śrīmadvālmīkīya rāmāyaṇē yuddhakāṇḍam ।
atha dviṣaṣṭitamassargaḥ ।
sa turākṣasaśārdūlōnidrāmadasamākulaḥ ।
rājamārgaṃśriyājuṣṭaṃyayauvipulavikramaḥ ॥ 1 ॥
rākṣasānāṃsahasraiśchavṛtaḥparamadurjayaḥ ।
gṛhēbhyaḥpuṣpavarṣēṇakīryamāṇastadāyayau ॥ 2 ॥
sa hēmajālavitatambhānubhāsvaradarśanam ।
dadarśavipulaṃramyaṃrākṣasēndranivēśanam ॥ 3 ॥
sa tattadā sūrya ivābhrajālam ।
praviśya rakṣōdhipatērnivēśanam ।
dadarśa dūrē'grajamāsanastham ।
svayambhuvaṃ śakra ivāsanastham ॥ 4 ॥
bhrātussabhavanaṅgachChanrakṣōgaṇasamanvim ।
kumbhakarṇaḥpadanyāsairakampayatamēdinīm ॥ 5 ॥
sō'bhigamyagṛhambhrātuḥkakṣyāmabhivigāhya cha ।
dadarśōdvigannamāsīnaṃvimānēpuṣpakēgurum ॥ 6 ॥
athadṛṣṭavādaśagrīvaḥkumbhakarṇamupasthitam ।
tūrṇamutthāyasaṃhṛṣṭaḥsannikarṣamupānayat ॥ 7 ॥
athāsīnasyaparyaṅkēkumbhakarṇōmahābalaḥ ।
bhrāturvavandēcharaṇaukiṅkṛtyamitichābravīt ॥ 8 ॥
utpatyachainammuditōrāvaṇaḥpariṣasvajē ।
sa bhrātrāsampariṣvaktōyathāvachChābhinanditaḥ ॥ 9 ॥
kumbhakarṇaśśubhandivyampratipēdēvarāsanam ।
sa tadāsanamāśrityakumbhakarṇōmahābalaḥ ॥ 10 ॥
saṃraktanayanaḥkrōdhādrāvaṇaṃvākyamabravīt ।
kimarthamahamādṛtyatvayārājanvibōdhitaḥ ॥ 11 ॥
śaṃsakasmādbhayantē'trakō'dyaprētōbhaviṣyati ।
bhrātaraṃrāvaṇaḥkruddhaṅkumbhakarṇamavasthitam ॥ 12 ॥
īṣattuparivṛttābhyānnētrābhyāṃvākyamabravīt ।
adyatēsumahānkālaśśayānasyamahābala ॥ 13 ॥
sukhitastvaṃ na jānīṣēmamarāmakṛtambhayam ।
ēṣadāśarathīrāmaḥsugrīvasahitōbalī ॥ 14 ॥
samudraṃsabalastīrtvāmūlannaḥparikṛntati ।
hantapaśyasvalaṅkāyāvanānyupavanāni cha ॥ 15 ॥
sētunāsukhamāgamyavānaraikārṇavīkṛtam ।
yērākṣasāmukhyatamāhatāstēvānarairyudhi ॥ 16 ॥
vānarāṇāṅkṣayaṃyuddhē na paśyāmikadāchana ।
nachāpivānarāyuddhējitapūrvāḥkadāchana ॥ 17 ॥
tadētadbhayamutpannantrāyasvēmāmmahabala ।
nāśayatvamimānadyatadarthambōdhitōbhavān ॥ 18 ॥
sarvakṣapitakōśaṃ cha sa tvamabhyavapadyamām ।
trāyasvēmāmpurīṃlaṅkāmbālavṛddhāvaśēṣitām ॥ 19 ॥
bhrāturarthēmahābāhō kurukarmasuduṣkaram ।
mayaivannōktapūrvōhikaśchidbhrātaḥ parantapa ॥ 20 ॥
tvayyastimamasnēhaḥparāsambhāvanā cha mē ।
daivāsurēṣuyuddhēṣubahuśōrākṣasarṣabha ॥ 21 ॥
tvayādēvāḥprativyūhyanirjitāśchāsurāyudhi ।
tadētatsarvamātiṣṭhavīryambhīmaparākrama ॥ 22 ॥
na hi tē sarvabhūtēṣu dṛśyatē sadṛśō balī ।
kuruṣva mē priyahitamētaduttamam ।
yathāpriyaṃ priyaraṇa bāndhavapriya ।
svatējasā vidhama sapatnavāhinīm ।
śaradghanaṃ pavana ivōdyatō mahān ॥ 23 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē dviṣaṣṭitamassargaḥ ॥
