śrīmadvālmīkīya rāmāyaṇē yuddhakāṇḍam ।
atha pañchamassargaḥ ।
sātunīlēnavidhivatsvārakṣāsusamāhitā ।
sāgarasyōttarētīrēsādhusēnānivēśitā ॥ 1 ॥
maindaśchadvividaśchōbhautatravānarapuṅgavau ।
vichēratuśchatāṃsēnāṃrakṣārthaṃsarvatōdiśam ॥ 2 ॥
niviṣṭāyāntusēnāyāntīrēnadanadīpatēḥ ।
pārśvasthaṃlakṣmaṇandṛṣṭavārāmōvachanamabravīt ॥ 3 ॥
śōkaśchakilakālēnagachChatāhyapagachChati ।
mamachāpaśyataḥkāntāmahanyahanivardhatē ॥ 4 ॥
namēduḥkhampriyādūrēnamēduḥkhaṃhṛtētivā ।
ētadēvānuśōchāmivayōsyāhyativartatē ॥ 5 ॥
vāhivātayataḥkāntātāṃspṛṣṭavāmāmapispṛśa ।
tvayimēgātrasaṃsparśaśchandrēdṛṣṭisamāgamaḥ ॥ 6 ॥
tanmēdahatigātrāṇiviṣampītamivāśayē ।
hānāthētipriyāsāmāṃhriyamāṇāyadabravīt ॥ 7 ॥
tadviyōgēndhanavatātachchintāvipulārchiṣā ।
rātrindivaṃśarīrammēdahyatēmadanāgninā ॥ 8 ॥
avagāhyarṇavaṃsvapsyēsaumitrēbhavatāvinā ।
kathañchitprajvalankāmassamāṃsuptañjalēdahēt ॥ 9 ॥
bahvētatkāmayānasyaśakyamētēnajīvitum ।
yadahaṃsāchavāmōrūrēkāndharaṇimāśritau ॥ 10 ॥
kēdārasyēvakēdārassōdakasyanirūdakaḥ ।
upasnēhēnajīvāmijīvantīṃyachChṛṇōmitām ॥ 11 ॥
kadānukhalusuśrōṇīṃśatapattrāyatēkṣaṇām ।
vijityaśatrūndrakṣyāmisītāsphītāmivaśriyam ॥ 12 ॥
kadānuchārubimbōṣṭhantasyāḥpadmamivānanam ।
īṣadunnamyapāsyāmirasāyanamivāturaḥ ॥ 13 ॥
tasyāttusaṃhitaupīnaustanautālaphalōpamau ।
kadānukhalusōtkampauśliṣyantyāmāmbhajiṣyataḥ ॥ 14 ॥
sānūnamasitāpāṅgīrakṣōmadhyagatāsatī ।
mannāthānāthahīnēvatrātārannādhigachChati ॥ 15 ॥
kathañjanakarajasyaduhitāmamachapriyā ।
rākṣasīmadhyagāśētēsnuṣādaśarathasyacha ॥ 16 ॥
kadā'vikṣōbhyarakṣāṃsisāvidhūyōtpatiṣyati ।
vidhūyajaladānnīlān śaśirēkhāśaratsviva ॥ 17 ॥
svabhāvatanukānūnaṃśōkēnānaśanēnacha ।
bhūyastanutarāsītādēśakālaviparyayāt ॥ 18 ॥
kadānurākṣasēndrasyanidhāyōrasisāyakān ।
sītāmpratyāhariṣyāmiśōkamutsṛjyamānasam ॥ 19 ॥
kadānukhalumāṃsādhvīsītāsurasutōpamā ।
sōtkaṇṭhākaṇṭhamālambyamōkṣyatyānandajañjalam ॥ 20 ॥
kadāśōkamimaṅghōrammaithilīviprayōgajam ।
sahasāvipramōkṣyāmivāsaśśuklētaraṃyathā ॥ 21 ॥
ēvaṃvilapatastasyatatrarāmasyadhīmataḥ ।
dinakṣayānmandavapurbhāskarō'stamupāgataḥ ॥ 22 ॥
āśvāsitōlakṣmaṇēnarāmassandhyāmupāsata ।
smarankamalapatrākṣīṃsītāṃśōkākulīkṛtaḥ ॥ 23 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē pañchamassargaḥ ॥
