શ્રીમદ્વાલ્મીકીય રામાયણે યુદ્ધકાંડમ્ ।
અથ પંચપંચાશસ્સર્ગઃ ।
વજ્રદંષ્ટ્રંહતંશ્રુત્વાવાલિપુત્રેણરાવણઃ ।
બલાધ્યક્ષમુવાચેદંકૃતાંજલિમુપસ્થિતમ્ ॥ 1 ॥
શીઘ્રંનિર્યાંતુદુર્ધર્ષારાક્ષસાભીમવિક્રમાઃ ।
અકંપનંપુરસ્કૃત્યસર્વશસ્ત્રપ્રકોવિદમ્ ॥ 2 ॥
એષશાસ્તાચગોપ્તાચનેતાચયુધિસત્તમઃ ।
ભૂતિકામશ્ચમેનિત્યંનિત્યંચસમરપ્રિયઃ ॥ 3 ॥
એષજેષ્યતિકાકત્સ્થૌસુગ્રીવંચમહાબલમ્ ।
વાનરાંશ્ચાપરાન્ ઘોરાન્ હનિષ્યતિપરંતપઃ ॥ 4 ॥
પરિગૃહ્ય સ તામાજ્ઞાં રાવણસ્ય મહાબલઃ ।
બલં સંપ્રેરયામાસ તદા લઘુપરાક્રમઃ ॥ 5 ॥
તતોનાનાપ્રહરણાભીમાક્ષાભીમદર્શનાઃ ।
નિષ્પેતૂરાક્ષસામુખ્યાબલાધ્યક્ષપ્રચોદિતાઃ ॥ 6 ॥
રથમાસ્થાયવિપુલંતપ્તકાંચનભૂષણમ્ ।
મેઘાભોમેઘવર્ણશ્ચમેઘસ્વનમહાસ્વનઃ ॥ 7 ॥
રાક્ષસૈઃસમ્વૃતોઘોરૈસ્તદાનિર્યાત્યકંપનઃ ।
નહિકંપયિતુંશક્યઃસુરૈરપિમહામૃધે ॥ 8 ॥
અકંપનસ્ તતસ્ તેષાં આદિત્ય;ઇવ તેજસા ।
તસ્ય નિધાવમાનસ્ય સમ્રબ્ધસ્ય યુયુત્સયા ॥ 9 ॥
અકસ્માદ્દૈન્યમાગચ્છદ્ધયાનાંરથવાહિનામ્ ।
વ્યસ્ફુરન્નયનંચાસ્યસવ્યંયુદ્ધાભિનદનિનઃ ॥ 10 ॥
વિવર્ણોમુખવર્ણશ્ચગદ્ગદશ્ચાભવત્સ્વનઃ ।
અભવત્સુદિનેકાલેદુર્દિનંરૂક્ષમારુતમ્ ॥ 11 ॥
ઊચુઃખગમૃગાઃસર્વેવાચઃક્રૂરાભયાવહાઃ ।
સસિંહાપચિત્કંધઃશાર્દૂલસમવિક્રમઃ ॥ 12 ॥
તાનુત્પાતાનચિન્સ્સૈવનિર્જગામરણાજિરમ્ ।
તથાનિર્ગચ્છતસ્તસ્યરક્ષસસ્સહરાક્ષસૈઃ ॥ 13 ॥
બભૂવસુમહાન્નાદઃક્ષોભયન્નિવસાગરમ્ ।
તેનશબ્દેનવિત્રસ્તાવાનરાણાંમહાચમૂઃ ॥ 14 ॥
દ્રુમશૈલપ્રહારાણાંયોદ્ધુંસમુપતિષ્ઠતમ્ ।
તેષાંયુદ્ધંમહારૌદ્રંસંજજ્ઞેકપિરક્ષસામ્ ॥ 15 ॥
રામરાવણયોરર્ધેસમભિત્યક્તજીવિનામ્ ।
સર્વેહ્યતિબલાઃશૂરાઃસર્વેપર્વતસન્નિભાઃ ॥ 16 ॥
હરયોરાક્ષસાશ્ચૈવપરસ્પરજિઘાંસવઃ ।
તેષાંવિવર્ધતાંશબ્દઃસંયુગેઽતિતરસ્વિનામ્ ॥ 17 ॥
શુશ્રુવેસુમહાન્ કોપાદન્યોન્યમભિગર્જતામ્ ।
રજશ્ચારુણવર્ણાભંસુભીમમભવદ્ ભૃશમ્ ॥ 18 ॥
ઉદ્ધતંહરિરક્ષોભિઃસંરુરોધદિશોદશ ।
અન્યોન્યંરજસાતેનકૌશેયોદ્ધૂતપાંડુના ॥ 19 ॥
સમ્વૃતાનિચભૂતાનિદદૃશુર્નરણાજિરે ।
નધ્વજોનપતાકાવાચર્મવાતુરગોઽપિવા ॥ 20 ॥
આયુધંસ્યંદનોવાપિદદૃશેતેનરેણુના ।
શબ્દશ્ચસુમહાંસ્તેષાંનર્દતામભિધાવતામ્ ॥ 21 ॥
શ્રૂયતેતુમુલોયુદ્ધેનરૂપાણિચકાશિરે ।
હરીનેવસુસંરુષ્ટાહરયોજઘ્નુરાહવે ॥ 22 ॥
રાક્ષસારાક્ષસાંશ્ચાપિનિજઘ્નુસ્તિમિરેતદા ।
તેપરાંશ્ચવિનિઘ્નંતઃસ્વાંશ્ચવાનરરાક્ષસાઃ ॥ 23 ॥
રુધિરાર્દ્રાંતદાચક્રુર્મહીંપંકાનુલેપનામ્ ।
તતસ્તુરુધિરૌઘેણસિક્તંહ્યપગતંરજઃ ॥ 24 ॥
શરીરશવસંકીર્ણાબભૂવચવસુંધરા ।
દ્રુમશક્તિગદાપ્રાસૈશ્શિલાપરિઘતોમરૈઃ ॥ 25 ॥
હરયોરાક્ષસાશ્ચૈવસ્તૂર્ણંજઘ્નુરન્યોન્યમોજસા ।
બાહુભિઃપરિઘાકારૈર્યુધ્યંતઃપર્વતોપમાઃ ॥ 26 ॥
હરયોભીમકર્માણોરાક્ષસાન્ઝઘ્નુરાહવે ।
રાક્ષસાસ્ત્વભિસંક્રુદ્ધાઃપ્રાસતોમરપાણયઃ ॥ 27 ॥
કપીન્નિજઘ્નિરેતત્રશસ્ત્રઃપરમદારુણૈઃ ।
અકંપનસ્સુસંક્રુદ્ધોરાક્ષસાનાંચમૂપતિઃ ॥ 28 ॥
સમ્હર્ષયતિતાન્સર્વાન્રાક્ષસાભનિમવિક્રમાન્ ।
હરયસ્ત્વપિરક્ષાંસિમહાદ્રુમમહાશ્મભિઃ ॥ 29 ॥
વિદારયંત્યભિક્રમ્યશસ્ત્રાણ્યાચ્છિદ્યવીર્યતઃ ।
એતસ્મિન્નંતરેવીરાહરયઃકુમુદોનલઃ ॥ 30 ॥
મૈંદશ્ચપરમક્રુદ્ધાશ્ચક્રુર્વેગમનુત્તમમ્ ।
તેતુવૃક્ષૈર્મહાવીરારાક્ષસાનાંચમૂમુખે ॥ 31 ॥
કદનંસુમહચ્ચક્રુર્લીલયાહરિપુંગવાઃ ।
મમંથૂરાક્ષસાન્ સર્વેવાનરાગણશોભૃશમ્ ॥ 32 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે પંચપંચાશસ્સર્ગઃ ॥
