ශ්රීමද්වාල්මීකීය රාමායණේ යුද්ධකාංඩම් ।
අථ සප්තපංචාශස්සර්ගඃ ।
අකංපනවධංශ්රුත්වාක්රුද්ධෝවෛරාක්ෂසේශ්වරඃ ।
කිංචිදදීනමුඛශ්චාපිසචිවාංස්තානුදෛක්ෂත ॥ 1 ॥
සතුධ්යාත්වාමුහූර්තංතුමංත්රිභිස්සංවිචාර්යච ।
තතස්තුරාවණඃපූර්වදිවසේරාක්ෂසාධිපඃ ॥ 2 ॥
පුරීංපරියයෞලංකාංසර්වගුල්මානවේක්ෂිතුම් ।
තාංරාක්ෂසගණෛර්ගුප්තාංගුල්මෛර්බහුභිරාවෘතාම් ॥ 3 ॥
දදර්ශනගරීංලංකාංපතාකාධ්වජමාලිනීම් ।
රුද්ධාංතුනගරීංදෘෂ්ටවාරාවණෝරාක්ෂසේශ්වරඃ ॥ 4 ॥
උවාචාත්මහිතංකාලේප්රහස්තංයුද්ධකෝවිදම් ।
පුරස්යෝපනිවිෂ්ටස්යසහසාපීඩිතස්යවා ॥ 5 ॥
නාන්යංයුද්ධාත්ප්රපශ්යාමිමෝක්ෂංයුද්ධවිශාරද ।
අහංවාකුංභකර්ණෝවාත්වංවාසේනාපතිර්මම ॥ 6 ॥
ඉංද්රජිද්වානිකුංභෝවාවහේයුර්භාරමීදෘශම් ।
සත්වංබලමතශ්ශීඝ්රමාදායපරිගෘහ්යච ॥ 7 ॥
විජයායාභිනිර්යාහියත්රසර්වේවනෞකසඃ ।
නිර්යාණායාදේවතේනූනංචපලාහරිවාහිනී ॥ 8 ॥
නර්දතාංරාක්ෂසේංද්රාණාංශ්රුත්වානාදංද්රවිෂ්යති ।
චපලාහ්යවිනීතාශ්චචලචිත්තාශ්චවානරාඃ ॥ 9 ॥
නසහිෂ්යංතිතේනාදංසිංහනාදමිවද්විපාඃ ।
විද්රුතේචබලේතස්මින් රාමඃසෞමිත්රිණාසහ ॥ 10 ॥
අවශස්තේනිරාලංබඃප්රහස්තවශමේෂ්යති ।
ආපත්සංශයිතාශ්රේයෝනාත්රනිස්සංශයීකෘතා ॥ 11 ॥
ප්රතිලෝමානුලෝමංවායද්වානෝමන්යසේහිතම් ।
රාවණේනෛවමුක්තස්තුප්රහස්තෝවාහිනීපතිඃ ॥ 12 ॥
රාක්ෂසේංද්රමුවාචේදමසුරේංද්රමිවෝශනා ।
රාජන්මංත්රිතපූර්වංනඃකුශලෛස්සහමංත්රිභිඃ ॥ 13 ॥
විවාදශ්චාපිනෝවෘත්තස්සමවේක්ෂ්යපරස්පරම් ।
ප්රදානේනතුසීතායාඃශ්රේයෝව්යවසිතංමයා ॥ 14 ॥
අප්රදානේපුනර්යුද්ධංදෘෂ්ටමේත්තථෛවනඃ ।
සෝऽහංදානෛශ්චමානෛශ්චසතතංපූජිතස්ත්වයා ॥ 15 ॥
සාංත්වෛශ්චවිවිධෛඃකාලේකිංනකුර්යාංහිතංතව ।
නහිමේජීවිතංරක්ෂ්යංපුත්රදාරධනානිච ॥ 16 ॥
ත්වංපශ්යමාංජුහූෂංතංත්වදර්ථේජීවිතංයුධි ।
ඒවමුක්ත්වාතුභර්තාරංරාවණංවාහිනීපතිඃ ॥ 17 ॥
උවාචේදංබලාධ්යක්ෂාන්ප්රහස්තඃපුරතඃස්ථිතාන් ।
මේශීඝ්රංරාක්ෂසානාංමහාද්බලම් ॥ 18 ॥
මද්භාණාබ්දාවේගේනහතානාංශනිචරණාජිරේ ।
අද්යහෘෂ්යංතුමාංසාදාඃපක්ෂිණඃකානනෞකසාම් ॥ 19 ॥
ඉත්යුක්තාස්තේප්රහස්තේනබලාධ්යක්ෂාඃ කෘතත්වරාඃ ।
බලමුද්යෝජයාමාසුස්තස්මින්රාක්ෂසමංදිරේ ॥ 20 ॥
සාබභූවමුහූර්තේනනිග්මර්නානාවිධායුධෛඃ ।
ලංකාරාක්ෂසවීරෛස්තෛර්ගජෛරිවසමාකුලා ॥ 21 ॥
හුතාශනංතර්පයතාංබ්රාහ්මණාංශ්චනමස්යතාම් ।
ආජ්යගංධප්රතිවහඃසුරභිර්මාරුතෝවවෞ ॥ 22 ॥
ස්රජශ්චවිවිධාකාරාජගෘහුස්ත්වභිමංත්රිතාඃ ।
සංග්රාමසජ්ජාඃසම්හෘෂ්ටාධරායන්රාක්ෂසාස්තදා ॥ 23 ॥
සධනුෂ්කාඃකවචිනෝවේගාදාප්ලුත්යරාක්ෂසාඃ ।
රාවණංප්රේක්ෂ්යරාජානංප්රහස්තංපර්යවාරයන් ॥ 24 ॥
අථාමංත්ऱ්යතුරාජානංභේරීමාහත්යභෛරවාම් ।
ආරුරෝහරථංයුක්තඃප්රහස්තස්සජ්ජකල්පිතම් ॥ 25 ॥
හයෛර්මහාජවෛර්යුක්තංසම්යක්සූතසුසංයතම් ।
මහාජලදනිර්ඝෝෂංසාක්ෂාච්චංද්රාර්කභාස්වරම් ॥ 26 ॥
උරගධ්වජදුර්ධර්ෂංසුවරූථංස්වවස්කරම් ।
සුවර්ණජාලසංයුක්තංප්රහසංතමිවශ්රියා ॥ 27 ॥
තතස්තංරථමාස්ථායරාවණාර්පිතශාසනඃ ।
ලංකායානිර්යයෞතූර්ණංබලේනමහතාවෘතඃ ॥ 28 ॥
තතෝදුංධුභිනිර්ඝෝෂඃපර්ජන්යනිනදෝපමඃ ।
වාදිත්රාණාංචනිනදඃපූරයන්නිවමේදිනීම් ॥ 29 ॥
ශුශ්රුවේශංඛශබ්දශ්චප්රයාතේවාහිනීපතෞ ।
නිනදංතස්ස්වරාන්ඝෝරාන්රාක්ෂසාජග්මුරග්රතඃ ॥ 30 ॥
භීමරූපාමහාකායාඃප්රහස්තස්යපුරස්සරාඃ ।
නරාංතකඃකුංභහනුර්මහානාදස්සමුන්නතඃ ॥ 31 ॥
ප්රහස්තසචිවාහ්යේතේනිර්යයුඃපරිවාර්යතම් ।
ව්යූඪේනේවසුඝෝරේණපූර්වද්වාරාත්සනිර්යයෞ ॥ 32 ॥
ගජයූථනිකාශේනබලේනමහතාවෘතඃ ।
සාගරප්රතිමෞඝේනවෘතස්තේනබලේනසඃ ॥ 33 ॥
ප්රහස්තෝනිර්යයෞක්රුද්ධඃකාලාංතකයමෝපමඃ ।
තස්යනිර්යාණඝෝෂේණරාක්ෂසානාංචනර්දතාම් ॥ 34 ॥
ලංකායාංසර්වභූතානිවිනේදුර්විකෘතෛස්ස්වරෛඃ ।
ව්යභ්රමාකාශමාවිශ්යමාංසශෝණිතභෝජනාඃ ॥ 35 ॥
මංඩලාන්යපසව්යානිඛගාශ්චක්රූරථංප්රති ।
සම්නත්යඃපාවකජ්වාලාඃශිවාඝෝරාවවාශිරේ ॥ 36 ॥
අංතරික්ෂාත්පපාතෝල්කාවායුශ්චපරුෂංවනෞ ।
අන්යෝන්යමභිසංරබ්ධාග්රහාශ්චනචකාශිරේ ॥ 37 ॥
මේඝාශ්චඛරනිර්ඝෝෂාරථස්යෝපරිරක්ෂසඃ ।
වවෘෂංරුධිරංචාස්යසිෂිචුශ්චපුරස්සරාන් ॥ 38 ॥
කේතුර්මූර්ධනිගෘධ්රෝऽස්යනිලීනෝදක්ෂිණාමුඛඃ ।
තුදන්නුභයතඃපාර්ශ්වංසමග්රාමහරත්ප්රභාම් ॥ 39 ॥
සාරථේර්භහුශශ්චාස්යසංග්රාමමවගාහතඃ ।
ප්රතෝදෝන්යපතද්ධස්තාත්සූතස්යහයසාදිනඃ ॥ 40 ॥
නිර්යාණශ්රීශ්චයාऽස්යාසීද්භාස්වරාවසුදුර්ලභාඃ ।
සානනාශමුහූර්තේනසමේචස්ඛලිතාහයාඃ ॥ 41 ॥
ප්රහස්තංත්වභිනිර්යාංතංප්රඛ්යාතබලපෞරුෂම් ।
යුධිනානාප්රහරණාකපිසේනාऽභ්යවර්තත ॥ 42 ॥
අථඝෝෂස්සුතුමුලෝහරීණාංසමජායත ।
වෘක්ෂානාරුජතාංචෛවගුර්වීරාගෘහ්ණතාංශිලාඃ ॥ 43 ॥
නදතාංරාක්ෂසානාංචවානරාණාංචගර්ජතාම් ।
උභේප්රමුදිතේසෛන්යේරක්ෂෝගණවනෞකසාම් ॥ 44 ॥
වේගිතානාංසමර්ථානාමන්යෝන්යවධකාඞ් ක්ෂිණාම් ।
පරස්පරංචාහ්වයතාංනිනාද්ශූයතේමහාන් ॥ 45 ॥
තතඃප්රහස්තඃකපිරාජවාහිනීමභිප්රතස්ථේවිජයායදුර්මතිඃ ।
විවෘද්ධවේගංශ්චවිවේශතාංචමූංයථාමුමූර්ෂුශ්ශලභෝවිභාවසුම් ॥ 46 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ සප්තපංචාශස්සර්ගඃ ॥
