শ্রীমদ্বাল্মীকীয রামাযণে যুদ্ধকাংডম্ ।
অথ পংচমস্সর্গঃ ।
সাতুনীলেনবিধিবত্স্বারক্ষাসুসমাহিতা ।
সাগরস্যোত্তরেতীরেসাধুসেনানিবেশিতা ॥ 1 ॥
মৈংদশ্চদ্বিবিদশ্চোভৌতত্রবানরপুংগবৌ ।
বিচেরতুশ্চতাংসেনাংরক্ষার্থংসর্বতোদিশম্ ॥ 2 ॥
নিবিষ্টাযাংতুসেনাযাংতীরেনদনদীপতেঃ ।
পার্শ্বস্থংলক্ষ্মণংদৃষ্টবারামোবচনমব্রবীত্ ॥ 3 ॥
শোকশ্চকিলকালেনগচ্ছতাহ্যপগচ্ছতি ।
মমচাপশ্যতঃকাংতামহন্যহনিবর্ধতে ॥ 4 ॥
নমেদুঃখংপ্রিযাদূরেনমেদুঃখংহৃতেতিবা ।
এতদেবানুশোচামিবযোস্যাহ্যতিবর্ততে ॥ 5 ॥
বাহিবাতযতঃকাংতাতাংস্পৃষ্টবামামপিস্পৃশ ।
ত্বযিমেগাত্রসংস্পর্শশ্চংদ্রেদৃষ্টিসমাগমঃ ॥ 6 ॥
তন্মেদহতিগাত্রাণিবিষংপীতমিবাশযে ।
হানাথেতিপ্রিযাসামাংহ্রিযমাণাযদব্রবীত্ ॥ 7 ॥
তদ্বিযোগেংধনবতাতচ্চিংতাবিপুলার্চিষা ।
রাত্রিংদিবংশরীরংমেদহ্যতেমদনাগ্নিনা ॥ 8 ॥
অবগাহ্যর্ণবংস্বপ্স্যেসৌমিত্রেভবতাবিনা ।
কথংচিত্প্রজ্বলন্কামস্সমাংসুপ্তংজলেদহেত্ ॥ 9 ॥
বহ্বেতত্কামযানস্যশক্যমেতেনজীবিতুম্ ।
যদহংসাচবামোরূরেকাংধরণিমাশ্রিতৌ ॥ 10 ॥
কেদারস্যেবকেদারস্সোদকস্যনিরূদকঃ ।
উপস্নেহেনজীবামিজীবংতীংযচ্ছৃণোমিতাম্ ॥ 11 ॥
কদানুখলুসুশ্রোণীংশতপত্ত্রাযতেক্ষণাম্ ।
বিজিত্যশত্রূংদ্রক্ষ্যামিসীতাস্ফীতামিবশ্রিযম্ ॥ 12 ॥
কদানুচারুবিংবোষ্ঠংতস্যাঃপদ্মমিবাননম্ ।
ঈষদুন্নম্যপাস্যামিরসাযনমিবাতুরঃ ॥ 13 ॥
তস্যাত্তুসংহিতৌপীনৌস্তনৌতালফলোপমৌ ।
কদানুখলুসোত্কংপৌশ্লিষ্যংত্যামাংভজিষ্যতঃ ॥ 14 ॥
সানূনমসিতাপাংগীরক্ষোমধ্যগতাসতী ।
মন্নাথানাথহীনেবত্রাতারংনাধিগচ্ছতি ॥ 15 ॥
কথংজনকরজস্যদুহিতামমচপ্রিযা ।
রাক্ষসীমধ্যগাশেতেস্নুষাদশরথস্যচ ॥ 16 ॥
কদাঽবিক্ষোভ্যরক্ষাংসিসাবিধূযোত্পতিষ্যতি ।
বিধূযজলদান্নীলান্ শশিরেখাশরত্স্বিব ॥ 17 ॥
স্বভাবতনুকানূনংশোকেনানশনেনচ ।
ভূযস্তনুতরাসীতাদেশকালবিপর্যযাত্ ॥ 18 ॥
কদানুরাক্ষসেংদ্রস্যনিধাযোরসিসাযকান্ ।
সীতাংপ্রত্যাহরিষ্যামিশোকমুত্সৃজ্যমানসম্ ॥ 19 ॥
কদানুখলুমাংসাধ্বীসীতাসুরসুতোপমা ।
সোত্কংঠাকংঠমালংব্যমোক্ষ্যত্যানংদজংজলম্ ॥ 20 ॥
কদাশোকমিমংঘোরংমৈথিলীবিপ্রযোগজম্ ।
সহসাবিপ্রমোক্ষ্যামিবাসশ্শুক্লেতরংযথা ॥ 21 ॥
এবংবিলপতস্তস্যতত্ররামস্যধীমতঃ ।
দিনক্ষযান্মংদবপুর্ভাস্করোঽস্তমুপাগতঃ ॥ 22 ॥
আশ্বাসিতোলক্ষ্মণেনরামস্সংধ্যামুপাসত ।
স্মরন্কমলপত্রাক্ষীংসীতাংশোকাকুলীকৃতঃ ॥ 23 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে পংচমস্সর্গঃ ॥
