ശ്രീമദ്വാല്മീകീയ രാമായണേ യുദ്ധകാംഡമ് ।
അഥ സപ്തപംചാശസ്സര്ഗഃ ।
അകംപനവധംശ്രുത്വാക്രുദ്ധോവൈരാക്ഷസേശ്വരഃ ।
കിംചിദദീനമുഖശ്ചാപിസചിവാംസ്താനുദൈക്ഷത ॥ 1 ॥
സതുധ്യാത്വാമുഹൂര്തംതുമംത്രിഭിസ്സംവിചാര്യച ।
തതസ്തുരാവണഃപൂർവദിവസേരാക്ഷസാധിപഃ ॥ 2 ॥
പുരീംപരിയയൌലംകാംസർവഗുല്മാനവേക്ഷിതുമ് ।
താംരാക്ഷസഗണൈര്ഗുപ്താംഗുല്മൈര്ബഹുഭിരാവൃതാമ് ॥ 3 ॥
ദദര്ശനഗരീംലംകാംപതാകാധ്വജമാലിനീമ് ।
രുദ്ധാംതുനഗരീംദൃഷ്ടവാരാവണോരാക്ഷസേശ്വരഃ ॥ 4 ॥
ഉവാചാത്മഹിതംകാലേപ്രഹസ്തംയുദ്ധകോവിദമ് ।
പുരസ്യോപനിവിഷ്ടസ്യസഹസാപീഡിതസ്യവാ ॥ 5 ॥
നാന്യംയുദ്ധാത്പ്രപശ്യാമിമോക്ഷംയുദ്ധവിശാരദ ।
അഹംവാകുംഭകര്ണോവാത്വംവാസേനാപതിര്മമ ॥ 6 ॥
ഇംദ്രജിദ്വാനികുംഭോവാവഹേയുര്ഭാരമീദൃശമ് ।
സത്വംബലമതശ്ശീഘ്രമാദായപരിഗൃഹ്യച ॥ 7 ॥
വിജയായാഭിനിര്യാഹിയത്രസർവേവനൌകസഃ ।
നിര്യാണായാദേവതേനൂനംചപലാഹരിവാഹിനീ ॥ 8 ॥
നര്ദതാംരാക്ഷസേംദ്രാണാംശ്രുത്വാനാദംദ്രവിഷ്യതി ।
ചപലാഹ്യവിനീതാശ്ചചലചിത്താശ്ചവാനരാഃ ॥ 9 ॥
നസഹിഷ്യംതിതേനാദംസിംഹനാദമിവദ്വിപാഃ ।
വിദ്രുതേചബലേതസ്മിന് രാമഃസൌമിത്രിണാസഹ ॥ 10 ॥
അവശസ്തേനിരാലംബഃപ്രഹസ്തവശമേഷ്യതി ।
ആപത്സംശയിതാശ്രേയോനാത്രനിസ്സംശയീകൃതാ ॥ 11 ॥
പ്രതിലോമാനുലോമംവായദ്വാനോമന്യസേഹിതമ് ।
രാവണേനൈവമുക്തസ്തുപ്രഹസ്തോവാഹിനീപതിഃ ॥ 12 ॥
രാക്ഷസേംദ്രമുവാചേദമസുരേംദ്രമിവോശനാ ।
രാജന്മംത്രിതപൂർവംനഃകുശലൈസ്സഹമംത്രിഭിഃ ॥ 13 ॥
വിവാദശ്ചാപിനോവൃത്തസ്സമവേക്ഷ്യപരസ്പരമ് ।
പ്രദാനേനതുസീതായാഃശ്രേയോവ്യവസിതംമയാ ॥ 14 ॥
അപ്രദാനേപുനര്യുദ്ധംദൃഷ്ടമേത്തഥൈവനഃ ।
സോഽഹംദാനൈശ്ചമാനൈശ്ചസതതംപൂജിതസ്ത്വയാ ॥ 15 ॥
സാംത്വൈശ്ചവിവിധൈഃകാലേകിംനകുര്യാംഹിതംതവ ।
നഹിമേജീവിതംരക്ഷ്യംപുത്രദാരധനാനിച ॥ 16 ॥
ത്വംപശ്യമാംജുഹൂഷംതംത്വദര്ഥേജീവിതംയുധി ।
ഏവമുക്ത്വാതുഭര്താരംരാവണംവാഹിനീപതിഃ ॥ 17 ॥
ഉവാചേദംബലാധ്യക്ഷാന്പ്രഹസ്തഃപുരതഃസ്ഥിതാന് ।
മേശീഘ്രംരാക്ഷസാനാംമഹാദ്ബലമ് ॥ 18 ॥
മദ്ഭാണാബ്ദാവേഗേനഹതാനാംശനിചരണാജിരേ ।
അദ്യഹൃഷ്യംതുമാംസാദാഃപക്ഷിണഃകാനനൌകസാമ് ॥ 19 ॥
ഇത്യുക്താസ്തേപ്രഹസ്തേനബലാധ്യക്ഷാഃ കൃതത്വരാഃ ।
ബലമുദ്യോജയാമാസുസ്തസ്മിന്രാക്ഷസമംദിരേ ॥ 20 ॥
സാബഭൂവമുഹൂര്തേനനിഗ്മര്നാനാവിധായുധൈഃ ।
ലംകാരാക്ഷസവീരൈസ്തൈര്ഗജൈരിവസമാകുലാ ॥ 21 ॥
ഹുതാശനംതര്പയതാംബ്രാഹ്മണാംശ്ചനമസ്യതാമ് ।
ആജ്യഗംധപ്രതിവഹഃസുരഭിര്മാരുതോവവൌ ॥ 22 ॥
സ്രജശ്ചവിവിധാകാരാജഗൃഹുസ്ത്വഭിമംത്രിതാഃ ।
സംഗ്രാമസജ്ജാഃസമ്ഹൃഷ്ടാധരായന്രാക്ഷസാസ്തദാ ॥ 23 ॥
സധനുഷ്കാഃകവചിനോവേഗാദാപ്ലുത്യരാക്ഷസാഃ ।
രാവണംപ്രേക്ഷ്യരാജാനംപ്രഹസ്തംപര്യവാരയന് ॥ 24 ॥
അഥാമംത്റ്യതുരാജാനംഭേരീമാഹത്യഭൈരവാമ് ।
ആരുരോഹരഥംയുക്തഃപ്രഹസ്തസ്സജ്ജകല്പിതമ് ॥ 25 ॥
ഹയൈര്മഹാജവൈര്യുക്തംസമ്യക്സൂതസുസംയതമ് ।
മഹാജലദനിര്ഘോഷംസാക്ഷാച്ചംദ്രാര്കഭാസ്വരമ് ॥ 26 ॥
ഉരഗധ്വജദുര്ധര്ഷംസുവരൂഥംസ്വവസ്കരമ് ।
സുവര്ണജാലസംയുക്തംപ്രഹസംതമിവശ്രിയാ ॥ 27 ॥
തതസ്തംരഥമാസ്ഥായരാവണാര്പിതശാസനഃ ।
ലംകായാനിര്യയൌതൂര്ണംബലേനമഹതാവൃതഃ ॥ 28 ॥
തതോദുംധുഭിനിര്ഘോഷഃപര്ജന്യനിനദോപമഃ ।
വാദിത്രാണാംചനിനദഃപൂരയന്നിവമേദിനീമ് ॥ 29 ॥
ശുശ്രുവേശംഖശബ്ദശ്ചപ്രയാതേവാഹിനീപതൌ ।
നിനദംതസ്സ്വരാന്ഘോരാന്രാക്ഷസാജഗ്മുരഗ്രതഃ ॥ 30 ॥
ഭീമരൂപാമഹാകായാഃപ്രഹസ്തസ്യപുരസ്സരാഃ ।
നരാംതകഃകുംഭഹനുര്മഹാനാദസ്സമുന്നതഃ ॥ 31 ॥
പ്രഹസ്തസചിവാഹ്യേതേനിര്യയുഃപരിവാര്യതമ് ।
വ്യൂഢേനേവസുഘോരേണപൂർവദ്വാരാത്സനിര്യയൌ ॥ 32 ॥
ഗജയൂഥനികാശേനബലേനമഹതാവൃതഃ ।
സാഗരപ്രതിമൌഘേനവൃതസ്തേനബലേനസഃ ॥ 33 ॥
പ്രഹസ്തോനിര്യയൌക്രുദ്ധഃകാലാംതകയമോപമഃ ।
തസ്യനിര്യാണഘോഷേണരാക്ഷസാനാംചനര്ദതാമ് ॥ 34 ॥
ലംകായാംസർവഭൂതാനിവിനേദുർവികൃതൈസ്സ്വരൈഃ ।
വ്യഭ്രമാകാശമാവിശ്യമാംസശോണിതഭോജനാഃ ॥ 35 ॥
മംഡലാന്യപസവ്യാനിഖഗാശ്ചക്രൂരഥംപ്രതി ।
സമ്നത്യഃപാവകജ്വാലാഃശിവാഘോരാവവാശിരേ ॥ 36 ॥
അംതരിക്ഷാത്പപാതോല്കാവായുശ്ചപരുഷംവനൌ ।
അന്യോന്യമഭിസംരബ്ധാഗ്രഹാശ്ചനചകാശിരേ ॥ 37 ॥
മേഘാശ്ചഖരനിര്ഘോഷാരഥസ്യോപരിരക്ഷസഃ ।
വവൃഷംരുധിരംചാസ്യസിഷിചുശ്ചപുരസ്സരാന് ॥ 38 ॥
കേതുര്മൂര്ധനിഗൃധ്രോഽസ്യനിലീനോദക്ഷിണാമുഖഃ ।
തുദന്നുഭയതഃപാര്ശ്വംസമഗ്രാമഹരത്പ്രഭാമ് ॥ 39 ॥
സാരഥേര്ഭഹുശശ്ചാസ്യസംഗ്രാമമവഗാഹതഃ ।
പ്രതോദോന്യപതദ്ധസ്താത്സൂതസ്യഹയസാദിനഃ ॥ 40 ॥
നിര്യാണശ്രീശ്ചയാഽസ്യാസീദ്ഭാസ്വരാവസുദുര്ലഭാഃ ।
സാനനാശമുഹൂര്തേനസമേചസ്ഖലിതാഹയാഃ ॥ 41 ॥
പ്രഹസ്തംത്വഭിനിര്യാംതംപ്രഖ്യാതബലപൌരുഷമ് ।
യുധിനാനാപ്രഹരണാകപിസേനാഽഭ്യവര്തത ॥ 42 ॥
അഥഘോഷസ്സുതുമുലോഹരീണാംസമജായത ।
വൃക്ഷാനാരുജതാംചൈവഗുർവീരാഗൃഹ്ണതാംശിലാഃ ॥ 43 ॥
നദതാംരാക്ഷസാനാംചവാനരാണാംചഗര്ജതാമ് ।
ഉഭേപ്രമുദിതേസൈന്യേരക്ഷോഗണവനൌകസാമ് ॥ 44 ॥
വേഗിതാനാംസമര്ഥാനാമന്യോന്യവധകാങ് ക്ഷിണാമ് ।
പരസ്പരംചാഹ്വയതാംനിനാദ്ശൂയതേമഹാന് ॥ 45 ॥
തതഃപ്രഹസ്തഃകപിരാജവാഹിനീമഭിപ്രതസ്ഥേവിജയായദുര്മതിഃ ।
വിവൃദ്ധവേഗംശ്ചവിവേശതാംചമൂംയഥാമുമൂര്ഷുശ്ശലഭോവിഭാവസുമ് ॥ 46 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ സപ്തപംചാശസ്സര്ഗഃ ॥
