শ্রীমদ্বাল্মীকীয় রামাযণে যুদ্ধকাংডম্ ।
অথ সপ্তচত্বারিংশস্সর্গঃ ।
প্রতিপ্রবিষ্টেলংকায়াংকৃতার্থেরাবণাত্মজে ।
রাঘবংপরিবার্য়ার্তুরক্ষুর্বানরর্ষভাঃ ॥ 1 ॥
হনুমানংগদোনীলঃসুষেণঃকুমুদোনলঃ ।
গজোগবাক্ষোগবযশ্শরভোগংধমাদনঃ ॥ 2 ॥
জাংববানৃষভঃসুংদোরংভঃশতবলিঃপৃথুঃ ।
ব্য়ূঢানীকাশ্চযত্তাশ্চদ্রুমানাদাযসর্বতঃ ॥ 3 ॥
বীক্ষমাণাদিশস্সর্বাস্তির্যগূর্ধ্বংচবানরাঃ ।
তৃণেষ্বপিচচেষ্টত্সুরাক্ষসাইতিমেনিরে ॥ 4 ॥
রাবণশ্চাপিসম্হৃষ্টোবিসৃজ্য়েংদ্রজিতংসুতম্ ।
অজুহাবততস্সীতাক্ষিণীরাক্ষসীস্তদা ॥ 5 ॥
রাক্ষস্যস্ত্রিজটাচৈবশাসনাত্সমুপস্থিতাঃ ।
তাউবাচততোহৃষ্টোরাক্ষসীরাক্ষসাধমঃ ॥ 6 ॥
হতাবিংদ্রজিতাখ্য়াতবৈদেহ্য়ারামলক্ষ্মণৌ ।
পুষ্পকংতত্সমারোপ্যদর্শযধ্বংহতৌরণে ॥ 7 ॥
যদাশ্রয়াদবষ্টব্ধামামুপতিষ্ঠতি ।
সোঽস্য়াভর্তাসহভ্রাত্রানিহতোরণমূর্ধনি ॥ 8 ॥
নির্বিশংকানিরুদ্বিগ্নানিরপেক্ষাচমৈথিলী ।
মামুপস্থাস্যতেসীতাসর্বাভরণভূষিতা ॥ 9 ॥
অদ্যকালবশংপ্রাপ্তংরণেরামংসলক্ষ্মণম্ ।
অবেক্ষ্যবিনিবৃত্তাসাচান্য়াংগতিমপশ্যতী ॥ 10 ॥
নিরপেক্ষাবিশালাক্ষীমামুপস্থাস্যতেস্বযম্ ।
তস্যতদ্বচনংশ্রুত্বারাবণস্যদুরাত্মনঃ ॥ 11 ॥
রাক্ষস্যস্তাস্তথেত্য়ুক্ত্বাজগ্মুর্বৈযত্রপুষ্পকম্ ।
ততঃপুষ্পকমাদাযরাক্ষস্য়োরাবণাজ্ঞয়া ॥ 12 ॥
অশোকবনিকাস্থাংতাংমৈথিলীংসমুপানযন্ ।
তামাদাযতুরাক্ষস্য়োভর্তৃশোকপরাজিতাম্ ॥ 13 ॥
সীতামারোপয়ামাসুর্বিমানংপুষ্পকংতদা ।
ততঃপুষ্পকমারোপ্যসীতাংত্রিজটয়াসহ ॥ 14 ॥
জগ্মুর্দর্শয়িতুংতস্য়ৈরাক্ষস্য়োরামলক্ষ্মণৌ ।
রাবণোঽকারযল্লংকাংপতাকাধ্বজমালিনীম্ ॥ 15 ॥
প্রাঘোষযতহৃষ্টশ্চলংকায়াংরাক্ষসেশ্বরঃ ।
রাঘবোলক্ষ্মণশ্চৈবহতাবিংদ্রজিতারণে ॥ 16 ॥
বিমানেনাপিগত্বাতুসীতাত্রিজটয়াসহ ।
দদর্শবানরাণাংতুসর্বংসৈন্য়ংনিপাতিতম্ ॥ 17 ॥
প্রহৃষ্টমনসশ্চাপিদদর্শপিশিতাশনান্ ।
বানরাংশ্চাতিদুঃখার্তান্রামলক্ষ্মণপার্শ্বতঃ ॥ 18 ॥
ততস্সীতাদদর্শোভৌশয়ানৌশরতল্পগৌ ।
লক্ষ্মণংচাপিরামংচবিসংজ্ঞৌশরপীডিতৌ ॥ 19 ॥
বিধ্বস্তকবচৌবীরৌবিপ্রবিদ্ধশরাসনৌ ।
সাযকৈচশিন্নসর্বাংগৌশরস্তংবময়ৌক্ষিতৌ ॥ 20 ॥
তৌদৃষ্টবাভ্রাতরৌতত্রপ্রবীরৌপুরুষর্ষভৌ ।
শয়ানৌপুংডরীকাক্ষৌকুমারাবিবপাবকী ॥ 21 ॥
শরতল্পগতৌবীরৌতথাভূতানরর্ষভৌ ।
দুঃখার্তাকরুণংসীতাসুভৃশংবিললাপহ ॥ 22 ॥
ভর্তারমনবদ্য়াংগীলক্ষ্মণংচাসিতেক্ষণা ।
প্রেক্ষ্যপাংসুষুচেষ্টংতৌরুরোদজনকাত্মজা ॥ 23 ॥
সবাষ্পশোকাভিহতাসমীক্ষ্যতৌভ্রাতরৌদেবসমপ্রভাবৌ ।
বিতর্কয়ংতীনিধনংতয়োস্সাদুঃখান্বিতাবাক্যমিদংজগাদ ॥ 24 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে যুদ্ধকাংডে সপ্তচত্বারিংশস্সর্গঃ ॥
