শ্রীমদ্বাল্মীকীয় রামাযণে যুদ্ধকাংডম্ ।
অথ দ্বিষষ্টিতমস্সর্গঃ ।
স তুরাক্ষসশার্দূলোনিদ্রামদসমাকুলঃ ।
রাজমার্গংশ্রিয়াজুষ্টংযয়ৌবিপুলবিক্রমঃ ॥ 1 ॥
রাক্ষসানাংসহস্রৈশ্চবৃতঃপরমদুর্জয়ঃ ।
গৃহেভ্য়ঃপুষ্পবর্ষেণকীর্যমাণস্তদাযয়ৌ ॥ 2 ॥
স হেমজালবিততংভানুভাস্বরদর্শনম্ ।
দদর্শবিপুলংরম্য়ংরাক্ষসেংদ্রনিবেশনম্ ॥ 3 ॥
স তত্তদা সূর্য় ইবাভ্রজালম্ ।
প্রবিশ্য় রক্ষোধিপতের্নিবেশনম্ ।
দদর্শ দূরেঽগ্রজমাসনস্থম্ ।
স্বয়ংভুবং শক্র ইবাসনস্থম্ ॥ 4 ॥
ভ্রাতুস্সভবনংগচ্ছন্রক্ষোগণসমন্বিম্ ।
কুংভকর্ণঃপদন্য়াসৈরকংপযতমেদিনীম্ ॥ 5 ॥
সোঽভিগম্যগৃহংভ্রাতুঃকক্ষ্য়ামভিবিগাহ্য় চ ।
দদর্শোদ্বিগন্নমাসীনংবিমানেপুষ্পকেগুরুম্ ॥ 6 ॥
অথদৃষ্টবাদশগ্রীবঃকুংভকর্ণমুপস্থিতম্ ।
তূর্ণমুত্থাযসংহৃষ্টঃসন্নিকর্ষমুপানযত্ ॥ 7 ॥
অথাসীনস্যপর্য়ংকেকুংভকর্ণোমহাবলঃ ।
ভ্রাতুর্ববংদেচরণৌকিংকৃত্যমিতিচাব্রবীত্ ॥ 8 ॥
উত্পত্যচৈনংমুদিতোরাবণঃপরিষস্বজে ।
স ভ্রাত্রাসংপরিষ্বক্তোযথাবচ্ছাভিনংদিতঃ ॥ 9 ॥
কুংভকর্ণশ্শুভংদিব্য়ংপ্রতিপেদেবরাসনম্ ।
স তদাসনমাশ্রিত্যকুংভকর্ণোমহাবলঃ ॥ 10 ॥
সংরক্তনযনঃক্রোধাদ্রাবণংবাক্যমব্রবীত্ ।
কিমর্থমহমাদৃত্যত্বয়ারাজন্বিবোধিতঃ ॥ 11 ॥
শংসকস্মাদ্ভয়ংতেঽত্রকোঽদ্যপ্রেতোভবিষ্যতি ।
ভ্রাতরংরাবণঃক্রুদ্ধংকুংভকর্ণমবস্থিতম্ ॥ 12 ॥
ঈষত্তুপরিবৃত্তাভ্য়াংনেত্রাভ্য়াংবাক্যমব্রবীত্ ।
অদ্যতেসুমহান্কালশ্শয়ানস্যমহাবল ॥ 13 ॥
সুখিতস্ত্বং ন জানীষেমমরামকৃতংভযম্ ।
এষদাশরথীরামঃসুগ্রীবসহিতোবলী ॥ 14 ॥
সমুদ্রংসবলস্তীর্ত্বামূলংনঃপরিকৃংততি ।
হংতপশ্যস্বলংকায়াবনান্য়ুপবনানি চ ॥ 15 ॥
সেতুনাসুখমাগম্যবানরৈকার্ণবীকৃতম্ ।
যেরাক্ষসামুখ্যতমাহতাস্তেবানরৈর্য়ুধি ॥ 16 ॥
বানরাণাংক্ষয়ংয়ুদ্ধে ন পশ্য়ামিকদাচন ।
নচাপিবানরায়ুদ্ধেজিতপূর্বাঃকদাচন ॥ 17 ॥
তদেতদ্ভযমুত্পন্নংত্রাযস্বেমাংমহবল ।
নাশযত্বমিমানদ্যতদর্থংবোধিতোভবান্ ॥ 18 ॥
সর্বক্ষপিতকোশং চ স ত্বমভ্যবপদ্যমাম্ ।
ত্রাযস্বেমাংপুরীংলংকাংবালবৃদ্ধাবশেষিতাম্ ॥ 19 ॥
ভ্রাতুরর্থেমহাবাহো কুরুকর্মসুদুষ্করম্ ।
ময়ৈবংনোক্তপূর্বোহিকশ্চিদ্ভ্রাতঃ পরংতপ ॥ 20 ॥
ত্বয়্যস্তিমমস্নেহঃপরাসংভাবনা চ মে ।
দৈবাসুরেষুয়ুদ্ধেষুবহুশোরাক্ষসর্ষভ ॥ 21 ॥
ত্বয়াদেবাঃপ্রতিব্য়ূহ্যনির্জিতাশ্চাসুরায়ুধি ।
তদেতত্সর্বমাতিষ্ঠবীর্য়ংভীমপরাক্রম ॥ 22 ॥
ন হি তে সর্বভূতেষু দৃশ্যতে সদৃশো বলী ।
কুরুষ্ব মে প্রিযহিতমেতদুত্তমম্ ।
যথাপ্রিয়ং প্রিযরণ বাংধবপ্রিয় ।
স্বতেজসা বিধম সপত্নবাহিনীম্ ।
শরদ্ঘনং পবন ইবোদ্যতো মহান্ ॥ 23 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে যুদ্ধকাংডে দ্বিষষ্টিতমস্সর্গঃ ॥
