śrīmadvālmīkīya rāmāyaṇē yuddhakāṇḍam ।
atha pañchapañchāśassargaḥ ।
vajradaṃṣṭraṃhataṃśrutvāvāliputrēṇarāvaṇaḥ ।
balādhyakṣamuvāchēdaṅkṛtāñjalimupasthitam ॥ 1 ॥
śīghranniryāntudurdharṣārākṣasābhīmavikramāḥ ।
akampanampuraskṛtyasarvaśastraprakōvidam ॥ 2 ॥
ēṣaśāstāchagōptāchanētāchayudhisattamaḥ ।
bhūtikāmaśchamēnityannityañchasamarapriyaḥ ॥ 3 ॥
ēṣajēṣyatikākatsthausugrīvañchamahābalam ।
vānarāṃśchāparān ghōrān haniṣyatiparantapaḥ ॥ 4 ॥
parigṛhya sa tāmājñāṃ rāvaṇasya mahābalaḥ ।
balaṃ samprērayāmāsa tadā laghuparākramaḥ ॥ 5 ॥
tatōnānāpraharaṇābhīmākṣābhīmadarśanāḥ ।
niṣpētūrākṣasāmukhyābalādhyakṣaprachōditāḥ ॥ 6 ॥
rathamāsthāyavipulantaptakāñchanabhūṣaṇam ।
mēghābhōmēghavarṇaśchamēghasvanamahāsvanaḥ ॥ 7 ॥
rākṣasaiḥsamvṛtōghōraistadāniryātyakampanaḥ ।
nahikampayituṃśakyaḥsurairapimahāmṛdhē ॥ 8 ॥
akampanas tatas tēṣāṃ āditya;iva tējasā ।
tasya nidhāvamānasya samrabdhasya yuyutsayā ॥ 9 ॥
akasmāddainyamāgachChaddhayānāṃrathavāhinām ।
vyasphurannayanañchāsyasavyaṃyuddhābhinadaninaḥ ॥ 10 ॥
vivarṇōmukhavarṇaśchagadgadaśchābhavatsvanaḥ ।
abhavatsudinēkālēdurdinaṃrūkṣamārutam ॥ 11 ॥
ūchuḥkhagamṛgāḥsarvēvāchaḥkrūrābhayāvahāḥ ।
sasiṃhāpachitkandhaḥśārdūlasamavikramaḥ ॥ 12 ॥
tānutpātānachinssaivanirjagāmaraṇājiram ।
tathānirgachChatastasyarakṣasassaharākṣasaiḥ ॥ 13 ॥
babhūvasumahānnādaḥkṣōbhayannivasāgaram ।
tēnaśabdēnavitrastāvānarāṇāmmahāchamūḥ ॥ 14 ॥
drumaśailaprahārāṇāṃyōddhuṃsamupatiṣṭhatam ।
tēṣāṃyuddhammahāraudraṃsañjajñēkapirakṣasām ॥ 15 ॥
rāmarāvaṇayōrardhēsamabhityaktajīvinām ।
sarvēhyatibalāḥśūrāḥsarvēparvatasannibhāḥ ॥ 16 ॥
harayōrākṣasāśchaivaparasparajighāṃsavaḥ ।
tēṣāṃvivardhatāṃśabdaḥsaṃyugē'titarasvinām ॥ 17 ॥
śuśruvēsumahān kōpādanyōnyamabhigarjatām ।
rajaśchāruṇavarṇābhaṃsubhīmamabhavad bhṛśam ॥ 18 ॥
uddhataṃharirakṣōbhiḥsaṃrurōdhadiśōdaśa ।
anyōnyaṃrajasātēnakauśēyōddhūtapāṇḍunā ॥ 19 ॥
samvṛtānichabhūtānidadṛśurnaraṇājirē ।
nadhvajōnapatākāvācharmavāturagō'pivā ॥ 20 ॥
āyudhaṃsyandanōvāpidadṛśētēnarēṇunā ।
śabdaśchasumahāṃstēṣānnardatāmabhidhāvatām ॥ 21 ॥
śrūyatētumulōyuddhēnarūpāṇichakāśirē ।
harīnēvasusaṃruṣṭāharayōjaghnurāhavē ॥ 22 ॥
rākṣasārākṣasāṃśchāpinijaghnustimirētadā ।
tēparāṃśchavinighnantaḥsvāṃśchavānararākṣasāḥ ॥ 23 ॥
rudhirārdrāntadāchakrurmahīmpaṅkānulēpanām ।
tatasturudhiraughēṇasiktaṃhyapagataṃrajaḥ ॥ 24 ॥
śarīraśavasaṅkīrṇābabhūvachavasundharā ।
drumaśaktigadāprāsaiśśilāparighatōmaraiḥ ॥ 25 ॥
harayōrākṣasāśchaivastūrṇañjaghnuranyōnyamōjasā ।
bāhubhiḥparighākārairyudhyantaḥparvatōpamāḥ ॥ 26 ॥
harayōbhīmakarmāṇōrākṣasānjhaghnurāhavē ।
rākṣasāstvabhisaṅkruddhāḥprāsatōmarapāṇayaḥ ॥ 27 ॥
kapīnnijaghnirētatraśastraḥparamadāruṇaiḥ ।
akampanassusaṅkruddhōrākṣasānāñchamūpatiḥ ॥ 28 ॥
samharṣayatitānsarvānrākṣasābhanimavikramān ।
harayastvapirakṣāṃsimahādrumamahāśmabhiḥ ॥ 29 ॥
vidārayantyabhikramyaśastrāṇyāchChidyavīryataḥ ।
ētasminnantarēvīrāharayaḥkumudōnalaḥ ॥ 30 ॥
maindaśchaparamakruddhāśchakrurvēgamanuttamam ।
tētuvṛkṣairmahāvīrārākṣasānāñchamūmukhē ॥ 31 ॥
kadanaṃsumahachchakrurlīlayāharipuṅgavāḥ ।
mamanthūrākṣasān sarvēvānarāgaṇaśōbhṛśam ॥ 32 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē pañchapañchāśassargaḥ ॥
