ശ്രീമദ്വാല്മീകീയ രാമായണേ യുദ്ധകാംഡമ് ।
അഥ സപ്തസപ്തതിതമസ്സര്ഗഃ ।
നികുംഭോഭ്രാതരംദൃഷ്ടവാസുഗ്രീവേണനിപാതിതമ് ।
പ്രദഹന്നിവകോപേനവാനരേംദ്രമവൈക്ഷത ॥ 1 ॥
തതസ്സ്രഗ്ദാമസന്നദ്ധംദത്തപംചാംഗുലംശുഭമ് ।
ആദദേപരിഘംവീരോമഹേംദ്രശിഖരോപമമ് ॥ 2 ॥
ഹേമപട്ടപരിക്ഷിപ്തംവജ്രവിദ്രുമഭൂഷിതമ് ।
യമദംഡോപമംഭീമംരക്ഷസാംഭയനാശനമ് ॥ 3 ॥
തമാവിധ്യമഹാതേജാശ്ശക്രധ്വജസമംതദാ ।
നിനനാദവിവൃത്താസ്യോനികുംഭോഭീമവിക്രമഃ ॥ 4 ॥
ഉരോഗതേനനിഷ്കേണഭുജസ്ഥൈരംഗദൈരപി ।
കുംഡലാഭ്യാം ച ചിത്രാഭ്യാംമാലയാ ച വിചിത്രയാ ॥ 5 ॥
നികുംഭോഭൂഷണൈര്ഭാതിതേനസ്മപരിഘേണ ച ।
യഥേംദ്രധനുഷാമേഘസ്സവിദ്യുത്സ്തനയിത്നുമാന് ॥ 6 ॥
പരിഘാഗ്രേണ പുസ്ഫോട വാതഗ്രംഥിര്മഹാത്മനഃ ।
പ്രജജ്വാല സഘോഷശ്ച വിധൂമ ഇവ പാവകഃ ॥ 7 ॥
നഗര്യാവിടപാവത്യാഗംധർവഭവനോത്തമൈഃ ।
സതാരഗ്രഹനക്ഷത്രംസചംദ്രംസമഹാഗ്രഹമ് ॥ 8 ॥
നികുംഭപരിഘാഘൂര്ണംഭ്രമതീവനഭസ്ഥ്സലമ് ।
ദുരാസദശ്ചസംജജ്ഞേപരിഘാഭരണപ്രഭഃ ॥ 9 ॥
കപീനാംസനികുംഭാഗ്നിര്യുഗാംതാഗ്നിരിവോത്ഥിതഃ ।
രാക്ഷസാവാനരാശ്ചാപി ന ശേകുസ്സ്പംദിതുംഭയാത് ॥ 10 ॥
ഹനൂമാംസ്തുവിവൃത്യോരസ്തസ്ഥൌതസ്യാഗ്രതോബലീ ।
പരിഘോപമബാഹുസ്തുപരിഘംഭാസ്കരപ്രഭമ് ॥ 11 ॥
ബലീബലവതസ്തസ്യപാതയാമാസവക്ഷസി ।
സ്ഥിരേതസ്യോരസിവ്യൂഢേപരിഘശ്ശതധാകൃതഃ ॥ 12 ॥
വികീര്യമാണസ്സഹസാഉല്കാശതമിവാംബരേ ।
സ തുതേനപ്രഹാരേണവിചചാലമഹാകപിഃ ॥ 13 ॥
പരിഘേണസമാധൂതോയഥാഭൂമിചലേഽചലഃ ।
തഥാഭിഹതസ്തേനഹനുമാന് പ്ലവഗോത്തമഃ ॥ 14 ॥
മുഷ്ടിംസമ്വര്തയാമാസബലേനാതിമഹാബലഃ ।
തമുദ്യമ്യമഹാതേജാനികുംഭോരസിവീര്യവാന് ॥ 15 ॥
അഭിചിക്ഷേപവേഗേനവേഗവാന് വായുവിക്രമഃ ।
തതഃപുസ്ഫോടചര്മാസ്യപ്രസുസ്രാവ ച ശോണിതമ് ॥ 16 ॥
മുഷ്ടിനാതേനസംജജ്ഞേമേഘേവിദ്യുദിവോത്ഥിതാ ।
സഃതുതേനപ്രഹാരേണനികുംഭോവിചചാല ഹ ॥ 17 ॥
സ്വസ്ഥശ്ചാപിനിജഗ്രാഹഹനൂമംതംമഹാബലമ് ।
ചുക്രുശുസ്തദാസംഖ്യേഭീമംലംകാനിവാസിനഃ ॥ 18 ॥
നികുംഭേനോദ്യതംദൃഷ്ടവാഹനൂമംതംമഹാബലമ് ।
തദാഹ്രിയമാണോഽപികുംഭകര്ണാത്മജേന ഹ ॥ 19 ॥
ആജഘാനാനിലസുതോവജ്രകല്പേനമുഷ്ടിനാ ।
ആത്മാനംമോക്ഷയിത്വാഥക്ഷിതാവഭ്യവപദ്യത ॥ 20 ॥
ഹനൂമാനുന്മമാഥാശുനികുംഭംമാരുതാത്മജഃ ।
നിക്ഷിപ്യപരമായത്തോനികുംഭംനിഷ്പിപേഷ ഹ ॥ 21 ॥
ഉത്പത്യചാസ്യവേഗേനപപാതോരസിവീര്യവാന് ।
പരിഗൃഹ്യ ച ബാഹുഭ്യാംപരിവൃത്യശിരോധരാമ് ॥ 22 ॥
ഉത്പാടയാമാനശിരോഭൈരവംനദതോമഹത് ।
അഥനിനദതിസാദിതേനികുംഭേപവനസുതേനരണേബഭൂവയുദ്ധമ് ।
ദശരഥസുതരാക്ഷസേംദ്രസൂന്വോര്ഭൃശതരമാഗതരോഷയോസ്സുഭീമമ് ॥ 23 ॥
വ്യപേതേതുജീവേനികുംഭസ്യഹൃഷ്ടാവിനേദുഃപ്ലവംഗാദിശസ്സസ്വനുശ്ച ।
ചചാലേവചോർവീപഫാലേവചദ്യൌര്ഭയംരാക്ഷസാനാംബലംചാവിവേശ ॥ 24 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ സപ്തസപ്തതിതമസ്സര്ഗഃ ॥
