ശ്രീമദ്വാല്മീകീയ രാമായണേ യുദ്ധകാംഡമ് ।
അഥ പംചമസ്സര്ഗഃ ।
സാതുനീലേനവിധിവത്സ്വാരക്ഷാസുസമാഹിതാ ।
സാഗരസ്യോത്തരേതീരേസാധുസേനാനിവേശിതാ ॥ 1 ॥
മൈംദശ്ചദ്വിവിദശ്ചോഭൌതത്രവാനരപുംഗവൌ ।
വിചേരതുശ്ചതാംസേനാംരക്ഷാര്ഥംസർവതോദിശമ് ॥ 2 ॥
നിവിഷ്ടായാംതുസേനായാംതീരേനദനദീപതേഃ ।
പാര്ശ്വസ്ഥംലക്ഷ്മണംദൃഷ്ടവാരാമോവചനമബ്രവീത് ॥ 3 ॥
ശോകശ്ചകിലകാലേനഗച്ഛതാഹ്യപഗച്ഛതി ।
മമചാപശ്യതഃകാംതാമഹന്യഹനിവര്ധതേ ॥ 4 ॥
നമേദുഃഖംപ്രിയാദൂരേനമേദുഃഖംഹൃതേതിവാ ।
ഏതദേവാനുശോചാമിവയോസ്യാഹ്യതിവര്തതേ ॥ 5 ॥
വാഹിവാതയതഃകാംതാതാംസ്പൃഷ്ടവാമാമപിസ്പൃശ ।
ത്വയിമേഗാത്രസംസ്പര്ശശ്ചംദ്രേദൃഷ്ടിസമാഗമഃ ॥ 6 ॥
തന്മേദഹതിഗാത്രാണിവിഷംപീതമിവാശയേ ।
ഹാനാഥേതിപ്രിയാസാമാംഹ്രിയമാണായദബ്രവീത് ॥ 7 ॥
തദ്വിയോഗേംധനവതാതച്ചിംതാവിപുലാര്ചിഷാ ।
രാത്രിംദിവംശരീരംമേദഹ്യതേമദനാഗ്നിനാ ॥ 8 ॥
അവഗാഹ്യര്ണവംസ്വപ്സ്യേസൌമിത്രേഭവതാവിനാ ।
കഥംചിത്പ്രജ്വലന്കാമസ്സമാംസുപ്തംജലേദഹേത് ॥ 9 ॥
ബഹ്വേതത്കാമയാനസ്യശക്യമേതേനജീവിതുമ് ।
യദഹംസാചവാമോരൂരേകാംധരണിമാശ്രിതൌ ॥ 10 ॥
കേദാരസ്യേവകേദാരസ്സോദകസ്യനിരൂദകഃ ।
ഉപസ്നേഹേനജീവാമിജീവംതീംയച്ഛൃണോമിതാമ് ॥ 11 ॥
കദാനുഖലുസുശ്രോണീംശതപത്ത്രായതേക്ഷണാമ് ।
വിജിത്യശത്രൂംദ്രക്ഷ്യാമിസീതാസ്ഫീതാമിവശ്രിയമ് ॥ 12 ॥
കദാനുചാരുബിംബോഷ്ഠംതസ്യാഃപദ്മമിവാനനമ് ।
ഈഷദുന്നമ്യപാസ്യാമിരസായനമിവാതുരഃ ॥ 13 ॥
തസ്യാത്തുസംഹിതൌപീനൌസ്തനൌതാലഫലോപമൌ ।
കദാനുഖലുസോത്കംപൌശ്ലിഷ്യംത്യാമാംഭജിഷ്യതഃ ॥ 14 ॥
സാനൂനമസിതാപാംഗീരക്ഷോമധ്യഗതാസതീ ।
മന്നാഥാനാഥഹീനേവത്രാതാരംനാധിഗച്ഛതി ॥ 15 ॥
കഥംജനകരജസ്യദുഹിതാമമചപ്രിയാ ।
രാക്ഷസീമധ്യഗാശേതേസ്നുഷാദശരഥസ്യച ॥ 16 ॥
കദാഽവിക്ഷോഭ്യരക്ഷാംസിസാവിധൂയോത്പതിഷ്യതി ।
വിധൂയജലദാന്നീലാന് ശശിരേഖാശരത്സ്വിവ ॥ 17 ॥
സ്വഭാവതനുകാനൂനംശോകേനാനശനേനച ।
ഭൂയസ്തനുതരാസീതാദേശകാലവിപര്യയാത് ॥ 18 ॥
കദാനുരാക്ഷസേംദ്രസ്യനിധായോരസിസായകാന് ।
സീതാംപ്രത്യാഹരിഷ്യാമിശോകമുത്സൃജ്യമാനസമ് ॥ 19 ॥
കദാനുഖലുമാംസാധ്വീസീതാസുരസുതോപമാ ।
സോത്കംഠാകംഠമാലംബ്യമോക്ഷ്യത്യാനംദജംജലമ് ॥ 20 ॥
കദാശോകമിമംഘോരംമൈഥിലീവിപ്രയോഗജമ് ।
സഹസാവിപ്രമോക്ഷ്യാമിവാസശ്ശുക്ലേതരംയഥാ ॥ 21 ॥
ഏവംവിലപതസ്തസ്യതത്രരാമസ്യധീമതഃ ।
ദിനക്ഷയാന്മംദവപുര്ഭാസ്കരോഽസ്തമുപാഗതഃ ॥ 22 ॥
ആശ്വാസിതോലക്ഷ്മണേനരാമസ്സംധ്യാമുപാസത ।
സ്മരന്കമലപത്രാക്ഷീംസീതാംശോകാകുലീകൃതഃ ॥ 23 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ പംചമസ്സര്ഗഃ ॥
