ශ්රීමද්වාල්මීකීය රාමායණේ යුද්ධකාංඩම් ।
අථ ෂෂ්ඨස්සර්ගඃ ।
ලංකායාංතුකෘතංකර්මඝෝරංදෘෂ්ටවාභයාවහම් ।
රාක්ෂසේංද්රෝහනුමතාශක්රේණේවමහාත්මනා ॥ 1 ॥
අබ්රවීද්රාක්ෂසාන් සර්වාන්හ්රියාකිංචිදවාඞ්මුඛඃ ।
ධර්ෂිතාචප්රවිෂ්ටාචලංකාදුෂ්ප්රසහාපුරී ॥ 2 ॥
තේනවානරමාත්රේණදෘෂ්ටාසීතාචජානකී ।
ප්රාසාදෝධර්ෂිතශ්චෛත්යඃප්රවරාරාක්ෂසාහතාඃ ॥ 3 ॥
ආවිලාචපුරීලංකාසර්වාහනුමතාකෘතා ।
කිංකරිෂ්යාමිභද්රංවෝකිංවායුක්තමනංතරම් ॥ 4 ॥
උච්යතාංනස්සමර්ථංයත්කෘතංචසුකෘතංභවේත් ।
මංත්රමූලංචවිජයංප්රවදංතිමනස්විනඃ ॥ 5 ॥
තස්මද්වෛරෝචයේමංත්රංරාමංප්රතිමහාබලාඃ ।
ත්රිවිධාඃපුරුෂාලෝකේඋත්තමාධමමධ්යමාඃ ॥ 6 ॥
තේෂාංතුසමවේතානාංගුණදෝෂෞවදාම්යහම් ।
මංත්රිභිර්හිතසංයුක්තෛස්සමර්ථෛර්මංත්රනිර්ණයේ ॥ 7 ॥
මිත්රෛර්වාපිසමානාර්ථෛර්බාංධවෛරපිවාධිකෛඃ ।
සහිතෝමංත්රියිත්වායඃකර්මාරංභාන්ප්රවර්තයේත් ॥ 8 ॥
දෛවේචකුරුතේයත්නංතමාහුඃපුරුෂෝත්තමම් ।
කෝऽර්ථංවිමෘශේදේකෝධර්මේප්රකුරුතේමනඃ ॥ 9 ॥
කඃකාර්යාණිකුරුතේතමාහුර්මධ්යමංනරම් ।
ගුණදෝෂෞවනිශිචත්ය ත්යක්ත්යාදෛවව්යපාශ්රයම් ॥ 10 ॥
කරිෂ්යාමීතියඃකාර්යමුපේක්ෂේත්සනරාධමඃ ।
යථේමේපුරුෂානිත්යමුත්තමාධමමධ්යමාඃ ॥ 11 ॥
වංමංත්රාऽහිවිජ්ඤේයාඋත්තමාධමමධ්යමඃ ।
ඓකමත්යමුපාගම්යශාස්ත්රදෘෂ්ටේනචක්ෂුෂා ॥ 12 ॥
මංත්රිණෝයත්රනිරතාස්තමාහුර්මංත්රමුත්තමම් ।
බහ්ව්යෝऽපිමතීර්ගත්වාමංත්රිණාමර්ථනිර්ණයේ ॥ 13 ॥
පුනර්යත්රෛකතාංප්රාප්තස්සමංත්රෝමධ්යමස්ස්මෘතඃ ।
අන්යෝන්යමතිමාස්ථායයත්රසංප්රතිභාෂ්යතේ ॥ 14 ॥
න ච ඓකමත්යේ ශ්රේයෝ අස්ති මංත්රඃ සෝ අධම උච්යතේ ।
තස්මාත් සුමංත්රිතං සාධු භවංතෝ මංත්රි සත්තමාඃ ॥ 15 ॥
කාර්යංසංප්රතිපද්යංතාමේතත්කෘත්යංමතංමම ।
වානරාණාංහිධීරාණාංසහස්රෛඃපරිවාරිතඃ ॥ 16 ॥
රාමෝऽභ්යේතිපුරීලංකාමස්මාකමුපරෝධකඃ ।
තරිෂ්යතිචසුව්යක්තංරාඝවස්සාගරංසුඛම් ॥ 17 ॥
තරසායුක්තරූපේණසානුජස්සබලානුගඃ ।
සමුද්රමුච්ඡෝෂයතිවීර්යේණාන්යත්කරෝතිවා ॥ 18 ॥
අස්මින්නේවංගතේකාර්යේවිරුද්ධේවානරෛස්සහ ।
හිතංපුරේචසෛන්යේචසර්වසම්මංත්රයතාංමම ॥ 19 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ෂෂ්ඨස්සර්ගඃ ॥
