శ్రీమద్వాల్మీకీయ రామాయణే యుద్ధకాండమ్ ।
అథ పంచమస్సర్గః ।
సాతునీలేనవిధివత్స్వారక్షాసుసమాహితా ।
సాగరస్యోత్తరేతీరేసాధుసేనానివేశితా ॥ 1 ॥
మైందశ్చద్వివిదశ్చోభౌతత్రవానరపుంగవౌ ।
విచేరతుశ్చతాంసేనాంరక్షార్థంసర్వతోదిశమ్ ॥ 2 ॥
నివిష్టాయాంతుసేనాయాంతీరేనదనదీపతేః ।
పార్శ్వస్థంలక్ష్మణందృష్టవారామోవచనమబ్రవీత్ ॥ 3 ॥
శోకశ్చకిలకాలేనగచ్ఛతాహ్యపగచ్ఛతి ।
మమచాపశ్యతఃకాంతామహన్యహనివర్ధతే ॥ 4 ॥
నమేదుఃఖంప్రియాదూరేనమేదుఃఖంహృతేతివా ।
ఏతదేవానుశోచామివయోస్యాహ్యతివర్తతే ॥ 5 ॥
వాహివాతయతఃకాంతాతాంస్పృష్టవామామపిస్పృశ ।
త్వయిమేగాత్రసంస్పర్శశ్చంద్రేదృష్టిసమాగమః ॥ 6 ॥
తన్మేదహతిగాత్రాణివిషంపీతమివాశయే ।
హానాథేతిప్రియాసామాంహ్రియమాణాయదబ్రవీత్ ॥ 7 ॥
తద్వియోగేంధనవతాతచ్చింతావిపులార్చిషా ।
రాత్రిందివంశరీరంమేదహ్యతేమదనాగ్నినా ॥ 8 ॥
అవగాహ్యర్ణవంస్వప్స్యేసౌమిత్రేభవతావినా ।
కథంచిత్ప్రజ్వలన్కామస్సమాంసుప్తంజలేదహేత్ ॥ 9 ॥
బహ్వేతత్కామయానస్యశక్యమేతేనజీవితుమ్ ।
యదహంసాచవామోరూరేకాంధరణిమాశ్రితౌ ॥ 10 ॥
కేదారస్యేవకేదారస్సోదకస్యనిరూదకః ।
ఉపస్నేహేనజీవామిజీవంతీంయచ్ఛృణోమితామ్ ॥ 11 ॥
కదానుఖలుసుశ్రోణీంశతపత్త్రాయతేక్షణామ్ ।
విజిత్యశత్రూంద్రక్ష్యామిసీతాస్ఫీతామివశ్రియమ్ ॥ 12 ॥
కదానుచారుబింబోష్ఠంతస్యాఃపద్మమివాననమ్ ।
ఈషదున్నమ్యపాస్యామిరసాయనమివాతురః ॥ 13 ॥
తస్యాత్తుసంహితౌపీనౌస్తనౌతాలఫలోపమౌ ।
కదానుఖలుసోత్కంపౌశ్లిష్యంత్యామాంభజిష్యతః ॥ 14 ॥
సానూనమసితాపాంగీరక్షోమధ్యగతాసతీ ।
మన్నాథానాథహీనేవత్రాతారంనాధిగచ్ఛతి ॥ 15 ॥
కథంజనకరజస్యదుహితామమచప్రియా ।
రాక్షసీమధ్యగాశేతేస్నుషాదశరథస్యచ ॥ 16 ॥
కదాఽవిక్షోభ్యరక్షాంసిసావిధూయోత్పతిష్యతి ।
విధూయజలదాన్నీలాన్ శశిరేఖాశరత్స్వివ ॥ 17 ॥
స్వభావతనుకానూనంశోకేనానశనేనచ ।
భూయస్తనుతరాసీతాదేశకాలవిపర్యయాత్ ॥ 18 ॥
కదానురాక్షసేంద్రస్యనిధాయోరసిసాయకాన్ ।
సీతాంప్రత్యాహరిష్యామిశోకముత్సృజ్యమానసమ్ ॥ 19 ॥
కదానుఖలుమాంసాధ్వీసీతాసురసుతోపమా ।
సోత్కంఠాకంఠమాలంబ్యమోక్ష్యత్యానందజంజలమ్ ॥ 20 ॥
కదాశోకమిమంఘోరంమైథిలీవిప్రయోగజమ్ ।
సహసావిప్రమోక్ష్యామివాసశ్శుక్లేతరంయథా ॥ 21 ॥
ఏవంవిలపతస్తస్యతత్రరామస్యధీమతః ।
దినక్షయాన్మందవపుర్భాస్కరోఽస్తముపాగతః ॥ 22 ॥
ఆశ్వాసితోలక్ష్మణేనరామస్సంధ్యాముపాసత ।
స్మరన్కమలపత్రాక్షీంసీతాంశోకాకులీకృతః ॥ 23 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే పంచమస్సర్గః ॥
