śrīmadvālmīkīya rāmāyaṇē yuddhakāṇḍam ।
atha ṣaṣṭhassargaḥ ।
laṅkāyāntukṛtaṅkarmaghōrandṛṣṭavābhayāvaham ।
rākṣasēndrōhanumatāśakrēṇēvamahātmanā ॥ 1 ॥
abravīdrākṣasān sarvānhriyākiñchidavāṅmukhaḥ ।
dharṣitāchapraviṣṭāchalaṅkāduṣprasahāpurī ॥ 2 ॥
tēnavānaramātrēṇadṛṣṭāsītāchajānakī ।
prāsādōdharṣitaśchaityaḥpravarārākṣasāhatāḥ ॥ 3 ॥
āvilāchapurīlaṅkāsarvāhanumatākṛtā ।
kiṅkariṣyāmibhadraṃvōkiṃvāyuktamanantaram ॥ 4 ॥
uchyatānnassamarthaṃyatkṛtañchasukṛtambhavēt ।
mantramūlañchavijayampravadantimanasvinaḥ ॥ 5 ॥
tasmadvairōchayēmantraṃrāmampratimahābalāḥ ।
trividhāḥpuruṣālōkēuttamādhamamadhyamāḥ ॥ 6 ॥
tēṣāntusamavētānāṅguṇadōṣauvadāmyaham ।
mantribhirhitasaṃyuktaissamarthairmantranirṇayē ॥ 7 ॥
mitrairvāpisamānārthairbāndhavairapivādhikaiḥ ।
sahitōmantriyitvāyaḥkarmārambhānpravartayēt ॥ 8 ॥
daivēchakurutēyatnantamāhuḥpuruṣōttamam ।
kō'rthaṃvimṛśēdēkōdharmēprakurutēmanaḥ ॥ 9 ॥
kaḥkāryāṇikurutētamāhurmadhyamannaram ।
guṇadōṣauvaniśichatya tyaktyādaivavyapāśrayam ॥ 10 ॥
kariṣyāmītiyaḥkāryamupēkṣētsanarādhamaḥ ।
yathēmēpuruṣānityamuttamādhamamadhyamāḥ ॥ 11 ॥
vammantrā'hivijñēyāuttamādhamamadhyamaḥ ।
aikamatyamupāgamyaśāstradṛṣṭēnachakṣuṣā ॥ 12 ॥
mantriṇōyatraniratāstamāhurmantramuttamam ।
bahvyō'pimatīrgatvāmantriṇāmarthanirṇayē ॥ 13 ॥
punaryatraikatāmprāptassamantrōmadhyamassmṛtaḥ ।
anyōnyamatimāsthāyayatrasampratibhāṣyatē ॥ 14 ॥
na cha aikamatyē śrēyō asti mantraḥ sō adhama uchyatē ।
tasmāt sumantritaṃ sādhu bhavantō mantri sattamāḥ ॥ 15 ॥
kāryaṃsampratipadyantāmētatkṛtyammatammama ।
vānarāṇāṃhidhīrāṇāṃsahasraiḥparivāritaḥ ॥ 16 ॥
rāmō'bhyētipurīlaṅkāmasmākamuparōdhakaḥ ।
tariṣyatichasuvyaktaṃrāghavassāgaraṃsukham ॥ 17 ॥
tarasāyuktarūpēṇasānujassabalānugaḥ ।
samudramuchChōṣayativīryēṇānyatkarōtivā ॥ 18 ॥
asminnēvaṅgatēkāryēviruddhēvānaraissaha ।
hitampurēchasainyēchasarvasammantrayatāmmama ॥ 19 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē ṣaṣṭhassargaḥ ॥
