శ్రీమద్వాల్మీకీయ రామాయణే యుద్ధకాండమ్ ।
అథ షష్ఠస్సర్గః ।
లంకాయాంతుకృతంకర్మఘోరందృష్టవాభయావహమ్ ।
రాక్షసేంద్రోహనుమతాశక్రేణేవమహాత్మనా ॥ 1 ॥
అబ్రవీద్రాక్షసాన్ సర్వాన్హ్రియాకించిదవాఙ్ముఖః ।
ధర్షితాచప్రవిష్టాచలంకాదుష్ప్రసహాపురీ ॥ 2 ॥
తేనవానరమాత్రేణదృష్టాసీతాచజానకీ ।
ప్రాసాదోధర్షితశ్చైత్యఃప్రవరారాక్షసాహతాః ॥ 3 ॥
ఆవిలాచపురీలంకాసర్వాహనుమతాకృతా ।
కింకరిష్యామిభద్రంవోకింవాయుక్తమనంతరమ్ ॥ 4 ॥
ఉచ్యతాంనస్సమర్థంయత్కృతంచసుకృతంభవేత్ ।
మంత్రమూలంచవిజయంప్రవదంతిమనస్వినః ॥ 5 ॥
తస్మద్వైరోచయేమంత్రంరామంప్రతిమహాబలాః ।
త్రివిధాఃపురుషాలోకేఉత్తమాధమమధ్యమాః ॥ 6 ॥
తేషాంతుసమవేతానాంగుణదోషౌవదామ్యహమ్ ।
మంత్రిభిర్హితసంయుక్తైస్సమర్థైర్మంత్రనిర్ణయే ॥ 7 ॥
మిత్రైర్వాపిసమానార్థైర్బాంధవైరపివాధికైః ।
సహితోమంత్రియిత్వాయఃకర్మారంభాన్ప్రవర్తయేత్ ॥ 8 ॥
దైవేచకురుతేయత్నంతమాహుఃపురుషోత్తమమ్ ।
కోఽర్థంవిమృశేదేకోధర్మేప్రకురుతేమనః ॥ 9 ॥
కఃకార్యాణికురుతేతమాహుర్మధ్యమంనరమ్ ।
గుణదోషౌవనిశిచత్య త్యక్త్యాదైవవ్యపాశ్రయమ్ ॥ 10 ॥
కరిష్యామీతియఃకార్యముపేక్షేత్సనరాధమః ।
యథేమేపురుషానిత్యముత్తమాధమమధ్యమాః ॥ 11 ॥
వంమంత్రాఽహివిజ్ఞేయాఉత్తమాధమమధ్యమః ।
ఐకమత్యముపాగమ్యశాస్త్రదృష్టేనచక్షుషా ॥ 12 ॥
మంత్రిణోయత్రనిరతాస్తమాహుర్మంత్రముత్తమమ్ ।
బహ్వ్యోఽపిమతీర్గత్వామంత్రిణామర్థనిర్ణయే ॥ 13 ॥
పునర్యత్రైకతాంప్రాప్తస్సమంత్రోమధ్యమస్స్మృతః ।
అన్యోన్యమతిమాస్థాయయత్రసంప్రతిభాష్యతే ॥ 14 ॥
న చ ఐకమత్యే శ్రేయో అస్తి మంత్రః సో అధమ ఉచ్యతే ।
తస్మాత్ సుమంత్రితం సాధు భవంతో మంత్రి సత్తమాః ॥ 15 ॥
కార్యంసంప్రతిపద్యంతామేతత్కృత్యంమతంమమ ।
వానరాణాంహిధీరాణాంసహస్రైఃపరివారితః ॥ 16 ॥
రామోఽభ్యేతిపురీలంకామస్మాకముపరోధకః ।
తరిష్యతిచసువ్యక్తంరాఘవస్సాగరంసుఖమ్ ॥ 17 ॥
తరసాయుక్తరూపేణసానుజస్సబలానుగః ।
సముద్రముచ్ఛోషయతివీర్యేణాన్యత్కరోతివా ॥ 18 ॥
అస్మిన్నేవంగతేకార్యేవిరుద్ధేవానరైస్సహ ।
హితంపురేచసైన్యేచసర్వసమ్మంత్రయతాంమమ ॥ 19 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే షష్ఠస్సర్గః ॥
