શ્રીમદ્વાલ્મીકીય રામાયણે યુદ્ધકાંડમ્ ।
અથ ષષ્ઠસ્સર્ગઃ ।
લંકાયાંતુકૃતંકર્મઘોરંદૃષ્ટવાભયાવહમ્ ।
રાક્ષસેંદ્રોહનુમતાશક્રેણેવમહાત્મના ॥ 1 ॥
અબ્રવીદ્રાક્ષસાન્ સર્વાન્હ્રિયાકિંચિદવાઙ્મુખઃ ।
ધર્ષિતાચપ્રવિષ્ટાચલંકાદુષ્પ્રસહાપુરી ॥ 2 ॥
તેનવાનરમાત્રેણદૃષ્ટાસીતાચજાનકી ।
પ્રાસાદોધર્ષિતશ્ચૈત્યઃપ્રવરારાક્ષસાહતાઃ ॥ 3 ॥
આવિલાચપુરીલંકાસર્વાહનુમતાકૃતા ।
કિંકરિષ્યામિભદ્રંવોકિંવાયુક્તમનંતરમ્ ॥ 4 ॥
ઉચ્યતાંનસ્સમર્થંયત્કૃતંચસુકૃતંભવેત્ ।
મંત્રમૂલંચવિજયંપ્રવદંતિમનસ્વિનઃ ॥ 5 ॥
તસ્મદ્વૈરોચયેમંત્રંરામંપ્રતિમહાબલાઃ ।
ત્રિવિધાઃપુરુષાલોકેઉત્તમાધમમધ્યમાઃ ॥ 6 ॥
તેષાંતુસમવેતાનાંગુણદોષૌવદામ્યહમ્ ।
મંત્રિભિર્હિતસંયુક્તૈસ્સમર્થૈર્મંત્રનિર્ણયે ॥ 7 ॥
મિત્રૈર્વાપિસમાનાર્થૈર્બાંધવૈરપિવાધિકૈઃ ।
સહિતોમંત્રિયિત્વાયઃકર્મારંભાન્પ્રવર્તયેત્ ॥ 8 ॥
દૈવેચકુરુતેયત્નંતમાહુઃપુરુષોત્તમમ્ ।
કોઽર્થંવિમૃશેદેકોધર્મેપ્રકુરુતેમનઃ ॥ 9 ॥
કઃકાર્યાણિકુરુતેતમાહુર્મધ્યમંનરમ્ ।
ગુણદોષૌવનિશિચત્ય ત્યક્ત્યાદૈવવ્યપાશ્રયમ્ ॥ 10 ॥
કરિષ્યામીતિયઃકાર્યમુપેક્ષેત્સનરાધમઃ ।
યથેમેપુરુષાનિત્યમુત્તમાધમમધ્યમાઃ ॥ 11 ॥
વંમંત્રાઽહિવિજ્ઞેયાઉત્તમાધમમધ્યમઃ ।
ઐકમત્યમુપાગમ્યશાસ્ત્રદૃષ્ટેનચક્ષુષા ॥ 12 ॥
મંત્રિણોયત્રનિરતાસ્તમાહુર્મંત્રમુત્તમમ્ ।
બહ્વ્યોઽપિમતીર્ગત્વામંત્રિણામર્થનિર્ણયે ॥ 13 ॥
પુનર્યત્રૈકતાંપ્રાપ્તસ્સમંત્રોમધ્યમસ્સ્મૃતઃ ।
અન્યોન્યમતિમાસ્થાયયત્રસંપ્રતિભાષ્યતે ॥ 14 ॥
ન ચ ઐકમત્યે શ્રેયો અસ્તિ મંત્રઃ સો અધમ ઉચ્યતે ।
તસ્માત્ સુમંત્રિતં સાધુ ભવંતો મંત્રિ સત્તમાઃ ॥ 15 ॥
કાર્યંસંપ્રતિપદ્યંતામેતત્કૃત્યંમતંમમ ।
વાનરાણાંહિધીરાણાંસહસ્રૈઃપરિવારિતઃ ॥ 16 ॥
રામોઽભ્યેતિપુરીલંકામસ્માકમુપરોધકઃ ।
તરિષ્યતિચસુવ્યક્તંરાઘવસ્સાગરંસુખમ્ ॥ 17 ॥
તરસાયુક્તરૂપેણસાનુજસ્સબલાનુગઃ ।
સમુદ્રમુચ્છોષયતિવીર્યેણાન્યત્કરોતિવા ॥ 18 ॥
અસ્મિન્નેવંગતેકાર્યેવિરુદ્ધેવાનરૈસ્સહ ।
હિતંપુરેચસૈન્યેચસર્વસમ્મંત્રયતાંમમ ॥ 19 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે ષષ્ઠસ્સર્ગઃ ॥
