ශ්රීමද්වාල්මීකීය රාමායණේ යුද්ධකාංඩම් ।
අථ පංචමස්සර්ගඃ ।
සාතුනීලේනවිධිවත්ස්වාරක්ෂාසුසමාහිතා ।
සාගරස්යෝත්තරේතීරේසාධුසේනානිවේශිතා ॥ 1 ॥
මෛංදශ්චද්විවිදශ්චෝභෞතත්රවානරපුංගවෞ ।
විචේරතුශ්චතාංසේනාංරක්ෂාර්ථංසර්වතෝදිශම් ॥ 2 ॥
නිවිෂ්ටායාංතුසේනායාංතීරේනදනදීපතේඃ ।
පාර්ශ්වස්ථංලක්ෂ්මණංදෘෂ්ටවාරාමෝවචනමබ්රවීත් ॥ 3 ॥
ශෝකශ්චකිලකාලේනගච්ඡතාහ්යපගච්ඡති ।
මමචාපශ්යතඃකාංතාමහන්යහනිවර්ධතේ ॥ 4 ॥
නමේදුඃඛංප්රියාදූරේනමේදුඃඛංහෘතේතිවා ।
ඒතදේවානුශෝචාමිවයෝස්යාහ්යතිවර්තතේ ॥ 5 ॥
වාහිවාතයතඃකාංතාතාංස්පෘෂ්ටවාමාමපිස්පෘශ ।
ත්වයිමේගාත්රසංස්පර්ශශ්චංද්රේදෘෂ්ටිසමාගමඃ ॥ 6 ॥
තන්මේදහතිගාත්රාණිවිෂංපීතමිවාශයේ ।
හානාථේතිප්රියාසාමාංහ්රියමාණායදබ්රවීත් ॥ 7 ॥
තද්වියෝගේංධනවතාතච්චිංතාවිපුලාර්චිෂා ।
රාත්රිංදිවංශරීරංමේදහ්යතේමදනාග්නිනා ॥ 8 ॥
අවගාහ්යර්ණවංස්වප්ස්යේසෞමිත්රේභවතාවිනා ।
කථංචිත්ප්රජ්වලන්කාමස්සමාංසුප්තංජලේදහේත් ॥ 9 ॥
බහ්වේතත්කාමයානස්යශක්යමේතේනජීවිතුම් ।
යදහංසාචවාමෝරූරේකාංධරණිමාශ්රිතෞ ॥ 10 ॥
කේදාරස්යේවකේදාරස්සෝදකස්යනිරූදකඃ ।
උපස්නේහේනජීවාමිජීවංතීංයච්ඡෘණෝමිතාම් ॥ 11 ॥
කදානුඛලුසුශ්රෝණීංශතපත්ත්රායතේක්ෂණාම් ।
විජිත්යශත්රූංද්රක්ෂ්යාමිසීතාස්ඵීතාමිවශ්රියම් ॥ 12 ॥
කදානුචාරුබිංබෝෂ්ඨංතස්යාඃපද්මමිවානනම් ।
ඊෂදුන්නම්යපාස්යාමිරසායනමිවාතුරඃ ॥ 13 ॥
තස්යාත්තුසංහිතෞපීනෞස්තනෞතාලඵලෝපමෞ ।
කදානුඛලුසෝත්කංපෞශ්ලිෂ්යංත්යාමාංභජිෂ්යතඃ ॥ 14 ॥
සානූනමසිතාපාංගීරක්ෂෝමධ්යගතාසතී ।
මන්නාථානාථහීනේවත්රාතාරංනාධිගච්ඡති ॥ 15 ॥
කථංජනකරජස්යදුහිතාමමචප්රියා ।
රාක්ෂසීමධ්යගාශේතේස්නුෂාදශරථස්යච ॥ 16 ॥
කදාऽවික්ෂෝභ්යරක්ෂාංසිසාවිධූයෝත්පතිෂ්යති ।
විධූයජලදාන්නීලාන් ශශිරේඛාශරත්ස්විව ॥ 17 ॥
ස්වභාවතනුකානූනංශෝකේනානශනේනච ।
භූයස්තනුතරාසීතාදේශකාලවිපර්යයාත් ॥ 18 ॥
කදානුරාක්ෂසේංද්රස්යනිධායෝරසිසායකාන් ।
සීතාංප්රත්යාහරිෂ්යාමිශෝකමුත්සෘජ්යමානසම් ॥ 19 ॥
කදානුඛලුමාංසාධ්වීසීතාසුරසුතෝපමා ।
සෝත්කංඨාකංඨමාලංබ්යමෝක්ෂ්යත්යානංදජංජලම් ॥ 20 ॥
කදාශෝකමිමංඝෝරංමෛථිලීවිප්රයෝගජම් ।
සහසාවිප්රමෝක්ෂ්යාමිවාසශ්ශුක්ලේතරංයථා ॥ 21 ॥
ඒවංවිලපතස්තස්යතත්රරාමස්යධීමතඃ ।
දිනක්ෂයාන්මංදවපුර්භාස්කරෝऽස්තමුපාගතඃ ॥ 22 ॥
ආශ්වාසිතෝලක්ෂ්මණේනරාමස්සංධ්යාමුපාසත ।
ස්මරන්කමලපත්රාක්ෂීංසීතාංශෝකාකුලීකෘතඃ ॥ 23 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ පංචමස්සර්ගඃ ॥
