ශ්රීමද්වාල්මීකීය රාමායණේ යුද්ධකාංඩම් ।
අථ පංචපංචාශස්සර්ගඃ ।
වජ්රදංෂ්ට්රංහතංශ්රුත්වාවාලිපුත්රේණරාවණඃ ।
බලාධ්යක්ෂමුවාචේදංකෘතාංජලිමුපස්ථිතම් ॥ 1 ॥
ශීඝ්රංනිර්යාංතුදුර්ධර්ෂාරාක්ෂසාභීමවික්රමාඃ ।
අකංපනංපුරස්කෘත්යසර්වශස්ත්රප්රකෝවිදම් ॥ 2 ॥
ඒෂශාස්තාචගෝප්තාචනේතාචයුධිසත්තමඃ ।
භූතිකාමශ්චමේනිත්යංනිත්යංචසමරප්රියඃ ॥ 3 ॥
ඒෂජේෂ්යතිකාකත්ස්ථෞසුග්රීවංචමහාබලම් ।
වානරාංශ්චාපරාන් ඝෝරාන් හනිෂ්යතිපරංතපඃ ॥ 4 ॥
පරිගෘහ්ය ස තාමාජ්ඤාං රාවණස්ය මහාබලඃ ।
බලං සංප්රේරයාමාස තදා ලඝුපරාක්රමඃ ॥ 5 ॥
තතෝනානාප්රහරණාභීමාක්ෂාභීමදර්ශනාඃ ।
නිෂ්පේතූරාක්ෂසාමුඛ්යාබලාධ්යක්ෂප්රචෝදිතාඃ ॥ 6 ॥
රථමාස්ථායවිපුලංතප්තකාංචනභූෂණම් ।
මේඝාභෝමේඝවර්ණශ්චමේඝස්වනමහාස්වනඃ ॥ 7 ॥
රාක්ෂසෛඃසම්වෘතෝඝෝරෛස්තදානිර්යාත්යකංපනඃ ।
නහිකංපයිතුංශක්යඃසුරෛරපිමහාමෘධේ ॥ 8 ॥
අකංපනස් තතස් තේෂාං ආදිත්ය;ඉව තේජසා ।
තස්ය නිධාවමානස්ය සම්රබ්ධස්ය යුයුත්සයා ॥ 9 ॥
අකස්මාද්දෛන්යමාගච්ඡද්ධයානාංරථවාහිනාම් ।
ව්යස්ඵුරන්නයනංචාස්යසව්යංයුද්ධාභිනදනිනඃ ॥ 10 ॥
විවර්ණෝමුඛවර්ණශ්චගද්ගදශ්චාභවත්ස්වනඃ ।
අභවත්සුදිනේකාලේදුර්දිනංරූක්ෂමාරුතම් ॥ 11 ॥
ඌචුඃඛගමෘගාඃසර්වේවාචඃක්රූරාභයාවහාඃ ।
සසිංහාපචිත්කංධඃශාර්දූලසමවික්රමඃ ॥ 12 ॥
තානුත්පාතානචින්ස්සෛවනිර්ජගාමරණාජිරම් ।
තථානිර්ගච්ඡතස්තස්යරක්ෂසස්සහරාක්ෂසෛඃ ॥ 13 ॥
බභූවසුමහාන්නාදඃක්ෂෝභයන්නිවසාගරම් ।
තේනශබ්දේනවිත්රස්තාවානරාණාංමහාචමූඃ ॥ 14 ॥
ද්රුමශෛලප්රහාරාණාංයෝද්ධුංසමුපතිෂ්ඨතම් ।
තේෂාංයුද්ධංමහාරෞද්රංසංජජ්ඤේකපිරක්ෂසාම් ॥ 15 ॥
රාමරාවණයෝරර්ධේසමභිත්යක්තජීවිනාම් ।
සර්වේහ්යතිබලාඃශූරාඃසර්වේපර්වතසන්නිභාඃ ॥ 16 ॥
හරයෝරාක්ෂසාශ්චෛවපරස්පරජිඝාංසවඃ ।
තේෂාංවිවර්ධතාංශබ්දඃසංයුගේऽතිතරස්විනාම් ॥ 17 ॥
ශුශ්රුවේසුමහාන් කෝපාදන්යෝන්යමභිගර්ජතාම් ।
රජශ්චාරුණවර්ණාභංසුභීමමභවද් භෘශම් ॥ 18 ॥
උද්ධතංහරිරක්ෂෝභිඃසංරුරෝධදිශෝදශ ।
අන්යෝන්යංරජසාතේනකෞශේයෝද්ධූතපාංඩුනා ॥ 19 ॥
සම්වෘතානිචභූතානිදදෘශුර්නරණාජිරේ ।
නධ්වජෝනපතාකාවාචර්මවාතුරගෝऽපිවා ॥ 20 ॥
ආයුධංස්යංදනෝවාපිදදෘශේතේනරේණුනා ।
ශබ්දශ්චසුමහාංස්තේෂාංනර්දතාමභිධාවතාම් ॥ 21 ॥
ශ්රූයතේතුමුලෝයුද්ධේනරූපාණිචකාශිරේ ।
හරීනේවසුසංරුෂ්ටාහරයෝජඝ්නුරාහවේ ॥ 22 ॥
රාක්ෂසාරාක්ෂසාංශ්චාපිනිජඝ්නුස්තිමිරේතදා ।
තේපරාංශ්චවිනිඝ්නංතඃස්වාංශ්චවානරරාක්ෂසාඃ ॥ 23 ॥
රුධිරාර්ද්රාංතදාචක්රුර්මහීංපංකානුලේපනාම් ।
තතස්තුරුධිරෞඝේණසික්තංහ්යපගතංරජඃ ॥ 24 ॥
ශරීරශවසංකීර්ණාබභූවචවසුංධරා ।
ද්රුමශක්තිගදාප්රාසෛශ්ශිලාපරිඝතෝමරෛඃ ॥ 25 ॥
හරයෝරාක්ෂසාශ්චෛවස්තූර්ණංජඝ්නුරන්යෝන්යමෝජසා ।
බාහුභිඃපරිඝාකාරෛර්යුධ්යංතඃපර්වතෝපමාඃ ॥ 26 ॥
හරයෝභීමකර්මාණෝරාක්ෂසාන්ඣඝ්නුරාහවේ ।
රාක්ෂසාස්ත්වභිසංක්රුද්ධාඃප්රාසතෝමරපාණයඃ ॥ 27 ॥
කපීන්නිජඝ්නිරේතත්රශස්ත්රඃපරමදාරුණෛඃ ।
අකංපනස්සුසංක්රුද්ධෝරාක්ෂසානාංචමූපතිඃ ॥ 28 ॥
සම්හර්ෂයතිතාන්සර්වාන්රාක්ෂසාභනිමවික්රමාන් ।
හරයස්ත්වපිරක්ෂාංසිමහාද්රුමමහාශ්මභිඃ ॥ 29 ॥
විදාරයංත්යභික්රම්යශස්ත්රාණ්යාච්ඡිද්යවීර්යතඃ ।
ඒතස්මින්නංතරේවීරාහරයඃකුමුදෝනලඃ ॥ 30 ॥
මෛංදශ්චපරමක්රුද්ධාශ්චක්රුර්වේගමනුත්තමම් ।
තේතුවෘක්ෂෛර්මහාවීරාරාක්ෂසානාංචමූමුඛේ ॥ 31 ॥
කදනංසුමහච්චක්රුර්ලීලයාහරිපුංගවාඃ ।
මමංථූරාක්ෂසාන් සර්වේවානරාගණශෝභෘශම් ॥ 32 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ පංචපංචාශස්සර්ගඃ ॥
