శ్రీమద్వాల్మీకీయ రామాయణే యుద్ధకాండమ్ ।
అథ సప్తపంచాశస్సర్గః ।
అకంపనవధంశ్రుత్వాక్రుద్ధోవైరాక్షసేశ్వరః ।
కించిదదీనముఖశ్చాపిసచివాంస్తానుదైక్షత ॥ 1 ॥
సతుధ్యాత్వాముహూర్తంతుమంత్రిభిస్సంవిచార్యచ ।
తతస్తురావణఃపూర్వదివసేరాక్షసాధిపః ॥ 2 ॥
పురీంపరియయౌలంకాంసర్వగుల్మానవేక్షితుమ్ ।
తాంరాక్షసగణైర్గుప్తాంగుల్మైర్బహుభిరావృతామ్ ॥ 3 ॥
దదర్శనగరీంలంకాంపతాకాధ్వజమాలినీమ్ ।
రుద్ధాంతునగరీందృష్టవారావణోరాక్షసేశ్వరః ॥ 4 ॥
ఉవాచాత్మహితంకాలేప్రహస్తంయుద్ధకోవిదమ్ ।
పురస్యోపనివిష్టస్యసహసాపీడితస్యవా ॥ 5 ॥
నాన్యంయుద్ధాత్ప్రపశ్యామిమోక్షంయుద్ధవిశారద ।
అహంవాకుంభకర్ణోవాత్వంవాసేనాపతిర్మమ ॥ 6 ॥
ఇంద్రజిద్వానికుంభోవావహేయుర్భారమీదృశమ్ ।
సత్వంబలమతశ్శీఘ్రమాదాయపరిగృహ్యచ ॥ 7 ॥
విజయాయాభినిర్యాహియత్రసర్వేవనౌకసః ।
నిర్యాణాయాదేవతేనూనంచపలాహరివాహినీ ॥ 8 ॥
నర్దతాంరాక్షసేంద్రాణాంశ్రుత్వానాదంద్రవిష్యతి ।
చపలాహ్యవినీతాశ్చచలచిత్తాశ్చవానరాః ॥ 9 ॥
నసహిష్యంతితేనాదంసింహనాదమివద్విపాః ।
విద్రుతేచబలేతస్మిన్ రామఃసౌమిత్రిణాసహ ॥ 10 ॥
అవశస్తేనిరాలంబఃప్రహస్తవశమేష్యతి ।
ఆపత్సంశయితాశ్రేయోనాత్రనిస్సంశయీకృతా ॥ 11 ॥
ప్రతిలోమానులోమంవాయద్వానోమన్యసేహితమ్ ।
రావణేనైవముక్తస్తుప్రహస్తోవాహినీపతిః ॥ 12 ॥
రాక్షసేంద్రమువాచేదమసురేంద్రమివోశనా ।
రాజన్మంత్రితపూర్వంనఃకుశలైస్సహమంత్రిభిః ॥ 13 ॥
వివాదశ్చాపినోవృత్తస్సమవేక్ష్యపరస్పరమ్ ।
ప్రదానేనతుసీతాయాఃశ్రేయోవ్యవసితంమయా ॥ 14 ॥
అప్రదానేపునర్యుద్ధందృష్టమేత్తథైవనః ।
సోఽహందానైశ్చమానైశ్చసతతంపూజితస్త్వయా ॥ 15 ॥
సాంత్వైశ్చవివిధైఃకాలేకింనకుర్యాంహితంతవ ।
నహిమేజీవితంరక్ష్యంపుత్రదారధనానిచ ॥ 16 ॥
త్వంపశ్యమాంజుహూషంతంత్వదర్థేజీవితంయుధి ।
ఏవముక్త్వాతుభర్తారంరావణంవాహినీపతిః ॥ 17 ॥
ఉవాచేదంబలాధ్యక్షాన్ప్రహస్తఃపురతఃస్థితాన్ ।
మేశీఘ్రంరాక్షసానాంమహాద్బలమ్ ॥ 18 ॥
మద్భాణాబ్దావేగేనహతానాంశనిచరణాజిరే ।
అద్యహృష్యంతుమాంసాదాఃపక్షిణఃకాననౌకసామ్ ॥ 19 ॥
ఇత్యుక్తాస్తేప్రహస్తేనబలాధ్యక్షాః కృతత్వరాః ।
బలముద్యోజయామాసుస్తస్మిన్రాక్షసమందిరే ॥ 20 ॥
సాబభూవముహూర్తేననిగ్మర్నానావిధాయుధైః ।
లంకారాక్షసవీరైస్తైర్గజైరివసమాకులా ॥ 21 ॥
హుతాశనంతర్పయతాంబ్రాహ్మణాంశ్చనమస్యతామ్ ।
ఆజ్యగంధప్రతివహఃసురభిర్మారుతోవవౌ ॥ 22 ॥
స్రజశ్చవివిధాకారాజగృహుస్త్వభిమంత్రితాః ।
సంగ్రామసజ్జాఃసమ్హృష్టాధరాయన్రాక్షసాస్తదా ॥ 23 ॥
సధనుష్కాఃకవచినోవేగాదాప్లుత్యరాక్షసాః ।
రావణంప్రేక్ష్యరాజానంప్రహస్తంపర్యవారయన్ ॥ 24 ॥
అథామంత్ఱ్యతురాజానంభేరీమాహత్యభైరవామ్ ।
ఆరురోహరథంయుక్తఃప్రహస్తస్సజ్జకల్పితమ్ ॥ 25 ॥
హయైర్మహాజవైర్యుక్తంసమ్యక్సూతసుసంయతమ్ ।
మహాజలదనిర్ఘోషంసాక్షాచ్చంద్రార్కభాస్వరమ్ ॥ 26 ॥
ఉరగధ్వజదుర్ధర్షంసువరూథంస్వవస్కరమ్ ।
సువర్ణజాలసంయుక్తంప్రహసంతమివశ్రియా ॥ 27 ॥
తతస్తంరథమాస్థాయరావణార్పితశాసనః ।
లంకాయానిర్యయౌతూర్ణంబలేనమహతావృతః ॥ 28 ॥
తతోదుంధుభినిర్ఘోషఃపర్జన్యనినదోపమః ।
వాదిత్రాణాంచనినదఃపూరయన్నివమేదినీమ్ ॥ 29 ॥
శుశ్రువేశంఖశబ్దశ్చప్రయాతేవాహినీపతౌ ।
నినదంతస్స్వరాన్ఘోరాన్రాక్షసాజగ్మురగ్రతః ॥ 30 ॥
భీమరూపామహాకాయాఃప్రహస్తస్యపురస్సరాః ।
నరాంతకఃకుంభహనుర్మహానాదస్సమున్నతః ॥ 31 ॥
ప్రహస్తసచివాహ్యేతేనిర్యయుఃపరివార్యతమ్ ।
వ్యూఢేనేవసుఘోరేణపూర్వద్వారాత్సనిర్యయౌ ॥ 32 ॥
గజయూథనికాశేనబలేనమహతావృతః ।
సాగరప్రతిమౌఘేనవృతస్తేనబలేనసః ॥ 33 ॥
ప్రహస్తోనిర్యయౌక్రుద్ధఃకాలాంతకయమోపమః ।
తస్యనిర్యాణఘోషేణరాక్షసానాంచనర్దతామ్ ॥ 34 ॥
లంకాయాంసర్వభూతానివినేదుర్వికృతైస్స్వరైః ।
వ్యభ్రమాకాశమావిశ్యమాంసశోణితభోజనాః ॥ 35 ॥
మండలాన్యపసవ్యానిఖగాశ్చక్రూరథంప్రతి ।
సమ్నత్యఃపావకజ్వాలాఃశివాఘోరావవాశిరే ॥ 36 ॥
అంతరిక్షాత్పపాతోల్కావాయుశ్చపరుషంవనౌ ।
అన్యోన్యమభిసంరబ్ధాగ్రహాశ్చనచకాశిరే ॥ 37 ॥
మేఘాశ్చఖరనిర్ఘోషారథస్యోపరిరక్షసః ।
వవృషంరుధిరంచాస్యసిషిచుశ్చపురస్సరాన్ ॥ 38 ॥
కేతుర్మూర్ధనిగృధ్రోఽస్యనిలీనోదక్షిణాముఖః ।
తుదన్నుభయతఃపార్శ్వంసమగ్రామహరత్ప్రభామ్ ॥ 39 ॥
సారథేర్భహుశశ్చాస్యసంగ్రామమవగాహతః ।
ప్రతోదోన్యపతద్ధస్తాత్సూతస్యహయసాదినః ॥ 40 ॥
నిర్యాణశ్రీశ్చయాఽస్యాసీద్భాస్వరావసుదుర్లభాః ।
సాననాశముహూర్తేనసమేచస్ఖలితాహయాః ॥ 41 ॥
ప్రహస్తంత్వభినిర్యాంతంప్రఖ్యాతబలపౌరుషమ్ ।
యుధినానాప్రహరణాకపిసేనాఽభ్యవర్తత ॥ 42 ॥
అథఘోషస్సుతుములోహరీణాంసమజాయత ।
వృక్షానారుజతాంచైవగుర్వీరాగృహ్ణతాంశిలాః ॥ 43 ॥
నదతాంరాక్షసానాంచవానరాణాంచగర్జతామ్ ।
ఉభేప్రముదితేసైన్యేరక్షోగణవనౌకసామ్ ॥ 44 ॥
వేగితానాంసమర్థానామన్యోన్యవధకాఙ్ క్షిణామ్ ।
పరస్పరంచాహ్వయతాంనినాద్శూయతేమహాన్ ॥ 45 ॥
తతఃప్రహస్తఃకపిరాజవాహినీమభిప్రతస్థేవిజయాయదుర్మతిః ।
వివృద్ధవేగంశ్చవివేశతాంచమూంయథాముమూర్షుశ్శలభోవిభావసుమ్ ॥ 46 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే సప్తపంచాశస్సర్గః ॥
