ශ්රීමද්වාල්මීකීය රාමායණේ යුද්ධකාංඩම් ।
අථ චතුශ්චත්වාරිංශස්සර්ගඃ ।
යුධ්යතාමේනතේෂාංතුතදාවානරරාක්ෂසාම් ।
රවිරස්තංගතෝරාත්රිඃප්රවෘත්තාප්රාණහාරිණී ॥ 1 ॥
අන්යෝන්යංබද්ධවෛරාණාංඝෝරාණාංජයමිච්ඡතාම් ।
සංප්රවෘත්තංනිශායුද්ධංතදාවානරරක්ෂසාම් ॥ 2 ॥
රාක්ෂසෝऽසීතිහරයෝහරිශ්චාऽසීතිරාක්ෂසාඃ ।
අන්යෝන්යංසමරේජඝ්නුස්තස්මිංස්තමසිදාරුණේ ॥ 3 ॥
ජහිදාරයචෛහීතිකථංවිද්රවසීතිච ।
ඒවංසුතුමුලශ්ශබ්දස්තස්මිංස්තමසිශුශ්රුවේ ॥ 4 ॥
කාලාඃකාංචනසන්නාහාස්තස්මිංස්තමසිරාක්ෂසාඃ ।
සංප්රදෘශ්යංතශෛලේංද්රාදීප්තෞෂධිවනාඉව ॥ 5 ॥
තස්මිංස්තමසිදුෂ්පාරේරාක්ෂසාඃක්රෝධමූර්ඡිතාඃ ।
පරිපේතුර්මහාවේගාභක්ෂයංතඃප්ලවංගමාන් ॥ 6 ॥
තේහයාන් කාංචනාපීඩාන් ධ්වජාංශ්චාශීවිෂෝපමාන් ।
ආප්ලුත්යදශනෛස්තීක්ෂ්ණෛර්භීමකෝපාව්යදාරයන් ॥ 7 ॥
වානරාබලිනෝයුද්ධේऽක්ෂෝභයන් රාක්ෂසීංචමූම් ।
කුංජරාන් කුංජරාරෝහාන් පතාකාධ්වජිනෝරථාන් ॥ 8 ॥
කර්ෂුශ්චදදංශුශ්චදශනෛඃක්රෝධමූර්ඡිතාඃ ।
ලක්ෂ්මණශ්චාපිරාමශ්චශරෛරාශීවිෂෝපමෛඃ ॥ 9 ॥
දෘශ්යාදෘශ්යානිරක්ෂාංසිප්රවරාණිනිජඝ්නතුඃ ।
තුරංගඛුරවිධ්වස්තංරථනේමිසමුත්ථිතම් ॥ 10 ॥
රුරෝධකර්ණනේත්රාණියුධ්යතාංධරණීරජඃ ।
වර්තමානේතථාඝෝරේසංග්රාමේරෝමහර්ෂණේ ॥ 11 ॥
රුධිරෝධාමහාඝෝරානද්යස්තත්රප්රසුස්රුවුඃ ।
තතෝභේරීමෘදංගානාංපණවානාංචනිස්ස්වනඃ ॥ 12 ॥
ශංඛවේණුස්වනෝන්මිශ්රස්සංභූවාද්භුතෝපමඃ ।
හතානාංස්තනමානානාංරාක්ෂසානාංචනිඃස්වනඃ ॥ 13 ॥
ශස්තානාංවානරාණාංචසංබභූවාතිදාරුණඃ ।
හතෛර්වානරවීරෛශ්චශක්තිශූලපරශ්වධෛඃ ॥ 14 ॥
නිහතෛඃපර්වතාකාරෛරාක්ෂසෛඃකාමරූපිභිඃ ।
ශස්ත්රපුෂ්පෝපහාරාචතත්රාසීද්යුද්ධමේදිනී ॥ 15 ॥
දුර් ජ්ඤේයාදුර්නිවේශාචශෝණිතාස්රාවකර්දමා ।
සාබභූවනිශාඝෝරාහරිරාක්ෂසහාරිණී ॥ 16 ॥
කාලරාත්රීවභූතානාංසර්වේෂාංදුරතික්රමා ।
තතස්තේරාක්ෂසාස්තත්රතස්මිංස්තමසිදාරුණේ ॥ 17 ॥
රාමමේවාභ්යවර්තංතසම්හෘෂ්ටාශ්ශරවෘෂ්ටිභිඃ ।
තේෂාමාපතතාංශබ්දඃක්රුද්ධානාමපිගර්ජතාම් ॥ 18 ॥
උද්වර්ත;ඉව සප්තානාං සමුද්රාණාං අභූත් ස්වනඃ ।
තේෂාං රාමහ් ශාරෛහ් ෂඩ්භිහ් ෂඩ් ජඝාන නිශාඅ චරාන් ॥ 19 ॥
නිමේෂාංතරමාත්රේණශිතෛරග්නිශිඛෝපමෛඃ ।
යමශත්රුශ්චදුර්ධර්ෂෝමහාපාර්ශ්වමහෝදරෞ ॥ 20 ॥
වජ්රදංෂ්ට්රෝමහාකායස්තෞචෝභෞශුකසාරණෞ ।
තේතුරාමේණබාණෞඝෛස්සර්වේමර්මසුතාඩිතාඃ ॥ 21 ॥
යුද්ධාදපසෘතාස්තත්රසාවශේෂායුෂෝऽභවන් ।
තත්රකාංචනචිත්රාංගෛශ්ශරෛරග්නිශිඛෝපමෛඃ ॥ 22 ॥
දිශශ්චකාරවිමලාඃප්රදිශශ්චමහාරථඃ ।
යේත්වන්යේරාක්ෂසාභීමාරාමස්යාභිමුඛේස්ථිතාඃ ॥ 23 ॥
තේऽපිනෂ්ටාඃසමාසාද්යපතංගාඉවපාවකම් ।
සුවර්ණපුංඛෛර්විශිඛෛස්සපතද්භිස්සහස්රශඃ ॥ 24 ॥
බභූවරජනීචිත්රාඛද්යෝතෛරිවශාරදී ।
රාක්ෂසානාංචනිනදෛර්හරීණාංචාපිනිස්ස්වනෛඃ ॥ 25 ॥
සාබභූවනිශාඝෝරාභූයෝඝෝරතරාතදා ।
තේනශබ්දේනමහතාප්රවෘද්ධේනසමංතතඃ ॥ 26 ॥
ත්රිකූටඃකංදරාකීර්ණඃප්රව්යාහරදිවාචලඃ ।
ගෝලාංගූලාමහාකායාස්තමසාතුල්යවර්චසඃ ॥ 27 ॥
සංපරිෂ්වජ්යබාහුභ්යාංභක්ෂයන්රජනීචරාන් ।
අංගදස්තුරණේශත්රූනනිහංතුංසමුපස්ථිතඃ ॥ 28 ॥
රාවණිංනිජඝානාශුසාරථිංචහයානපි ।
වර්තමානේතදාඝෝරේසංග්රාමේභෘශදාරුණේ ॥ 29 ॥
ඉංද්රජිත්තුරථංත්යක්ත්වාහතාශ්වෝහතසාරථිඃ ।
අංගදේනමහාමායස්තත්රෛවාංතරධීයත ॥ 30 ॥
තත්කර්මවාලිපුත්රස්යසර්වේදේවාස්සහර්ෂිභිඃ ।
තුෂ්ටුවුඃපූජනාර්හස්යතෞචෝභෞරාමලක්ෂ්මණෞ ॥ 31 ॥
ප්රභාවංසර්වභූතානිවිදුරිංද්රජිතෝයුධි ।
තේනතේතංමහාත්මානංතුෂ්ටාඃදෘෂ්ටවාප්රධර්ෂිතම් ॥ 32 ॥
තතඃප්රහෘෂ්ටාඃකපයස්සසුග්රීවවිභීෂණාඃ ।
සාධුසාධ්විතිනේදුශ්චදෘෂ්ටවාශත්රුංප්රධර්ෂිතම් ॥ 33 ॥
ඉංද්රජිත්තුතදාතේනනිර්ජිතෝභීමකර්මණා ।
සංයුගේවාලිපුත්රේණක්රෝධංචක්රේසුදාරුණම් ॥ 34 ॥
සෝऽංතර්ධානගතඃපාපෝරාවණීරණකර්කශඃ ।
අදෘශ්යෝනිශිතාන්බාණාන්මුමෝචාශනිවර්චසඃ ॥ 35 ॥
සරාමංලක්ෂ්මණංචෛවඝෝරෛර්නාගමයෛශ්ශරෛඃ ।
බිභේදසමරේක්රුද්ධඃසර්වගාත්රේෂුරාක්ෂසඃ ॥ 36 ॥
මායයාසම්වෘතස්තත්රමෝහයන්රාඝවෞයුධි ।
අදෘශ්යස්සර්වභූතානාංකූටයෝධීනිශාචරඃ ॥ 37 ॥
බබංධශරබංධේනභ්රාතරෞරාමලක්ෂ්මණෞ ।
තේනතෞපුරුෂව්යාඝ්රෞක්රුද්ධේනාශීවිෂෛශ්ශරෛඃ ॥ 38 ॥
සහසානිහතෞවීරෞතදාප්රෛක්ෂංතවානරාඃ ।
ප්රකාශරූපස්තුතදානශක්තස්තෞබාධිතුංරාක්ෂසරාජපුත්රඃ ।
මායාංප්රයෝක්තුංසමුපාජගාමබබංධතෞරාජසුතෞදුරාත්මා ॥ 39 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ චතුශ්චත්වාරිංශස්සර්ගඃ ॥
