শ্রীমদ্বাল্মীকীয রামাযণে যুদ্ধকাংডম্ ।
অথ পংচপংচাশস্সর্গঃ ।
বজ্রদংষ্ট্রংহতংশ্রুত্বাবালিপুত্রেণরাবণঃ ।
বলাধ্যক্ষমুবাচেদংকৃতাংজলিমুপস্থিতম্ ॥ 1 ॥
শীঘ্রংনির্যাংতুদুর্ধর্ষারাক্ষসাভীমবিক্রমাঃ ।
অকংপনংপুরস্কৃত্যসর্বশস্ত্রপ্রকোবিদম্ ॥ 2 ॥
এষশাস্তাচগোপ্তাচনেতাচযুধিসত্তমঃ ।
ভূতিকামশ্চমেনিত্যংনিত্যংচসমরপ্রিযঃ ॥ 3 ॥
এষজেষ্যতিকাকত্স্থৌসুগ্রীবংচমহাবলম্ ।
বানরাংশ্চাপরান্ ঘোরান্ হনিষ্যতিপরংতপঃ ॥ 4 ॥
পরিগৃহ্য স তামাজ্ঞাং রাবণস্য মহাবলঃ ।
বলং সংপ্রেরযামাস তদা লঘুপরাক্রমঃ ॥ 5 ॥
ততোনানাপ্রহরণাভীমাক্ষাভীমদর্শনাঃ ।
নিষ্পেতূরাক্ষসামুখ্যাবলাধ্যক্ষপ্রচোদিতাঃ ॥ 6 ॥
রথমাস্থাযবিপুলংতপ্তকাংচনভূষণম্ ।
মেঘাভোমেঘবর্ণশ্চমেঘস্বনমহাস্বনঃ ॥ 7 ॥
রাক্ষসৈঃসম্বৃতোঘোরৈস্তদানির্যাত্যকংপনঃ ।
নহিকংপযিতুংশক্যঃসুরৈরপিমহামৃধে ॥ 8 ॥
অকংপনস্ ততস্ তেষাং আদিত্য;ইব তেজসা ।
তস্য নিধাবমানস্য সম্রব্ধস্য যুযুত্সযা ॥ 9 ॥
অকস্মাদ্দৈন্যমাগচ্ছদ্ধযানাংরথবাহিনাম্ ।
ব্যস্ফুরন্নযনংচাস্যসব্যংযুদ্ধাভিনদনিনঃ ॥ 10 ॥
বিবর্ণোমুখবর্ণশ্চগদ্গদশ্চাভবত্স্বনঃ ।
অভবত্সুদিনেকালেদুর্দিনংরূক্ষমারুতম্ ॥ 11 ॥
ঊচুঃখগমৃগাঃসর্বেবাচঃক্রূরাভযাবহাঃ ।
সসিংহাপচিত্কংধঃশার্দূলসমবিক্রমঃ ॥ 12 ॥
তানুত্পাতানচিন্স্সৈবনির্জগামরণাজিরম্ ।
তথানির্গচ্ছতস্তস্যরক্ষসস্সহরাক্ষসৈঃ ॥ 13 ॥
বভূবসুমহান্নাদঃক্ষোভযন্নিবসাগরম্ ।
তেনশব্দেনবিত্রস্তাবানরাণাংমহাচমূঃ ॥ 14 ॥
দ্রুমশৈলপ্রহারাণাংযোদ্ধুংসমুপতিষ্ঠতম্ ।
তেষাংযুদ্ধংমহারৌদ্রংসংজজ্ঞেকপিরক্ষসাম্ ॥ 15 ॥
রামরাবণযোরর্ধেসমভিত্যক্তজীবিনাম্ ।
সর্বেহ্যতিবলাঃশূরাঃসর্বেপর্বতসন্নিভাঃ ॥ 16 ॥
হরযোরাক্ষসাশ্চৈবপরস্পরজিঘাংসবঃ ।
তেষাংবিবর্ধতাংশব্দঃসংযুগেঽতিতরস্বিনাম্ ॥ 17 ॥
শুশ্রুবেসুমহান্ কোপাদন্যোন্যমভিগর্জতাম্ ।
রজশ্চারুণবর্ণাভংসুভীমমভবদ্ ভৃশম্ ॥ 18 ॥
উদ্ধতংহরিরক্ষোভিঃসংরুরোধদিশোদশ ।
অন্যোন্যংরজসাতেনকৌশেযোদ্ধূতপাংডুনা ॥ 19 ॥
সম্বৃতানিচভূতানিদদৃশুর্নরণাজিরে ।
নধ্বজোনপতাকাবাচর্মবাতুরগোঽপিবা ॥ 20 ॥
আযুধংস্যংদনোবাপিদদৃশেতেনরেণুনা ।
শব্দশ্চসুমহাংস্তেষাংনর্দতামভিধাবতাম্ ॥ 21 ॥
শ্রূযতেতুমুলোযুদ্ধেনরূপাণিচকাশিরে ।
হরীনেবসুসংরুষ্টাহরযোজঘ্নুরাহবে ॥ 22 ॥
রাক্ষসারাক্ষসাংশ্চাপিনিজঘ্নুস্তিমিরেতদা ।
তেপরাংশ্চবিনিঘ্নংতঃস্বাংশ্চবানররাক্ষসাঃ ॥ 23 ॥
রুধিরার্দ্রাংতদাচক্রুর্মহীংপংকানুলেপনাম্ ।
ততস্তুরুধিরৌঘেণসিক্তংহ্যপগতংরজঃ ॥ 24 ॥
শরীরশবসংকীর্ণাবভূবচবসুংধরা ।
দ্রুমশক্তিগদাপ্রাসৈশ্শিলাপরিঘতোমরৈঃ ॥ 25 ॥
হরযোরাক্ষসাশ্চৈবস্তূর্ণংজঘ্নুরন্যোন্যমোজসা ।
বাহুভিঃপরিঘাকারৈর্যুধ্যংতঃপর্বতোপমাঃ ॥ 26 ॥
হরযোভীমকর্মাণোরাক্ষসান্ঝঘ্নুরাহবে ।
রাক্ষসাস্ত্বভিসংক্রুদ্ধাঃপ্রাসতোমরপাণযঃ ॥ 27 ॥
কপীন্নিজঘ্নিরেতত্রশস্ত্রঃপরমদারুণৈঃ ।
অকংপনস্সুসংক্রুদ্ধোরাক্ষসানাংচমূপতিঃ ॥ 28 ॥
সম্হর্ষযতিতান্সর্বান্রাক্ষসাভনিমবিক্রমান্ ।
হরযস্ত্বপিরক্ষাংসিমহাদ্রুমমহাশ্মভিঃ ॥ 29 ॥
বিদারযংত্যভিক্রম্যশস্ত্রাণ্যাচ্ছিদ্যবীর্যতঃ ।
এতস্মিন্নংতরেবীরাহরযঃকুমুদোনলঃ ॥ 30 ॥
মৈংদশ্চপরমক্রুদ্ধাশ্চক্রুর্বেগমনুত্তমম্ ।
তেতুবৃক্ষৈর্মহাবীরারাক্ষসানাংচমূমুখে ॥ 31 ॥
কদনংসুমহচ্চক্রুর্লীলযাহরিপুংগবাঃ ।
মমংথূরাক্ষসান্ সর্বেবানরাগণশোভৃশম্ ॥ 32 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে পংচপংচাশস্সর্গঃ ॥
