್ಮಿಶ್ರಸ್ಸಮ್ಭೂವಾದ್ಭುತೋಪಮಃ ।
ಹತಾನಾಂಸ್ತನಮಾನಾನಾಂರಾಕ್ಷಸಾನಾಞ್ಚನಿಃಸ್ವನಃ ॥ 13 ॥
ಶಸ್ತಾನಾಂವಾನರಾಣಾಞ್ಚಸಮ್ಬಭೂವಾತಿದಾರುಣಃ ।
ಹತೈರ್ವಾನರವೀರೈಶ್ಚಶಕ್ತಿಶೂಲಪರಶ್ವಧೈಃ ॥ 14 ॥
ನಿಹತೈಃಪರ್ವತಾಕಾರೈರಾಕ್ಷಸೈಃಕಾಮರೂಪಿಭಿಃ ।
ಶಸ್ತ್ರಪುಷ್ಪೋಪಹಾರಾಚತತ್ರಾಸೀದ್ಯುದ್ಧಮೇದಿನೀ ॥ 15 ॥
ದುರ್ ಜ್ಞೇಯಾದುರ್ನಿವೇಶಾಚಶೋಣಿತಾಸ್ರಾವಕರ್ದಮಾ ।
ಸಾಬಭೂವನಿಶಾಘೋರಾಹರಿರಾಕ್ಷಸಹಾರಿಣೀ ॥ 16 ॥
ಕಾಲರಾತ್ರೀವಭೂತಾನಾಂಸರ್ವೇಷಾನ್ದುರತಿಕ್ರಮಾ ।
ತತಸ್ತೇರಾಕ್ಷಸಾಸ್ತತ್ರತಸ್ಮಿಂಸ್ತಮಸಿದಾರುಣೇ ॥ 17 ॥
ರಾಮಮೇವಾಭ್ಯವರ್ತನ್ತಸಮ್ಹೃಷ್ಟಾಶ್ಶರವೃಷ್ಟಿಭಿಃ ।
ತೇಷಾಮಾಪತತಾಂಶಬ್ದಃಕ್ರುದ್ಧಾನಾಮಪಿಗರ್ಜತಾಮ್ ॥ 18 ॥
ಉದ್ವರ್ತ;ಇವ ಸಪ್ತಾನಾಂ ಸಮುದ್ರಾಣಾಂ ಅಭೂತ್ ಸ್ವನಃ ।
ತೇಷಾಂ ರಾಮಹ್ ಶಾರೈಹ್ ಷಡ್ಭಿಹ್ ಷಡ್ ಜಘಾನ ನಿಶಾಅ ಚರಾನ್ ॥ 19 ॥
ನಿಮೇಷಾನ್ತರಮಾತ್ರೇಣಶಿತೈರಗ್ನಿಶಿಖೋಪಮೈಃ ।
ಯಮಶತ್ರುಶ್ಚದುರ್ಧರ್ಷೋಮಹಾಪಾರ್ಶ್ವಮಹೋದರೌ ॥ 20 ॥
ವಜ್ರದಂಷ್ಟ್ರೋಮಹಾಕಾಯಸ್ತೌಚೋಭೌಶುಕಸಾರಣೌ ।
ತೇತುರಾಮೇಣಬಾಣೌಘೈಸ್ಸರ್ವೇಮರ್ಮಸುತಾಡಿತಾಃ ॥ 21 ॥
ಯುದ್ಧಾದಪಸೃತಾಸ್ತತ್ರಸಾವಶೇಷಾಯುಷೋಽಭವನ್ ।
ತತ್ರಕಾಞ್ಚನಚಿತ್ರಾಙ್ಗೈಶ್ಶರೈರಗ್ನಿಶಿಖೋಪಮೈಃ ॥ 22 ॥
ದಿಶಶ್ಚಕಾರವಿಮಲಾಃಪ್ರದಿಶಶ್ಚಮಹಾರಥಃ ।
ಯೇತ್ವನ್ಯೇರಾಕ್ಷಸಾಭೀಮಾರಾಮಸ್ಯಾಭಿಮುಖೇಸ್ಥಿತಾಃ ॥ 23 ॥
ತೇಽಪಿನಷ್ಟಾಃಸಮಾಸಾದ್ಯಪತಙ್ಗಾಇವಪಾವಕಮ್ ।
ಸುವರ್ಣಪುಙ್ಖೈರ್ವಿಶಿಖೈಸ್ಸಪತದ್ಭಿಸ್ಸಹಸ್ರಶಃ ॥ 24 ॥
ಬಭೂವರಜನೀಚಿತ್ರಾಖದ್ಯೋತೈರಿವಶಾರದೀ ।
ರಾಕ್ಷಸಾನಾಞ್ಚನಿನದೈರ್ಹರೀಣಾಞ್ಚಾಪಿನಿಸ್ಸ್ವನೈಃ ॥ 25 ॥
ಸಾಬಭೂವನಿಶಾಘೋರಾಭೂಯೋಘೋರತರಾತದಾ ।
ತೇನಶಬ್ದೇನಮಹತಾಪ್ರವೃದ್ಧೇನಸಮನ್ತತಃ ॥ 26 ॥
ತ್ರಿಕೂಟಃಕನ್ದರಾಕೀರ್ಣಃಪ್ರವ್ಯಾಹರದಿವಾಚಲಃ ।
ಗೋಲಾಙ್ಗೂಲಾಮಹಾಕಾಯಾಸ್ತಮಸಾತುಲ್ಯವರ್ಚಸಃ ॥ 27 ॥
ಸಮ್ಪರಿಷ್ವಜ್ಯಬಾಹುಭ್ಯಾಮ್ಭಕ್ಷಯನ್ರಜನೀಚರಾನ್ ।
ಅಙ್ಗದಸ್ತುರಣೇಶತ್ರೂನನಿಹನ್ತುಂಸಮುಪಸ್ಥಿತಃ ॥ 28 ॥
ರಾವಣಿನ್ನಿಜಘಾನಾಶುಸಾರಥಿಞ್ಚಹಯಾನಪಿ ।
ವರ್ತಮಾನೇತದಾಘೋರೇಸಙ್ಗ್ರಾಮೇಭೃಶದಾರುಣೇ ॥ 29 ॥
ಇನ್ದ್ರಜಿತ್ತುರಥನ್ತ್ಯಕ್ತ್ವಾಹತಾಶ್ವೋಹತಸಾರಥಿಃ ।
ಅಙ್ಗದೇನಮಹಾಮಾಯಸ್ತತ್ರೈವಾನ್ತರಧೀಯತ ॥ 30 ॥
ತತ್ಕರ್ಮವಾಲಿಪುತ್ರಸ್ಯಸರ್ವೇದೇವಾಸ್ಸಹರ್ಷಿಭಿಃ ।
ತುಷ್ಟುವುಃಪೂಜನಾರ್ಹಸ್ಯತೌಚೋಭೌರಾಮಲಕ್ಷ್ಮಣೌ ॥ 31 ॥
ಪ್ರಭಾವಂಸರ್ವಭೂತಾನಿವಿದುರಿನ್ದ್ರಜಿತೋಯುಧಿ ।
ತೇನತೇತಮ್ಮಹಾತ್ಮಾನನ್ತುಷ್ಟಾಃದೃಷ್ಟವಾಪ್ರಧರ್ಷಿತಮ್ ॥ 32 ॥
ತತಃಪ್ರಹೃಷ್ಟಾಃಕಪಯಸ್ಸಸುಗ್ರೀವವಿಭೀಷಣಾಃ ।
ಸಾಧುಸಾಧ್ವಿತಿನೇದುಶ್ಚದೃಷ್ಟವಾಶತ್ರುಮ್ಪ್ರಧರ್ಷಿತಮ್ ॥ 33 ॥
ಇನ್ದ್ರಜಿತ್ತುತದಾತೇನನಿರ್ಜಿತೋಭೀಮಕರ್ಮಣಾ ।
ಸಂಯುಗೇವಾಲಿಪುತ್ರೇಣಕ್ರೋಧಞ್ಚಕ್ರೇಸುದಾರುಣಮ್ ॥ 34 ॥
ಸೋಽನ್ತರ್ಧಾನಗತಃಪಾಪೋರಾವಣೀರಣಕರ್ಕಶಃ ।
ಅದೃಶ್ಯೋನಿಶಿತಾನ್ಬಾಣಾನ್ಮುಮೋಚಾಶನಿವರ್ಚಸಃ ॥ 35 ॥
ಸರಾಮಂಲಕ್ಷ್ಮಣಞ್ಚೈವಘೋರೈರ್ನಾಗಮಯೈಶ್ಶರೈಃ ।
ಬಿಭೇದಸಮರೇಕ್ರುದ್ಧಃಸರ್ವಗಾತ್ರೇಷುರಾಕ್ಷಸಃ ॥ 36 ॥
ಮಾಯಯಾಸಮ್ವೃತಸ್ತತ್ರಮೋಹಯನ್ರಾಘವೌಯುಧಿ ।
ಅದೃಶ್ಯಸ್ಸರ್ವಭೂತಾನಾಙ್ಕೂಟಯೋಧೀನಿಶಾಚರಃ ॥ 37 ॥
ಬಬನ್ಧಶರಬನ್ಧೇನಭ್ರಾತರೌರಾಮಲಕ್ಷ್ಮಣೌ ।
ತೇನತೌಪುರುಷವ್ಯಾಘ್ರೌಕ್ರುದ್ಧೇನಾಶೀವಿಷೈಶ್ಶರೈಃ ॥ 38 ॥
ಸಹಸಾನಿಹತೌವೀರೌತದಾಪ್ರೈಕ್ಷನ್ತವಾನರಾಃ ।
ಪ್ರಕಾಶರೂಪಸ್ತುತದಾನಶಕ್ತಸ್ತೌಬಾಧಿತುಂರಾಕ್ಷಸರಾಜಪುತ್ರಃ ।
ಮಾಯಾಮ್ಪ್ರಯೋಕ್ತುಂಸಮುಪಾಜಗಾಮಬಬನ್ಧತೌರಾಜಸುತೌದುರಾತ್ಮಾ ॥ 39 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಚತುಶ್ಚತ್ವಾರಿಂಶಸ್ಸರ್ಗಃ ॥
