ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ദ്വിഷഷ്ടിതമസ്സര്ഗഃ ।
സ തുരാക്ഷസശാര്ദൂലോനിദ്രാമദസമാകുലഃ ।
രാജമാര്ഗംശ്രിയാജുഷ്ടംയയൌവിപുലവിക്രമഃ ॥ 1 ॥
രാക്ഷസാനാംസഹസ്രൈശ്ചവൃതഃപരമദുര്ജയഃ ।
ഗൃഹേഭ്യഃപുഷ്പവര്ഷേണകീര്യമാണസ്തദായയൌ ॥ 2 ॥
സ ഹേമജാലവിതതംഭാനുഭാസ്വരദര്ശനമ് ।
ദദര്ശവിപുലംരമ്യംരാക്ഷസേംദ്രനിവേശനമ് ॥ 3 ॥
സ തത്തദാ സൂര്യ ഇവാഭ്രജാലമ് ।
പ്രവിശ്യ രക്ഷോധിപതേര്നിവേശനമ് ।
ദദര്ശ ദൂരേഽഗ്രജമാസനസ്ഥമ് ।
സ്വയംഭുവം ശക്ര ഇവാസനസ്ഥമ് ॥ 4 ॥
ഭ്രാതുസ്സഭവനംഗച്ഛന്രക്ഷോഗണസമന്വിമ് ।
കുംഭകര്ണഃപദന്യാസൈരകംപയതമേദിനീമ് ॥ 5 ॥
സോഽഭിഗമ്യഗൃഹംഭ്രാതുഃകക്ഷ്യാമഭിവിഗാഹ്യ ച ।
ദദര്ശോദ്വിഗന്നമാസീനംവിമാനേപുഷ്പകേഗുരുമ് ॥ 6 ॥
അഥദൃഷ്ടവാദശഗ്രീവഃകുംഭകര്ണമുപസ്ഥിതമ് ।
തൂര്ണമുത്ഥായസംഹൃഷ്ടഃസന്നികര്ഷമുപാനയത് ॥ 7 ॥
അഥാസീനസ്യപര്യംകേകുംഭകര്ണോമഹാബലഃ ।
ഭ്രാതുർവവംദേചരണൌകിംകൃത്യമിതിചാബ്രവീത് ॥ 8 ॥
ഉത്പത്യചൈനംമുദിതോരാവണഃപരിഷസ്വജേ ।
സ ഭ്രാത്രാസംപരിഷ്വക്തോയഥാവച്ഛാഭിനംദിതഃ ॥ 9 ॥
കുംഭകര്ണശ്ശുഭംദിവ്യംപ്രതിപേദേവരാസനമ് ।
സ തദാസനമാശ്രിത്യകുംഭകര്ണോമഹാബലഃ ॥ 10 ॥
സംരക്തനയനഃക്രോധാദ്രാവണംവാക്യമബ്രവീത് ।
കിമര്ഥമഹമാദൃത്യത്വയാരാജന്വിബോധിതഃ ॥ 11 ॥
ശംസകസ്മാദ്ഭയംതേഽത്രകോഽദ്യപ്രേതോഭവിഷ്യതി ।
ഭ്രാതരംരാവണഃക്രുദ്ധംകുംഭകര്ണമവസ്ഥിതമ് ॥ 12 ॥
ഈഷത്തുപരിവൃത്താഭ്യാംനേത്രാഭ്യാംവാക്യമബ്രവീത് ।
അദ്യതേസുമഹാന്കാലശ്ശയാനസ്യമഹാബല ॥ 13 ॥
സുഖിതസ്ത്വം ന ജാനീഷേമമരാമകൃതംഭയമ് ।
ഏഷദാശരഥീരാമഃസുഗ്രീവസഹിതോബലീ ॥ 14 ॥
സമുദ്രംസബലസ്തീര്ത്വാമൂലംനഃപരികൃംതതി ।
ഹംതപശ്യസ്വലംകായാവനാന്യുപവനാനി ച ॥ 15 ॥
സേതുനാസുഖമാഗമ്യവാനരൈകാര്ണവീകൃതമ് ।
യേരാക്ഷസാമുഖ്യതമാഹതാസ്തേവാനരൈര്യുധി ॥ 16 ॥
വാനരാണാംക്ഷയംയുദ്ധേ ന പശ്യാമികദാചന ।
നചാപിവാനരായുദ്ധേജിതപൂർവാഃകദാചന ॥ 17 ॥
തദേതദ്ഭയമുത്പന്നംത്രായസ്വേമാംമഹബല ।
നാശയത്വമിമാനദ്യതദര്ഥംബോധിതോഭവാന് ॥ 18 ॥
സർവക്ഷപിതകോശം ച സ ത്വമഭ്യവപദ്യമാമ് ।
ത്രായസ്വേമാംപുരീംലംകാംബാലവൃദ്ധാവശേഷിതാമ് ॥ 19 ॥
ഭ്രാതുരര്ഥേമഹാബാഹോ കുരുകര്മസുദുഷ്കരമ് ।
മയൈവംനോക്തപൂർവോഹികശ്ചിദ്ഭ്രാതഃ പരംതപ ॥ 20 ॥
ത്വയ്യസ്തിമമസ്നേഹഃപരാസംഭാവനാ ച മേ ।
ദൈവാസുരേഷുയുദ്ധേഷുബഹുശോരാക്ഷസര്ഷഭ ॥ 21 ॥
ത്വയാദേവാഃപ്രതിവ്യൂഹ്യനിര്ജിതാശ്ചാസുരായുധി ।
തദേതത്സർവമാതിഷ്ഠവീര്യംഭീമപരാക്രമ ॥ 22 ॥
ന ഹി തേ സർവഭൂതേഷു ദൃശ്യതേ സദൃശോ ബലീ ।
കുരുഷ്വ മേ പ്രിയഹിതമേതദുത്തമമ് ।
യഥാപ്രിയം പ്രിയരണ ബാംധവപ്രിയ ।
സ്വതേജസാ വിധമ സപത്നവാഹിനീമ് ।
ശരദ്ഘനം പവന ഇവോദ്യതോ മഹാന് ॥ 23 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ദ്വിഷഷ്ടിതമസ്സര്ഗഃ ॥
