ශ්රීමද්වාල්මීකීය රාමායණේ යුද්ධකාංඩම් ।
අථ ද්විෂෂ්ටිතමස්සර්ගඃ ।
ස තුරාක්ෂසශාර්දූලෝනිද්රාමදසමාකුලඃ ।
රාජමාර්ගංශ්රියාජුෂ්ටංයයෞවිපුලවික්රමඃ ॥ 1 ॥
රාක්ෂසානාංසහස්රෛශ්චවෘතඃපරමදුර්ජයඃ ।
ගෘහේභ්යඃපුෂ්පවර්ෂේණකීර්යමාණස්තදායයෞ ॥ 2 ॥
ස හේමජාලවිතතංභානුභාස්වරදර්ශනම් ।
දදර්ශවිපුලංරම්යංරාක්ෂසේංද්රනිවේශනම් ॥ 3 ॥
ස තත්තදා සූර්ය ඉවාභ්රජාලම් ।
ප්රවිශ්ය රක්ෂෝධිපතේර්නිවේශනම් ।
දදර්ශ දූරේऽග්රජමාසනස්ථම් ।
ස්වයංභුවං ශක්ර ඉවාසනස්ථම් ॥ 4 ॥
භ්රාතුස්සභවනංගච්ඡන්රක්ෂෝගණසමන්විම් ।
කුංභකර්ණඃපදන්යාසෛරකංපයතමේදිනීම් ॥ 5 ॥
සෝऽභිගම්යගෘහංභ්රාතුඃකක්ෂ්යාමභිවිගාහ්ය ච ।
දදර්ශෝද්විගන්නමාසීනංවිමානේපුෂ්පකේගුරුම් ॥ 6 ॥
අථදෘෂ්ටවාදශග්රීවඃකුංභකර්ණමුපස්ථිතම් ।
තූර්ණමුත්ථායසංහෘෂ්ටඃසන්නිකර්ෂමුපානයත් ॥ 7 ॥
අථාසීනස්යපර්යංකේකුංභකර්ණෝමහාබලඃ ।
භ්රාතුර්වවංදේචරණෞකිංකෘත්යමිතිචාබ්රවීත් ॥ 8 ॥
උත්පත්යචෛනංමුදිතෝරාවණඃපරිෂස්වජේ ।
ස භ්රාත්රාසංපරිෂ්වක්තෝයථාවච්ඡාභිනංදිතඃ ॥ 9 ॥
කුංභකර්ණශ්ශුභංදිව්යංප්රතිපේදේවරාසනම් ।
ස තදාසනමාශ්රිත්යකුංභකර්ණෝමහාබලඃ ॥ 10 ॥
සංරක්තනයනඃක්රෝධාද්රාවණංවාක්යමබ්රවීත් ।
කිමර්ථමහමාදෘත්යත්වයාරාජන්විබෝධිතඃ ॥ 11 ॥
ශංසකස්මාද්භයංතේऽත්රකෝऽද්යප්රේතෝභවිෂ්යති ।
භ්රාතරංරාවණඃක්රුද්ධංකුංභකර්ණමවස්ථිතම් ॥ 12 ॥
ඊෂත්තුපරිවෘත්තාභ්යාංනේත්රාභ්යාංවාක්යමබ්රවීත් ।
අද්යතේසුමහාන්කාලශ්ශයානස්යමහාබල ॥ 13 ॥
සුඛිතස්ත්වං න ජානීෂේමමරාමකෘතංභයම් ।
ඒෂදාශරථීරාමඃසුග්රීවසහිතෝබලී ॥ 14 ॥
සමුද්රංසබලස්තීර්ත්වාමූලංනඃපරිකෘංතති ।
හංතපශ්යස්වලංකායාවනාන්යුපවනානි ච ॥ 15 ॥
සේතුනාසුඛමාගම්යවානරෛකාර්ණවීකෘතම් ।
යේරාක්ෂසාමුඛ්යතමාහතාස්තේවානරෛර්යුධි ॥ 16 ॥
වානරාණාංක්ෂයංයුද්ධේ න පශ්යාමිකදාචන ।
නචාපිවානරායුද්ධේජිතපූර්වාඃකදාචන ॥ 17 ॥
තදේතද්භයමුත්පන්නංත්රායස්වේමාංමහබල ।
නාශයත්වමිමානද්යතදර්ථංබෝධිතෝභවාන් ॥ 18 ॥
සර්වක්ෂපිතකෝශං ච ස ත්වමභ්යවපද්යමාම් ।
ත්රායස්වේමාංපුරීංලංකාංබාලවෘද්ධාවශේෂිතාම් ॥ 19 ॥
භ්රාතුරර්ථේමහාබාහෝ කුරුකර්මසුදුෂ්කරම් ।
මයෛවංනෝක්තපූර්වෝහිකශ්චිද්භ්රාතඃ පරංතප ॥ 20 ॥
ත්වය්යස්තිමමස්නේහඃපරාසංභාවනා ච මේ ।
දෛවාසුරේෂුයුද්ධේෂුබහුශෝරාක්ෂසර්ෂභ ॥ 21 ॥
ත්වයාදේවාඃප්රතිව්යූහ්යනිර්ජිතාශ්චාසුරායුධි ।
තදේතත්සර්වමාතිෂ්ඨවීර්යංභීමපරාක්රම ॥ 22 ॥
න හි තේ සර්වභූතේෂු දෘශ්යතේ සදෘශෝ බලී ।
කුරුෂ්ව මේ ප්රියහිතමේතදුත්තමම් ।
යථාප්රියං ප්රියරණ බාංධවප්රිය ।
ස්වතේජසා විධම සපත්නවාහිනීම් ।
ශරද්ඝනං පවන ඉවෝද්යතෝ මහාන් ॥ 23 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ද්විෂෂ්ටිතමස්සර්ගඃ ॥
