ശ്രീമദ്വാല്മീകീയ രാമായണേ യുദ്ധകാംഡമ് ।
അഥ പംചപംചാശസ്സര്ഗഃ ।
വജ്രദംഷ്ട്രംഹതംശ്രുത്വാവാലിപുത്രേണരാവണഃ ।
ബലാധ്യക്ഷമുവാചേദംകൃതാംജലിമുപസ്ഥിതമ് ॥ 1 ॥
ശീഘ്രംനിര്യാംതുദുര്ധര്ഷാരാക്ഷസാഭീമവിക്രമാഃ ।
അകംപനംപുരസ്കൃത്യസർവശസ്ത്രപ്രകോവിദമ് ॥ 2 ॥
ഏഷശാസ്താചഗോപ്താചനേതാചയുധിസത്തമഃ ।
ഭൂതികാമശ്ചമേനിത്യംനിത്യംചസമരപ്രിയഃ ॥ 3 ॥
ഏഷജേഷ്യതികാകത്സ്ഥൌസുഗ്രീവംചമഹാബലമ് ।
വാനരാംശ്ചാപരാന് ഘോരാന് ഹനിഷ്യതിപരംതപഃ ॥ 4 ॥
പരിഗൃഹ്യ സ താമാജ്ഞാം രാവണസ്യ മഹാബലഃ ।
ബലം സംപ്രേരയാമാസ തദാ ലഘുപരാക്രമഃ ॥ 5 ॥
തതോനാനാപ്രഹരണാഭീമാക്ഷാഭീമദര്ശനാഃ ।
നിഷ്പേതൂരാക്ഷസാമുഖ്യാബലാധ്യക്ഷപ്രചോദിതാഃ ॥ 6 ॥
രഥമാസ്ഥായവിപുലംതപ്തകാംചനഭൂഷണമ് ।
മേഘാഭോമേഘവര്ണശ്ചമേഘസ്വനമഹാസ്വനഃ ॥ 7 ॥
രാക്ഷസൈഃസമ്വൃതോഘോരൈസ്തദാനിര്യാത്യകംപനഃ ।
നഹികംപയിതുംശക്യഃസുരൈരപിമഹാമൃധേ ॥ 8 ॥
അകംപനസ് തതസ് തേഷാം ആദിത്യ;ഇവ തേജസാ ।
തസ്യ നിധാവമാനസ്യ സമ്രബ്ധസ്യ യുയുത്സയാ ॥ 9 ॥
അകസ്മാദ്ദൈന്യമാഗച്ഛദ്ധയാനാംരഥവാഹിനാമ് ।
വ്യസ്ഫുരന്നയനംചാസ്യസവ്യംയുദ്ധാഭിനദനിനഃ ॥ 10 ॥
വിവര്ണോമുഖവര്ണശ്ചഗദ്ഗദശ്ചാഭവത്സ്വനഃ ।
അഭവത്സുദിനേകാലേദുര്ദിനംരൂക്ഷമാരുതമ് ॥ 11 ॥
ഊചുഃഖഗമൃഗാഃസർവേവാചഃക്രൂരാഭയാവഹാഃ ।
സസിംഹാപചിത്കംധഃശാര്ദൂലസമവിക്രമഃ ॥ 12 ॥
താനുത്പാതാനചിന്സ്സൈവനിര്ജഗാമരണാജിരമ് ।
തഥാനിര്ഗച്ഛതസ്തസ്യരക്ഷസസ്സഹരാക്ഷസൈഃ ॥ 13 ॥
ബഭൂവസുമഹാന്നാദഃക്ഷോഭയന്നിവസാഗരമ് ।
തേനശബ്ദേനവിത്രസ്താവാനരാണാംമഹാചമൂഃ ॥ 14 ॥
ദ്രുമശൈലപ്രഹാരാണാംയോദ്ധുംസമുപതിഷ്ഠതമ് ।
തേഷാംയുദ്ധംമഹാരൌദ്രംസംജജ്ഞേകപിരക്ഷസാമ് ॥ 15 ॥
രാമരാവണയോരര്ധേസമഭിത്യക്തജീവിനാമ് ।
സർവേഹ്യതിബലാഃശൂരാഃസർവേപർവതസന്നിഭാഃ ॥ 16 ॥
ഹരയോരാക്ഷസാശ്ചൈവപരസ്പരജിഘാംസവഃ ।
തേഷാംവിവര്ധതാംശബ്ദഃസംയുഗേഽതിതരസ്വിനാമ് ॥ 17 ॥
ശുശ്രുവേസുമഹാന് കോപാദന്യോന്യമഭിഗര്ജതാമ് ।
രജശ്ചാരുണവര്ണാഭംസുഭീമമഭവദ് ഭൃശമ് ॥ 18 ॥
ഉദ്ധതംഹരിരക്ഷോഭിഃസംരുരോധദിശോദശ ।
അന്യോന്യംരജസാതേനകൌശേയോദ്ധൂതപാംഡുനാ ॥ 19 ॥
സമ്വൃതാനിചഭൂതാനിദദൃശുര്നരണാജിരേ ।
നധ്വജോനപതാകാവാചര്മവാതുരഗോഽപിവാ ॥ 20 ॥
ആയുധംസ്യംദനോവാപിദദൃശേതേനരേണുനാ ।
ശബ്ദശ്ചസുമഹാംസ്തേഷാംനര്ദതാമഭിധാവതാമ് ॥ 21 ॥
ശ്രൂയതേതുമുലോയുദ്ധേനരൂപാണിചകാശിരേ ।
ഹരീനേവസുസംരുഷ്ടാഹരയോജഘ്നുരാഹവേ ॥ 22 ॥
രാക്ഷസാരാക്ഷസാംശ്ചാപിനിജഘ്നുസ്തിമിരേതദാ ।
തേപരാംശ്ചവിനിഘ്നംതഃസ്വാംശ്ചവാനരരാക്ഷസാഃ ॥ 23 ॥
രുധിരാര്ദ്രാംതദാചക്രുര്മഹീംപംകാനുലേപനാമ് ।
തതസ്തുരുധിരൌഘേണസിക്തംഹ്യപഗതംരജഃ ॥ 24 ॥
ശരീരശവസംകീര്ണാബഭൂവചവസുംധരാ ।
ദ്രുമശക്തിഗദാപ്രാസൈശ്ശിലാപരിഘതോമരൈഃ ॥ 25 ॥
ഹരയോരാക്ഷസാശ്ചൈവസ്തൂര്ണംജഘ്നുരന്യോന്യമോജസാ ।
ബാഹുഭിഃപരിഘാകാരൈര്യുധ്യംതഃപർവതോപമാഃ ॥ 26 ॥
ഹരയോഭീമകര്മാണോരാക്ഷസാന്ഝഘ്നുരാഹവേ ।
രാക്ഷസാസ്ത്വഭിസംക്രുദ്ധാഃപ്രാസതോമരപാണയഃ ॥ 27 ॥
കപീന്നിജഘ്നിരേതത്രശസ്ത്രഃപരമദാരുണൈഃ ।
അകംപനസ്സുസംക്രുദ്ധോരാക്ഷസാനാംചമൂപതിഃ ॥ 28 ॥
സമ്ഹര്ഷയതിതാന്സർവാന്രാക്ഷസാഭനിമവിക്രമാന് ।
ഹരയസ്ത്വപിരക്ഷാംസിമഹാദ്രുമമഹാശ്മഭിഃ ॥ 29 ॥
വിദാരയംത്യഭിക്രമ്യശസ്ത്രാണ്യാച്ഛിദ്യവീര്യതഃ ।
ഏതസ്മിന്നംതരേവീരാഹരയഃകുമുദോനലഃ ॥ 30 ॥
മൈംദശ്ചപരമക്രുദ്ധാശ്ചക്രുർവേഗമനുത്തമമ് ।
തേതുവൃക്ഷൈര്മഹാവീരാരാക്ഷസാനാംചമൂമുഖേ ॥ 31 ॥
കദനംസുമഹച്ചക്രുര്ലീലയാഹരിപുംഗവാഃ ।
മമംഥൂരാക്ഷസാന് സർവേവാനരാഗണശോഭൃശമ് ॥ 32 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ പംചപംചാശസ്സര്ഗഃ ॥
