ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ପଂଚପଂଚାଶସ୍ସର୍ଗଃ ।
ଵଜ୍ରଦଂଷ୍ଟ୍ରଂହତଂଶ୍ରୁତ୍ଵାଵାଲିପୁତ୍ରେଣରାଵଣଃ ।
ବଲାଧ୍ୟକ୍ଷମୁଵାଚେଦଂକୃତାଂଜଲିମୁପସ୍ଥିତମ୍ ॥ 1 ॥
ଶୀଘ୍ରଂନିର୍ୟାଂତୁଦୁର୍ଧର୍ଷାରାକ୍ଷସାଭୀମଵିକ୍ରମାଃ ।
ଅକଂପନଂପୁରସ୍କୃତ୍ୟସର୍ଵଶସ୍ତ୍ରପ୍ରକୋଵିଦମ୍ ॥ 2 ॥
ଏଷଶାସ୍ତାଚଗୋପ୍ତାଚନେତାଚୟୁଧିସତ୍ତମଃ ।
ଭୂତିକାମଶ୍ଚମେନିତ୍ୟଂନିତ୍ୟଂଚସମରପ୍ରିୟଃ ॥ 3 ॥
ଏଷଜେଷ୍ୟତିକାକତ୍ସ୍ଥୌସୁଗ୍ରୀଵଂଚମହାବଲମ୍ ।
ଵାନରାଂଶ୍ଚାପରାନ୍ ଘୋରାନ୍ ହନିଷ୍ୟତିପରଂତପଃ ॥ 4 ॥
ପରିଗୃହ୍ୟ ସ ତାମାଜ୍ଞାଂ ରାଵଣସ୍ୟ ମହାବଲଃ ।
ବଲଂ ସଂପ୍ରେରୟାମାସ ତଦା ଲଘୁପରାକ୍ରମଃ ॥ 5 ॥
ତତୋନାନାପ୍ରହରଣାଭୀମାକ୍ଷାଭୀମଦର୍ଶନାଃ ।
ନିଷ୍ପେତୂରାକ୍ଷସାମୁଖ୍ୟାବଲାଧ୍ୟକ୍ଷପ୍ରଚୋଦିତାଃ ॥ 6 ॥
ରଥମାସ୍ଥାୟଵିପୁଲଂତପ୍ତକାଂଚନଭୂଷଣମ୍ ।
ମେଘାଭୋମେଘଵର୍ଣଶ୍ଚମେଘସ୍ଵନମହାସ୍ଵନଃ ॥ 7 ॥
ରାକ୍ଷସୈଃସମ୍ଵୃତୋଘୋରୈସ୍ତଦାନିର୍ୟାତ୍ୟକଂପନଃ ।
ନହିକଂପୟିତୁଂଶକ୍ୟଃସୁରୈରପିମହାମୃଧେ ॥ 8 ॥
ଅକଂପନସ୍ ତତସ୍ ତେଷାଂ ଆଦିତ୍ୟ;ଇଵ ତେଜସା ।
ତସ୍ୟ ନିଧାଵମାନସ୍ୟ ସମ୍ରବ୍ଧସ୍ୟ ୟୁୟୁତ୍ସୟା ॥ 9 ॥
ଅକସ୍ମାଦ୍ଦୈନ୍ୟମାଗଚ୍ଛଦ୍ଧୟାନାଂରଥଵାହିନାମ୍ ।
ଵ୍ୟସ୍ଫୁରନ୍ନୟନଂଚାସ୍ୟସଵ୍ୟଂୟୁଦ୍ଧାଭିନଦନିନଃ ॥ 10 ॥
ଵିଵର୍ଣୋମୁଖଵର୍ଣଶ୍ଚଗଦ୍ଗଦଶ୍ଚାଭଵତ୍ସ୍ଵନଃ ।
ଅଭଵତ୍ସୁଦିନେକାଲେଦୁର୍ଦିନଂରୂକ୍ଷମାରୁତମ୍ ॥ 11 ॥
ଊଚୁଃଖଗମୃଗାଃସର୍ଵେଵାଚଃକ୍ରୂରାଭୟାଵହାଃ ।
ସସିଂହାପଚିତ୍କଂଧଃଶାର୍ଦୂଲସମଵିକ୍ରମଃ ॥ 12 ॥
ତାନୁତ୍ପାତାନଚିନ୍ସ୍ସୈଵନିର୍ଜଗାମରଣାଜିରମ୍ ।
ତଥାନିର୍ଗଚ୍ଛତସ୍ତସ୍ୟରକ୍ଷସସ୍ସହରାକ୍ଷସୈଃ ॥ 13 ॥
ବଭୂଵସୁମହାନ୍ନାଦଃକ୍ଷୋଭୟନ୍ନିଵସାଗରମ୍ ।
ତେନଶବ୍ଦେନଵିତ୍ରସ୍ତାଵାନରାଣାଂମହାଚମୂଃ ॥ 14 ॥
ଦ୍ରୁମଶୈଲପ୍ରହାରାଣାଂୟୋଦ୍ଧୁଂସମୁପତିଷ୍ଠତମ୍ ।
ତେଷାଂୟୁଦ୍ଧଂମହାରୌଦ୍ରଂସଂଜଜ୍ଞେକପିରକ୍ଷସାମ୍ ॥ 15 ॥
ରାମରାଵଣୟୋରର୍ଧେସମଭିତ୍ୟକ୍ତଜୀଵିନାମ୍ ।
ସର୍ଵେହ୍ୟତିବଲାଃଶୂରାଃସର୍ଵେପର୍ଵତସନ୍ନିଭାଃ ॥ 16 ॥
ହରୟୋରାକ୍ଷସାଶ୍ଚୈଵପରସ୍ପରଜିଘାଂସଵଃ ।
ତେଷାଂଵିଵର୍ଧତାଂଶବ୍ଦଃସଂୟୁଗେଽତିତରସ୍ଵିନାମ୍ ॥ 17 ॥
ଶୁଶ୍ରୁଵେସୁମହାନ୍ କୋପାଦନ୍ୟୋନ୍ୟମଭିଗର୍ଜତାମ୍ ।
ରଜଶ୍ଚାରୁଣଵର୍ଣାଭଂସୁଭୀମମଭଵଦ୍ ଭୃଶମ୍ ॥ 18 ॥
ଉଦ୍ଧତଂହରିରକ୍ଷୋଭିଃସଂରୁରୋଧଦିଶୋଦଶ ।
ଅନ୍ୟୋନ୍ୟଂରଜସାତେନକୌଶେୟୋଦ୍ଧୂତପାଂଡୁନା ॥ 19 ॥
ସମ୍ଵୃତାନିଚଭୂତାନିଦଦୃଶୁର୍ନରଣାଜିରେ ।
ନଧ୍ଵଜୋନପତାକାଵାଚର୍ମଵାତୁରଗୋଽପିଵା ॥ 20 ॥
ଆୟୁଧଂସ୍ୟଂଦନୋଵାପିଦଦୃଶେତେନରେଣୁନା ।
ଶବ୍ଦଶ୍ଚସୁମହାଂସ୍ତେଷାଂନର୍ଦତାମଭିଧାଵତାମ୍ ॥ 21 ॥
ଶ୍ରୂୟତେତୁମୁଲୋୟୁଦ୍ଧେନରୂପାଣିଚକାଶିରେ ।
ହରୀନେଵସୁସଂରୁଷ୍ଟାହରୟୋଜଘ୍ନୁରାହଵେ ॥ 22 ॥
ରାକ୍ଷସାରାକ୍ଷସାଂଶ୍ଚାପିନିଜଘ୍ନୁସ୍ତିମିରେତଦା ।
ତେପରାଂଶ୍ଚଵିନିଘ୍ନଂତଃସ୍ଵାଂଶ୍ଚଵାନରରାକ୍ଷସାଃ ॥ 23 ॥
ରୁଧିରାର୍ଦ୍ରାଂତଦାଚକ୍ରୁର୍ମହୀଂପଂକାନୁଲେପନାମ୍ ।
ତତସ୍ତୁରୁଧିରୌଘେଣସିକ୍ତଂହ୍ୟପଗତଂରଜଃ ॥ 24 ॥
ଶରୀରଶଵସଂକୀର୍ଣାବଭୂଵଚଵସୁଂଧରା ।
ଦ୍ରୁମଶକ୍ତିଗଦାପ୍ରାସୈଶ୍ଶିଲାପରିଘତୋମରୈଃ ॥ 25 ॥
ହରୟୋରାକ୍ଷସାଶ୍ଚୈଵସ୍ତୂର୍ଣଂଜଘ୍ନୁରନ୍ୟୋନ୍ୟମୋଜସା ।
ବାହୁଭିଃପରିଘାକାରୈର୍ୟୁଧ୍ୟଂତଃପର୍ଵତୋପମାଃ ॥ 26 ॥
ହରୟୋଭୀମକର୍ମାଣୋରାକ୍ଷସାନ୍ଝଘ୍ନୁରାହଵେ ।
ରାକ୍ଷସାସ୍ତ୍ଵଭିସଂକ୍ରୁଦ୍ଧାଃପ୍ରାସତୋମରପାଣୟଃ ॥ 27 ॥
କପୀନ୍ନିଜଘ୍ନିରେତତ୍ରଶସ୍ତ୍ରଃପରମଦାରୁଣୈଃ ।
ଅକଂପନସ୍ସୁସଂକ୍ରୁଦ୍ଧୋରାକ୍ଷସାନାଂଚମୂପତିଃ ॥ 28 ॥
ସମ୍ହର୍ଷୟତିତାନ୍ସର୍ଵାନ୍ରାକ୍ଷସାଭନିମଵିକ୍ରମାନ୍ ।
ହରୟସ୍ତ୍ଵପିରକ୍ଷାଂସିମହାଦ୍ରୁମମହାଶ୍ମଭିଃ ॥ 29 ॥
ଵିଦାରୟଂତ୍ୟଭିକ୍ରମ୍ୟଶସ୍ତ୍ରାଣ୍ୟାଚ୍ଛିଦ୍ୟଵୀର୍ୟତଃ ।
ଏତସ୍ମିନ୍ନଂତରେଵୀରାହରୟଃକୁମୁଦୋନଲଃ ॥ 30 ॥
ମୈଂଦଶ୍ଚପରମକ୍ରୁଦ୍ଧାଶ୍ଚକ୍ରୁର୍ଵେଗମନୁତ୍ତମମ୍ ।
ତେତୁଵୃକ୍ଷୈର୍ମହାଵୀରାରାକ୍ଷସାନାଂଚମୂମୁଖେ ॥ 31 ॥
କଦନଂସୁମହଚ୍ଚକ୍ରୁର୍ଲୀଲୟାହରିପୁଂଗଵାଃ ।
ମମଂଥୂରାକ୍ଷସାନ୍ ସର୍ଵେଵାନରାଗଣଶୋଭୃଶମ୍ ॥ 32 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ପଂଚପଂଚାଶସ୍ସର୍ଗଃ ॥
