ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ചതുശ്ചത്വാരിംശസ്സര്ഗഃ ।
യുധ്യതാമേനതേഷാംതുതദാവാനരരാക്ഷസാമ് ।
രവിരസ്തംഗതോരാത്രിഃപ്രവൃത്താപ്രാണഹാരിണീ ॥ 1 ॥
അന്യോന്യംബദ്ധവൈരാണാംഘോരാണാംജയമിച്ഛതാമ് ।
സംപ്രവൃത്തംനിശായുദ്ധംതദാവാനരരക്ഷസാമ് ॥ 2 ॥
രാക്ഷസോഽസീതിഹരയോഹരിശ്ചാഽസീതിരാക്ഷസാഃ ।
അന്യോന്യംസമരേജഘ്നുസ്തസ്മിംസ്തമസിദാരുണേ ॥ 3 ॥
ജഹിദാരയചൈഹീതികഥംവിദ്രവസീതിച ।
ഏവംസുതുമുലശ്ശബ്ദസ്തസ്മിംസ്തമസിശുശ്രുവേ ॥ 4 ॥
കാലാഃകാംചനസന്നാഹാസ്തസ്മിംസ്തമസിരാക്ഷസാഃ ।
സംപ്രദൃശ്യംതശൈലേംദ്രാദീപ്തൌഷധിവനാഇവ ॥ 5 ॥
തസ്മിംസ്തമസിദുഷ്പാരേരാക്ഷസാഃക്രോധമൂര്ഛിതാഃ ।
പരിപേതുര്മഹാവേഗാഭക്ഷയംതഃപ്ലവംഗമാന് ॥ 6 ॥
തേഹയാന് കാംചനാപീഡാന് ധ്വജാംശ്ചാശീവിഷോപമാന് ।
ആപ്ലുത്യദശനൈസ്തീക്ഷ്ണൈര്ഭീമകോപാവ്യദാരയന് ॥ 7 ॥
വാനരാബലിനോയുദ്ധേഽക്ഷോഭയന് രാക്ഷസീംചമൂമ് ।
കുംജരാന് കുംജരാരോഹാന് പതാകാധ്വജിനോരഥാന് ॥ 8 ॥
കര്ഷുശ്ചദദംശുശ്ചദശനൈഃക്രോധമൂര്ഛിതാഃ ।
ലക്ഷ്മണശ്ചാപിരാമശ്ചശരൈരാശീവിഷോപമൈഃ ॥ 9 ॥
ദൃശ്യാദൃശ്യാനിരക്ഷാംസിപ്രവരാണിനിജഘ്നതുഃ ।
തുരംഗഖുരവിധ്വസ്തംരഥനേമിസമുത്ഥിതമ് ॥ 10 ॥
രുരോധകര്ണനേത്രാണിയുധ്യതാംധരണീരജഃ ।
വര്തമാനേതഥാഘോരേസംഗ്രാമേരോമഹര്ഷണേ ॥ 11 ॥
രുധിരോധാമഹാഘോരാനദ്യസ്തത്രപ്രസുസ്രുവുഃ ।
തതോഭേരീമൃദംഗാനാംപണവാനാംചനിസ്സ്വനഃ ॥ 12 ॥
ശംഖവേണുസ്വനോന്മിശ്രസ്സംഭൂവാദ്ഭുതോപമഃ ।
ഹതാനാംസ്തനമാനാനാംരാക്ഷസാനാംചനിഃസ്വനഃ ॥ 13 ॥
ശസ്താനാംവാനരാണാംചസംബഭൂവാതിദാരുണഃ ।
ഹതൈർവാനരവീരൈശ്ചശക്തിശൂലപരശ്വധൈഃ ॥ 14 ॥
നിഹതൈഃപർവതാകാരൈരാക്ഷസൈഃകാമരൂപിഭിഃ ।
ശസ്ത്രപുഷ്പോപഹാരാചതത്രാസീദ്യുദ്ധമേദിനീ ॥ 15 ॥
ദുര് ജ്ഞേയാദുര്നിവേശാചശോണിതാസ്രാവകര്ദമാ ।
സാബഭൂവനിശാഘോരാഹരിരാക്ഷസഹാരിണീ ॥ 16 ॥
കാലരാത്രീവഭൂതാനാംസർവേഷാംദുരതിക്രമാ ।
തതസ്തേരാക്ഷസാസ്തത്രതസ്മിംസ്തമസിദാരുണേ ॥ 17 ॥
രാമമേവാഭ്യവര്തംതസമ്ഹൃഷ്ടാശ്ശരവൃഷ്ടിഭിഃ ।
തേഷാമാപതതാംശബ്ദഃക്രുദ്ധാനാമപിഗര്ജതാമ് ॥ 18 ॥
ഉദ്വര്ത;ഇവ സപ്താനാം സമുദ്രാണാം അഭൂത് സ്വനഃ ।
തേഷാം രാമഹ് ശാരൈഹ് ഷഡ്ഭിഹ് ഷഡ് ജഘാന നിശാഅ ചരാന് ॥ 19 ॥
നിമേഷാംതരമാത്രേണശിതൈരഗ്നിശിഖോപമൈഃ ।
യമശത്രുശ്ചദുര്ധര്ഷോമഹാപാര്ശ്വമഹോദരൌ ॥ 20 ॥
വജ്രദംഷ്ട്രോമഹാകായസ്തൌചോഭൌശുകസാരണൌ ।
തേതുരാമേണബാണൌഘൈസ്സർവേമര്മസുതാഡിതാഃ ॥ 21 ॥
യുദ്ധാദപസൃതാസ്തത്രസാവശേഷായുഷോഽഭവന് ।
തത്രകാംചനചിത്രാംഗൈശ്ശരൈരഗ്നിശിഖോപമൈഃ ॥ 22 ॥
ദിശശ്ചകാരവിമലാഃപ്രദിശശ്ചമഹാരഥഃ ।
യേത്വന്യേരാക്ഷസാഭീമാരാമസ്യാഭിമുഖേസ്ഥിതാഃ ॥ 23 ॥
തേഽപിനഷ്ടാഃസമാസാദ്യപതംഗാഇവപാവകമ് ।
സുവര്ണപുംഖൈർവിശിഖൈസ്സപതദ്ഭിസ്സഹസ്രശഃ ॥ 24 ॥
ബഭൂവരജനീചിത്രാഖദ്യോതൈരിവശാരദീ ।
രാക്ഷസാനാംചനിനദൈര്ഹരീണാംചാപിനിസ്സ്വനൈഃ ॥ 25 ॥
സാബഭൂവനിശാഘോരാഭൂയോഘോരതരാതദാ ।
തേനശബ്ദേനമഹതാപ്രവൃദ്ധേനസമംതതഃ ॥ 26 ॥
ത്രികൂടഃകംദരാകീര്ണഃപ്രവ്യാഹരദിവാചലഃ ।
ഗോലാംഗൂലാമഹാകായാസ്തമസാതുല്യവര്ചസഃ ॥ 27 ॥
സംപരിഷ്വജ്യബാഹുഭ്യാംഭക്ഷയന്രജനീചരാന് ।
അംഗദസ്തുരണേശത്രൂനനിഹംതുംസമുപസ്ഥിതഃ ॥ 28 ॥
രാവണിംനിജഘാനാശുസാരഥിംചഹയാനപി ।
വര്തമാനേതദാഘോരേസംഗ്രാമേഭൃശദാരുണേ ॥ 29 ॥
ഇംദ്രജിത്തുരഥംത്യക്ത്വാഹതാശ്വോഹതസാരഥിഃ ।
അംഗദേനമഹാമായസ്തത്രൈവാംതരധീയത ॥ 30 ॥
തത്കര്മവാലിപുത്രസ്യസർവേദേവാസ്സഹര്ഷിഭിഃ ।
തുഷ്ടുവുഃപൂജനാര്ഹസ്യതൌചോഭൌരാമലക്ഷ്മണൌ ॥ 31 ॥
പ്രഭാവംസർവഭൂതാനിവിദുരിംദ്രജിതോയുധി ।
തേനതേതംമഹാത്മാനംതുഷ്ടാഃദൃഷ്ടവാപ്രധര്ഷിതമ് ॥ 32 ॥
തതഃപ്രഹൃഷ്ടാഃകപയസ്സസുഗ്രീവവിഭീഷണാഃ ।
സാധുസാധ്വിതിനേദുശ്ചദൃഷ്ടവാശത്രുംപ്രധര്ഷിതമ് ॥ 33 ॥
ഇംദ്രജിത്തുതദാതേനനിര്ജിതോഭീമകര്മണാ ।
സംയുഗേവാലിപുത്രേണക്രോധംചക്രേസുദാരുണമ് ॥ 34 ॥
സോഽംതര്ധാനഗതഃപാപോരാവണീരണകര്കശഃ ।
അദൃശ്യോനിശിതാന്ബാണാന്മുമോചാശനിവര്ചസഃ ॥ 35 ॥
സരാമംലക്ഷ്മണംചൈവഘോരൈര്നാഗമയൈശ്ശരൈഃ ।
ബിഭേദസമരേക്രുദ്ധഃസർവഗാത്രേഷുരാക്ഷസഃ ॥ 36 ॥
മായയാസമ്വൃതസ്തത്രമോഹയന്രാഘവൌയുധി ।
അദൃശ്യസ്സർവഭൂതാനാംകൂടയോധീനിശാചരഃ ॥ 37 ॥
ബബംധശരബംധേനഭ്രാതരൌരാമലക്ഷ്മണൌ ।
തേനതൌപുരുഷവ്യാഘ്രൌക്രുദ്ധേനാശീവിഷൈശ്ശരൈഃ ॥ 38 ॥
സഹസാനിഹതൌവീരൌതദാപ്രൈക്ഷംതവാനരാഃ ।
പ്രകാശരൂപസ്തുതദാനശക്തസ്തൌബാധിതുംരാക്ഷസരാജപുത്രഃ ।
മായാംപ്രയോക്തുംസമുപാജഗാമബബംധതൌരാജസുതൌദുരാത്മാ ॥ 39 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ചതുശ്ചത്വാരിംശസ്സര്ഗഃ ॥
