ശ്രീമദ്വാല്മീകീയ രാമായണേ യുദ്ധകാംഡമ് ।
അഥ സപ്തചത്വാരിംശസ്സര്ഗഃ ।
പ്രതിപ്രവിഷ്ടേലംകായാംകൃതാര്ഥേരാവണാത്മജേ ।
രാഘവംപരിവാര്യാര്തുരക്ഷുർവാനരര്ഷഭാഃ ॥ 1 ॥
ഹനുമാനംഗദോനീലഃസുഷേണഃകുമുദോനലഃ ।
ഗജോഗവാക്ഷോഗവയശ്ശരഭോഗംധമാദനഃ ॥ 2 ॥
ജാംബവാനൃഷഭഃസുംദോരംഭഃശതവലിഃപൃഥുഃ ।
വ്യൂഢാനീകാശ്ചയത്താശ്ചദ്രുമാനാദായസർവതഃ ॥ 3 ॥
വീക്ഷമാണാദിശസ്സർവാസ്തിര്യഗൂര്ധ്വംചവാനരാഃ ।
തൃണേഷ്വപിചചേഷ്ടത്സുരാക്ഷസാഇതിമേനിരേ ॥ 4 ॥
രാവണശ്ചാപിസമ്ഹൃഷ്ടോവിസൃജ്യേംദ്രജിതംസുതമ് ।
അജുഹാവതതസ്സീതാക്ഷിണീരാക്ഷസീസ്തദാ ॥ 5 ॥
രാക്ഷസ്യസ്ത്രിജടാചൈവശാസനാത്സമുപസ്ഥിതാഃ ।
താഉവാചതതോഹൃഷ്ടോരാക്ഷസീരാക്ഷസാധമഃ ॥ 6 ॥
ഹതാവിംദ്രജിതാഖ്യാതവൈദേഹ്യാരാമലക്ഷ്മണൌ ।
പുഷ്പകംതത്സമാരോപ്യദര്ശയധ്വംഹതൌരണേ ॥ 7 ॥
യദാശ്രയാദവഷ്ടബ്ധാമാമുപതിഷ്ഠതി ।
സോഽസ്യാഭര്താസഹഭ്രാത്രാനിഹതോരണമൂര്ധനി ॥ 8 ॥
നിർവിശംകാനിരുദ്വിഗ്നാനിരപേക്ഷാചമൈഥിലീ ।
മാമുപസ്ഥാസ്യതേസീതാസർവാഭരണഭൂഷിതാ ॥ 9 ॥
അദ്യകാലവശംപ്രാപ്തംരണേരാമംസലക്ഷ്മണമ് ।
അവേക്ഷ്യവിനിവൃത്താസാചാന്യാംഗതിമപശ്യതീ ॥ 10 ॥
നിരപേക്ഷാവിശാലാക്ഷീമാമുപസ്ഥാസ്യതേസ്വയമ് ।
തസ്യതദ്വചനംശ്രുത്വാരാവണസ്യദുരാത്മനഃ ॥ 11 ॥
രാക്ഷസ്യസ്താസ്തഥേത്യുക്ത്വാജഗ്മുർവൈയത്രപുഷ്പകമ് ।
തതഃപുഷ്പകമാദായരാക്ഷസ്യോരാവണാജ്ഞയാ ॥ 12 ॥
അശോകവനികാസ്ഥാംതാംമൈഥിലീംസമുപാനയന് ।
താമാദായതുരാക്ഷസ്യോഭര്തൃശോകപരാജിതാമ് ॥ 13 ॥
സീതാമാരോപയാമാസുർവിമാനംപുഷ്പകംതദാ ।
തതഃപുഷ്പകമാരോപ്യസീതാംത്രിജടയാസഹ ॥ 14 ॥
ജഗ്മുര്ദര്ശയിതുംതസ്യൈരാക്ഷസ്യോരാമലക്ഷ്മണൌ ।
രാവണോഽകാരയല്ലംകാംപതാകാധ്വജമാലിനീമ് ॥ 15 ॥
പ്രാഘോഷയതഹൃഷ്ടശ്ചലംകായാംരാക്ഷസേശ്വരഃ ।
രാഘവോലക്ഷ്മണശ്ചൈവഹതാവിംദ്രജിതാരണേ ॥ 16 ॥
വിമാനേനാപിഗത്വാതുസീതാത്രിജടയാസഹ ।
ദദര്ശവാനരാണാംതുസർവംസൈന്യംനിപാതിതമ് ॥ 17 ॥
പ്രഹൃഷ്ടമനസശ്ചാപിദദര്ശപിശിതാശനാന് ।
വാനരാംശ്ചാതിദുഃഖാര്താന്രാമലക്ഷ്മണപാര്ശ്വതഃ ॥ 18 ॥
തതസ്സീതാദദര്ശോഭൌശയാനൌശരതല്പഗൌ ।
ലക്ഷ്മണംചാപിരാമംചവിസംജ്ഞൌശരപീഡിതൌ ॥ 19 ॥
വിധ്വസ്തകവചൌവീരൌവിപ്രവിദ്ധശരാസനൌ ।
സായകൈചശിന്നസർവാംഗൌശരസ്തംബമയൌക്ഷിതൌ ॥ 20 ॥
തൌദൃഷ്ടവാഭ്രാതരൌതത്രപ്രവീരൌപുരുഷര്ഷഭൌ ।
ശയാനൌപുംഡരീകാക്ഷൌകുമാരാവിവപാവകീ ॥ 21 ॥
ശരതല്പഗതൌവീരൌതഥാഭൂതാനരര്ഷഭൌ ।
ദുഃഖാര്താകരുണംസീതാസുഭൃശംവിലലാപഹ ॥ 22 ॥
ഭര്താരമനവദ്യാംഗീലക്ഷ്മണംചാസിതേക്ഷണാ ।
പ്രേക്ഷ്യപാംസുഷുചേഷ്ടംതൌരുരോദജനകാത്മജാ ॥ 23 ॥
സബാഷ്പശോകാഭിഹതാസമീക്ഷ്യതൌഭ്രാതരൌദേവസമപ്രഭാവൌ ।
വിതര്കയംതീനിധനംതയോസ്സാദുഃഖാന്വിതാവാക്യമിദംജഗാദ ॥ 24 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ സപ്തചത്വാരിംശസ്സര്ഗഃ ॥
