ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଷଷ୍ଠସ୍ସର୍ଗଃ ।
ଲଂକାୟାଂତୁକୃତଂକର୍ମଘୋରଂଦୃଷ୍ଟଵାଭୟାଵହମ୍ ।
ରାକ୍ଷସେଂଦ୍ରୋହନୁମତାଶକ୍ରେଣେଵମହାତ୍ମନା ॥ 1 ॥
ଅବ୍ରଵୀଦ୍ରାକ୍ଷସାନ୍ ସର୍ଵାନ୍ହ୍ରିୟାକିଂଚିଦଵାଙ୍ମୁଖଃ ।
ଧର୍ଷିତାଚପ୍ରଵିଷ୍ଟାଚଲଂକାଦୁଷ୍ପ୍ରସହାପୁରୀ ॥ 2 ॥
ତେନଵାନରମାତ୍ରେଣଦୃଷ୍ଟାସୀତାଚଜାନକୀ ।
ପ୍ରାସାଦୋଧର୍ଷିତଶ୍ଚୈତ୍ୟଃପ୍ରଵରାରାକ୍ଷସାହତାଃ ॥ 3 ॥
ଆଵିଲାଚପୁରୀଲଂକାସର୍ଵାହନୁମତାକୃତା ।
କିଂକରିଷ୍ୟାମିଭଦ୍ରଂଵୋକିଂଵାୟୁକ୍ତମନଂତରମ୍ ॥ 4 ॥
ଉଚ୍ୟତାଂନସ୍ସମର୍ଥଂୟତ୍କୃତଂଚସୁକୃତଂଭଵେତ୍ ।
ମଂତ୍ରମୂଲଂଚଵିଜୟଂପ୍ରଵଦଂତିମନସ୍ଵିନଃ ॥ 5 ॥
ତସ୍ମଦ୍ଵୈରୋଚୟେମଂତ୍ରଂରାମଂପ୍ରତିମହାବଲାଃ ।
ତ୍ରିଵିଧାଃପୁରୁଷାଲୋକେଉତ୍ତମାଧମମଧ୍ୟମାଃ ॥ 6 ॥
ତେଷାଂତୁସମଵେତାନାଂଗୁଣଦୋଷୌଵଦାମ୍ୟହମ୍ ।
ମଂତ୍ରିଭିର୍ହିତସଂୟୁକ୍ତୈସ୍ସମର୍ଥୈର୍ମଂତ୍ରନିର୍ଣୟେ ॥ 7 ॥
ମିତ୍ରୈର୍ଵାପିସମାନାର୍ଥୈର୍ବାଂଧଵୈରପିଵାଧିକୈଃ ।
ସହିତୋମଂତ୍ରିୟିତ୍ଵାୟଃକର୍ମାରଂଭାନ୍ପ୍ରଵର୍ତୟେତ୍ ॥ 8 ॥
ଦୈଵେଚକୁରୁତେୟତ୍ନଂତମାହୁଃପୁରୁଷୋତ୍ତମମ୍ ।
କୋଽର୍ଥଂଵିମୃଶେଦେକୋଧର୍ମେପ୍ରକୁରୁତେମନଃ ॥ 9 ॥
କଃକାର୍ୟାଣିକୁରୁତେତମାହୁର୍ମଧ୍ୟମଂନରମ୍ ।
ଗୁଣଦୋଷୌଵନିଶିଚତ୍ୟ ତ୍ୟକ୍ତ୍ୟାଦୈଵଵ୍ୟପାଶ୍ରୟମ୍ ॥ 10 ॥
କରିଷ୍ୟାମୀତିୟଃକାର୍ୟମୁପେକ୍ଷେତ୍ସନରାଧମଃ ।
ୟଥେମେପୁରୁଷାନିତ୍ୟମୁତ୍ତମାଧମମଧ୍ୟମାଃ ॥ 11 ॥
ଵଂମଂତ୍ରାଽହିଵିଜ୍ଞେୟାଉତ୍ତମାଧମମଧ୍ୟମଃ ।
ଐକମତ୍ୟମୁପାଗମ୍ୟଶାସ୍ତ୍ରଦୃଷ୍ଟେନଚକ୍ଷୁଷା ॥ 12 ॥
ମଂତ୍ରିଣୋୟତ୍ରନିରତାସ୍ତମାହୁର୍ମଂତ୍ରମୁତ୍ତମମ୍ ।
ବହ୍ଵ୍ୟୋଽପିମତୀର୍ଗତ୍ଵାମଂତ୍ରିଣାମର୍ଥନିର୍ଣୟେ ॥ 13 ॥
ପୁନର୍ୟତ୍ରୈକତାଂପ୍ରାପ୍ତସ୍ସମଂତ୍ରୋମଧ୍ୟମସ୍ସ୍ମୃତଃ ।
ଅନ୍ୟୋନ୍ୟମତିମାସ୍ଥାୟୟତ୍ରସଂପ୍ରତିଭାଷ୍ୟତେ ॥ 14 ॥
ନ ଚ ଐକମତ୍ୟେ ଶ୍ରେୟୋ ଅସ୍ତି ମଂତ୍ରଃ ସୋ ଅଧମ ଉଚ୍ୟତେ ।
ତସ୍ମାତ୍ ସୁମଂତ୍ରିତଂ ସାଧୁ ଭଵଂତୋ ମଂତ୍ରି ସତ୍ତମାଃ ॥ 15 ॥
କାର୍ୟଂସଂପ୍ରତିପଦ୍ୟଂତାମେତତ୍କୃତ୍ୟଂମତଂମମ ।
ଵାନରାଣାଂହିଧୀରାଣାଂସହସ୍ରୈଃପରିଵାରିତଃ ॥ 16 ॥
ରାମୋଽଭ୍ୟେତିପୁରୀଲଂକାମସ୍ମାକମୁପରୋଧକଃ ।
ତରିଷ୍ୟତିଚସୁଵ୍ୟକ୍ତଂରାଘଵସ୍ସାଗରଂସୁଖମ୍ ॥ 17 ॥
ତରସାୟୁକ୍ତରୂପେଣସାନୁଜସ୍ସବଲାନୁଗଃ ।
ସମୁଦ୍ରମୁଚ୍ଛୋଷୟତିଵୀର୍ୟେଣାନ୍ୟତ୍କରୋତିଵା ॥ 18 ॥
ଅସ୍ମିନ୍ନେଵଂଗତେକାର୍ୟେଵିରୁଦ୍ଧେଵାନରୈସ୍ସହ ।
ହିତଂପୁରେଚସୈନ୍ୟେଚସର୍ଵସମ୍ମଂତ୍ରୟତାଂମମ ॥ 19 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଷଷ୍ଠସ୍ସର୍ଗଃ ॥
