śrīmadvālmīkīya rāmāyaṇē yuddhakāṇḍam ।
atha saptasaptatitamassargaḥ ।
nikumbhōbhrātarandṛṣṭavāsugrīvēṇanipātitam ।
pradahannivakōpēnavānarēndramavaikṣata ॥ 1 ॥
tatassragdāmasannaddhandattapañchāṅgulaṃśubham ।
ādadēparighaṃvīrōmahēndraśikharōpamam ॥ 2 ॥
hēmapaṭṭaparikṣiptaṃvajravidrumabhūṣitam ।
yamadaṇḍōpamambhīmaṃrakṣasāmbhayanāśanam ॥ 3 ॥
tamāvidhyamahātējāśśakradhvajasamantadā ।
ninanādavivṛttāsyōnikumbhōbhīmavikramaḥ ॥ 4 ॥
urōgatēnaniṣkēṇabhujasthairaṅgadairapi ।
kuṇḍalābhyāṃ cha chitrābhyāmmālayā cha vichitrayā ॥ 5 ॥
nikumbhōbhūṣaṇairbhātitēnasmaparighēṇa cha ।
yathēndradhanuṣāmēghassavidyutstanayitnumān ॥ 6 ॥
parighāgrēṇa pusphōṭa vātagranthirmahātmanaḥ ।
prajajvāla saghōṣaścha vidhūma iva pāvakaḥ ॥ 7 ॥
nagaryāviṭapāvatyāgandharvabhavanōttamaiḥ ।
satāragrahanakṣatraṃsachandraṃsamahāgraham ॥ 8 ॥
nikumbhaparighāghūrṇambhramatīvanabhasthsalam ।
durāsadaśchasañjajñēparighābharaṇaprabhaḥ ॥ 9 ॥
kapīnāṃsanikumbhāgniryugāntāgnirivōtthitaḥ ।
rākṣasāvānarāśchāpi na śēkusspanditumbhayāt ॥ 10 ॥
hanūmāṃstuvivṛtyōrastasthautasyāgratōbalī ।
parighōpamabāhustuparighambhāskaraprabham ॥ 11 ॥
balībalavatastasyapātayāmāsavakṣasi ।
sthirētasyōrasivyūḍhēparighaśśatadhākṛtaḥ ॥ 12 ॥
vikīryamāṇassahasāulkāśatamivāmbarē ।
sa tutēnaprahārēṇavichachālamahākapiḥ ॥ 13 ॥
parighēṇasamādhūtōyathābhūmichalē'chalaḥ ।
tathābhihatastēnahanumān plavagōttamaḥ ॥ 14 ॥
muṣṭiṃsamvartayāmāsabalēnātimahābalaḥ ।
tamudyamyamahātējānikumbhōrasivīryavān ॥ 15 ॥
abhichikṣēpavēgēnavēgavān vāyuvikramaḥ ।
tataḥpusphōṭacharmāsyaprasusrāva cha śōṇitam ॥ 16 ॥
muṣṭinātēnasañjajñēmēghēvidyudivōtthitā ।
saḥtutēnaprahārēṇanikumbhōvichachāla ha ॥ 17 ॥
svasthaśchāpinijagrāhahanūmantammahābalam ।
chukruśustadāsaṅkhyēbhīmaṃlaṅkānivāsinaḥ ॥ 18 ॥
nikumbhēnōdyatandṛṣṭavāhanūmantammahābalam ।
tadāhriyamāṇō'pikumbhakarṇātmajēna ha ॥ 19 ॥
ājaghānānilasutōvajrakalpēnamuṣṭinā ।
ātmānammōkṣayitvāthakṣitāvabhyavapadyata ॥ 20 ॥
hanūmānunmamāthāśunikumbhammārutātmajaḥ ।
nikṣipyaparamāyattōnikumbhanniṣpipēṣa ha ॥ 21 ॥
utpatyachāsyavēgēnapapātōrasivīryavān ।
parigṛhya cha bāhubhyāmparivṛtyaśirōdharām ॥ 22 ॥
utpāṭayāmānaśirōbhairavannadatōmahat ।
athaninadatisāditēnikumbhēpavanasutēnaraṇēbabhūvayuddham ।
daśarathasutarākṣasēndrasūnvōrbhṛśataramāgatarōṣayōssubhīmam ॥ 23 ॥
vyapētētujīvēnikumbhasyahṛṣṭāvinēduḥplavaṅgādiśassasvanuścha ।
chachālēvachōrvīpaphālēvachadyaurbhayaṃrākṣasānāmbalañchāvivēśa ॥ 24 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē saptasaptatitamassargaḥ ॥
