ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ഷഷ്ഠസ്സര്ഗഃ ।
ലംകായാംതുകൃതംകര്മഘോരംദൃഷ്ടവാഭയാവഹമ് ।
രാക്ഷസേംദ്രോഹനുമതാശക്രേണേവമഹാത്മനാ ॥ 1 ॥
അബ്രവീദ്രാക്ഷസാന് സർവാന്ഹ്രിയാകിംചിദവാങ്മുഖഃ ।
ധര്ഷിതാചപ്രവിഷ്ടാചലംകാദുഷ്പ്രസഹാപുരീ ॥ 2 ॥
തേനവാനരമാത്രേണദൃഷ്ടാസീതാചജാനകീ ।
പ്രാസാദോധര്ഷിതശ്ചൈത്യഃപ്രവരാരാക്ഷസാഹതാഃ ॥ 3 ॥
ആവിലാചപുരീലംകാസർവാഹനുമതാകൃതാ ।
കിംകരിഷ്യാമിഭദ്രംവോകിംവായുക്തമനംതരമ് ॥ 4 ॥
ഉച്യതാംനസ്സമര്ഥംയത്കൃതംചസുകൃതംഭവേത് ।
മംത്രമൂലംചവിജയംപ്രവദംതിമനസ്വിനഃ ॥ 5 ॥
തസ്മദ്വൈരോചയേമംത്രംരാമംപ്രതിമഹാബലാഃ ।
ത്രിവിധാഃപുരുഷാലോകേഉത്തമാധമമധ്യമാഃ ॥ 6 ॥
തേഷാംതുസമവേതാനാംഗുണദോഷൌവദാമ്യഹമ് ।
മംത്രിഭിര്ഹിതസംയുക്തൈസ്സമര്ഥൈര്മംത്രനിര്ണയേ ॥ 7 ॥
മിത്രൈർവാപിസമാനാര്ഥൈര്ബാംധവൈരപിവാധികൈഃ ।
സഹിതോമംത്രിയിത്വായഃകര്മാരംഭാന്പ്രവര്തയേത് ॥ 8 ॥
ദൈവേചകുരുതേയത്നംതമാഹുഃപുരുഷോത്തമമ് ।
കോഽര്ഥംവിമൃശേദേകോധര്മേപ്രകുരുതേമനഃ ॥ 9 ॥
കഃകാര്യാണികുരുതേതമാഹുര്മധ്യമംനരമ് ।
ഗുണദോഷൌവനിശിചത്യ ത്യക്ത്യാദൈവവ്യപാശ്രയമ് ॥ 10 ॥
കരിഷ്യാമീതിയഃകാര്യമുപേക്ഷേത്സനരാധമഃ ।
യഥേമേപുരുഷാനിത്യമുത്തമാധമമധ്യമാഃ ॥ 11 ॥
വംമംത്രാഽഹിവിജ്ഞേയാഉത്തമാധമമധ്യമഃ ।
ഐകമത്യമുപാഗമ്യശാസ്ത്രദൃഷ്ടേനചക്ഷുഷാ ॥ 12 ॥
മംത്രിണോയത്രനിരതാസ്തമാഹുര്മംത്രമുത്തമമ് ।
ബഹ്വ്യോഽപിമതീര്ഗത്വാമംത്രിണാമര്ഥനിര്ണയേ ॥ 13 ॥
പുനര്യത്രൈകതാംപ്രാപ്തസ്സമംത്രോമധ്യമസ്സ്മൃതഃ ।
അന്യോന്യമതിമാസ്ഥായയത്രസംപ്രതിഭാഷ്യതേ ॥ 14 ॥
ന ച ഐകമത്യേ ശ്രേയോ അസ്തി മംത്രഃ സോ അധമ ഉച്യതേ ।
തസ്മാത് സുമംത്രിതം സാധു ഭവംതോ മംത്രി സത്തമാഃ ॥ 15 ॥
കാര്യംസംപ്രതിപദ്യംതാമേതത്കൃത്യംമതംമമ ।
വാനരാണാംഹിധീരാണാംസഹസ്രൈഃപരിവാരിതഃ ॥ 16 ॥
രാമോഽഭ്യേതിപുരീലംകാമസ്മാകമുപരോധകഃ ।
തരിഷ്യതിചസുവ്യക്തംരാഘവസ്സാഗരംസുഖമ് ॥ 17 ॥
തരസായുക്തരൂപേണസാനുജസ്സബലാനുഗഃ ।
സമുദ്രമുച്ഛോഷയതിവീര്യേണാന്യത്കരോതിവാ ॥ 18 ॥
അസ്മിന്നേവംഗതേകാര്യേവിരുദ്ധേവാനരൈസ്സഹ ।
ഹിതംപുരേചസൈന്യേചസർവസമ്മംത്രയതാംമമ ॥ 19 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ഷഷ്ഠസ്സര്ഗഃ ॥
