𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌸𑌪𑍍𑌤𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ।
𑌪𑍍𑌰𑌤𑌿𑌪𑍍𑌰𑌵𑌿𑌷𑍍𑌟𑍇𑌲𑌂𑌕𑌾𑌯𑌾𑌂𑌕𑍃𑌤𑌾𑌰𑍍𑌥𑍇𑌰𑌾𑌵𑌣𑌾𑌤𑍍𑌮𑌜𑍇 ।
𑌰𑌾𑌘𑌵𑌂𑌪𑌰𑌿𑌵𑌾𑌰𑍍𑌯𑌾𑌰𑍍𑌤𑍁𑌰𑌕𑍍𑌷𑍁𑌰𑍍𑌵𑌾𑌨𑌰𑌰𑍍𑌷𑌭𑌾𑌃 ॥ 1 ॥
𑌹𑌨𑍁𑌮𑌾𑌨𑌂𑌗𑌦𑍋𑌨𑍀𑌲𑌃𑌸𑍁𑌷𑍇𑌣𑌃𑌕𑍁𑌮𑍁𑌦𑍋𑌨𑌲𑌃 ।
𑌗𑌜𑍋𑌗𑌵𑌾𑌕𑍍𑌷𑍋𑌗𑌵𑌯𑌶𑍍𑌶𑌰𑌭𑍋𑌗𑌂𑌧𑌮𑌾𑌦𑌨𑌃 ॥ 2 ॥
𑌜𑌾𑌂𑌬𑌵𑌾𑌨𑍃𑌷𑌭𑌃𑌸𑍁𑌂𑌦𑍋𑌰𑌂𑌭𑌃𑌶𑌤𑌵𑌲𑌿𑌃𑌪𑍃𑌥𑍁𑌃 ।
𑌵𑍍𑌯𑍂𑌢𑌾𑌨𑍀𑌕𑌾𑌶𑍍𑌚𑌯𑌤𑍍𑌤𑌾𑌶𑍍𑌚𑌦𑍍𑌰𑍁𑌮𑌾𑌨𑌾𑌦𑌾𑌯𑌸𑌰𑍍𑌵𑌤𑌃 ॥ 3 ॥
𑌵𑍀𑌕𑍍𑌷𑌮𑌾𑌣𑌾𑌦𑌿𑌶𑌸𑍍𑌸𑌰𑍍𑌵𑌾𑌸𑍍𑌤𑌿𑌰𑍍𑌯𑌗𑍂𑌰𑍍𑌧𑍍𑌵𑌂𑌚𑌵𑌾𑌨𑌰𑌾𑌃 ।
𑌤𑍃𑌣𑍇𑌷𑍍𑌵𑌪𑌿𑌚𑌚𑍇𑌷𑍍𑌟𑌤𑍍𑌸𑍁𑌰𑌾𑌕𑍍𑌷𑌸𑌾𑌇𑌤𑌿𑌮𑍇𑌨𑌿𑌰𑍇 ॥ 4 ॥
𑌰𑌾𑌵𑌣𑌶𑍍𑌚𑌾𑌪𑌿𑌸𑌮𑍍𑌹𑍃𑌷𑍍𑌟𑍋𑌵𑌿𑌸𑍃𑌜𑍍𑌯𑍇𑌂𑌦𑍍𑌰𑌜𑌿𑌤𑌂𑌸𑍁𑌤𑌮𑍍 ।
𑌅𑌜𑍁𑌹𑌾𑌵𑌤𑌤𑌸𑍍𑌸𑍀𑌤𑌾𑌕𑍍𑌷𑌿𑌣𑍀𑌰𑌾𑌕𑍍𑌷𑌸𑍀𑌸𑍍𑌤𑌦𑌾 ॥ 5 ॥
𑌰𑌾𑌕𑍍𑌷𑌸𑍍𑌯𑌸𑍍𑌤𑍍𑌰𑌿𑌜𑌟𑌾𑌚𑍈𑌵𑌶𑌾𑌸𑌨𑌾𑌤𑍍𑌸𑌮𑍁𑌪𑌸𑍍𑌥𑌿𑌤𑌾𑌃 ।
𑌤𑌾𑌉𑌵𑌾𑌚𑌤𑌤𑍋𑌹𑍃𑌷𑍍𑌟𑍋𑌰𑌾𑌕𑍍𑌷𑌸𑍀𑌰𑌾𑌕𑍍𑌷𑌸𑌾𑌧𑌮𑌃 ॥ 6 ॥
𑌹𑌤𑌾𑌵𑌿𑌂𑌦𑍍𑌰𑌜𑌿𑌤𑌾𑌖𑍍𑌯𑌾𑌤𑌵𑍈𑌦𑍇𑌹𑍍𑌯𑌾𑌰𑌾𑌮𑌲𑌕𑍍𑌷𑍍𑌮𑌣𑍌 ।
𑌪𑍁𑌷𑍍𑌪𑌕𑌂𑌤𑌤𑍍𑌸𑌮𑌾𑌰𑍋𑌪𑍍𑌯𑌦𑌰𑍍𑌶𑌯𑌧𑍍𑌵𑌂𑌹𑌤𑍌𑌰𑌣𑍇 ॥ ॥
𑌯𑌦𑌾𑌶𑍍𑌰𑌯𑌾𑌦𑌵𑌷𑍍𑌟𑌬𑍍𑌧𑌾𑌮𑌾𑌮𑍁𑌪𑌤𑌿𑌷𑍍𑌠𑌤𑌿 ।
𑌸𑍋𑌽𑌸𑍍𑌯𑌾𑌭𑌰𑍍𑌤𑌾𑌸𑌹𑌭𑍍𑌰𑌾𑌤𑍍𑌰𑌾𑌨𑌿𑌹𑌤𑍋𑌰𑌣𑌮𑍂𑌰𑍍𑌧𑌨𑌿 ॥ ॥
𑌨𑌿𑌰𑍍𑌵𑌿𑌶𑌂𑌕𑌾𑌨𑌿𑌰𑍁𑌦𑍍𑌵𑌿𑌗𑍍𑌨𑌾𑌨𑌿𑌰𑌪𑍇𑌕𑍍𑌷𑌾𑌚𑌮𑍈𑌥𑌿𑌲𑍀 ।
𑌮𑌾𑌮𑍁𑌪𑌸𑍍𑌥𑌾𑌸𑍍𑌯𑌤𑍇𑌸𑍀𑌤𑌾𑌸𑌰𑍍𑌵𑌾𑌭𑌰𑌣𑌭𑍂𑌷𑌿𑌤𑌾 ॥ ॥
𑌅𑌦𑍍𑌯𑌕𑌾𑌲𑌵𑌶𑌂𑌪𑍍𑌰𑌾𑌪𑍍𑌤𑌂𑌰𑌣𑍇𑌰𑌾𑌮𑌂𑌸𑌲𑌕𑍍𑌷𑍍𑌮𑌣𑌮𑍍 ।
𑌅𑌵𑍇𑌕𑍍𑌷𑍍𑌯𑌵𑌿𑌨𑌿𑌵𑍃𑌤𑍍𑌤𑌾𑌸𑌾𑌚𑌾𑌨𑍍𑌯𑌾𑌂𑌗𑌤𑌿𑌮𑌪𑌶𑍍𑌯𑌤𑍀 ॥ 10 ॥
𑌨𑌿𑌰𑌪𑍇𑌕𑍍𑌷𑌾𑌵𑌿𑌶𑌾𑌲𑌾𑌕𑍍𑌷𑍀𑌮𑌾𑌮𑍁𑌪𑌸𑍍𑌥𑌾𑌸𑍍𑌯𑌤𑍇𑌸𑍍𑌵𑌯𑌮𑍍 ।
𑌤𑌸𑍍𑌯𑌤𑌦𑍍𑌵𑌚𑌨𑌂𑌶𑍍𑌰𑍁𑌤𑍍𑌵𑌾𑌰𑌾𑌵𑌣𑌸𑍍𑌯𑌦𑍁𑌰𑌾𑌤𑍍𑌮𑌨𑌃 ॥ 11 ॥
𑌰𑌾𑌕𑍍𑌷𑌸𑍍𑌯𑌸𑍍𑌤𑌾𑌸𑍍𑌤𑌥𑍇𑌤𑍍𑌯𑍁𑌕𑍍𑌤𑍍𑌵𑌾𑌜𑌗𑍍𑌮𑍁𑌰𑍍𑌵𑍈𑌯𑌤𑍍𑌰𑌪𑍁𑌷𑍍𑌪𑌕𑌮𑍍 ।
𑌤𑌤𑌃𑌪𑍁𑌷𑍍𑌪𑌕𑌮𑌾𑌦𑌾𑌯𑌰𑌾𑌕𑍍𑌷𑌸𑍍𑌯𑍋𑌰𑌾𑌵𑌣𑌾𑌜𑍍𑌞𑌯𑌾 ॥ 12 ॥
𑌅𑌶𑍋𑌕𑌵𑌨𑌿𑌕𑌾𑌸𑍍𑌥𑌾𑌂𑌤𑌾𑌂𑌮𑍈𑌥𑌿𑌲𑍀𑌂𑌸𑌮𑍁𑌪𑌾𑌨𑌯𑌨𑍍 ।
𑌤𑌾𑌮𑌾𑌦𑌾𑌯𑌤𑍁𑌰𑌾𑌕𑍍𑌷𑌸𑍍𑌯𑍋𑌭𑌰𑍍𑌤𑍃𑌶𑍋𑌕𑌪𑌰𑌾𑌜𑌿𑌤𑌾𑌮𑍍 ॥ 13 ॥
𑌸𑍀𑌤𑌾𑌮𑌾𑌰𑍋𑌪𑌯𑌾𑌮𑌾𑌸𑍁𑌰𑍍𑌵𑌿𑌮𑌾𑌨𑌂𑌪𑍁𑌷𑍍𑌪𑌕𑌂𑌤𑌦𑌾 ।
𑌤𑌤𑌃𑌪𑍁𑌷𑍍𑌪𑌕𑌮𑌾𑌰𑍋𑌪𑍍𑌯𑌸𑍀𑌤𑌾𑌂𑌤𑍍𑌰𑌿𑌜𑌟𑌯𑌾𑌸𑌹 ॥ 14 ॥
𑌜𑌗𑍍𑌮𑍁𑌰𑍍𑌦𑌰𑍍𑌶𑌯𑌿𑌤𑍁𑌂𑌤𑌸𑍍𑌯𑍈𑌰𑌾𑌕𑍍𑌷𑌸𑍍𑌯𑍋𑌰𑌾𑌮𑌲𑌕𑍍𑌷𑍍𑌮𑌣𑍌 ।
𑌰𑌾𑌵𑌣𑍋𑌽𑌕𑌾𑌰𑌯𑌲𑍍𑌲𑌂𑌕𑌾𑌂𑌪𑌤𑌾𑌕𑌾𑌧𑍍𑌵𑌜𑌮𑌾𑌲𑌿𑌨𑍀𑌮𑍍 ॥ 15 ॥
𑌪𑍍𑌰𑌾𑌘𑍋𑌷𑌯𑌤𑌹𑍃𑌷𑍍𑌟𑌶𑍍𑌚𑌲𑌂𑌕𑌾𑌯𑌾𑌂𑌰𑌾𑌕𑍍𑌷𑌸𑍇𑌶𑍍𑌵𑌰𑌃 ।
𑌰𑌾𑌘𑌵𑍋𑌲𑌕𑍍𑌷𑍍𑌮𑌣𑌶𑍍𑌚𑍈𑌵𑌹𑌤𑌾𑌵𑌿𑌂𑌦𑍍𑌰𑌜𑌿𑌤𑌾𑌰𑌣𑍇 ॥ 16 ॥
𑌵𑌿𑌮𑌾𑌨𑍇𑌨𑌾𑌪𑌿𑌗𑌤𑍍𑌵𑌾𑌤𑍁𑌸𑍀𑌤𑌾𑌤𑍍𑌰𑌿𑌜𑌟𑌯𑌾𑌸𑌹 ।
𑌦𑌦𑌰𑍍𑌶𑌵𑌾𑌨𑌰𑌾𑌣𑌾𑌂𑌤𑍁𑌸𑌰𑍍𑌵𑌂𑌸𑍈𑌨𑍍𑌯𑌂𑌨𑌿𑌪𑌾𑌤𑌿𑌤𑌮𑍍 ॥ 1 ॥
𑌪𑍍𑌰𑌹𑍃𑌷𑍍𑌟𑌮𑌨𑌸𑌶𑍍𑌚𑌾𑌪𑌿𑌦𑌦𑌰𑍍𑌶𑌪𑌿𑌶𑌿𑌤𑌾𑌶𑌨𑌾𑌨𑍍 ।
𑌵𑌾𑌨𑌰𑌾𑌂𑌶𑍍𑌚𑌾𑌤𑌿𑌦𑍁𑌃𑌖𑌾𑌰𑍍𑌤𑌾𑌨𑍍𑌰𑌾𑌮𑌲𑌕𑍍𑌷𑍍𑌮𑌣𑌪𑌾𑌰𑍍𑌶𑍍𑌵𑌤𑌃 ॥ 1 ॥
𑌤𑌤𑌸𑍍𑌸𑍀𑌤𑌾𑌦𑌦𑌰𑍍𑌶𑍋𑌭𑍌𑌶𑌯𑌾𑌨𑍌𑌶𑌰𑌤𑌲𑍍𑌪𑌗𑍌 ।
𑌲𑌕𑍍𑌷𑍍𑌮𑌣𑌂𑌚𑌾𑌪𑌿𑌰𑌾𑌮𑌂𑌚𑌵𑌿𑌸𑌂𑌜𑍍𑌞𑍌𑌶𑌰𑌪𑍀𑌡𑌿𑌤𑍌 ॥ 1 ॥
𑌵𑌿𑌧𑍍𑌵𑌸𑍍𑌤𑌕𑌵𑌚𑍌𑌵𑍀𑌰𑍌𑌵𑌿𑌪𑍍𑌰𑌵𑌿𑌦𑍍𑌧𑌶𑌰𑌾𑌸𑌨𑍌 ।
𑌸𑌾𑌯𑌕𑍈𑌚𑌶𑌿𑌨𑍍𑌨𑌸𑌰𑍍𑌵𑌾𑌂𑌗𑍌𑌶𑌰𑌸𑍍𑌤𑌂𑌬𑌮𑌯𑍌𑌕𑍍𑌷𑌿𑌤𑍌 ॥ 20 ॥
𑌤𑍌𑌦𑍃𑌷𑍍𑌟𑌵𑌾𑌭𑍍𑌰𑌾𑌤𑌰𑍌𑌤𑌤𑍍𑌰𑌪𑍍𑌰𑌵𑍀𑌰𑍌𑌪𑍁𑌰𑍁𑌷𑌰𑍍𑌷𑌭𑍌 ।
𑌶𑌯𑌾𑌨𑍌𑌪𑍁𑌂𑌡𑌰𑍀𑌕𑌾𑌕𑍍𑌷𑍌𑌕𑍁𑌮𑌾𑌰𑌾𑌵𑌿𑌵𑌪𑌾𑌵𑌕𑍀 ॥ 21 ॥
𑌶𑌰𑌤𑌲𑍍𑌪𑌗𑌤𑍌𑌵𑍀𑌰𑍌𑌤𑌥𑌾𑌭𑍂𑌤𑌾𑌨𑌰𑌰𑍍𑌷𑌭𑍌 ।
𑌦𑍁𑌃𑌖𑌾𑌰𑍍𑌤𑌾𑌕𑌰𑍁𑌣𑌂𑌸𑍀𑌤𑌾𑌸𑍁𑌭𑍃𑌶𑌂𑌵𑌿𑌲𑌲𑌾𑌪𑌹 ॥ 22 ॥
𑌭𑌰𑍍𑌤𑌾𑌰𑌮𑌨𑌵𑌦𑍍𑌯𑌾𑌂𑌗𑍀𑌲𑌕𑍍𑌷𑍍𑌮𑌣𑌂𑌚𑌾𑌸𑌿𑌤𑍇𑌕𑍍𑌷𑌣𑌾 ।
𑌪𑍍𑌰𑍇𑌕𑍍𑌷𑍍𑌯𑌪𑌾𑌂𑌸𑍁𑌷𑍁𑌚𑍇𑌷𑍍𑌟𑌂𑌤𑍌𑌰𑍁𑌰𑍋𑌦𑌜𑌨𑌕𑌾𑌤𑍍𑌮𑌜𑌾 ॥ 23 ॥
𑌸𑌬𑌾𑌷𑍍𑌪𑌶𑍋𑌕𑌾𑌭𑌿𑌹𑌤𑌾𑌸𑌮𑍀𑌕𑍍𑌷𑍍𑌯𑌤𑍌𑌭𑍍𑌰𑌾𑌤𑌰𑍌𑌦𑍇𑌵𑌸𑌮𑌪𑍍𑌰𑌭𑌾𑌵𑍌 ।
𑌵𑌿𑌤𑌰𑍍𑌕𑌯𑌂𑌤𑍀𑌨𑌿𑌧𑌨𑌂𑌤𑌯𑍋𑌸𑍍𑌸𑌾𑌦𑍁𑌃𑌖𑌾𑌨𑍍𑌵𑌿𑌤𑌾𑌵𑌾𑌕𑍍𑌯𑌮𑌿𑌦𑌂𑌜𑌗𑌾𑌦 ॥ 24 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌸𑌪𑍍𑌤𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ॥
