ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಪಞ್ಚಮಸ್ಸರ್ಗಃ ।
ಸಾತುನೀಲೇನವಿಧಿವತ್ಸ್ವಾರಕ್ಷಾಸುಸಮಾಹಿತಾ ।
ಸಾಗರಸ್ಯೋತ್ತರೇತೀರೇಸಾಧುಸೇನಾನಿವೇಶಿತಾ ॥ 1 ॥
ಮೈನ್ದಶ್ಚದ್ವಿವಿದಶ್ಚೋಭೌತತ್ರವಾನರಪುಙ್ಗವೌ ।
ವಿಚೇರತುಶ್ಚತಾಂಸೇನಾಂರಕ್ಷಾರ್ಥಂಸರ್ವತೋದಿಶಮ್ ॥ 2 ॥
ನಿವಿಷ್ಟಾಯಾನ್ತುಸೇನಾಯಾನ್ತೀರೇನದನದೀಪತೇಃ ।
ಪಾರ್ಶ್ವಸ್ಥಂಲಕ್ಷ್ಮಣನ್ದೃಷ್ಟವಾರಾಮೋವಚನಮಬ್ರವೀತ್ ॥ 3 ॥
ಶೋಕಶ್ಚಕಿಲಕಾಲೇನಗಚ್ಛತಾಹ್ಯಪಗಚ್ಛತಿ ।
ಮಮಚಾಪಶ್ಯತಃಕಾನ್ತಾಮಹನ್ಯಹನಿವರ್ಧತೇ ॥ 4 ॥
ನಮೇದುಃಖಮ್ಪ್ರಿಯಾದೂರೇನಮೇದುಃಖಂಹೃತೇತಿವಾ ।
ಏತದೇವಾನುಶೋಚಾಮಿವಯೋಸ್ಯಾಹ್ಯತಿವರ್ತತೇ ॥ 5 ॥
ವಾಹಿವಾತಯತಃಕಾನ್ತಾತಾಂಸ್ಪೃಷ್ಟವಾಮಾಮಪಿಸ್ಪೃಶ ।
ತ್ವಯಿಮೇಗಾತ್ರಸಂಸ್ಪರ್ಶಶ್ಚನ್ದ್ರೇದೃಷ್ಟಿಸಮಾಗಮಃ ॥ 6 ॥
ತನ್ಮೇದಹತಿಗಾತ್ರಾಣಿವಿಷಮ್ಪೀತಮಿವಾಶಯೇ ।
ಹಾನಾಥೇತಿಪ್ರಿಯಾಸಾಮಾಂಹ್ರಿಯಮಾಣಾಯದಬ್ರವೀತ್ ॥ 7 ॥
ತದ್ವಿಯೋಗೇನ್ಧನವತಾತಚ್ಚಿನ್ತಾವಿಪುಲಾರ್ಚಿಷಾ ।
ರಾತ್ರಿನ್ದಿವಂಶರೀರಮ್ಮೇದಹ್ಯತೇಮದನಾಗ್ನಿನಾ ॥ 8 ॥
ಅವಗಾಹ್ಯರ್ಣವಂಸ್ವಪ್ಸ್ಯೇಸೌಮಿತ್ರೇಭವತಾವಿನಾ ।
ಕಥಞ್ಚಿತ್ಪ್ರಜ್ವಲನ್ಕಾಮಸ್ಸಮಾಂಸುಪ್ತಞ್ಜಲೇದಹೇತ್ ॥ 9 ॥
ಬಹ್ವೇತತ್ಕಾಮಯಾನಸ್ಯಶಕ್ಯಮೇತೇನಜೀವಿತುಮ್ ।
ಯದಹಂಸಾಚವಾಮೋರೂರೇಕಾನ್ಧರಣಿಮಾಶ್ರಿತೌ ॥ 10 ॥
ಕೇದಾರಸ್ಯೇವಕೇದಾರಸ್ಸೋದಕಸ್ಯನಿರೂದಕಃ ।
ಉಪಸ್ನೇಹೇನಜೀವಾಮಿಜೀವನ್ತೀಂಯಚ್ಛೃಣೋಮಿತಾಮ್ ॥ 11 ॥
ಕದಾನುಖಲುಸುಶ್ರೋಣೀಂಶತಪತ್ತ್ರಾಯತೇಕ್ಷಣಾಮ್ ।
ವಿಜಿತ್ಯಶತ್ರೂನ್ದ್ರಕ್ಷ್ಯಾಮಿಸೀತಾಸ್ಫೀತಾಮಿವಶ್ರಿಯಮ್ ॥ 12 ॥
ಕದಾನುಚಾರುಬಿಮ್ಬೋಷ್ಠನ್ತಸ್ಯಾಃಪದ್ಮಮಿವಾನನಮ್ ।
ಈಷದುನ್ನಮ್ಯಪಾಸ್ಯಾಮಿರಸಾಯನಮಿವಾತುರಃ ॥ 13 ॥
ತಸ್ಯಾತ್ತುಸಂಹಿತೌಪೀನೌಸ್ತನೌತಾಲಫಲೋಪಮೌ ।
ಕದಾನುಖಲುಸೋತ್ಕಮ್ಪೌಶ್ಲಿಷ್ಯನ್ತ್ಯಾಮಾಮ್ಭಜಿಷ್ಯತಃ ॥ 14 ॥
ಸಾನೂನಮಸಿತಾಪಾಙ್ಗೀರಕ್ಷೋಮಧ್ಯಗತಾಸತೀ ।
ಮನ್ನಾಥಾನಾಥಹೀನೇವತ್ರಾತಾರನ್ನಾಧಿಗಚ್ಛತಿ ॥ 15 ॥
ಕಥಞ್ಜನಕರಜಸ್ಯದುಹಿತಾಮಮಚಪ್ರಿಯಾ ।
ರಾಕ್ಷಸೀಮಧ್ಯಗಾಶೇತೇಸ್ನುಷಾದಶರಥಸ್ಯಚ ॥ 16 ॥
ಕದಾಽವಿಕ್ಷೋಭ್ಯರಕ್ಷಾಂಸಿಸಾವಿಧೂಯೋತ್ಪತಿಷ್ಯತಿ ।
ವಿಧೂಯಜಲದಾನ್ನೀಲಾನ್ ಶಶಿರೇಖಾಶರತ್ಸ್ವಿವ ॥ 17 ॥
ಸ್ವಭಾವತನುಕಾನೂನಂಶೋಕೇನಾನಶನೇನಚ ।
ಭೂಯಸ್ತನುತರಾಸೀತಾದೇಶಕಾಲವಿಪರ್ಯಯಾತ್ ॥ 18 ॥
ಕದಾನುರಾಕ್ಷಸೇನ್ದ್ರಸ್ಯನಿಧಾಯೋರಸಿಸಾಯಕಾನ್ ।
ಸೀತಾಮ್ಪ್ರತ್ಯಾಹರಿಷ್ಯಾಮಿಶೋಕಮುತ್ಸೃಜ್ಯಮಾನಸಮ್ ॥ 19 ॥
ಕದಾನುಖಲುಮಾಂಸಾಧ್ವೀಸೀತಾಸುರಸುತೋಪಮಾ ।
ಸೋತ್ಕಣ್ಠಾಕಣ್ಠಮಾಲಮ್ಬ್ಯಮೋಕ್ಷ್ಯತ್ಯಾನನ್ದಜಞ್ಜಲಮ್ ॥ 20 ॥
ಕದಾಶೋಕಮಿಮಙ್ಘೋರಮ್ಮೈಥಿಲೀವಿಪ್ರಯೋಗಜಮ್ ।
ಸಹಸಾವಿಪ್ರಮೋಕ್ಷ್ಯಾಮಿವಾಸಶ್ಶುಕ್ಲೇತರಂಯಥಾ ॥ 21 ॥
ಏವಂವಿಲಪತಸ್ತಸ್ಯತತ್ರರಾಮಸ್ಯಧೀಮತಃ ।
ದಿನಕ್ಷಯಾನ್ಮನ್ದವಪುರ್ಭಾಸ್ಕರೋಽಸ್ತಮುಪಾಗತಃ ॥ 22 ॥
ಆಶ್ವಾಸಿತೋಲಕ್ಷ್ಮಣೇನರಾಮಸ್ಸನ್ಧ್ಯಾಮುಪಾಸತ ।
ಸ್ಮರನ್ಕಮಲಪತ್ರಾಕ್ಷೀಂಸೀತಾಂಶೋಕಾಕುಲೀಕೃತಃ ॥ 23 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಪಞ್ಚಮಸ್ಸರ್ಗಃ ॥
