ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಷಷ್ಠಸ್ಸರ್ಗಃ ।
ಲಙ್ಕಾಯಾನ್ತುಕೃತಙ್ಕರ್ಮಘೋರನ್ದೃಷ್ಟವಾಭಯಾವಹಮ್ ।
ರಾಕ್ಷಸೇನ್ದ್ರೋಹನುಮತಾಶಕ್ರೇಣೇವಮಹಾತ್ಮನಾ ॥ 1 ॥
ಅಬ್ರವೀದ್ರಾಕ್ಷಸಾನ್ ಸರ್ವಾನ್ಹ್ರಿಯಾಕಿಞ್ಚಿದವಾಙ್ಮುಖಃ ।
ಧರ್ಷಿತಾಚಪ್ರವಿಷ್ಟಾಚಲಙ್ಕಾದುಷ್ಪ್ರಸಹಾಪುರೀ ॥ 2 ॥
ತೇನವಾನರಮಾತ್ರೇಣದೃಷ್ಟಾಸೀತಾಚಜಾನಕೀ ।
ಪ್ರಾಸಾದೋಧರ್ಷಿತಶ್ಚೈತ್ಯಃಪ್ರವರಾರಾಕ್ಷಸಾಹತಾಃ ॥ 3 ॥
ಆವಿಲಾಚಪುರೀಲಙ್ಕಾಸರ್ವಾಹನುಮತಾಕೃತಾ ।
ಕಿಙ್ಕರಿಷ್ಯಾಮಿಭದ್ರಂವೋಕಿಂವಾಯುಕ್ತಮನನ್ತರಮ್ ॥ 4 ॥
ಉಚ್ಯತಾನ್ನಸ್ಸಮರ್ಥಂಯತ್ಕೃತಞ್ಚಸುಕೃತಮ್ಭವೇತ್ ।
ಮನ್ತ್ರಮೂಲಞ್ಚವಿಜಯಮ್ಪ್ರವದನ್ತಿಮನಸ್ವಿನಃ ॥ 5 ॥
ತಸ್ಮದ್ವೈರೋಚಯೇಮನ್ತ್ರಂರಾಮಮ್ಪ್ರತಿಮಹಾಬಲಾಃ ।
ತ್ರಿವಿಧಾಃಪುರುಷಾಲೋಕೇಉತ್ತಮಾಧಮಮಧ್ಯಮಾಃ ॥ 6 ॥
ತೇಷಾನ್ತುಸಮವೇತಾನಾಙ್ಗುಣದೋಷೌವದಾಮ್ಯಹಮ್ ।
ಮನ್ತ್ರಿಭಿರ್ಹಿತಸಂಯುಕ್ತೈಸ್ಸಮರ್ಥೈರ್ಮನ್ತ್ರನಿರ್ಣಯೇ ॥ 7 ॥
ಮಿತ್ರೈರ್ವಾಪಿಸಮಾನಾರ್ಥೈರ್ಬಾನ್ಧವೈರಪಿವಾಧಿಕೈಃ ।
ಸಹಿತೋಮನ್ತ್ರಿಯಿತ್ವಾಯಃಕರ್ಮಾರಮ್ಭಾನ್ಪ್ರವರ್ತಯೇತ್ ॥ 8 ॥
ದೈವೇಚಕುರುತೇಯತ್ನನ್ತಮಾಹುಃಪುರುಷೋತ್ತಮಮ್ ।
ಕೋಽರ್ಥಂವಿಮೃಶೇದೇಕೋಧರ್ಮೇಪ್ರಕುರುತೇಮನಃ ॥ 9 ॥
ಕಃಕಾರ್ಯಾಣಿಕುರುತೇತಮಾಹುರ್ಮಧ್ಯಮನ್ನರಮ್ ।
ಗುಣದೋಷೌವನಿಶಿಚತ್ಯ ತ್ಯಕ್ತ್ಯಾದೈವವ್ಯಪಾಶ್ರಯಮ್ ॥ 10 ॥
ಕರಿಷ್ಯಾಮೀತಿಯಃಕಾರ್ಯಮುಪೇಕ್ಷೇತ್ಸನರಾಧಮಃ ।
ಯಥೇಮೇಪುರುಷಾನಿತ್ಯಮುತ್ತಮಾಧಮಮಧ್ಯಮಾಃ ॥ 11 ॥
ವಮ್ಮನ್ತ್ರಾಽಹಿವಿಜ್ಞೇಯಾಉತ್ತಮಾಧಮಮಧ್ಯಮಃ ।
ಐಕಮತ್ಯಮುಪಾಗಮ್ಯಶಾಸ್ತ್ರದೃಷ್ಟೇನಚಕ್ಷುಷಾ ॥ 12 ॥
ಮನ್ತ್ರಿಣೋಯತ್ರನಿರತಾಸ್ತಮಾಹುರ್ಮನ್ತ್ರಮುತ್ತಮಮ್ ।
ಬಹ್ವ್ಯೋಽಪಿಮತೀರ್ಗತ್ವಾಮನ್ತ್ರಿಣಾಮರ್ಥನಿರ್ಣಯೇ ॥ 13 ॥
ಪುನರ್ಯತ್ರೈಕತಾಮ್ಪ್ರಾಪ್ತಸ್ಸಮನ್ತ್ರೋಮಧ್ಯಮಸ್ಸ್ಮೃತಃ ।
ಅನ್ಯೋನ್ಯಮತಿಮಾಸ್ಥಾಯಯತ್ರಸಮ್ಪ್ರತಿಭಾಷ್ಯತೇ ॥ 14 ॥
ನ ಚ ಐಕಮತ್ಯೇ ಶ್ರೇಯೋ ಅಸ್ತಿ ಮನ್ತ್ರಃ ಸೋ ಅಧಮ ಉಚ್ಯತೇ ।
ತಸ್ಮಾತ್ ಸುಮನ್ತ್ರಿತಂ ಸಾಧು ಭವನ್ತೋ ಮನ್ತ್ರಿ ಸತ್ತಮಾಃ ॥ 15 ॥
ಕಾರ್ಯಂಸಮ್ಪ್ರತಿಪದ್ಯನ್ತಾಮೇತತ್ಕೃತ್ಯಮ್ಮತಮ್ಮಮ ।
ವಾನರಾಣಾಂಹಿಧೀರಾಣಾಂಸಹಸ್ರೈಃಪರಿವಾರಿತಃ ॥ 16 ॥
ರಾಮೋಽಭ್ಯೇತಿಪುರೀಲಙ್ಕಾಮಸ್ಮಾಕಮುಪರೋಧಕಃ ।
ತರಿಷ್ಯತಿಚಸುವ್ಯಕ್ತಂರಾಘವಸ್ಸಾಗರಂಸುಖಮ್ ॥ 17 ॥
ತರಸಾಯುಕ್ತರೂಪೇಣಸಾನುಜಸ್ಸಬಲಾನುಗಃ ।
ಸಮುದ್ರಮುಚ್ಛೋಷಯತಿವೀರ್ಯೇಣಾನ್ಯತ್ಕರೋತಿವಾ ॥ 18 ॥
ಅಸ್ಮಿನ್ನೇವಙ್ಗತೇಕಾರ್ಯೇವಿರುದ್ಧೇವಾನರೈಸ್ಸಹ ।
ಹಿತಮ್ಪುರೇಚಸೈನ್ಯೇಚಸರ್ವಸಮ್ಮನ್ತ್ರಯತಾಮ್ಮಮ ॥ 19 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಷಷ್ಠಸ್ಸರ್ಗಃ ॥
