శ్రీమద్వాల్మీకీయ రామాయణే యుద్ధకాండమ్ ।
అథ ద్విషష్టితమస్సర్గః ।
స తురాక్షసశార్దూలోనిద్రామదసమాకులః ।
రాజమార్గంశ్రియాజుష్టంయయౌవిపులవిక్రమః ॥ 1 ॥
రాక్షసానాంసహస్రైశ్చవృతఃపరమదుర్జయః ।
గృహేభ్యఃపుష్పవర్షేణకీర్యమాణస్తదాయయౌ ॥ 2 ॥
స హేమజాలవితతంభానుభాస్వరదర్శనమ్ ।
దదర్శవిపులంరమ్యంరాక్షసేంద్రనివేశనమ్ ॥ 3 ॥
స తత్తదా సూర్య ఇవాభ్రజాలమ్ ।
ప్రవిశ్య రక్షోధిపతేర్నివేశనమ్ ।
దదర్శ దూరేఽగ్రజమాసనస్థమ్ ।
స్వయంభువం శక్ర ఇవాసనస్థమ్ ॥ 4 ॥
భ్రాతుస్సభవనంగచ్ఛన్రక్షోగణసమన్విమ్ ।
కుంభకర్ణఃపదన్యాసైరకంపయతమేదినీమ్ ॥ 5 ॥
సోఽభిగమ్యగృహంభ్రాతుఃకక్ష్యామభివిగాహ్య చ ।
దదర్శోద్విగన్నమాసీనంవిమానేపుష్పకేగురుమ్ ॥ 6 ॥
అథదృష్టవాదశగ్రీవఃకుంభకర్ణముపస్థితమ్ ।
తూర్ణముత్థాయసంహృష్టఃసన్నికర్షముపానయత్ ॥ 7 ॥
అథాసీనస్యపర్యంకేకుంభకర్ణోమహాబలః ।
భ్రాతుర్వవందేచరణౌకింకృత్యమితిచాబ్రవీత్ ॥ 8 ॥
ఉత్పత్యచైనంముదితోరావణఃపరిషస్వజే ।
స భ్రాత్రాసంపరిష్వక్తోయథావచ్ఛాభినందితః ॥ 9 ॥
కుంభకర్ణశ్శుభందివ్యంప్రతిపేదేవరాసనమ్ ।
స తదాసనమాశ్రిత్యకుంభకర్ణోమహాబలః ॥ 10 ॥
సంరక్తనయనఃక్రోధాద్రావణంవాక్యమబ్రవీత్ ।
కిమర్థమహమాదృత్యత్వయారాజన్విబోధితః ॥ 11 ॥
శంసకస్మాద్భయంతేఽత్రకోఽద్యప్రేతోభవిష్యతి ।
భ్రాతరంరావణఃక్రుద్ధంకుంభకర్ణమవస్థితమ్ ॥ 12 ॥
ఈషత్తుపరివృత్తాభ్యాంనేత్రాభ్యాంవాక్యమబ్రవీత్ ।
అద్యతేసుమహాన్కాలశ్శయానస్యమహాబల ॥ 13 ॥
సుఖితస్త్వం న జానీషేమమరామకృతంభయమ్ ।
ఏషదాశరథీరామఃసుగ్రీవసహితోబలీ ॥ 14 ॥
సముద్రంసబలస్తీర్త్వామూలంనఃపరికృంతతి ।
హంతపశ్యస్వలంకాయావనాన్యుపవనాని చ ॥ 15 ॥
సేతునాసుఖమాగమ్యవానరైకార్ణవీకృతమ్ ।
యేరాక్షసాముఖ్యతమాహతాస్తేవానరైర్యుధి ॥ 16 ॥
వానరాణాంక్షయంయుద్ధే న పశ్యామికదాచన ।
నచాపివానరాయుద్ధేజితపూర్వాఃకదాచన ॥ 17 ॥
తదేతద్భయముత్పన్నంత్రాయస్వేమాంమహబల ।
నాశయత్వమిమానద్యతదర్థంబోధితోభవాన్ ॥ 18 ॥
సర్వక్షపితకోశం చ స త్వమభ్యవపద్యమామ్ ।
త్రాయస్వేమాంపురీంలంకాంబాలవృద్ధావశేషితామ్ ॥ 19 ॥
భ్రాతురర్థేమహాబాహో కురుకర్మసుదుష్కరమ్ ।
మయైవంనోక్తపూర్వోహికశ్చిద్భ్రాతః పరంతప ॥ 20 ॥
త్వయ్యస్తిమమస్నేహఃపరాసంభావనా చ మే ।
దైవాసురేషుయుద్ధేషుబహుశోరాక్షసర్షభ ॥ 21 ॥
త్వయాదేవాఃప్రతివ్యూహ్యనిర్జితాశ్చాసురాయుధి ।
తదేతత్సర్వమాతిష్ఠవీర్యంభీమపరాక్రమ ॥ 22 ॥
న హి తే సర్వభూతేషు దృశ్యతే సదృశో బలీ ।
కురుష్వ మే ప్రియహితమేతదుత్తమమ్ ।
యథాప్రియం ప్రియరణ బాంధవప్రియ ।
స్వతేజసా విధమ సపత్నవాహినీమ్ ।
శరద్ఘనం పవన ఇవోద్యతో మహాన్ ॥ 23 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే ద్విషష్టితమస్సర్గః ॥
