ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಸಪ್ತಪಞ್ಚಾಶಸ್ಸರ್ಗಃ ।
ಅಕಮ್ಪನವಧಂಶ್ರುತ್ವಾಕ್ರುದ್ಧೋವೈರಾಕ್ಷಸೇಶ್ವರಃ ।
ಕಿಞ್ಚಿದದೀನಮುಖಶ್ಚಾಪಿಸಚಿವಾಂಸ್ತಾನುದೈಕ್ಷತ ॥ 1 ॥
ಸತುಧ್ಯಾತ್ವಾಮುಹೂರ್ತನ್ತುಮನ್ತ್ರಿಭಿಸ್ಸಂವಿಚಾರ್ಯಚ ।
ತತಸ್ತುರಾವಣಃಪೂರ್ವದಿವಸೇರಾಕ್ಷಸಾಧಿಪಃ ॥ 2 ॥
ಪುರೀಮ್ಪರಿಯಯೌಲಙ್ಕಾಂಸರ್ವಗುಲ್ಮಾನವೇಕ್ಷಿತುಮ್ ।
ತಾಂರಾಕ್ಷಸಗಣೈರ್ಗುಪ್ತಾಙ್ಗುಲ್ಮೈರ್ಬಹುಭಿರಾವೃತಾಮ್ ॥ 3 ॥
ದದರ್ಶನಗರೀಂಲಙ್ಕಾಮ್ಪತಾಕಾಧ್ವಜಮಾಲಿನೀಮ್ ।
ರುದ್ಧಾನ್ತುನಗರೀನ್ದೃಷ್ಟವಾರಾವಣೋರಾಕ್ಷಸೇಶ್ವರಃ ॥ 4 ॥
ಉವಾಚಾತ್ಮಹಿತಙ್ಕಾಲೇಪ್ರಹಸ್ತಂಯುದ್ಧಕೋವಿದಮ್ ।
ಪುರಸ್ಯೋಪನಿವಿಷ್ಟಸ್ಯಸಹಸಾಪೀಡಿತಸ್ಯವಾ ॥ 5 ॥
ನಾನ್ಯಂಯುದ್ಧಾತ್ಪ್ರಪಶ್ಯಾಮಿಮೋಕ್ಷಂಯುದ್ಧವಿಶಾರದ ।
ಅಹಂವಾಕುಮ್ಭಕರ್ಣೋವಾತ್ವಂವಾಸೇನಾಪತಿರ್ಮಮ ॥ 6 ॥
ಇನ್ದ್ರಜಿದ್ವಾನಿಕುಮ್ಭೋವಾವಹೇಯುರ್ಭಾರಮೀದೃಶಮ್ ।
ಸತ್ವಮ್ಬಲಮತಶ್ಶೀಘ್ರಮಾದಾಯಪರಿಗೃಹ್ಯಚ ॥ 7 ॥
ವಿಜಯಾಯಾಭಿನಿರ್ಯಾಹಿಯತ್ರಸರ್ವೇವನೌಕಸಃ ।
ನಿರ್ಯಾಣಾಯಾದೇವತೇನೂನಞ್ಚಪಲಾಹರಿವಾಹಿನೀ ॥ 8 ॥
ನರ್ದತಾಂರಾಕ್ಷಸೇನ್ದ್ರಾಣಾಂಶ್ರುತ್ವಾನಾದನ್ದ್ರವಿಷ್ಯತಿ ।
ಚಪಲಾಹ್ಯವಿನೀತಾಶ್ಚಚಲಚಿತ್ತಾಶ್ಚವಾನರಾಃ ॥ 9 ॥
ನಸಹಿಷ್ಯನ್ತಿತೇನಾದಂಸಿಂಹನಾದಮಿವದ್ವಿಪಾಃ ।
ವಿದ್ರುತೇಚಬಲೇತಸ್ಮಿನ್ ರಾಮಃಸೌಮಿತ್ರಿಣಾಸಹ ॥ 10 ॥
ಅವಶಸ್ತೇನಿರಾಲಮ್ಬಃಪ್ರಹಸ್ತವಶಮೇಷ್ಯತಿ ।
ಆಪತ್ಸಂಶಯಿತಾಶ್ರೇಯೋನಾತ್ರನಿಸ್ಸಂಶಯೀಕೃತಾ ॥ 11 ॥
ಪ್ರತಿಲೋಮಾನುಲೋಮಂವಾಯದ್ವಾನೋಮನ್ಯಸೇಹಿತಮ್ ।
ರಾವಣೇನೈವಮುಕ್ತಸ್ತುಪ್ರಹಸ್ತೋವಾಹಿನೀಪತಿಃ ॥ 12 ॥
ರಾಕ್ಷಸೇನ್ದ್ರಮುವಾಚೇದಮಸುರೇನ್ದ್ರಮಿವೋಶನಾ ।
ರಾಜನ್ಮನ್ತ್ರಿತಪೂರ್ವನ್ನಃಕುಶಲೈಸ್ಸಹಮನ್ತ್ರಿಭಿಃ ॥ 13 ॥
ವಿವಾದಶ್ಚಾಪಿನೋವೃತ್ತಸ್ಸಮವೇಕ್ಷ್ಯಪರಸ್ಪರಮ್ ।
ಪ್ರದಾನೇನತುಸೀತಾಯಾಃಶ್ರೇಯೋವ್ಯವಸಿತಮ್ಮಯಾ ॥ 14 ॥
ಅಪ್ರದಾನೇಪುನರ್ಯುದ್ಧನ್ದೃಷ್ಟಮೇತ್ತಥೈವನಃ ।
ಸೋಽಹನ್ದಾನೈಶ್ಚಮಾನೈಶ್ಚಸತತಮ್ಪೂಜಿತಸ್ತ್ವಯಾ ॥ 15 ॥
ಸಾನ್ತ್ವೈಶ್ಚವಿವಿಧೈಃಕಾಲೇಕಿನ್ನಕುರ್ಯಾಂಹಿತನ್ತವ ।
ನಹಿಮೇಜೀವಿತಂರಕ್ಷ್ಯಮ್ಪುತ್ರದಾರಧನಾನಿಚ ॥ 16 ॥
ತ್ವಮ್ಪಶ್ಯಮಾಞ್ಜುಹೂಷನ್ತನ್ತ್ವದರ್ಥೇಜೀವಿತಂಯುಧಿ ।
ಏವಮುಕ್ತ್ವಾತುಭರ್ತಾರಂರಾವಣಂವಾಹಿನೀಪತಿಃ ॥ 17 ॥
ಉವಾಚೇದಮ್ಬಲಾಧ್ಯಕ್ಷಾನ್ಪ್ರಹಸ್ತಃಪುರತಃಸ್ಥಿತಾನ್ ।
ಮೇಶೀಘ್ರಂರಾಕ್ಷಸಾನಾಮ್ಮಹಾದ್ಬಲಮ್ ॥ 18 ॥
ಮದ್ಭಾಣಾಬ್ದಾವೇಗೇನಹತಾನಾಂಶನಿಚರಣಾಜಿರೇ ।
ಅದ್ಯಹೃಷ್ಯನ್ತುಮಾಂಸಾದಾಃಪಕ್ಷಿಣಃಕಾನನೌಕಸಾಮ್ ॥ 19 ॥
ಇತ್ಯುಕ್ತಾಸ್ತೇಪ್ರಹಸ್ತೇನಬಲಾಧ್ಯಕ್ಷಾಃ ಕೃತತ್ವರಾಃ ।
ಬಲಮುದ್ಯೋಜಯಾಮಾಸುಸ್ತಸ್ಮಿನ್ರಾಕ್ಷಸಮನ್ದಿರೇ ॥ 20 ॥
ಸಾಬಭೂವಮುಹೂರ್ತೇನನಿಗ್ಮರ್ನಾನಾವಿಧಾಯುಧೈಃ ।
ಲಙ್ಕಾರಾಕ್ಷಸವೀರೈಸ್ತೈರ್ಗಜೈರಿವಸಮಾಕುಲಾ ॥ 21 ॥
ಹುತಾಶನನ್ತರ್ಪಯತಾಮ್ಬ್ರಾಹ್ಮಣಾಂಶ್ಚನಮಸ್ಯತಾಮ್ ।
ಆಜ್ಯಗನ್ಧಪ್ರತಿವಹಃಸುರಭಿರ್ಮಾರುತೋವವೌ ॥ 22 ॥
ಸ್ರಜಶ್ಚವಿವಿಧಾಕಾರಾಜಗೃಹುಸ್ತ್ವಭಿಮನ್ತ್ರಿತಾಃ ।
ಸಙ್ಗ್ರಾಮಸಜ್ಜಾಃಸಮ್ಹೃಷ್ಟಾಧರಾಯನ್ರಾಕ್ಷಸಾಸ್ತದಾ ॥ 23 ॥
ಸಧನುಷ್ಕಾಃಕವಚಿನೋವೇಗಾದಾಪ್ಲುತ್ಯರಾಕ್ಷಸಾಃ ।
ರಾವಣಮ್ಪ್ರೇಕ್ಷ್ಯರಾಜಾನಮ್ಪ್ರಹಸ್ತಮ್ಪರ್ಯವಾರಯನ್ ॥ 24 ॥
ಅಥಾಮನ್ತ್ಱ್ಯತುರಾಜಾನಮ್ಭೇರೀಮಾಹತ್ಯಭೈರವಾಮ್ ।
ಆರುರೋಹರಥಂಯುಕ್ತಃಪ್ರಹಸ್ತಸ್ಸಜ್ಜಕಲ್ಪಿತಮ್ ॥ 25 ॥
ಹಯೈರ್ಮಹಾಜವೈರ್ಯುಕ್ತಂಸಮ್ಯಕ್ಸೂತಸುಸಂಯತಮ್ ।
ಮಹಾಜಲದನಿರ್ಘೋಷಂಸಾಕ್ಷಾಚ್ಚನ್ದ್ರಾರ್ಕಭಾಸ್ವರಮ್ ॥ 26 ॥
ಉರಗಧ್ವಜದುರ್ಧರ್ಷಂಸುವರೂಥಂಸ್ವವಸ್ಕರಮ್ ।
ಸುವರ್ಣಜಾಲಸಂಯುಕ್ತಮ್ಪ್ರಹಸನ್ತಮಿವಶ್ರಿಯಾ ॥ 27 ॥
ತತಸ್ತಂರಥಮಾಸ್ಥಾಯರಾವಣಾರ್ಪಿತಶಾಸನಃ ।
ಲಙ್ಕಾಯಾನಿರ್ಯಯೌತೂರ್ಣಮ್ಬಲೇನಮಹತಾವೃತಃ ॥ 28 ॥
ತತೋದುನ್ಧುಭಿನಿರ್ಘೋಷಃಪರ್ಜನ್ಯನಿನದೋಪಮಃ ।
ವಾದಿತ್ರಾಣಾಞ್ಚನಿನದಃಪೂರಯನ್ನಿವಮೇದಿನೀಮ್ ॥ 29 ॥
ಶುಶ್ರುವೇಶಙ್ಖಶಬ್ದಶ್ಚಪ್ರಯಾತೇವಾಹಿನೀಪತೌ ।
ನಿನದನ್ತಸ್ಸ್ವರಾನ್ಘೋರಾನ್ರಾಕ್ಷಸಾಜಗ್ಮುರಗ್ರತಃ ॥ 30 ॥
ಭೀಮರೂಪಾಮಹಾಕಾಯಾಃಪ್ರಹಸ್ತಸ್ಯಪುರಸ್ಸರಾಃ ।
ನರಾನ್ತಕಃಕುಮ್ಭಹನುರ್ಮಹಾನಾದಸ್ಸಮುನ್ನತಃ ॥ 31 ॥
ಪ್ರಹಸ್ತಸಚಿವಾಹ್ಯೇತೇನಿರ್ಯಯುಃಪರಿವಾರ್ಯತಮ್ ।
ವ್ಯೂಢೇನೇವಸುಘೋರೇಣಪೂರ್ವದ್ವಾರಾತ್ಸನಿರ್ಯಯೌ ॥ 32 ॥
ಗಜಯೂಥನಿಕಾಶೇನಬಲೇನಮಹತಾವೃತಃ ।
ಸಾಗರಪ್ರತಿಮೌಘೇನವೃತಸ್ತೇನಬಲೇನಸಃ ॥ 33 ॥
ಪ್ರಹಸ್ತೋನಿರ್ಯಯೌಕ್ರುದ್ಧಃಕಾಲಾನ್ತಕಯಮೋಪಮಃ ।
ತಸ್ಯನಿರ್ಯಾಣಘೋಷೇಣರಾಕ್ಷಸಾನಾಞ್ಚನರ್ದತಾಮ್ ॥ 34 ॥
ಲಙ್ಕಾಯಾಂಸರ್ವಭೂತಾನಿವಿನೇದುರ್ವಿಕೃತೈಸ್ಸ್ವರೈಃ ।
ವ್ಯಭ್ರಮಾಕಾಶಮಾವಿಶ್ಯಮಾಂಸಶೋಣಿತಭೋಜನಾಃ ॥ 35 ॥
ಮಣ್ಡಲಾನ್ಯಪಸವ್ಯಾನಿಖಗಾಶ್ಚಕ್ರೂರಥಮ್ಪ್ರತಿ ।
ಸಮ್ನತ್ಯಃಪಾವಕಜ್ವಾಲಾಃಶಿವಾಘೋರಾವವಾಶಿರೇ ॥ 36 ॥
ಅನ್ತರಿಕ್ಷಾತ್ಪಪಾತೋಲ್ಕಾವಾಯುಶ್ಚಪರುಷಂವನೌ ।
ಅನ್ಯೋನ್ಯಮಭಿಸಂರಬ್ಧಾಗ್ರಹಾಶ್ಚನಚಕಾಶಿರೇ ॥ 37 ॥
ಮೇಘಾಶ್ಚಖರನಿರ್ಘೋಷಾರಥಸ್ಯೋಪರಿರಕ್ಷಸಃ ।
ವವೃಷಂರುಧಿರಞ್ಚಾಸ್ಯಸಿಷಿಚುಶ್ಚಪುರಸ್ಸರಾನ್ ॥ 38 ॥
ಕೇತುರ್ಮೂರ್ಧನಿಗೃಧ್ರೋಽಸ್ಯನಿಲೀನೋದಕ್ಷಿಣಾಮುಖಃ ।
ತುದನ್ನುಭಯತಃಪಾರ್ಶ್ವಂಸಮಗ್ರಾಮಹರತ್ಪ್ರಭಾಮ್ ॥ 39 ॥
ಸಾರಥೇರ್ಭಹುಶಶ್ಚಾಸ್ಯಸಙ್ಗ್ರಾಮಮವಗಾಹತಃ ।
ಪ್ರತೋದೋನ್ಯಪತದ್ಧಸ್ತಾತ್ಸೂತಸ್ಯಹಯಸಾದಿನಃ ॥ 40 ॥
ನಿರ್ಯಾಣಶ್ರೀಶ್ಚಯಾಽಸ್ಯಾಸೀದ್ಭಾಸ್ವರಾವಸುದುರ್ಲಭಾಃ ।
ಸಾನನಾಶಮುಹೂರ್ತೇನಸಮೇಚಸ್ಖಲಿತಾಹಯಾಃ ॥ 41 ॥
ಪ್ರಹಸ್ತನ್ತ್ವಭಿನಿರ್ಯಾನ್ತಮ್ಪ್ರಖ್ಯಾತಬಲಪೌರುಷಮ್ ।
ಯುಧಿನಾನಾಪ್ರಹರಣಾಕಪಿಸೇನಾಽಭ್ಯವರ್ತತ ॥ 42 ॥
ಅಥಘೋಷಸ್ಸುತುಮುಲೋಹರೀಣಾಂಸಮಜಾಯತ ।
ವೃಕ್ಷಾನಾರುಜತಾಞ್ಚೈವಗುರ್ವೀರಾಗೃಹ್ಣತಾಂಶಿಲಾಃ ॥ 43 ॥
ನದತಾಂರಾಕ್ಷಸಾನಾಞ್ಚವಾನರಾಣಾಞ್ಚಗರ್ಜತಾಮ್ ।
ಉಭೇಪ್ರಮುದಿತೇಸೈನ್ಯೇರಕ್ಷೋಗಣವನೌಕಸಾಮ್ ॥ 44 ॥
ವೇಗಿತಾನಾಂಸಮರ್ಥಾನಾಮನ್ಯೋನ್ಯವಧಕಾಙ್ ಕ್ಷಿಣಾಮ್ ।
ಪರಸ್ಪರಞ್ಚಾಹ್ವಯತಾನ್ನಿನಾದ್ಶೂಯತೇಮಹಾನ್ ॥ 45 ॥
ತತಃಪ್ರಹಸ್ತಃಕಪಿರಾಜವಾಹಿನೀಮಭಿಪ್ರತಸ್ಥೇವಿಜಯಾಯದುರ್ಮತಿಃ ।
ವಿವೃದ್ಧವೇಗಂಶ್ಚವಿವೇಶತಾಞ್ಚಮೂಂಯಥಾಮುಮೂರ್ಷುಶ್ಶಲಭೋವಿಭಾವಸುಮ್ ॥ 46 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಸಪ್ತಪಞ್ಚಾಶಸ್ಸರ್ಗಃ ॥
