શ્રીમદ્વાલ્મીકીય રામાયણે યુદ્ધકાંડમ્ ।
અથ સપ્તચત્વારિંશસ્સર્ગઃ ।
પ્રતિપ્રવિષ્ટેલંકાયાંકૃતાર્થેરાવણાત્મજે ।
રાઘવંપરિવાર્યાર્તુરક્ષુર્વાનરર્ષભાઃ ॥ 1 ॥
હનુમાનંગદોનીલઃસુષેણઃકુમુદોનલઃ ।
ગજોગવાક્ષોગવયશ્શરભોગંધમાદનઃ ॥ 2 ॥
જાંબવાનૃષભઃસુંદોરંભઃશતવલિઃપૃથુઃ ।
વ્યૂઢાનીકાશ્ચયત્તાશ્ચદ્રુમાનાદાયસર્વતઃ ॥ 3 ॥
વીક્ષમાણાદિશસ્સર્વાસ્તિર્યગૂર્ધ્વંચવાનરાઃ ।
તૃણેષ્વપિચચેષ્ટત્સુરાક્ષસાઇતિમેનિરે ॥ 4 ॥
રાવણશ્ચાપિસમ્હૃષ્ટોવિસૃજ્યેંદ્રજિતંસુતમ્ ।
અજુહાવતતસ્સીતાક્ષિણીરાક્ષસીસ્તદા ॥ 5 ॥
રાક્ષસ્યસ્ત્રિજટાચૈવશાસનાત્સમુપસ્થિતાઃ ।
તાઉવાચતતોહૃષ્ટોરાક્ષસીરાક્ષસાધમઃ ॥ 6 ॥
હતાવિંદ્રજિતાખ્યાતવૈદેહ્યારામલક્ષ્મણૌ ।
પુષ્પકંતત્સમારોપ્યદર્શયધ્વંહતૌરણે ॥ 7 ॥
યદાશ્રયાદવષ્ટબ્ધામામુપતિષ્ઠતિ ।
સોઽસ્યાભર્તાસહભ્રાત્રાનિહતોરણમૂર્ધનિ ॥ 8 ॥
નિર્વિશંકાનિરુદ્વિગ્નાનિરપેક્ષાચમૈથિલી ।
મામુપસ્થાસ્યતેસીતાસર્વાભરણભૂષિતા ॥ 9 ॥
અદ્યકાલવશંપ્રાપ્તંરણેરામંસલક્ષ્મણમ્ ।
અવેક્ષ્યવિનિવૃત્તાસાચાન્યાંગતિમપશ્યતી ॥ 10 ॥
નિરપેક્ષાવિશાલાક્ષીમામુપસ્થાસ્યતેસ્વયમ્ ।
તસ્યતદ્વચનંશ્રુત્વારાવણસ્યદુરાત્મનઃ ॥ 11 ॥
રાક્ષસ્યસ્તાસ્તથેત્યુક્ત્વાજગ્મુર્વૈયત્રપુષ્પકમ્ ।
તતઃપુષ્પકમાદાયરાક્ષસ્યોરાવણાજ્ઞયા ॥ 12 ॥
અશોકવનિકાસ્થાંતાંમૈથિલીંસમુપાનયન્ ।
તામાદાયતુરાક્ષસ્યોભર્તૃશોકપરાજિતામ્ ॥ 13 ॥
સીતામારોપયામાસુર્વિમાનંપુષ્પકંતદા ।
તતઃપુષ્પકમારોપ્યસીતાંત્રિજટયાસહ ॥ 14 ॥
જગ્મુર્દર્શયિતુંતસ્યૈરાક્ષસ્યોરામલક્ષ્મણૌ ।
રાવણોઽકારયલ્લંકાંપતાકાધ્વજમાલિનીમ્ ॥ 15 ॥
પ્રાઘોષયતહૃષ્ટશ્ચલંકાયાંરાક્ષસેશ્વરઃ ।
રાઘવોલક્ષ્મણશ્ચૈવહતાવિંદ્રજિતારણે ॥ 16 ॥
વિમાનેનાપિગત્વાતુસીતાત્રિજટયાસહ ।
દદર્શવાનરાણાંતુસર્વંસૈન્યંનિપાતિતમ્ ॥ 17 ॥
પ્રહૃષ્ટમનસશ્ચાપિદદર્શપિશિતાશનાન્ ।
વાનરાંશ્ચાતિદુઃખાર્તાન્રામલક્ષ્મણપાર્શ્વતઃ ॥ 18 ॥
તતસ્સીતાદદર્શોભૌશયાનૌશરતલ્પગૌ ।
લક્ષ્મણંચાપિરામંચવિસંજ્ઞૌશરપીડિતૌ ॥ 19 ॥
વિધ્વસ્તકવચૌવીરૌવિપ્રવિદ્ધશરાસનૌ ।
સાયકૈચશિન્નસર્વાંગૌશરસ્તંબમયૌક્ષિતૌ ॥ 20 ॥
તૌદૃષ્ટવાભ્રાતરૌતત્રપ્રવીરૌપુરુષર્ષભૌ ।
શયાનૌપુંડરીકાક્ષૌકુમારાવિવપાવકી ॥ 21 ॥
શરતલ્પગતૌવીરૌતથાભૂતાનરર્ષભૌ ।
દુઃખાર્તાકરુણંસીતાસુભૃશંવિલલાપહ ॥ 22 ॥
ભર્તારમનવદ્યાંગીલક્ષ્મણંચાસિતેક્ષણા ।
પ્રેક્ષ્યપાંસુષુચેષ્ટંતૌરુરોદજનકાત્મજા ॥ 23 ॥
સબાષ્પશોકાભિહતાસમીક્ષ્યતૌભ્રાતરૌદેવસમપ્રભાવૌ ।
વિતર્કયંતીનિધનંતયોસ્સાદુઃખાન્વિતાવાક્યમિદંજગાદ ॥ 24 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે સપ્તચત્વારિંશસ્સર્ગઃ ॥
