śrīmadvālmīkīya rāmāyaṇē yuddhakāṇḍam ।
atha saptapañchāśassargaḥ ।
akampanavadhaṃśrutvākruddhōvairākṣasēśvaraḥ ।
kiñchidadīnamukhaśchāpisachivāṃstānudaikṣata ॥ 1 ॥
satudhyātvāmuhūrtantumantribhissaṃvichāryacha ।
tatasturāvaṇaḥpūrvadivasērākṣasādhipaḥ ॥ 2 ॥
purīmpariyayaulaṅkāṃsarvagulmānavēkṣitum ।
tāṃrākṣasagaṇairguptāṅgulmairbahubhirāvṛtām ॥ 3 ॥
dadarśanagarīṃlaṅkāmpatākādhvajamālinīm ।
ruddhāntunagarīndṛṣṭavārāvaṇōrākṣasēśvaraḥ ॥ 4 ॥
uvāchātmahitaṅkālēprahastaṃyuddhakōvidam ।
purasyōpaniviṣṭasyasahasāpīḍitasyavā ॥ 5 ॥
nānyaṃyuddhātprapaśyāmimōkṣaṃyuddhaviśārada ।
ahaṃvākumbhakarṇōvātvaṃvāsēnāpatirmama ॥ 6 ॥
indrajidvānikumbhōvāvahēyurbhāramīdṛśam ।
satvambalamataśśīghramādāyaparigṛhyacha ॥ 7 ॥
vijayāyābhiniryāhiyatrasarvēvanaukasaḥ ।
niryāṇāyādēvatēnūnañchapalāharivāhinī ॥ 8 ॥
nardatāṃrākṣasēndrāṇāṃśrutvānādandraviṣyati ।
chapalāhyavinītāśchachalachittāśchavānarāḥ ॥ 9 ॥
nasahiṣyantitēnādaṃsiṃhanādamivadvipāḥ ।
vidrutēchabalētasmin rāmaḥsaumitriṇāsaha ॥ 10 ॥
avaśastēnirālambaḥprahastavaśamēṣyati ।
āpatsaṃśayitāśrēyōnātranissaṃśayīkṛtā ॥ 11 ॥
pratilōmānulōmaṃvāyadvānōmanyasēhitam ।
rāvaṇēnaivamuktastuprahastōvāhinīpatiḥ ॥ 12 ॥
rākṣasēndramuvāchēdamasurēndramivōśanā ।
rājanmantritapūrvannaḥkuśalaissahamantribhiḥ ॥ 13 ॥
vivādaśchāpinōvṛttassamavēkṣyaparasparam ।
pradānēnatusītāyāḥśrēyōvyavasitammayā ॥ 14 ॥
apradānēpunaryuddhandṛṣṭamēttathaivanaḥ ।
sō'handānaiśchamānaiśchasatatampūjitastvayā ॥ 15 ॥
sāntvaiśchavividhaiḥkālēkinnakuryāṃhitantava ।
nahimējīvitaṃrakṣyamputradāradhanānicha ॥ 16 ॥
tvampaśyamāñjuhūṣantantvadarthējīvitaṃyudhi ।
ēvamuktvātubhartāraṃrāvaṇaṃvāhinīpatiḥ ॥ 17 ॥
uvāchēdambalādhyakṣānprahastaḥpurataḥsthitān ।
mēśīghraṃrākṣasānāmmahādbalam ॥ 18 ॥
madbhāṇābdāvēgēnahatānāṃśanicharaṇājirē ।
adyahṛṣyantumāṃsādāḥpakṣiṇaḥkānanaukasām ॥ 19 ॥
ityuktāstēprahastēnabalādhyakṣāḥ kṛtatvarāḥ ।
balamudyōjayāmāsustasminrākṣasamandirē ॥ 20 ॥
sābabhūvamuhūrtēnanigmarnānāvidhāyudhaiḥ ।
laṅkārākṣasavīraistairgajairivasamākulā ॥ 21 ॥
hutāśanantarpayatāmbrāhmaṇāṃśchanamasyatām ।
ājyagandhaprativahaḥsurabhirmārutōvavau ॥ 22 ॥
srajaśchavividhākārājagṛhustvabhimantritāḥ ।
saṅgrāmasajjāḥsamhṛṣṭādharāyanrākṣasāstadā ॥ 23 ॥
sadhanuṣkāḥkavachinōvēgādāplutyarākṣasāḥ ।
rāvaṇamprēkṣyarājānamprahastamparyavārayan ॥ 24 ॥
athāmantRyaturājānambhērīmāhatyabhairavām ।
ārurōharathaṃyuktaḥprahastassajjakalpitam ॥ 25 ॥
hayairmahājavairyuktaṃsamyaksūtasusaṃyatam ।
mahājaladanirghōṣaṃsākṣāchchandrārkabhāsvaram ॥ 26 ॥
uragadhvajadurdharṣaṃsuvarūthaṃsvavaskaram ।
suvarṇajālasaṃyuktamprahasantamivaśriyā ॥ 27 ॥
tatastaṃrathamāsthāyarāvaṇārpitaśāsanaḥ ।
laṅkāyāniryayautūrṇambalēnamahatāvṛtaḥ ॥ 28 ॥
tatōdundhubhinirghōṣaḥparjanyaninadōpamaḥ ।
vāditrāṇāñchaninadaḥpūrayannivamēdinīm ॥ 29 ॥
śuśruvēśaṅkhaśabdaśchaprayātēvāhinīpatau ।
ninadantassvarānghōrānrākṣasājagmuragrataḥ ॥ 30 ॥
bhīmarūpāmahākāyāḥprahastasyapurassarāḥ ।
narāntakaḥkumbhahanurmahānādassamunnataḥ ॥ 31 ॥
prahastasachivāhyētēniryayuḥparivāryatam ।
vyūḍhēnēvasughōrēṇapūrvadvārātsaniryayau ॥ 32 ॥
gajayūthanikāśēnabalēnamahatāvṛtaḥ ।
sāgarapratimaughēnavṛtastēnabalēnasaḥ ॥ 33 ॥
prahastōniryayaukruddhaḥkālāntakayamōpamaḥ ।
tasyaniryāṇaghōṣēṇarākṣasānāñchanardatām ॥ 34 ॥
laṅkāyāṃsarvabhūtānivinēdurvikṛtaissvaraiḥ ।
vyabhramākāśamāviśyamāṃsaśōṇitabhōjanāḥ ॥ 35 ॥
maṇḍalānyapasavyānikhagāśchakrūrathamprati ।
samnatyaḥpāvakajvālāḥśivāghōrāvavāśirē ॥ 36 ॥
antarikṣātpapātōlkāvāyuśchaparuṣaṃvanau ।
anyōnyamabhisaṃrabdhāgrahāśchanachakāśirē ॥ 37 ॥
mēghāśchakharanirghōṣārathasyōparirakṣasaḥ ।
vavṛṣaṃrudhirañchāsyasiṣichuśchapurassarān ॥ 38 ॥
kēturmūrdhanigṛdhrō'syanilīnōdakṣiṇāmukhaḥ ।
tudannubhayataḥpārśvaṃsamagrāmaharatprabhām ॥ 39 ॥
sārathērbhahuśaśchāsyasaṅgrāmamavagāhataḥ ।
pratōdōnyapataddhastātsūtasyahayasādinaḥ ॥ 40 ॥
niryāṇaśrīśchayā'syāsīdbhāsvarāvasudurlabhāḥ ।
sānanāśamuhūrtēnasamēchaskhalitāhayāḥ ॥ 41 ॥
prahastantvabhiniryāntamprakhyātabalapauruṣam ।
yudhinānāpraharaṇākapisēnā'bhyavartata ॥ 42 ॥
athaghōṣassutumulōharīṇāṃsamajāyata ।
vṛkṣānārujatāñchaivagurvīrāgṛhṇatāṃśilāḥ ॥ 43 ॥
nadatāṃrākṣasānāñchavānarāṇāñchagarjatām ।
ubhēpramuditēsainyērakṣōgaṇavanaukasām ॥ 44 ॥
vēgitānāṃsamarthānāmanyōnyavadhakāṅ kṣiṇām ।
parasparañchāhvayatānninādśūyatēmahān ॥ 45 ॥
tataḥprahastaḥkapirājavāhinīmabhipratasthēvijayāyadurmatiḥ ।
vivṛddhavēgaṃśchavivēśatāñchamūṃyathāmumūrṣuśśalabhōvibhāvasum ॥ 46 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē saptapañchāśassargaḥ ॥
