ශ්රීමද්වාල්මීකීය රාමායණේ යුද්ධකාංඩම් ।
අථ සප්තචත්වාරිංශස්සර්ගඃ ।
ප්රතිප්රවිෂ්ටේලංකායාංකෘතාර්ථේරාවණාත්මජේ ।
රාඝවංපරිවාර්යාර්තුරක්ෂුර්වානරර්ෂභාඃ ॥ 1 ॥
හනුමානංගදෝනීලඃසුෂේණඃකුමුදෝනලඃ ।
ගජෝගවාක්ෂෝගවයශ්ශරභෝගංධමාදනඃ ॥ 2 ॥
ජාංබවානෘෂභඃසුංදෝරංභඃශතවලිඃපෘථුඃ ।
ව්යූඪානීකාශ්චයත්තාශ්චද්රුමානාදායසර්වතඃ ॥ 3 ॥
වීක්ෂමාණාදිශස්සර්වාස්තිර්යගූර්ධ්වංචවානරාඃ ।
තෘණේෂ්වපිචචේෂ්ටත්සුරාක්ෂසාඉතිමේනිරේ ॥ 4 ॥
රාවණශ්චාපිසම්හෘෂ්ටෝවිසෘජ්යේංද්රජිතංසුතම් ।
අජුහාවතතස්සීතාක්ෂිණීරාක්ෂසීස්තදා ॥ 5 ॥
රාක්ෂස්යස්ත්රිජටාචෛවශාසනාත්සමුපස්ථිතාඃ ।
තාඋවාචතතෝහෘෂ්ටෝරාක්ෂසීරාක්ෂසාධමඃ ॥ 6 ॥
හතාවිංද්රජිතාඛ්යාතවෛදේහ්යාරාමලක්ෂ්මණෞ ।
පුෂ්පකංතත්සමාරෝප්යදර්ශයධ්වංහතෞරණේ ॥ 7 ॥
යදාශ්රයාදවෂ්ටබ්ධාමාමුපතිෂ්ඨති ।
සෝऽස්යාභර්තාසහභ්රාත්රානිහතෝරණමූර්ධනි ॥ 8 ॥
නිර්විශංකානිරුද්විග්නානිරපේක්ෂාචමෛථිලී ।
මාමුපස්ථාස්යතේසීතාසර්වාභරණභූෂිතා ॥ 9 ॥
අද්යකාලවශංප්රාප්තංරණේරාමංසලක්ෂ්මණම් ।
අවේක්ෂ්යවිනිවෘත්තාසාචාන්යාංගතිමපශ්යතී ॥ 10 ॥
නිරපේක්ෂාවිශාලාක්ෂීමාමුපස්ථාස්යතේස්වයම් ।
තස්යතද්වචනංශ්රුත්වාරාවණස්යදුරාත්මනඃ ॥ 11 ॥
රාක්ෂස්යස්තාස්තථේත්යුක්ත්වාජග්මුර්වෛයත්රපුෂ්පකම් ।
තතඃපුෂ්පකමාදායරාක්ෂස්යෝරාවණාජ්ඤයා ॥ 12 ॥
අශෝකවනිකාස්ථාංතාංමෛථිලීංසමුපානයන් ।
තාමාදායතුරාක්ෂස්යෝභර්තෘශෝකපරාජිතාම් ॥ 13 ॥
සීතාමාරෝපයාමාසුර්විමානංපුෂ්පකංතදා ।
තතඃපුෂ්පකමාරෝප්යසීතාංත්රිජටයාසහ ॥ 14 ॥
ජග්මුර්දර්ශයිතුංතස්යෛරාක්ෂස්යෝරාමලක්ෂ්මණෞ ।
රාවණෝऽකාරයල්ලංකාංපතාකාධ්වජමාලිනීම් ॥ 15 ॥
ප්රාඝෝෂයතහෘෂ්ටශ්චලංකායාංරාක්ෂසේශ්වරඃ ।
රාඝවෝලක්ෂ්මණශ්චෛවහතාවිංද්රජිතාරණේ ॥ 16 ॥
විමානේනාපිගත්වාතුසීතාත්රිජටයාසහ ।
දදර්ශවානරාණාංතුසර්වංසෛන්යංනිපාතිතම් ॥ 17 ॥
ප්රහෘෂ්ටමනසශ්චාපිදදර්ශපිශිතාශනාන් ।
වානරාංශ්චාතිදුඃඛාර්තාන්රාමලක්ෂ්මණපාර්ශ්වතඃ ॥ 18 ॥
තතස්සීතාදදර්ශෝභෞශයානෞශරතල්පගෞ ।
ලක්ෂ්මණංචාපිරාමංචවිසංජ්ඤෞශරපීඩිතෞ ॥ 19 ॥
විධ්වස්තකවචෞවීරෞවිප්රවිද්ධශරාසනෞ ।
සායකෛචශින්නසර්වාංගෞශරස්තංබමයෞක්ෂිතෞ ॥ 20 ॥
තෞදෘෂ්ටවාභ්රාතරෞතත්රප්රවීරෞපුරුෂර්ෂභෞ ।
ශයානෞපුංඩරීකාක්ෂෞකුමාරාවිවපාවකී ॥ 21 ॥
ශරතල්පගතෞවීරෞතථාභූතානරර්ෂභෞ ।
දුඃඛාර්තාකරුණංසීතාසුභෘශංවිලලාපහ ॥ 22 ॥
භර්තාරමනවද්යාංගීලක්ෂ්මණංචාසිතේක්ෂණා ।
ප්රේක්ෂ්යපාංසුෂුචේෂ්ටංතෞරුරෝදජනකාත්මජා ॥ 23 ॥
සබාෂ්පශෝකාභිහතාසමීක්ෂ්යතෞභ්රාතරෞදේවසමප්රභාවෞ ।
විතර්කයංතීනිධනංතයෝස්සාදුඃඛාන්විතාවාක්යමිදංජගාද ॥ 24 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ සප්තචත්වාරිංශස්සර්ගඃ ॥
